رواية جواز بالاجبار الفصل التاسع بقلم هاجر محمد
رواية جواز بالاجبار الفصل التاسع
ابو حنين: متقدملك عريس والفرح الخميس اللي بعد الجاي
حنين بصدمه: ايه 😳ازاي يا بابا
ابو حنين: اللي سمعتيه وانا مش باخد رأيك انا بعرفك
حنين: ازاي يا بابا مينفعش
ابو حنين: هو ايه اللي مينفعش انا قولت كلمه وخلاص الموضوع خلص
حنين: يا بابا ازاي انا لا شوفته ولا اعرفه ولا اعرف حتي اسمه ولا كام سنه وبعدين انا مش هتجوز بالطريقه ده
ابو حنين: اسمه مالك وعنده 32 سنه وصاحب شركات كبيره وغني وهيخليكي تلعبي بالفلوس لعب ودفع فيكي كتير
حنين بصدمه من كلام والدها: دفع فيا كتير بعتني بالفلوس يا بابا
ابو حنين: اسمعي بقى اللي هقوله الراجل جاي بكره يكتب الكتاب واحتمال ميعملش فرح كمان
حنين: هترميني الرميه دي عشان الفلوس
ابو حنين: اللي عندي قولته خلاص والراجل جاي بكره عشان تشوفيه اجهزي
دخلت حنين اوضتها تعيط واتصلت علي حور
حنين ببكاء: الو يا حور الحقيني
حور: اهدي بس في ايه بتعيطي ليه ايه اللي حصل
حنين: بابا هيجوزني او بالمعنى الاصح هيبيعني للي يدفع اكتر
حور: طيب اهدي بس اهدي وانا هقول لزين وهنحل الموضوع إن شاءلله بس اهدي
حنين: اهدى ايه بس ده جاي يشوفني بكره والفرح الخميس اللي بعد الجاي ووكمان اكبر مني ب عشر سنين
حور: طب خلاص اهدي وانا هقول لزين
قفلت حور مع حنين
زين: ايه اللي حصل يا حور
حور: حنين باباها عاوزها تتجوز
زين: طب ما تتجوز
حور: بتقولي باباها هيبيعها بالفلوس للي يدفع اكتر واكبر منها ب عشر سنين
زين: طيب خلاص انا هتصرف
حور: هتعمل ايه
زين: هقول ل ادهم ونشوف
حور: وايه علاقه ادهم بالموضوع
زين: ادهم بيحب حنين يا حور
حور: بيحبها ازاي
زين: هو ايه اللي ازاي زي الناس بيحبها
حور: طيب قوله وحاولو تتصرفو حنين بتكلمني وهي بتتكلم كانت بتعيط وبتقول انه رايح لهم بكره
زين: طيب خلاص خلاص انا هروح ل ادهم ونشوف هنعمل ايه معلش هسيبك شويه وراجع مش هتأخر
حور: طيب ماشي بس بلاش تتأخر
زين: حاضر
مشي زين وراح ل ادهم
ـــــــــــــــــــــــــــــــــــــــــــــــــــــ
عند زين
زين: الو انت فين يا ادهم
ادهم: بتسأل ليه
زين: اخلص مش وقتك انت فين
ادهم: طيب ياعم براحه مالك انا في الشركه
زين: تمام متتحركش انا جايلك
ادهم: حصل ايه طيب
زين: لما اجيلك هفهمك كل حاجه بس خليك عندك
ادهم: استر يارب حاضر
ـــــــــــــــــــــــــــــــــــــــــــــــــــــ
في مكان تاني
مجهول1:هي دلوقتي في المستشفى لوحدها ودي فرصتنا الوحيده عشان نخطفها
مجهول2:ليه ما تخليها ف اي وقت
مجهول1:يا غبي احنا عاوزين وقت زين مش موجود فيه وزين مرزوع معاها طول الوقت ودي فرصتنا الوحيده فهمت يا متخلف
مجهول2:فهمت فهمت خلاص انا هروح اجهز الرجاله
مجهول1:بسرعه قبل ما زين يرجع
مجهول2:حاضر حاضر
ـــــــــــــــــــــــــــــــــــــــــــــــــ
عند زين وادهم
ادهم: مش ناوي تقول بقى مالك وبتكلمني ومتسربع ايه ايه اللي حصل
زين: حنين
ادهم ب استغراب: مالها حنين
زين: هتتجوز
ادهم بعصبيه: نعم ازاي
زين: اهدى يا ادهم هفهمك
ادهم: تتفهمني ايه انت بتقولي هتتجوز وتقولي اهدى هفهمك اهدى ازاي
زين: هي مش هتتجوز بمزاجها
ادهم: ازاي
زين: بباباها غاصبها علي الجوازه وهي مش عاوزه تتجوز وقالت لحور انه رايح لهم بكره
ادهم: ومين سي زفت ده
زين: معرفش بس هي قالت انه اكبر منها ب عشر سنين ووإن باباها هيجوزها للي يدفع اكتر
ادهم: ده اب ده
زين: هنعمل ايه يعني
ادهم: انا عرفت هعمل ايه
زين: هتعمل ايه
ادهم: هتجوزها
زين: انت بتتكلم بجد
ادهم: اه بتكلم بجد انا هروح ل ابوها واكلمه
زين: ازاي ابوها خلاص هيجوزها الخميس اللي بعد الجاي
ادهم: لو ابوها مادي بالطريقة دي وهيجوزها للي يدفع اكتر هتجوزها
زين: ازاي ده رايح لهم بكره والفرح كمان اسبوع
ادهم: انا مش هستني لبكره ولا لبعد اسبوع انا هروح ابوها دلوقتي
زين: يبني استنى
ادهم: استنى ايه استنى لما تتتجوز وتضيع مني
زين:خلاص روح وانا راجع المستشفى لحور
ـــــــــــــــــــــــــــــــــــــــــــــــ
عند حنين
قاعده في اوضتها بتعيط
باب الشقه خبط قاقامت حنين لبست الخمار وفتحت
حنين: انت ايه اللي جابك ههنا
ادهم: ابوكي فين
حنين: جاي ليه يا ادهم
ادهم: اخلصي ابوكي فين
حنين: عاوز بابا ف ايه
ادهم: هتعرفي دلوقتي
حنين: بابا نايم جوا
ادهم:ادخلي صحيه
حنين: حاضر
دخلت حنين صحت باباها
ابو حنين: ممكن اعرف انت مين وجاي عاوزني ف ايه
ادهم: انا مدير االشركه اللي بنتك بتشتغل فيها وجاي اطلب ايدها
ابو حنين: بنتي فرحها الاسبوع اللي بعد الجاي خلاص
ادهم: ولو قولت لك اني هدفع اكتر من اللي دفعه
ابو حنين: ايوه يا بيه بس
ادهم بمقاطعه: مفيش بس ده اخر كلام
ابو حنين: اللي تشوفه يا بيه
ادهم: بنتك تبقى في بيتي بكره وهجيب والمأذون وهاجي اكتب عليها واخدها
ابو حنين: تحت امرك يا بيه
حنين: بس يا بابا انا مش عاوزه اتجوز
ابو حنين: بس اخرسي البيه قال كلامه وخلاص هيكتب كتابك بكره
حنين كانت لسه هتتكلم قاطعها ادهم
وقال:بكره هعدي عليكم نكتب الكتاب سلام
مشي ادهم ودخلت حنين تعيط
ـــــــــــــــــــــــــــــــــــــــــــــــــــ
عند حور
كانت قاعده مستنيه زين وفجأة
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية جواز بالاجبار" اضغط على اسم الرواية