رواية بنات المنشاوي الفصل الحادي عشر بقلم خلود وائل
رواية بنات المنشاوي الفصل الحادي عشر
ليان:مش معقول ...هو انتي؟
آيه:انا مين!
ليان:ها....لا ابدا ....هتعملي ايه في محضرات دكتور سيف
آيه:هاخدها منك
ليان:مش هتحضريله محضرات طول السنه؟!
آيه:وايه يعني
ليان:انتي لازم تعتزريله عن ال عملتيه دة
آيه:انتي مجنونه يابنتي انا عمري معتزر لحد افهميها بقي
ليان:يابنتي انتي مسحتي بيه بلاط الجامعه دة ممكن يشيلك المادة
آيه:يلا خلينا نطول سنه كمان في المكان اللطيف دة
ليان:يخرب عقلك داانتي ضاربه الدنيا جذمه قديمه
آيه:عادي يابنتي ...ها هتديني المحضرات ولا لا
ليان:مجنونه ودماغك طقه بس اشطا حاضر
آيه:تسلميلي يابطه
ليان: بطه في عينك قوليلي يالينو
آيه:ماشي يالينونو
ليان:😂😂😂😂
بعد انتهاء اليوم الجامعي عادت آيه للمنزل لتساعد ورد في اعداد مائدة الطعام وبعد دقائق دلفت دعاء للمنزل ويبدو عليها آثار التعب لترتاح قليلا ثم تنضم لشقيقتها في المطبخ
آيه:مالك يادعاء شكلك تعبانه
دعاء:منك لله منك لله مبتعرفيش تسكتي ابدا ...خسرتي الشركه صفقه بملايين وسيف بيه مرمطني شغل النهاردة
آيه:زفت بيه زفت بيه فلقتيني وزهقتيني بيه هو اصلا واحد مش محترم دة بتاع بنات
دعاء:انتي مالك بتروحي تهزقيه ليه يبقالك ايه
آيه:هيبقالي ايه المعفن بتاع النسوان دة
دعاء:احترمي نفسك ياآيه سيف بيه محترم ومتجوز ياريت متتكلميش عليه كدة تاني
القت دعاء كلماتها بهدوء لتسقط الاطباق من بين يدي آيه لترتطم بالارض وتتحول إلى فتات
ورد:مالك ياآيه انتي كويسه
دعاء:ايه يابنتي مش تفتحي ينفع كدة
لم ترد آيه وانما انسحبت بهدوء لتختبئ بغرفتها
-مالك!!زعلتي ليه اما عرفتي انه متجوز......لا طبعا وانا هزعل ليه....طب ليه بتخانق معاه كل مابشوفه بدون سبب......وليه شاغله نفسك بيه......مش يمكن!!.....لا لا طبعا الحب ضعف وانا مش ضعيفه انا قويه وعمري مهضعف لواحد ابداا......
اطلقت آيه العنان لافكارها العنيدة اما بالاسفل امام سوبر ماركت عاصم توقفت سيارة فارهه يبدو عليها الفخامه وهبط منها شاب في قمه الوسامه حيث توجهت إليه كل الانظار ولكنه تجاهل كل نظرات الاعجاب وتوجه لداخل السوبر ماركت ليتوقف امام عاصم
عاصم:عاوز حاجه يا استاذ
فارس: كنت بسأل علي شقه الست تهاني
عاصم: انت عاوز الست تهاني نفسها ولا عاوز الشقه بتاعتها...عشان الشقه اتأجرت لبنات ساكنين فيها الوقتي
فارس:انا بقي عاوز البنات دول
عاصم:متحترم نفسك يااستاذ انت
فارس:انا محترم غصب عنيك يابقف انت
عاصم:بقف مين يلي مشوفتش بربع جنيه تربيه
فارس:اتجنيت عاد ولا ايه اقف معوچ واتحدت عدل احسنلك
عاصم:والا هتعملي ايه يعني
فارس:هربيك من اول وجديد
عاصم: وريني يابا
امسك عاصم بياقه قميص فارس مهددا:انت عاوز منهم ايه وتطلع مين انت
فارس ببرود:هتجوز ورد
احتقنت الدماء بعيني عاصم ليصيح قائلا:موته تاخدك وتغور بعيد عن هنا ورد دي تبقي مراتي انت اتجننت يلااا
