رواية أحببت غامض الفصل الحادي عشر بقلم نورا
رواية أحببت غامض الفصل الحادي عشر
سيلا كانت لسه هتعمل المفاجأه وكدا رن فونها برقم زين ردت بسرعه وقالتله:ايوه يا زين انت روحت فين يا ولسه هتكمل قاطعها صوت غريب وبيقولها:حضرتك صاحب التليفون ده فى المستشفى دلوقتى هو عمل حاد*ثه وانا وصلته المستشفى
سيلا اتصدمت وفكرت انه اى كلام وقالتله:انت بتضحك عليا هو اللى قالك اعمل كدا صح قولى قولى اكيد هو اللى قالك اعمل فيها مقلب
الراجل:مقلب ايه بس بقولك جوز حضرتك فى المستشفى دلوقتى وهو عامل حاد*ثه والعنوان....
سيلا اتصدمت تانى وبدأت تستوعب وعيطت وقالتله:انا جايه فورا واخدت فلوس بسرعه ونزلت جرى وراحت ركبت تاكسى وقالتله العنوان وهى بتعيط ومنهاره
السواق أتدخل وقالها؛متخافيش يا مدام اكيد خير مش هيحصل حاجه
مهو عرف ان طبعا حد من عيلتها فى المستشفى من العنوان وكدا
وسيلا بتعيط ومش سمعاه اصلا بتفكر فى زين وبتقول فى سرها انا غلطانه انا اللى زعلته يمكن حصل كدا عشان زعلت منه بردوا مش هتتكرر لا مش هزعل منه تانى ولا هزعله يارب يارب وقعدت تعيط اكتر لحد ما وصلوا دفعت الفلوس وطلعت جرى وقالت لممرضه الاستقبال:زين زين فين
الممرضه:فى اوضه العمليات أمشى طوالى الاوضه التانيه على ايدك الشمال
طبعا هما عارفين مين زين دا أشهر من النار على العلم
جريت بسرعه وكانت هتدخل تشوفه مسكتها ممرضه وقالتلها:رايحه فين يا مدام مينفعش كدا
سيلا بعياط:اوعى عايزه اشوف جوزى جوزى هنا هو عمل حاد*ثه
الممرضه:يا مدام انا مقدره حالتك والله بس مينفعش استنى لحد ما يخلصوا ممكن
سيلا واقفه بتعيط وبتبص عليه من الازاز بتاع الباب اتصدمت اكتر وعيطت اكتر ورجليها محملتهاش وقعت فجه الراجل قالها:يا مدام اهدى اهدى هيبقى بخير متخافيش
فسيلا اغمى عليها من كتر العياط
فالشاب ده قال بسرعه:يا جماعه يا جماعه حد يلحقها
الممرضه جات بسرعه وجات واحده كمان وساعدوها واخدوها الاوضه التانيه وفوقوها وهدوها وقامت بسرعه تشوف زين لقت الدكتور طلع قالتله:لو سمحت يا دكتور هو حصله ايه هو كويس
الدكتور بعمليه:اهدى يا مدام مفيش حاجه شويه خدوش بس هو خسر دم كتير ودماغه اتخبطت اوى بس هنشوف اللى هيحصل بس هو دلوقتى كويس احنا نقالناله دم وشويه وهيفوق
سيلا حمدت ربنا وقالتله:شكرا يا دكتور بس ممكن اشوفه
الدكتور:ننقله الاوضه العاديه وبعدين ادخلى شوفيه ومشى
سيلا قالت الحمدلله الحمدلله ومسحت دموعها وقالت للشاب اللى قدامها:شكرا شكرا جدا على مساعده حضرتك لجوزى
الشاب:العفو على ايه دا واجبى انتى بس عايزه منى اى حاجه تانى
سيلا:لا شكرا تقدر حضرتك تتفضل
الشاب:تمام ومشى
نقلوا زين للأوضه العاديه وهى راحت تشوفه وقعدت جمبه وقعدت تعيط تانى وتقول كويس انك بخير انا فرحانه اوى بجد
فاق زين وشافها وقالها:انتى مين
سيلا اتصدمت وقالتله:مين ايه انا مراتك يا زين
زين:مرات مين انتى كدا*به انا متجوزتش ولا هتجوز غير حبيبتى جاسمين
سيلا اتصدمت اكتر وقالتله:جاسمين مين مين جاسمين انا مراتك يا زين سيلا حبيبتك انت زعلان منى عشان كدا بس بتعاقبنى صح طب حقك عليا مش هزعلك تانى ابدا
قاطعها زين وقالها بعصبيه:بقولك انتى مين وبعدين انا محدش يقدر يزعلني ولا انتى ولا عشره زيك اصلا وقومى من هنا فين حبيبتى جاسمين فين هى مجاتش ليه
سيلا اتصدمت اكتر واتكت على الزرار والدكتور جه وقاله:اخيرا فوقت يا بطل عامل ايه دلوقتي
زين بعصبيه:مين دى وايه اللى جابنى هنا وايه اللى حصل
الدكتور اتصدم وقاله:هو انت مش فاكر اى حاجه
