رواية طفلتي العنيدة الفصل العاشر بقلم نانسي
رواية طفلتي العنيدة الفصل العاشر
لينزل جاك لتناول الطعام
جاك بمرح وهو يجلس على الطاولة : صباح الفل يا قوم
روز بصدمة وهي ترفع نظرها من الطبق : انت تاني
جاك بصدمة ايضا : انتي انتي بتعملي ايه هنا
مي ونانسي باستغراب وهم يرو تعابير وجوههم المنصدمة : انتو تعرفه بعض
روز بغضب وهي تنهض من مكانها : انت اللي بتعمل ايه هنا دا بيتي
جاك بسخرية : نعم بيتك ازاي انشاءلله بقولك دا بيتي انا جاك الحديدي
روز بقوة : وانا كمان روز الحديدي يعني دا بيتي انا كمان
جاك بغضب : ازاي يعن
ليقاطعه الجد بصرامة وصوت عالي : بااااس اسكته انتو الاتنين ايه مش عاملين احترام للكبار اللي معاكم ولا انا مت يعني
روز بسرعة واسف : لا طبعا بعد الشر عليك يا جدي انا اسفة
جاك بأسف : ايوة انا اسف يا جدي بس هي اللي عصبتني
روز بغضب : انا بردو يا بارد يا مستفز يا
الجد بتحذير وهو يقاطعها : روووووز
روز بتنهيدة : انا اسفة يا جدو بس هو اللي مستفز
لينظر لها جاك نظرة غضب وتوعد وهي تبادله بنظرة تحدي ولا مبالاة
الجد وهو ينظر لهم بخبث : بنات يلا جهزو نفسكم عشان هتروحه تشترو فساتين جديدة للحفلة وجاك هو اللي هيوصلكم
جاك باعتراض : بس يا جدي
الجد بصرامة ونبرة حازمة : انا مش عايز اعتراض من حد مفهوم وانت يا جاك هتروح توصل روز ونانسي ومي للمول وتستناهم وتجيبهم وتيجي فاهم
جاك بضيق : ليه انا مش سواق عند حد ما فيه عندنا عربيات كتير يركبه اي عربية والسواق يستناهم
الجد بصرامة: انا قلت ايه ياريت كلامي يتنفذ ثم اني مأمنش عليهم مع اي حد وخلاص ولا ايه
جاك وهو ينظر لروز التي تنظر اليه بأنتصار : حاضر يا جدي
الجد بخبث : تمام يلا مي روز نانسي اطلعو على اوضكم وجهزو نفسكم عشان تنزلو المول وتجيبه كل اللي ناقصكم
الفتيات في صوت واحد : فوووريرة يا جدو
ثم صعدت الفتيات الى غرفهم لكي يتجهزو للتسوق ( خدوني معاكم 😂😂)
..........................💝..........................
على الناحية الاخرى في شركات الحديدي
وفي مكتب ادم
كان شارد الذهن بهذه الفتاة التي احتلت تفكيره وشغلت عقله بها وبحركاتها الطفولية كان يفكر في اول مرة رأها في اسكندرية عندما كان على وشك ان يصدمها بسيارته ولكن نجت على اخر لحظة ويتذكر حديثها وغضبها ومشاجرتها معه وشعرها الطويل البني الذي دائما ما يراها بالضفائر كان يفكر بكل تفصيلة بها وهو يبتسم لا اراديا حتى انه لم ينتبه الى ذلك الذي اقتحم عليه المكتب كالعادة
يوسف بمرح وهو يجلس امامه : سيدي يا سيدي على الناس اللي سرحانة وبتبتسم دي
ادم بانتباه : هااا يوسف انت جيت امتى
يوسف بخبث : انا جاي من بدري ياخويا بس انت بقى اللي في ملكوت تاني خالص قولي بقى حب جديد دا ولا ايه ادم بجدية وبرود : حب ايه لا طبعا انا بس كنت سرحان في شوية حاجات كدا
يوسف بخبث : على بابا يلا دانا عارفك كويس يا صاحبي من عيونك الخضرا اللي كانو بيلمعه من شوية