فارس بأستغراب:مرتك كيف يعني اتجنت ورد ولا ايه
عاصم: لم لسانك واياك اشوف خلقتك تاني احسن والله اسيب عليك رجاله الحته اخليهم يخلو اصغر جرح فيك قد الشبشب ال هنسله علي دماغك الوقتي
امسك عاصم الشبشب الذي كان يرتديه ليهدد به فارس الذي هم بالخروج سريعا من امام هذا العاشق الثائر قائلا:خلاص خلاص يامعلم حقك عليا خلاص
عاصم:خلصت روحك انت اهبل يلا ولا شكلك هو ال كدة
فارس:شكلي هو ال كدة وهوريك الهبل علي اصوله كمان شويه
عاصم:غور يلا من هنا
هم فارس بالخروج من سوبر ماركت عاصم ليتقدم بخطوات سريعه ناحيه منزل ورد بينما يتبع أثرة عاصم ليشعر بغيظ شديد ويعود سريعا لداخل السوبر ماركت اما في الاعلي وبالتحديد اما شقه ورد طرق فارس الباب⚡⚡⚡
دعاء:حاضر حاضر طولي بالك ياهناء يارخمه
فتحت دعاء الباب لتتفاجئ بفارس احلامها الواقف امام الباب
فارس بأبتسامه:مفيش هناء بس في فارس انفع ولا منفعش
احمرت وجنتي دعاء لتنظر سريعا إلى الارض بخجل
فارس:يعني انا چاي المشوار دة كله عشان تبصي في الارض ولا ايه
دعاء:اشتقتلك ياواد عمي
فارس بهيام:ابن عمك مقدرش يتحمل اكتر من اكدة ياقلبي
دعاء:حاسه حالي بشوفك لاول مرة .....وحشتني عيونك يافارس قلبي
فارس:انا تايه في بعدك ياضي عيوني محاببش حياتي واصل وانتي مش موچودة فيها
استفاق كليهما من هيامهما علي صوت آيه :اجيبلكو اتنين ليمون بقي واشغلكم اغنيه لحماقي
فارس بمرح:وة بقيتي تتحدتي كيف المصاروة عاد
آيه:امال ايه ياواد عمي انا أعچبك چوي
ورد:هتقفو كتير عنديكو ولا ايه...اتفضل يافارس وحشتنا طلتك عاد
دلف فارس لداخل الشقه ليجلس بالصالون لتقدم له ورد بعض المرطبات
آيه:هنقضيها عصير ولا ايه؟!فين الغدا ال بهدلتينا في تحضيرة معاكي
دعاء:انتي هتستهبلي عاد ولا ايه انتي يادوب جهزتي السلطه وكسرتيلنا كام طبق
فارس:والله عاال عماله تكسري في الاطباق وانا ال فاكرك بقيتي ست بيت شاطرة
آيه:مين الاهبل ال هيتجوزني عاد!
فارس:لساكي لسانك طويل عاوز قصه
دعاء:لا والنبي مهنمسكش في بعضينا ونضيع الساعه ال جاي تقعدها معانا
ورد:كيفها امي صفيه يافارس
فارس:زينه ياورد نحمد ربنا وبتسلم عليكم كتير چوي وكان نفسها تاجي معايا تشوفكم
دعاء:ومجبتهاش ليه يافارس
فارس:اجيبها كيف عاد انا طلعت عيني عما عرفت ازوغ من حراسه عمك واقنعتهم اني چاي ازور صاحبي ال فرحه كمان شهرين
دعاء:ومين صاحبك دة ال فرحه كمان شهرين
اشار فارس ناحيه ورد قائلا :اهوة قاعد قدامي اهوة
ابتسم ورد ببلاهه :بجد بتحكي چد ياود عمي
فارس:لما اشوف العريس اول
آيه:فريرة هكلم هناء تجيبه من قفاة وتيجي
فارس بمرح:هناء دي مين دي متشوفيهالي لو حلوة اخودها معاي وانا ماشي
اتسعت عيني دعاء من الصدمه لتصيح:اختشي علي دمك ايه قلت الحيا دى مملياش عينك انا ولا ايه
فارس بحب:وان مكنتيش انتي تمليها ياضي العين مين يملاها
دعاء: امال ايه ال بتقوله دة!