زين بعصبيه:لا وسؤالى واضح ايه اللى حصل ومين اللى واقفه جمبى دى وبتقول ليه انها مراتى امتى دا حصل
الدكتور بص لسيلا ولقاها بتعيط فبص لزين قاله:طب قولى يا استاذ زين انت فاكر ايه والنهارده كام
زين بعصبيه:معرفش انت بتسألنى انا متجوزتش ولا اعرف الانسه دى وفين عيلتى
سيلا بسرعه افتكرت وقالتله:حالا هقول لبابا وكرم يجوا
زين اتعصب وقالها:بسرعه
سيلا طلعت بسرعه رنت على كرم وقالتله هات عمى وتعالى بسرعه زين عمل حاد*ثه وشكله مش فاكر حاجه وبتعيط فقالها:سيلا انا مش هنا دلوقتى انا فى إيطاليا بس هحاول اجيلك فى أقرب طياره انتى بس متخافيش وقولى لعمى وهو هيتصرف
سيلا عيطت اكتر وقالتله:تعالى بسرعه يا كرم انا محتجالك اوى
كرم بحزن عليها:حبيبتى متخافيش مش هتأخر انتى بس خلى بالك من نفسك وحاولى متعصبيش زين وهاوديه عقبال ما يجى عمى وانا هحاول اجى تمام
سيلا :تمام ورنت على عمها مش بيرد ترن تانى مش بيرد قالت يالهوى طب اعمل ايه انا دلوقتى
ودخلت ومسحت دموعها وقالت:باباك مش بيرد مش عارفه ليه
زين بعصبيه:انتى كدا*به انتى بتقولى كدا عشان متتكشفيش قدامه وانا اصلا ماشى من هنا وبيقوم وبيشيل الحاجه اللى فى ايده
الدكتور وسيلا جريوا عليه وقالوله:بتعمل ايه كدا غلط
زين زقهم وقال ابعدوا عنى وطلع بره وسيلا بتجرى وراه وبتقوله:زين زين كدا غلط اهدى
وهو زقها وقعها ومشى وهى مش قادره بس قامت بالعافيه وجريت وراه لقيته ركب تاكسى ومشى راحت تركب التاكسي اللى وراه ومشيت
عند ابو زين
شاف ان سيلا رنت عليه كذا مره فاستغرب ورن عليها وهى ردت بسرعه وقالتله:عمى الحقنى زين عمل حاد*ثه وفقد الذاكره ومش مصدق انى مراته وعايزك
ابوه بصدمه:ايييه طب انا جاى فورا خليكى معاه بس
سيلا:حاضر يا عمى بس تعالى بسرعه والنبى
ابوه:انا جاى بسرعه سلام وركب العربيه ومشى
زين وصل البيت ودخل قعد وحس بصداع بسيط ومسك راسه
وسيلا وصلت ودخلت وقالتله: زين مالك فى ايه وجريت عليه وقعدت جمبه
زين قام وقالها:انتى ازاى جيتى هنا ومين اداكى الحق انك تدخلى اصلا وتيجى تقعدى جمبى
سيلا لسه هتتكلم قاطعها زين وقالها:لو فاكره انى ممكن اخو*ن حبيبتى او ابص لواحده تانيه غيرها تبقى غلطانه مش عشان عملت حاد*ثه يبقى تستغلى ده وتعملى الحركات دى
سيلا اتصدمت اكتر وكانت هتعيط بس حاولت تدارى وقالتله بهدوء:طب ممكن تقعد وتهدى ونتفاهم وقولى مين اللى بتقول عليها دى
زين قعد وقالها:دى حبيبتى واغلى ما ليا انا معرفش هى مجاتش ليه دلوقتى يمكن متعرفش انى عملت حاد*ثه
فسيلا اتدايقت وعايزه تعيط بس بتحاول متعيطش وقالت فى سرها هو كان بيحب واحده ومقاليش طب ليه مقاليش انا لازم اعرف الحكايه دى لازم وانتبهت وقالتله:طب هقوم اعملك تاكل وبعدين نتكلم فى الموضوع ده
زين قالها:لا مش عايز بس ممكن تمشى عشان اقدر استريح
سيلا قالتله:حاضر بس ممكن تطلع تستريح فوق
زين قالها:لا انا هستريح هنا
سيلا قالتله:تمام على راحتك وراحت طالعه على السلم
زين قالها:انتى رايحه فين وطالعه فوق ليه مش قولتى هتمشى
سيلا اتصدمت وقالتله:مهو بابا هيجى يفهمك كل حاجه ممكن بس اطلع احضرلك هدوم
زين:لا متلمسيش اى حاجه وقولت أمشى عشان استريح ايه مبتفهميش
سيلا بهدوء:زين دا بيتنا انا وانت يعنى هروح فين ما ده بيتى طب هقولك ممكن بس اعملك حاجه تاكلها وبعدين أمشى
زين ببرود:تمام بس هتمشى بعدها
سيلا بدموع:تمام وراحت المطبخ وقالت يارب عمو يجى بقا ويفهمه وبتعيط وبتعمل الاكل وخلصت وطلعت تحط الاكل لقت.......
يتبع الفصل الثاني عشر اضغط هنا
- الفهرس يحتوي على جميع فصول الرواية كاملة :"رواية أحببت غامض" اضغط على اسم الرواية