رواية فجر الليل الفصل الحادي عشر بقلم جانا مبروك
رواية فجر الليل الفصل الحادي عشر
بدأت فجر في فتح عيونها ببطئ وأخذت بعض الوقت حتي فاقت فوجدت ليل يجلس بجانب السرير ويمسك يدها وينظر لها والدموع تملأ عينيه فنظرت له باستغراب
ليل بلهفه: حمدالله على السلامه
فجر باستغراب وهي تشد يدها من بين يديه :. ا..اا..انت ميــــن....
ليل باستغراب:انا مين ! ازاي ؟
نظرت له فجر باستغراب
ليل باستفهام: فجر انتي مش عرفاني
فجر باندهاش:انا اسمي فجر
هنا نظر ليل الدكتور احمد وسأله هي ماله يا دكتور
الدكتور احمد:مش عارف بس انا شاكك في حاجه دلوقتي هنتاكد
وأخذها الدكتور احمد وعمل ليها بعض الاشاعات والتحاليل وبعدين رجع لليل وطلبه في مكتبه ذهب ليل الي المكتب وثم اتي والده وانضم إليهم
الدكتور احمد: انا عندي خبر مؤسف يا جماعه
ليل بخوف: حصل ايه
الدكتور احمد: انا اسف بس مدام فجر حالها فقدان ذاكره
ليل: يعني ايه
الدكتور احمد: يعني دلوقتي هي مش فاكره اي حاجه خالص لا عن نفسها ولا حتي عن اي حد من اللي حواليها
ابو ليل:لا حول ولا قوه الا بالله
ليل: طيب يا دكتور وانشاء الله الذاكره هترجع لها امتي
الدكتور احمد:لا دي حاجه في علم الله
وضع ليل يديه فوق رأسه بحسره شديده
الدكتور احمد:لا يا استاذ ليل مينفعش تبقي كده انت لازم تكون قوي عشان تقدر تقف جنبها لحد ماتتخطي الموضوع ده
ابو ليل : يعني هي هتقفضل فاقده الذاكره علطول
الدكتور احمد:اكيد لا انشاء الله هي بس هتحتاج منكم شويه تعب ومجهود معاها
ليل:انا ممكن اعمل عشانها اي حاجه وممكن كمان اسفرها بره
الدكتور احمد :لا انشاء الله هي مش محتاجه سفر بره وانشاء لو التزمتم بالعلاج والحاجات اللي هنتفق عليها انشاء الله مش هتحتاج تدخل جراحي
ليل بصدمه :ايه هي ممكن تحتاج عملية
الدكتور احمد:ده انشاء الله مش هيحصل الا لو حالتها سائت
ليل:قولي ايه المطلوب وانا هعمله وانشاء الله حالتها مش هتسوء
الدكتور احمد: دلوقتي طبعا لازم منصدمهاش يعني بلاش نقولها اي خبر او اي حاجه حصلت في حياتها مره واحده كل حاجه واحده واحده
ابو ليل باستفسار: كيف يعني يا ولدي
الدكتور: يعني مثلا الاول نعرفها على نفسها هي مين وحياتها كانت ماشيه ازاي وطبعا مانقولهاش انها متجوز ه
ليل:نعم؛!
الدكتور:ده علشان منصدمهاش احنا بنقول لها بس واحده كل ما نفسيتها تتحسن هنعرفها حاجه جديده بس هناخد الحاجات اللي أقل صدمه فأكبر فأكبر كده يعني
ليل:تمام يا دكتور
الدكتور : وكمان لازم ترجع بيتها وانت متشفهاش
ليل :لا بقي انا وافقت على عدم معرفتها بجوزنا وماشي إنما تبعد لا
الدكتور احمد: خلاص انا كنت عرفت ومن والدك انك انت ابن عمها خلاص هي ممكن تقعد معاكم تحت بند أن هي تعبانه ومحتاجة تغير جو عشان نفسيتها
ابو ليل:تمام
الدكتور:بس طبعا لازم ناخد بالنا كويس مفيش اي انفعالات ولا اي ضغط عليها محدش يحاول أنه يفكرها بحاجه بالعافيه عشان ساعتها هتضغط على أعصابها وده مش كويس علشانها وياريت نسايسها وتعملها كل اللي هي عيزاه عشان متزعلش لان الزعل أو الضغط على أعصابها ممكن يعمل مضاعفات
وده ممكن يؤدي إلى غيبوبه تانيه
ليل:لا وعلي ايه انشاء الله محدش هيزعلها ابدا
الدكتور:طيب ودي شويه ادويه ومنشطات للذاكره لازم تلتزم بمواعيدها
ليل:انشاء الله هي هتخرج امتي يا دكتور
الدكتور: أنشاء الله يومين بس تحت الملاحظه عشان نطمن على صحتها
ليل:تمام يا دكتور
أبو ليل:كتر خيرك يا ولدي
الدكتور: على ايه ده واجبي ،يلا بينا بقي عشان نطمن عليها
ذهب كلا من الدكتور احمد وليل ووالده الي فجر بعد أن تم نقلها إلى غرفة عادية
الدكتور احمد: ها عامله ايه دلوقتي يا آنسه فجر
ليل وعنيه مفتوحه على اخرها:نعم آنسه😳
الدكتور احمد وهو ينظر له:احنا قولنا ايه
سكت ليل وأكمل الدكتور احمد
الدكتور:ها حاسه بحاجه
فجر:لا بس حاسه بشويه صداع
الدكتور : هو انتي مش فاكره اي حاجه خالص يعني اسمك ايه والدك مين ساكنه فين
فجر:لا🥺
الدكتور:طيب متقلقيش إنشاء الله هتبقي كويسه بالعلاج
فجر بتشاور على ليل وأبوه : هما مين دول
الدكتور: ده عمك وابن عمك انتي كنتي قاعده عندهم قبل الحادثه وهتقعدي عندهم لحد ما تتحسني انشاء الله
فجر:امال هما اهلي فين مش هيجوا عشاني🥺
ابو ليل:لا يا بتي هما اصلا ميعرفوش اصل انتي من الصعيد وخوفنا نجولهم يجلجوا فملهاش لازمه الدكتور جمال سبوعين بالكتير وهتبجي عال
فجر: انشاء الله
ليل : حمدالله على سلامتك يا فجر
فجر: الله يسلمك يا ابن عمي
الدكتور احمد: عن اذنكم انا وهبقي اجي اطمن عليها انشاء الله
جلست فجر في المستشفى عدة أيام وكان ليل يلازمها ليل ونهار وبعد فتره من الزمن خرجت فجر وهي تتكلم علي عصا مشي لأن كسر قدها لم يشفي بعد
ذهب ليل وفتح باب العربيه لفجر
فجر :هو مين اللي هيسوق
ليل:انا طبعا
فجر: وكيف يعني عايزني اركب جنبك
ركبت فجر في الكرسي الخلفي للسياره وبجانبها عمها وعندما وصلوا الي المنزل نزلت فجر ودخلوا الي الفيلا
وقفوا في مدخل الفيلا ونادت فجر علي الخادمه
فجر:داده فتحيه
داده فتحيه: حمد لله على السلامه يا بنتي
فجر:الله يسلمك يا داده معلش ممكن تساعديني اطلع اوضتي عشان اكيد مش هعرف أطلع فوق لوحدي برجلي دي
داده فتحيه: من عنيا يا بنتي تعالي
وامسكت بايدها وثواني ووجدت فجر ليل يقف أمامها وهو ينظر لها نظرات غريبه
ليل:هو انتي مش فاقده الذاكره
فجر:اه ليــه في حاجة
ليل وهو يضيق عينيه:عرفتي منين أن هنا في داده وكمان اسمها فتحيه وعرفتي منين كمان أن انتي ليكي اوضه معينه فوق ليه مش الارضي مثلا
فجر بتوتر وهي تفرك في يدها :اص ..اصلل.......
- تابع الفصل التالي عبر الرابط: "رواية فجر الليل" اضغط على اسم الرواية