رواية زهرة من الصعيد الفصل التاسع 9 بقلم رحاب مصطفى

        رواية زهرة من الصعيد الفصل التاسع بقلم رحاب مصطفى

رواية زهرة من الصعيد الفصل التاسع 

في صبح يوم جديد، ، يستيقظ ايهاب وهو يشعر بنشاط وسعاده غير العاده ونزل راح شغله وبعد قضاء يوم مهلك في العمل رجع البيت بيدور بعيونه في البيت علي زهره ومش شايفها وملقاش حل غير انو يسأل هبه اخته عنها، ، هبه هي زهره فين، ، هبه وهي حاسه بأستغراب انو بيسأل عليها لا وكمان مش عصبي وبيتخانق زي العاده

هبه / زهره في المكتب بتاع بابا من الصبح

وخبط ايهاب ودخلها المكتب

ايهاب / انتي قاعده هنا دوختيني عليكي من الصبح

رفعت زهره عنيها عن كم الاوراق التي امامها واجابته

زهره / انته كنت بتدور عليه ليه

ايهاب / وهو يجلس بجوارها،  كنت في المحكمه ودورت عليكي هناك وملقتكيش

زهره / انا مروحتش المحكمه النهارده

ايهاب / ليه انتي مش قلتي عندك شغل مهم

زهره / ايوه انا رحت المكتب كان فيه قضيه رفضها الاستاذ عبد الرحمن وانا حبيت امسك القضيه دي

ايهاب / والاستاذ عبد الرحمن رفضها ليه وانتي عايزاها ليه

زهره / الاستاذ بيقول انها خسرانه

ايهاب / ولما هي خسرانه هتمسكيها ليه

زهره / انا عندي احساس قوي بيقولي ان الراجل ده مظلوم والكلام في المحضر مش متفق وواضح جدا ان فيه لعب وفي حاجه مش مظبوطه

ايهاب / وهو ينظر للمحضر، وريني كده، وهو بيقراء المحضر،  بس يازهره الراجل هنا معترف وده لوحده بينهي القضيه

زهره / طيب ليه متقولش انو اعترفه ده كان غصب عنو او تحت التهديد

ايهاب / انتي تقصدي ان الشرطه له دخل في خده

زهره / لا مش قصدي كده، والشرطه بعيده عن كده،  لكن بص معايه كده ده راجل بصيت شغال محاسب في كافيه وحالته المديه علي قده وساكن في شقه ايجار في حي شعبي تفتكر واحد بالظروف دي ممكن يكون شغال في المخدرات والتهريب،  ده اقلها يكون ساكن في بيت ملك ومش شغال تحت رحمت حد،  لا وكمان يلاقوه معاه خمسه كيلو هروين ومبلغ حوالي مليون ومئتين الف ، وتبق ظروفه كده، ، يا ابني انا رحت عندو البيت وشفت امه ومراته وولادوه،  حالتهم الماديه صعبه جدا،  ومستحيل راجل زي ده يكون بيتاجر في المخدرات،  

ايهاب / علي فكره المظاهر بتغش ومتأخديش بالمظهر اللي قدامك وبعدين مش جايز هو بيوهم الناس بظروفه دي علشان محدش يشك فيه،  او ممكن يكون بيوصلها وليه عموله وراح هو لبس فيها

زهره / حتي لو بيوصلها يا ايهاب ده راجل غلبان قوي،  وكمان مستحيل يكون بيداري في ظروفه ويعيش بالمنظر المادي اللي انا شفته فيه، ، ده الواحد يا اخي لو اشتغز بميت جنيه بيجري يجيب لعياله اللذ نفسهم فيه والله دول حالتهم تقطع القلب،  وبعدين انا شاكه ان صاحب الكافيه هو صاحب الحاجه دي وبيشتغل في المخدرات ولبسها للراجل الغلبان ده علشان يطلع منها هوه

ايهاب / وايه اللي خلاكي شاكه كده

زهره / بص معايه الراجل ده عنده كافيه في وسط البلد ودخله الشهري من خلال الكافيه ميخلينيش اعيش في فله كبيره ويبق عندي عربيات اخر موديل ليه ولعيالي العيشه اللي هو عايشها تقول انو صاحب مركز راجل اعمال كبير كمان مشقليل، ، لكن كا صاحب كافيه ميبقاش عايش العيشه دي وانا حاسه ان الكافيه ده تمويه للتجاره والشغل الممنوع

