رواية أسر قلبي الفصل الثامن 8 بقلم ندى رأفت

       رواية أسر قلبي الفصل الثامن بقلم ندى رأفت

رواية أسر قلبي الفصل الثامن 

فتحت نغم عنيها ....

لقت نفسها في مكان غريب (مصنع مهجور ) وكمان مش مربوطه ..

نغم : انا فين ... وفجأه..فتح باب المصنع..ودخل منه راجل ووقف قدمها ...

نغم بصدمه : استاذ نبيل ...

لف نبيل الناحيه التانيه وقال : انا مش نبيل يا نغم ...

نغم وهي حاسه بشعور غريب  قالت : اومال انت مين ...

نبيل : انا آسر يا نغم ...

نغم بصدمه : آس..آسر ازاي ..انا بقول انك شبهه بس مستحيل تكون هو ..لأن آسر مات ..

لف آسر لنغم وقال :  لا يا نغم انا عايش ..

نغم مبقتش مستوعبه : طب ..ازاي انا مش فهمه حاجه ...انا شوفتك وانت واقع على الأرض..زيهم ..وبعدها بدأت تعيط وقالت : افتكرتك ..م*ت زيهم ....دا معناه ..إن هم عايشن ..يا آسر ..هاا قولي ..بابا وماما عايشين  ..وماما ناديه عايشه..وباباك ..

آسر بحزن : علشان كدا زورت موتي يا نغم ..علشان انتقم ..من الي عمل فيهم كدا ....

نغم بحزن ودموع : ومين ..الي عمل.. فيهم.. كدا ...

آسر بنبره فيها انتقام : السيوفي بيه ..

نغم : سيوفي ..مين ..

آسر : الي انتي تبقي قاعده انتي وهدير عنده في الفله .... 

نغم بصدمه : انت بتقول ايه ...مستحيل ...ازاي 

آسر : زي ما بقولك ..السيوفي بيه .. كان شربك مع بابكي وبابا ..في الشركه و قتل*هم ..علشان ياخد كل حاجه لي هو .. 

نغم بدموع : انا مش ..مصدقه ...طب هو خلاني عايشه معاه ليه انا وهدير ..طالما هو الي عمل كدا..طب مكان يقت*لنا...

آسر : عمل كدا ..علشان يشيل الشك من عليه أن هو الي قت*لهم ....المهم يا نغم الي عايز اقولهولك..انك لازم تاخدي بالك من نفسك انتي وهدير ..لغايه ما اخدكم من هناك في الوقت المناسب ..

نغم : طب وهو إيه الوقت المناسب وليه مينفعش  دلوقتي ....

آسر : لان محدش ..لازم يعرف اني عايش وبالذات هما ...لغايه ما انفذ انتقامي ..

نغم بخوف ودموع  : بس دا باينلو مش سهل يا آسر ..وانا مش عايزه اخسرك تاني ...

آسر مسح دموعها وقال : متخافيش ..إن شاء الله كل شئ معمول حسابه ..ومش هيحصل حاجه ..

نغم :آسر ..طب  .. هو فارس ..ليه علاقه بالموضوع او عارف بالي عمله ابوه ..دا هو الي انقذني انا وهدير .. 

كور آسر إيده وقال بعصبيه : وانتي يهمك ..فارس في إيه ...بس ..عموما ..انا معرفش ..إن كان عارف ولا ..

نغم : اكيد فارس هيهمني ..فارس زي اخويا وصحبي ...

آسر بمشاكسه : اه صح ..فارس كان صحابك ..طب وانا كنت ايه اصلي مش فاكر ...

نغم بكسوف : آنت ...بص انا كمان مش فاكره ...وبعدين قالت بتوتر : وانا ايه الي يأكدلي انك آسر مش يمكن بتضحك عليا .. 

آسر : بقا بعد كل الي حكتهولك دا وبضحك عليكي .. طب ماشي ..عدي كدا من واحد لميه وانا هستخبى بس متغشيش ...

ضحكت نغم وقالت : مبغشش انا ..

ابتسم آسر ابتسامه جذابه وقال : ها اتاكدتي ...

نغم بفرحه : اه اتاكدت ..دا هدير هتفرح اوي لما تشوفك ..

آسر : والله انا هفرح اكتر ..بس متقلقيش انا هشوفها انهارده ...

نغم : انهارده ازاي  .

آسر : انتي متعرفيش ..فارس عامل حفله عنده انهارده  في الفله بسبب افتتاح اول  مشروع بيني وبينه ..فأنا هاجي ...

نغم بفرحه : يعني اقول لهدير ..

آسر : لا متقوليش ..ليها ..دي لسه صغيره  ...وممكن ..تقول ..فمتقوليش احسن  حاجه ..فهمتي ..

نغم بحزن : فهمت ..

.وفجأه تليفون آسر رن ..راح بص آسر على الرقم ..وفجأه..ملامح وشه اتغيرت ...وقفل ..

نغم : في إيه يا آسر ..

آسر بتوتر : نغم ..كنت عايز ..اقولك ..حاجه ..بس ..لازم تفهمي انا عملت كدا ليه  ..

نغم بقلق : في إيه يا آسر قلقتني ...

وكان لسه آسر هيتكلم فجأه رن تليفون نغم فبصت وقالت بصدمه : دي عمه فارس دا انا اتاخرت اوي عليهم...انا لازم امشي ...علشان ميشكوش في حاجه ..فين الشنط الي انا اشترتها يا آسر..