فارس:انتي فهمتيني غلط انا كنت ناوي اخدها معايا لفراچ يتجوزها
آيه:فراچ مين وبتاع ايه ...البت هناء دي عسوله بسكوتايه اكدة متنفعش التور ال اسمه فراچ دة
تعالت اصوات الضحكات عما قالته آيه بطريقتها المرحه وبعد قليل اعدت ورد مائدة الطعام المليئه بما لذ وطاب ليتناولو جميعا الطعام بفرحه غامرة وبعد الانتهاء من الغداء حملت دعاء الاواني من المائدة للمطبخ لتعود بكيكه الشوكولاته التي اعدتها لفارس لانها تعلم انه يحبها كثيرااا لتشاركه مجلسه بفرحه واشتياق بينما تقوم ورد بغسل اواني الطعام وآيه تعد الشاي في المطبخ سويا
فارس: الله الله كيكه الشوكلاته مرة واحدة ....لتكوني عملتيها واتعلمتي تطبخي يادعاء
دعاء:عشان خاطرك اتعلم كل حاجه يافارس
فارس:تسلميلي ياست البنات كلها
دعاء: كيف القصر من غيري
فارس:لا ينسكن ولا ينعاش فيه يادعاء مفيش غير مشاكل اخواتي واوامر ابوي وحزن امي ومرام علي فراقكم وانتي مش موجودة تخففي عني ولا تاخدي بأيدي ذي عادتك
دعاء:انا چمبك علي طول ياحبيبي عمري مهفارقك واصل
فارس:واخرتها يادعاء
دعاء:تقصد ايه!
فارس:اقصد ان انا وانتي هنتجوز امتي وكيف فكرت فيها كتير لحد محسيت حالي هتجنن لقيت ان راحتنا هتكون علي حساب اخواتك ودي حاجه مترضنيش واصل
دعاء:ولا انا عمري مهرضي بأذيه اخواتي يافارس
فارس: والحل ايه يادعاء لحد امتي هتفضلو هربانين انا مبقيتش عارف ابعد ابوي عنيكم دة مبيغفلش لحظه وكل مكان بيدور فيه مقدرش اتخيل يوم ميوصلكم ايه ال ممكن يحصل
دعاء:اوعدني انك تحمينا منه يافارس
فارس:افديكو بروحي ياقلب فارس والله
آيه:الشاااي الشاااي ياجدعان الشاي ..راعو ان معاكو ناس سينجل هنا
فارس بأبتسامه واسعه:يخرب عقلك يامجنونه انتي بتيجي في اوقات مش مناسبه خالص
آيه:خاف علي نفسك ليله الدخله بقي 😂😂⚡
فارس:اه منك انتي منتيش سهله عاد
آيه:منا عارفه جبت انت ايه من عندك
فارس:امشي يالمضه .....متكلمو العريس ياچي يقعد معايا قبل مااسافر
آيه:كلمت البت نؤة من شويه ومن ساعتها وهو بيستحمي حمايه العيد😂ولسه مطلعش من الحمام
دعاء:ياعيني الفرحه مش سيعاه
فارس:لا وانتي الصادقه دة بينه مقشف
ورد بأندفاع:لا يافارس عاصم قمور خالص والله
نظر لها فارس بسعادة فهاهي قد ابدت مشاعرها بعفويه امام فارس
فارس:امممم قولتيلي بقي
ورد:ها ....لا...مهو. مهو .. انا..انت ....
فارس:انا وانت ايه يابت عمي
احمرت وجنتي ورد لتنهض سريعا وتتجه ناحيه غرفتها لتتنهد بفرحه خلف الباب اما في الخارج وبعد دقائق قليله دق باب الشقه ⚡⚡ ليعلن قدوم عاصم لتفتحه له دعاء الباب ويدخلو جميعا للصالون
دعاء:كل دة عشان تيجي ياعاصم
عاصم: اعمل ايه يعني مش عما ظبط نفسي وروحت جبت الجاتوة والشيكولاتة وجرجت البت نؤة من عند خالتي وجيت جري والله.....امال فين ابن عمك دة
آيه:جوة بيصلي وجاي اهوة ثواني هناديله واجي
عاصم: بسرعه والنبي
هناء:متهمد بقي ياعم انت متسربع علي عينك ليه
عاصم بهمس:اتلمي بدل ماالبسك الجاتوة في وش امك دة
ام عاصم:بتقول حاجه ياحبيبي
عاصم:بقول متستعجلولنا ابن عمك بقي وهاتولي عروستي بقي
دلف فارس للغرفه لتتجه إليه نظرات عاصم سريعا ليبتلع ما في جوفه بصعوبه بينما ينظر إليه فارس بتحدي
عاصم بأستغراب: هو انت...!؟
فارس:ايوة انا المجنون المتخلف ال مشوفتش بربع جنيه تربيه
عاصم:😱😱
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية