رواية بنات المنشاوي الفصل العاشر بقلم خلود وائل
رواية بنات المنشاوي الفصل العاشر
مرت ساعات طويله وفي المساء بعد وصول الاوتوبيس للقاهرة وبالتحديد في بيت عاصم
هناء:اما كانت رحله حلوة قوي قوي
ام عاصم:اه والله يابت يانؤة البنات كانو مخلينها حلوة بشكل
عاصم:طب معجبتكيش عروسه فيهم يا قلبي من جوة
ام عاصم:لا ياشيخ دة علي اساس انك متحددتش هتروح تطلب ايديها امتي
عاصم:وانا اققدر ياحبيبتي مش اما انتي بنفسك تختاريلي عروسه اول
ام عاصم:يعني ال هختارها هتتجوزها وانت مغمض
عاصم:طبعا وكلمتك سيف علي رقبتي
نظرت ام عاصم لهناء بمكر ثم قالت:خلاص اتجوز تغريد
عاصم بفزع:ايه...مين....انتي بتهزري ياماما انتي عارفه اني بحب ورد
ام عاصم:مش انت يابني ال لسه قايل هتتجوز ال اختارها
عاصم:ياستي انا عيل ورجعت في كلامي
هناء:اه ياعيل 😂😂😂
عاصم:بس يابت....بقولكو ايه انا مش هتجوز غير ورد واعملو حسابكو هنروح نطلب ايديها من ابن عمها لما تحددلنا معاه يوم وانا هستعجل النقاش يجي يخلص الشقه بتاعتي وبعدها هننزل نجيب العفش وهتجوز علي طول
ام عاصم بفرحه:دة يوم الهنا والمنا ياقلب مامتك
هناء بسعادة:ربنا يفرحكو ياحبيبي
عاصم:الاة امال كنتو عوزين تجوزوني البت اللزجه ال اسمها تغريد دي ليه
هناء بمرح:بنهزر معاك ايه مبتهزرش يارمضان
عاصم وهو يضرب هناء علي قفاها:لا بهزر يختي
هناء:ااااه خف ايدك ياعم انت
في منزل ورد*****
دعاء:والله مكنت عاوزة الرحله دي تخلص
آيه:كانت حلوة اوي
ورد:ياريت كانت طولت شويه والله
دعاء:اممممم
ورد:ايه يابت انتي مخلاص هيجي يخطبني
دعاء:ربنا يفرحكو ياحبيبتي
آيه:انتي هتتجوزي وتبعدي عننا ياورد
ورد:لا طبعا ياحبيبتي عمري مهبعد عنكم ابدا وهفضل حواليكم
آيه:طب انتي هتنجوزي عاصم ودعاء هتتجوز فارس وانا ....هفضل لوحدي
دعاء بحزن:ومين قالك اني هتجوز فارس
ورد بصدمه:ايه اذاي يعني امال هتتجوزي مين
آيه بغضب:انتي اتجننتي ولا ايه!!
دعاء:لا متجننتش بس فكرو بالعقل كدة هنتجوز ازاي وفين وامتي لو اتجوزنا عمكو هيعرف ومش هيرحمكو لو وصلكو
ورد:ملكيش دعوة بينا ارجعي واتجوزي فارس هو قادر يحميكي
دعاء :واسيبكم واعيش العمر بناركم
آيه:وليه تظلمي نفسك عشانا وتضحي بحبيب عمرك
دعاء:لازم اضحي عشان انتو تعيشو مرتاحين
ورد:ميبقاش كدة يادعاء انتي وفارس كبرتو وانتو بتحبو بعض يهون عليكي تسبيه لواحدة غيرك
دعاء بألم:ميهونش عليا ياورد بس صدقيني مش هينفع ....انا مقبلش علي نفسي اني اتجوز في السر واعيش محرومه من جوزي ال لحد الوقتي مش عارف يجي يطمن علينا
آيه:هتتعدل يادعاء متيأسيش من رحمه ربنا
دعاء:يارب مليش غيرك
ورد: روقي كدة واضحكي بقي
آيه:لا بقولك ايه عندنا فرح وعاوزين نلحق نجهز نفسنا
ورد:هقول لفارس اذاي علي موضوع عاصم؟
دعاء:انا هكلمهولك
آيه :ومستنيه ايه يلا كلميه
امسكت دعاء بهاتفها لتهاتف فارس الذي اجابها سريعا لتفتح مكبر الصوت لبستمعو جميعا
فارس:قلبي ال واحشني
دعاء بأحراج:احم اذيك ياواد عمي
فارس:حد جمبك ولا ايه؟
دعاء:اخواتي بيسلمو عليك
فارس بضحكه رجوليه:قاعدين حراسه ولا ايه
دعاء:لا هما...هما...يعني ...