ايهاب / وهو ينظر لها بتركيز ومتأكد وعندو يقين قوي انها هي صح. لكن خوفه عليها غلبه،  خدي بالك يازهره وبلاش منها القضيه دي لان لو كلامك صحيح يبق انتي بتفتحي علي نفسك ابواب ملهاش لازمه الناس اللي زي دي مبترحمش،  ولو كده كان قبلها الاستاذ عبد الرحمن ومكنش رفضها من الاول

زهره / علي فكره عيب لما تكون ظابط شرطه وتقول كده ده انته المفروض انك اول واحد تدور علي الحقيقه مش تقلي ابعدي وبلاش منها وفي واحد بريئ وغلبان ممكن يروح فيها

ايهاب / ياحبيبتي انا خايف عليكي

زهره / وجميع حواسها توقفت عن العمل وهي بتقول لنفسها،  هو قال حبيبتي ولا انا متهيألي

ايهاب / وهو بيطرق بصوابعه قدام وشها،  ايه رحتي فين

زهره / بتوهان هااا لاابد مفيش بس القضيه شغلاني قوي

ايهاب / وهو بيلملم الورق من قدامها ويركنه علي جمب،  طيب ممكن بقا نقفل كل الورق ده وكفايه شغل كده دي هبه قلتلي انك هنا من الصبح

زهره / ليه هي الساعه كام دلوقتي،  وتنظر للساعه اللي في ايد ايهاب،  نهار اسود دي الساعه خمسه ،، معقول انا قعدت كل ده ومش حاسه

ايهاب / وهو ينظر لعيونها انتي نسيتي نفسك خالص ده احنا بقينا بعد العصر ، واكيد مكلتيش حاجه من الصبح

زهره / ياه تصدق اني كنت جعانه ونسيت وانا اقول انا ناسيه ايه

ايهاب / وهو بيضحك جامد من طريقة كلامها علي الاكل، ، وضحكته سحرتها وتوهتها، ، بقا في حد ينسا ياكل يازهره ،  وبالزات اني 😆

وهي متنحه قدامه ومش بترد.  

ايهاب وهو تايه في عيونها وشفايفها وشكلها اللي سحره وتوهو ونساه نفسه، ،انتي جميله اوي يازهره

وهي تشعر بالرتباك وخدودها تحمر من الخجل 🙈 ، هو اااا انتي حبيتي قبل كده،  وكان بيسألها وخايف جدا من اجابتها وخاف احسن يكون لها حبيب،  

زهره / وهي بتاحول انها تفوق من احساسها بيه، ،هااا انا

ايهاب / ايوه انتي ايه رحتي فين هاا كان ليكي حبيب في الجامعه او في البلد يعني كده

زهره / بسرحان وهمس حبيتك انته ، ومكنتش حاسه بنفسها وهي بتهمس وبتعترف بحبها ليه

ايهاب / وهو سمعها كويس رغم انها كانت بتهمس لكن حب يتأكد من اللي سمعه، ، ايه بتقولي ايه

زهره/ وهي بتستجمع قواها، ، حبيتكم انتم حبيت عيلتي كلها ماما وبابا الله يرحمهم رغم اني كنت صغيره جدا لما سابوني لاكن فكراهم كويس وحبيت جدي قوي ربنا يرحمه وحبيت عمي كمال وطنت عليا وهبه وشهاب وانته ومش عايزه حب تاني غيركم، ، وزهره حبت تعرف هو كمان كان ليه حبيبه

وانته حبيت او عندك حبيبه اوااا

ايهاب / بتوهان،  عندي حبيبه وشكلي كده بحبها قوي يازهره ويمكن اكون بعشقها كمان مش بس بحبها

زهره / وهي تشعر بالضيق،  يابختها بيك

ايهاب / ويابختي انا كمان بيها، ، اه لو تشوفيها يازهره ، جميله قوي ،، عيونها فيها سحر غير طبيعي لما ببصلها بتوه عن الدنيا كلها، ، وهو ينظر لعيونها بتوهان تحبي اوصفهالك

زهره / وهي تهز رئسها من تحت لفوق بدون كلام 

ايهاب / وهو بيبصلها بعشق واضح جدا في عيونه، شعرها اسود طويل زي شعر الخيل ، والحواجب ختطم بأيد رسام، والعيون اه من العيون سحرها مبينيمنيش الليل ، والشفايف كا قطعت كرز وبيهمس لنفسه نفسي  اتدوق طعمها،  وفي كل قطعه يصفها بيبصلها ،، ونظراتها شعرتها بالخجل والارتباك 🙈 ايهاب / وهو يستشعر خجلها،  رغم انها دبدوبه شويه بس جميله جدا ومثيره جدا

زهره / وهي بتحمحم احم احم اا شكلك بتحبها قوي

ايهاب / قوي قوي يا زهره بحبها اوي وشبهك قوي عارفه اسمها ايه،

زهره / بدون وعي بترد بسرعه اسمها ايه

وفي لحظه كان هيقولها انتي، ، لكن دخل هادم اللزات، دخلت هبه عليهم، ، ولقيتم بيبصو لبعض قوي 

هبه / ايه جيت في وقت مش مناسب ولا ايه

ايهاب بيبصلها  وبيقولها في اختراع اسمو باب بنخبط عليه قبل ما ندخل

هبه / ليه هو انا داخله مكتبك في القسم

ايهاب / وهو خارج وبيخبطها علي قفها اتنيلي وسابها وخرج

هبه / وهي بتبص علي زهره اه ايده تقيله قوي، ، لكن ملقتش رد من زهره كأنها مش موجوده، ، ووقفت هبه قدامها ،،

ايه ياست السرحان ده كله حب جديد ده ولا ايه 

زهره / وهي بتقوم من المكتب وبتضربها علي قفها زي ايهاب، ، اتنيلي، وبرضو سابتها وخرجت

هبه / وهي بتحط ايديها علي قفها في ايه مالكم هو انا الملطشه بتاعتكم ولا ايه، ،انتو تحبو وانا اتضرب 😠

مر يومين ومفيش حاجه حصلت بين زهره وايهاب غير نظرات بس نظرات بتتكلم وبتحمل معاني كتيره وواضحه جدا،للي حوليهم واضحه انها نظرات عشق وحب

وفي يوم جات هبه تستأذن والدها انها تروح عيد ميلاد ميار صحبتها ، للعلم ان ميار مصاحبه هبه علشان ايهاب وكان فيه علاقه بين ميار وايهاب، ، علاقه جريئه،  وايهاب كان مانع هبه من صحبتها ميار بسبب سوء اخلاقها وكمان تبق بنت عم عمار صحاب ايهاب، ، وكانت عامله عيد ميلادها في نايكلاب والحيله عندهم فري خالص

هبه / والنبي يابابا خليني اروح انا وزهره ومش هنتأخر

كمال / ماينفعش تروحو اماكن زي دي لوحدكم

هبه / وماله يابابا اصحابي كلهم هيكونو هناك

كمال / ماينفعش ياحبيبتي انا مش بتطمن عليكم لوحدكم

هبه / خلاص  شهاب يوح معانا وكمان ايهاب اكيد هيروح

كمال / وانتي ايه عرفك ان ايهاب هيروح

هبه / ماهي ميار بنت عم عمار صاحبه وعمار هيكون هناك واكيد ايهاب هيروح مع عمار 

كمال / خلاص روحو وشهاب يبق معاكم. علشان لو ايهاب مارحش يكون شهاب معاكم ومتتأخروش

هبه / حاضر ايا احلا اب في الدنيا،  وباسته علي خده وجريت علشان تجهز للحفله

هبه / عند زهره بت يازهره يله جهزي نفسك بسرعه. بابا وافق اننا نروح الحفله

زهره / رضي بسهوله كده مش معقول

هبه / لا يا اختي مش بسهوله وافق لما قلتلو شهاب يروح معانا وكمان ايهاب هيكون هناك

زهره / ايه ايهاب هيكون هناك

هبه / ايوه يله بقا اخلصي بسرعه هنتأخر،  وانا هروح البس

زهره وقفت قدام الدولاب محتاره تلبس ايه واللي ان ايهاب هيكون موجود وعايزه تظهر بمظهر حلو ولازم تكون مميزه،  لبس فستان اسود طويل بكمام ضيق عند الصدر ونازل علي واسع بسيط  رغم ان الفستان محتشم وبسيط الا انو اظهر مفاتنها وانوثتها وجمال جسمها خصوصآ ان زهره مليانه شويه ومليانه اكتر  من  تحت بالفستان والميكب اللي اول مره تحطه طلعت جميله كأنها مرسومه رسم،  ورفعت شعرها لفوق في فرمه مميزه،  فكانت مثيره جدا جدا،  وذهبو ثلاثتهم لحفل عيد ميلاد صحبت هبه، ميار اللي كانت عملاه في نيكلب عباره صالة ديسكو شرب خمره عادي ورقص واخر قلت ادب ،