ادم في سره بتفكير : معقول لاااا لااا اكيد لااا مش بالسرعة دي لاااا ليردف بنبرة جادة وثبات : لا يا يوسف مفيش الكلام دا ريح نفسك وبطل افكارك دي
يوسف بتنهيدة : ماشي يا صاحبي انت حر
ليردف بفضول : بس برضو لازم اعرف انت كنت سرحان في ايه
ادم بتنهيدة : هقولك فاكر البنت اللي حكيتلك عنها وكنت هخبطها بالعربية في اسكندرية
يوسف بعدم فهم : ايوة فاكر بس انت ايه اللي فكرك بالموضوع دا دلوقتي
ادم بسخرية : اهي البنت دي بقى طلعت بنت عمي
يوسف بدهشة وعدم تصديق : ايه ازاي دا قصدك عمك اللي رجع بعد غياب 20 سنة
ادم بسخرية: ايوة هو كدا بالظبط
يوسف وهو يزال في صدمته : مش معقول مش قادر اصدق دا ولا المسلسلات والروايات بجد
ادم : لا صدق ياخويا
يوسف بتساؤل : طيب وانت عملت ايه
ادم بسخرية: عملت فراخ بانيه هكون عملت ايه يعني ليكمل بغيظ: دي اصلا لما شافتني كانت فكراني عفريت قال عفريت قال
يوسف بضحك : هههههه مش قادر اتخيل الموقف بقى ادم الحديدي عفريت هههههه
ادم بغضب : يووسف اطلع برة احسنلك
ليتوقف يوسف عن الضحك وهو يردف بخوف مصطنع : امرك يا باشا ههههه
..........................💗...........................
في قصر الحديدي
وفي سيارة جاك كانت مي تركب بجانب جاك ونانسي وروز يركبون في الخلف
جاك بمرح وهو يستعد للذهاب : جاهزون يا ابطال
الفتيات في صوت واحد : هاي هاي كابتن
جاك بمرح: لا اسمعكم
الفتيات : هاي هاي كابتن
جاك بمرح: اوووووه
ليتحرك بالسيارة بسرعة الى المول والفتيات يصرخون بفرح
وبعد قليل من الوقت وصلو اخيرا
نزلت مي ونانسي من السيارة وجائت روز لتنزل ولكن اوقفها صوت جاك
جاك بمرح : وردتي
روز باستغراب : ماله دا بيكلم نفسه ولا ايه لتلتفت اليه وهي تشير الى نفسها : قصدك عليا انا
جاك بمرح: ايوة هو في غيرك هنا يا وردتي
روز بتعجب : وردتي انا اسمي روز يابا فاهم
جاك بمرح: مانا عارف ان اسمك روز وروز كمان وردة وانا قلت لنفسي ان احنا ولاد عم وعمر الدم ما يبقى مية و
روز بمقاطعة : بس بس دا ايه التمثيل الاوڤر دا لخص وقول من الاخر
جاك بسخرية : لخص ماشي ليكمل بمرح: على العموم زي ماقلتلك كدا ان احنا ولاد عم وعايشين في نفس البيت ف ليه مانعملش معاهدة سلام وهدنة بينا عشان زي مانتي شايفة انا انسان فرفوش جدا ومابحبش الخناق ف ايه رائك لو نبقى اصدقاء
روز بابتسامة جميلة : اذا كان كدا ماشي وانا كمان مش بحب الخناق على فكرة ف من النهاردة احنا اصحاب يابن عمي
جاك بمرح: هو دا ايوة كدا
لتضحك روز وهي تنزل من السيارة
جاك بمرح: لما تخلصو الشوبينج بتاعكم كلموني اوك يا بنات
الفتيات معا : اووووك
فتحرك جاك بالسيارة والفتيات دخلو الى المول
نانسي بمرح : بسم الله مشاءلله دا مول دا ولا مدينة سياحية انا خايفة اتوه فيه والله
مي بضحك : لا اطمني مش هتوهي ولا حاجة خليكي انتي بس جنبي
روز بمرح : وايه يعني لو تهتي متقلقيش يا اختي انا مش هسيبك برضو
نانسي بضحك : اصيل يا فوزي ياخويا وهتعملي ايه لو تهت
روز بمرح: هعملك فيها عم عدوية والف في المول كله واقول عيلة تايهة تايهة ياولاد الحلال بضفاير وهبلة ولو حد لقيها حلال عليه