فارس:قولي ياروحي محتاجيين حاجه اجيبهالكم وانا جاي
دعاء بفرحه:صوح ...انت جايلنا يافارس
فارس: بكرة تلاقيني عندك ياقلب فارس ....اتوحشتك چوي
دعاء:احم وانت كمان ياحبيبي
آيه وهي تلكز دعاء بذراعها:اتحشمي يابت بتقولي حبيبي قدامنا
دعاء:اااه دراعي ياحمارة انتي
فارس:سلامتك من الاااه ياحبيبتي مالك
دعاء:ابدا دي الحمارة آيه خبطتني في دراعي
فارس:اجيبلها فراچ وانا جاي ولا اي؟
آيه:انا مبخافش من حد ياحبيبي
فارس:لساكي لسانك طويل ياآيه
آيه:لا دة قصير ومحندق تحب تتأكد
فارس:خلاص ياتنحه
دعاء:سيبك منيها يافارس انا عوزاك في موضوع مهم
فارس:قولي ياقلبي
دعاء:ورد....
فارس:مالها ...چرالها حاچه!
دعاء:لا هي فاعدة كيف القردة اهيه
فارس بأبتسمه:مالها يعني
دعاء:يعني ...يعني.....ورد متقدملها عريس
صمت فارس قليلا لترتبك الفتيات لصمته ليعاود الحديث:ورد رأيها ايه
دعاء:الرأي رأيك انت يافارس
فارس:مين العريس دة
دعاء:اسمه فارس ممدوح عبد الحميد صقر وبيشتغل مهندس وصاحب العمارة ال قصادنا وعندة سوبر ماركت في اول الشارع ومحترم ومؤدب والله يافارس واهله ناس محترمين ووقفو معانا من ساعه ماجينا اهنيه
فارس:ورد ريداه؟!
ورد:ال تشوفه انت ياخوي
فارس:ماشي ياورد ....انا جايلكم بكرة خليه ياچي يقابلني وانا هسأل عليه بمعرفتي قبل مااجي
ورد:ال تشوفه يااخوي
دقائق وانهي فارس حديثه معهم ليغلق الخط ويجري اتصالا اخر
فارس:الو ...فينك ياندل انت
مدحت:مطحون ياصاحبي والله
فارس:اه منا واخد بالي
مدحت:عاوز ايه ياابن المنشاوي
فارس:واحد بلدياتك عاوز اعرف اصله وفصله وتاريخه كله من يوم ماامه ولدته
مدحت:عنيا حاضر اول مااروح القسم بكرة هجيبلك قرارة .....اسمه ايه وعنوانه لو تعرف
فارس:اسمه عاصم ممدوح عبد الحميد صقر وعنوانه*******
مدحت:عنيا الاتنين حاضر وابقي خليني اشوفك ياابو الصحاب
فارس:ماشي ..سلام
اغلق فارس الخط وبداخله تدور الاسئله ......
في فيلا الحديدي؛؛؛؛
ليان:عااااا لا بقي كدة كتير يعني لا اجي معاك اغير جو ولا تفتكرني بهديه
سيف:هو انا كنت بتفسح والنبي ارحميني انا طالع عيني في السفريه دي والصفقه تقريبا طارت من ايدي
ليان:بابا شايط مش طايق حد قدامه
سيف:كله من بنت الجذمه دى ...وديني لو اطولها لقتلها وارتاح منها
ليان بعدم فهم:بت مين انا مش فاهمه حاجه!