آسر : في العربيه الي هتوصلك ..عند أول الشارع ..بره ..وبعدها تقدري تركبي اي حاجه وتروحي بيها الفله ..ومتقلقيش محدش هيحس بحاجه ..

نغم بفرحه : ماشي ..يا آسر ..نتقابل بليل ..

الكاتبه :Miyano shiho(ندى رأفت ) 

بليل ..في اوضه نغم وهدير ..

هدير : مالك يا نغم ..من ساعه ما رجعتي من برا وانا حسه ان في حاجه غريبه ..

نغم : غريبه زي اي يعني ..

هدير : حساكي مبسوطه ..وكدا ..

نغم : وفيها لما اتبسط ..وبعدين في حد يشوفك يا جميل ومبسطش بردو ..

ضحكت هدير وقالت : ماشي ...

فجأه نغم قالت : انا سامعه صوت ناس  تحت ..شكل آسر وفارس جم ...

هدير بأستغراب : آسر ..

نغم بتوتر : قصدي ..نبيل وفارس ...

انا خارجه ثواني ..وراجعه ...وخرجت نغم ..وبعد فتره صغيره اتبعت رساله على موبيل هدير ..ففتحتها وبصت ...راحت قفلت الرساله ورمت الموبيل وابتدت تعيط جامد وقالت : سمحيني يا نغم ..وبعد كدا طلعت علبه الزيت الي ادتهلها بسنت ...وفضلت تبصلها بكسره ...

وعند نغم ..نزلت من على السلم وهي مبسوطه ..ولفت ..لقت نبيل وفارس قاعدين..بس الي شدها إن في واحده قاعده جنب نبيل ...

نغم من جوا نفسها: ...مين دي ... وراحت ..وقالت : ازيك يا فارس ..ازيك يا نبيل ..وبعد كدا بصت على الوحده الي قاعده جنبه ..راحت ..قامت وقالت بغي*ظ : انا نور زوجه نبيل بيه ..وبعدها حضنتها وقالت جنب أذنها ..بصوت واطي : او نقول آسر بيه ولا إيه نغم ....وبعدها سابتها وقالت : اتشرفت بيكي جدا يا انسه ...

نغم بصدمه وهي بتبص لنبيل الي هو بصصلها بندم ..قالت : نغم ..اسمي ..نغم وبعدها قالت : عن إذنكم ... وسابتهم ...وطلعت .....وهي في حاله صدمه وكانت ماسكه ..دموعها بالعافيه بس مقدرتش ودخلت اوضتها ..وقعدت تعيط ... 

تحت آسر بص لنور بقرف ... 

فارس : هو ايه الي حصل لنغم  ...هي طلعت تاني ليه ..

نور : شكلها ..تعبانه او مبتحبش جو الحفلات وكدا ..

فارس بأستغراب  : هو احنا لسا بدأنا ..حاجه اصلا .. مش مهم شكلها تعبانه فعلا .....

فوق عند نغم ..

نغم كانت بتعيط جامد بصوت ..مسموع...فجأه..دخلت هدير عليها الاوضه ...وقالت بصدمه : إيه دا مالك يا نغم ...

نغم مسحت دموعها بعنف وقالت: لا ..مفيش حاجه ..يا حبيتي ...

هدير : مفيش ازاي..انتي مش شايفه انتي بتعيطي جامد اوي ...

نغم : قولتلك مفيش ..وبعدها دخلت غسلت وشها وطلعت ...

هدير بتوتر : هاا بقيتي كويسه ..طب مش هتقوليلي مالك ..

نغم : اه يا حبيبتي ... بقيت كويسه ومتقلقيش مفيش حاجه ..

هدير بتوتر : طب نغم انا كنت عايزه اخرج ..

نغم : دلوقتي يا هدير ...

هدير بتوتر : علشان خطري ..انا نفسي اخرج ..معاكي..وبالمره تغيري جو ..

نغم بحب وحزن لسه على وشها : خلاص ماشي يا حبيبتي ..انا كدا كدا جاهزه..وشكلك انتي كمان جاهزه..يلا تعالي..ننزل نغير جو شويه ..

هدير بفرحه مصطتنعه : شكرا يا نغم ..

وبعدها خرجت نغم هي وهدير من الاوضه ...

نغم جوا نفسها بحزن  : بالمره تشوف..اخوها ...وهو يشوفها ..وبعدها وصلت عند السلم ...وهي مش واخده بالها ..راحت وقفت هدير وراها ..راحت بصت نغم عليها وقالت : إيه يا هدير ..مش هتنزلي ...فجأه جت بسنت وقفت جنب هدير ...

نغم : في ايه يا بسنت عايزه ايه ...

بسنت : ...

نغم : يلا يا هدير خلينا نمشي ...

هدير والدموع في عنيها : سمحيني ..يا نغم ...وبعد كدا زقتها على السلم...حاولت نغم تقف ...بس مقدرتش ..وخدت السلم كله من أوله لاخره...وبعدها وقعت في آخر السلم وهي سايحه في د*مها ...بص نبيل وفارس بسرعه بعد ما حسوا بصوت هبد جامد ..فنصدموا ..هما الاتنين وقاموا بصدمه  وقالو في نفس  واحد بزعيق : نغممممم........................

يتبع الفصل التاسع اضغط هنا 

• الفهرس يحتوي على جميع فصول الرواية كاملة :"رواية أسر قلبي" اضغط على اسم الرواية