روح ايهاب البيت واول مادخل قابل والده في وشه

كمال / ايه ده هو انته مروحتش الحفله ولا ايه

ايهاب / وهو يعقد مابين حواجبه،  حفلت ايه

كمال / عيد ميلاد ميار صحبت هبه

ايهاب / وانا هروح ليه

كمال / هبه قالتلي انها قريبت عمار صاحبك وانك رايح الحفله

ايهاب / لا مش رايح انا حاسس اني تعبان شويه، اومال فين شلت المجنين

كمال / ههههه والله عندك حق مجنين مجنين يعني،  هبه وزهره وشهاب راحو الحفله

ايهاب / بأنفعال راحو فين انا مش منبه علي هبه تقطع علاقتها بالبنت دي ،، وبعدين اذاي توافق يابابا،  انته عارف هي عامله عيد ميلادها فين،  دي عاملاه في نايكلاب  رقص وخمره وقرف 

كمال / يا ابني ماهو شهاب معاهم وبعدين هم مقالوش في شرب وقرف زي مابتقول وانا وافقت لما عرفت انك رايح معاهم وشهاب معاهم

ايهاب / ومين قال اني هروح، ، بعد ازنك يا بابا انا هروح اجيبهم، ، وخرج ايهاب يجري علشان يجيبه

للعلم ان ايهاب كان علي علاقه بميار واكتر من مره منع هبه من صحبيتهم لبعض بسبب سوء اخلاقها

وصلت هبه وزهره المكان واستقبلتهم ميار وكانت ترتي فستان فوق الركبه بكتير ومبين اكتر مابيخفي واقل ما يقال عنه قميص نوم قصير وديق لاصق في جسمها كنو جلد تاني عليه وكان لونه احمر ناري 

ميار /  بيبه حبيبتي وحشتيني،  وقربت من هبه واخدتها بالحضن، وحشتيني ليه كتير مشفتكيش،  وسلمت علي شهاب. ، ايه ده هو ايهاب مجاش معاكم

هبه / لا مجاش وهو ميعرفش اصلا اننا جاين

ميار / انا كلمتو وعزمتو واكدت عليه انه يجي وهو اكيد هيجي لانو مستحيل يفوت عيد ميلادي وميجيش، ، ونظرت لزهره. وهي عارفها، ، لكن كانت متجهلاها وعامله نفسها مخدتش بالها منها، ، ايه ده مين دي يا هبه

هبه / وهي بتقدم لها زهره. دي زهره بنت عمي. واختي

ميار / بتكبر،  هي دي زهره بنت عمك الصعيديه، ايهاب كلمني عنها، ، وبعدين ماهي جميله اهي اومال ايهاب رفضها ليه. ،

عقدت زهره مابين حواجبها وحبت تستفسر اكتر لانها شكت ان في حاجه بينها وبينه، ، رفضني رفضني ازاي يعني

في هذه اللحظه بيدخل ايهاب وبيقرب منهم وزهره بتلمحه وهو بيقرب منهم

ميار / بصراحه قال انك مش لونه ومش شبه خالص،  صعيديه رجعيه ومش من مستواه التفكيري،  رغم ان جوازكم كان بوصيه من جدكم بس هو قالي لو تكوني اخر واحده في الكون مستحيل انو يتجوزك  ، 

كان ايهاب لحظتها قرب منهم وباين علي ملامحه انه سمع كلام ميار وجيه علشان يتكلم لكن صدمته زهره بكلامها

زهره / معاكي حق انا مش لونه ولا شبهو لكن انتي لونه وشبهو وواحده زيك بس هي اللي تليق بيه بصراحه ماجمع الا لما وفق ، ،وكانت بتتكلم وعيونها في عيونه، ، في هذه اللحظه لمحت هبه ايهاب وهو واقف وراهم 

هبه / وهي مرتبكه ايهاب انته هنا ، ، في اللحظه دي لفت ميار عليه وهي بتتكلم بمياعه وبتترمي في حضنه 

ميار / هوبا حبيبي كنت خايفه موووت انك متجيش. وحشتني اوي ياحبيبي وهي بتبوسه علي خده، ، ونظرات ايهاب كلها علي زهره ،، ميار بدلع بجد ده احلا عيد ميلاد بعمري كله تعال ،  

ايهاب كان بيحاول يبعدها عنه علشان يعرف يكلم زهره لكن ميار مدتلوش فرصه انو يتكلم وشدتو من ايده، ، يله علشان نطفي الشمع ، وراحت عند الطربيظه كبيره تحتوي علي تورطه كبيره بخمس ادوار وحلويات كتير واشتغلت موسيقه بصوت عالي علي انغام اعياد الميلاد وكانت ميار واقفه في النص وماسكه ايد ايهاب هي وبتغني وتطفي الشمع، ، وزهره وهبه كانو وقفين بعيد

هبه / بتكلم زهره متزعليش يازهره هي ميار اصلا كلامها مستفذ وعلي فكره هي حاطه عينها علي ايهاب من زمان

زهره / بحزن ايوه فعلا علشان كده قالت اللي قالته، ، وبسخريه. لكن ياهبه تفتكري عرفت منين ان جدي حاتط وصيه مش غريبها انها تعرف حاجه زي دي، ، تكلمت ونظراتها كلها علي ميار وايهاب وعلي مياعت ميار وهي واقفه جمب ايهاب، ، عارفه بجد هي فعلا شبهو وبجد لايقين علي بعض. قالتها بحزن

هبه / ياهبه بس ايهاب دلوقتي، ، وقاطعتها زهره،  بقولك ياهبه ممكن ماتشغليش نفسك بحاجه وتروحي لصحبتك تقطعي معاها ااتورطه ،،

وذهبت زهره بعيد عن هبه وجلست بركن بعيد عن الاعين، ، وبيتقدم منها شاب يتراقص علي انغام ااموسيقه وهو بيقرب منها وماسك كأس وسكي

الشاب / قاعده بعيد ليه وهو بيمد يده لها بكأس الخمر ومابتشربيش ليه ، اتفضلي

زهره / لا شكرا انا مبشربش

الشاب / انتي خايفه تسكري، ، ده خفيف مبيسكرش

زهره / لا شكرا انا مبحبش الحجات دي 

الشاب / طيب اجيبلك عصير برتقال ومتقوليش لا مبشربش عصير البرتقال

زهره / لا طلام برتقال اوك هشرب، ، وذهب الشاب لاحضار البرتقال وزهره مشلتش عنيها عن ايهاب وميار وهما بيرقصو وبيتحركو في كل مكان

الشاب / وهو عند البار،  بقولك هات عصير برتقال وحط عليه شويت وسكي بس ماتكترش

واعطاه النادل العصير وذهب الشاب عند زهره واعطها العصير بخبث، ، وهي شوبته ومن كتر تركيزها مع ايهاب وشعورها بالضيق شربت العصير ومحستش بطعمه او انه مخلوط حاجه تانيه،  وشربت لحد ما خلصت الكوبايه كلها

الشاب /  ايه عجبك العصير

زهره / وهي تشعر بتثاقل في راسها وعدم اتزان، ، ايوه طعمه حلو،  وكانت بتتكلم بتقطيع

الشاب / اجيبلك تاني

زهره / اوك،  وهي بتهز راسه

وذهب الشاب لاحضار كوب اخر من عصير البرتقال الممزوج بالخمر، ، وبعد ما شربتها الكوب الاخر فقدت اتزانها واصبحت تترنح مثل السكاره ، رغم قلت ما شربته من الوسكي

الشاب / تيجي نرقص

زهره / تؤتؤ الرقص ده مش حلو ومش بحب ارقص كده

الشاب / اومال بتحبي ترقصي ازاي

زهره / صعيدي ،،  لحظه واحده انا هوريك الرقص الصعيدي

وذهبت زهره في منتصف الصاله الرقص وابتدت تتمايل علي اتغام الموسيقه الشرقيه بعد ما طلبت تغير الموسيقا لموسيقا شرقي ومع جمال جسمها الممتلأ من الاسفل رقصها كان مثير جدا لدرجت ان الكل اتلم حواليها يتفرج علي جمال رقصها وجسمها المغري المثير الذي جعل جميل الرجال يشتهوها وهي بترقص وبتتمايل ولا تعي لما تفعل بسبب سكرها ،، في هذه اللحظه كان ايهاب خارج الصاله يتحدث في التليفون وبعد ما خلص مكالمته تقدم للداخل ووجد شهاب اخيه بيدخل معاه

ايهاب / كنت فين يازفت وسايب البنات لوحدهم

شهاب / ايه ياعم كنت في الحمام ولا هو ممنوع ندخل الحمام ولا ايه

ايهاب / طيب اتفضل يافالح علشان نروح ،، ولما دخلو الصاله لقيو الجميع ملتف حولين بعضهم في زحمه كبيره

شهاب / هو ايه اللمه دي ،، في ايه هناك متلمين حواليه وبيصقفو ،،

ايهاب / تعال نشوف، ، واقترب ايها وهو يعقد مابين حواجبه بتركيز واذا يتفاجأ بأبنت عمه وهي  بترقص بهذا الغنج، ، ولم يشعر بنفسه الا وهو ضاربها بالقلم علي وشها 🙈

يتبع الفصل العاشر اضغط هنا

• الفهرس يحتوي على جميع فصول الرواية كاملة :"رواية زهرة من الصعيد" اضغط على اسم الرواية