لتنفجر مي ضاحكة على تلك المجنونة
المشاغبة تحت نظرات نانسي الغاضبة منها
وبعد وقت طويل قضته الفتيات في التسوق وشراء كل ما يلزمهم للحفل
مي بتعب : اه ياني يارجلي اللي مش حاسة بيها لا ولسة كمان الفساتين انا مووت يا جدعان
نانسي بمرح : لا اجمدي كدا يا ميمو دا لسة قدامنا فساتين نختارها الله
ثم ذهبه الى قسم الفساتين ولكن لم يعجبهم شئ ليتوقفه فجاة وهم يرو ثلاث فساتين غاية في الروعة والاناقة ثم قامه بقياسها لتكن وكأنها قد صممت خصيصا لهم
مي بابتسامة : بقولكم ايه بما ان احنا رجلينا مش حاسين بيها وتعبانين وميتين ف ايه رايكم نروح نقعد في الكافيه اللي جنب المول نستنى جاك ونشرب لنا حاجة كدا تهدي اعصابنا
روز ونانسي في نفس واحد : يلا بينا
لتضحك مي على جنانهم ثم يشترون الفساتين ويذهبون الى الكافيه لينتظره جاك هناك بعد حوالي ربع ساعة دلف جاك الى الكافيه ليجدهم جالسين ويأكلون النودلز ويشربون المانجا ( ناس فايقة وربنا ماتخدوني معاكم 😂😂)
جاك بضحك : هلوو
نانسي بضحك : اهلا جيت في وقتك يا برو
تعالى كل
جاك بضحك : لا شكرا مش عايز
روز وهي تنظر في ساعتها بفزع
روز بسرعة : يلا بسرعة هنتأخر على الحفلة ولسة هنرتاح شوية ونجهز نفسنا دي تكون الحفلة خلصت
مي ونانسي: اه يلا
ثم ذهبو الفتيات بسرعة الى القصر لكي يتجهزه الى الحفلة
..........................💝..........................
مساءا في قصر الحديدي كان القصر مزين بطريقة رائعة وجميلة تبهر جميع من ينظر اليه
في غرفة ادم كان يأخذ حماما دافئا وارتدى قميص اسود وبنطال من نفس اللون وصفف شعره الحريري ليكون ملك للوسامة والجمال
ثم نزل الى الاسفل وتكون كل الاعين مصوبة عليه لينزل على الدرج بغرور وثقة لا تليق الا به ويذهب ويقف بجانب جاك ويوسف
جاك بهمس ليوسف : بقولك ايه ماتيجي نشقط لنا كام مزة من اللي في الحفلة دول
يوسف بحنق : يا اخي مزز مين انت روح بس خليهم يغسلو القرف اللي حاطينه دا هتلاقيها سيد صاحبك
لينفجر ادم وجاك من الضحك ليردف ادم بتأكيد : ايوة ايوة معاك حق عاملين زي عرايس المولد ههههههه
جاك بضيق : ولله انتو الاتنين مملين اووي
................بقلمي الكاتبة نانسي...................
في غرفة الفتيات ارتدت كلا من نانسي ومي وروز فساتينهم الرائعة ويضعه لمسات بسيطة من المكياج ليبدو كملكات الجمال حقا بهذه الفساتين وجمالهم الخاص الذي لا مثيل له
نانسي بسعادة : بنات ايه رأيكم
روز بضحك : سألتي السؤال دا عشرين مرة وقولنالك حلوة ياختي حلوة
مي بابتسامة : قمر يا نانسي
نانسي بابتسامة : يديمك ليا يا ميمو ياللي رافعة من معنوياتي يا قمر انتي لتكمل بغرور مصطنع : وبعدين الجامد مبيحكيش عن جمدانه
روز بضحك : طب يلا يا استاذة جامدة ننزل ولا مش هتخلصي مدح في نفسك
ثم نزله الفتيات الى الاسفل ليلفته جميع الانظار بجمالهم وتكن كل الاعين مصوبة عليهم
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية طفلتي العنيدة" اضغط على اسم الرواية