سيف:اسكتي انتي وروحي نامي يلا عندك جامعه الصبح
دلف سيف لغرفته ليغير ملابسه ويرتدي ملابس النوم ويتجه للسرير ليتذكر تلك المشاكسه التي يراها كلما ذهب لمكان ويتذكر قطرات الدماء التي سالت علي فمها الوردي وبشرتها البيضاء ويتذكر خصلات شعرها البني القصير لاسفل رقبتها المستقر علي كتفيها وزراق عينيها الواسعتين ليهتف قائلا:غبيه وضيعتي صفقه مهمه .....اه بس لو اطولك والله مهتردد لحظه اني اموتك
..................صباحا حوالي الساعه التاسعه في منزل ورد تستيقظ آيه من النوم لتنظر في الهاتف لتتسع عينيها بصدمه
آيه:يانهار مش فايت ......ورد....ورد
دلفت ورد لغرفه آيه :ايه مالك بتصرخي ليه
آيه:مش قلتلك صحيني بدري انا اتأخرت قوي علي المحاضرة
ورد:طولي بالك معاد محاضرتك تسعه ونص هتلحقيها انشاء الله
أسرعه آيه للحمام وارتداء ملابسها لتنزل للجامعه بأقصي سرعه ...وبعد فترة طويله وصلت آيه للجامعه لتتدلف لمحاضرتها لتصعق من هول المفاجأة.....ياللهول انه هو ماذا تفعل......
آيه بصدمه:😳😳
سيف ببرود ممزوج بدهشه:حضرتك متأخرة اتفضلي برة
آيه:معلش اتآخرت غصب عني
سيف:مش مشكلتي
آيه:مش هتتكرر تاتي
سيف:انتي مبتفهميش قلتلك برة
آيه بصياح:في أيه محسسني انه بيت ابوك برة برة ايه ياعم انت متهدي شويه ليطقلك عرق
اندهش جميع زملاء آيه ولم يستطع احد ابداء اي رد فعل من شدة جرآه آيه
سيف:كلمه كمان وهمنعك من حضور محضراتي لأخر السنه
آيه:واما اجي امتحن ابقي اكتبلهم معلش الدكتور كان منعني من طلته البهيه عليا في المحضرات
سيف:دة لو عديتي السنه دي
اشتعلت آيه غضبا لتمسك بكتاب مادة سيف وتمزقه الي نصفين بكل برود اعصاب وتلقيه ارضا وتقف امامه بكل تحدي
آيه:أسمي آيه طايع المنشاوي ومش واحد ذيك ال يعلي صوته عليا وان كان علي مادتك فصدقني متفرقش معايا وفرجني هتعمل ايه وع فكرة القلم بردة قلمين كل ال عليك تقف تتفرج وتستني وبس
القت آيه كلماتها ببرود لتهم بالخروج من المحاضرة وتذهب للجلوس في الكافتيريا وبعد انتهاء المحاضرة لحقت بها ليان
ليان:الجميل قاعد لوحدة ليه
آيه:اققعدي معايا
ليان:بس ايه الجمدان دة داانتي ولا ال بينك وبين الدكتو طار يابنتي
آيه:كائن رخوي سمج
ليان بضحكه عفويه:كائن ايه؟.... انتي تعرفيه ولا ايه
آيه:زفت المعرفه خنجر بيه
ليان:ايه!!!!خنجر 😂😂😂دة لو سمعك هيخنقك
آيه:ولا يقدر يعملي حاجه يابنتي انتي متعرفنيش لسه
ليان:حابه اتعرف بجد والله
آيه:اشطااات
ليان:مرباااات😂😂الا قوليلي تعرفي دكتور سيف منين
آيه:منين دي حكايه طويله هبقي احكيهالك بعدين بس ال اققدر اققولهولك الوقتي انه كل مااشوفه بنمسك في خناق بعض واخر مرة كانت امبارح بليل
ليان بأستغراب:مش معقول ....هو انتي؟!!!
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية