رواية روبنزل المغتصبة الفصل الثاني عشر بقلم نرمين السعيد
رواية روبنزل المغتصبة الفصل الثاني عشر
دخلت سيارة مالك السائق يقود و مالك و إياد بالخلف لاحظ مالك انزعاج اياد
مالك : في إيه مبوز و عمال تنفخ إيه اللي معصبك كده؟؟
أياد بغضب : هيكون إيه الهانم بتحب واحد تاني و هو ولا علي باله و بيحب واحده تانيه اقولها بصي حواليكي شوفي يمكن تلاقي حد يحبك ويقدرك تشتغلني وتتلفت حواليها وبعد كده تقولي مش شايفه حد غيره و تسبل بعينيها.... اوف انا عارف ايه اللي حصلي يوم ما أفكر احب احب واحده مش بتحبني
ضحك مالك :ههههه و الله شذي دي طلعت مصيبه
princessN
اياد بنفعال : صدق انا غلطان اني بتكلم معاك بتضحك علي إيه انت دلوقتي
مالك ببتسامه صغيره : علي خيبتك مش عارف تميل دماغها
اياد بضيق : دماغ مين انا مش عايز دماغها انا عايز قلبها الاول وبعد كده احتل كل حواسها
مالك بضحك : ههه حواسها حلوه دي
اياد بغيظ : بتضحك تاني بتستفزني
مالك : خلاص متتعصبش بس هقولك حاجه من كلامها ونظرتها بحس ان عنيها عليك وبالذات لما بتكون مشغول و مش واخد بالك لما بتبص عليها بتعمل نفسها مش واخده بالها وده انا لاحظته كتير
اياد بابتسامه امل : بجد ولا بتشتغلني
مالك : انت حمار هشتغلك ليه
رفع اياد أحدا حاجبيه : بصرف النظر عن حمار دي بس ازاي تكون معجبه بيا و هي بتحب واحد تاني
مالك : معرفش دي بس ممكن تكون بتكذب و مفيش حد تاني
اياد بتفكير : طب وهي هتكذب ليه و تقول ان في حد في حياتها
مالك بتسائل : طب ما انت كذبت وقولتلها ان في واحده في حياتك
اياد بنفي : لا انا مكذبتش انا كان قصدي عليها هي بس محستش ولا فهمت البعيده جبله
مالك بفاذ صبر : ما تصارحها وتجيب من الاخر وهي يا تقبل يا ترفض
princessN
اياد بحزن : كان ممكن قبل ما تقول انها بتحب حد إنما بعد ما قالت كده وكمان بتاكد أنها لسه بتحبه لا مينفعش كرامتي ماتسمحليش أكون احتياطى انا هنساها خلاص
مالك بحيره : بص سيبها للأيام يا تبعدو و تنسى يا يجمعكم القدر وتكملوا سوا
اياد : مش عارف بس الاكيد اني لازم انساها
صمت الاثنين ظل اياد ينظر من خلال زجاج السياره و يتحسر علي حاله ف منذ ان تركها وهو يشعر بغصه داخل قلبه لا يعرف هل أحبها بالفعل ام مجرد فتاه كسرت غروره لتكون اول فتاه لا تراه و تقع في حبه ولكن وجد الإجابه سريعاً لو كانت مجرد فتاه كسرت غروره ل غضب و لكن هو ليس غاضب هو يشعر بألم داخل قلبه حاول التخلص من تلك الأفكار عن رأسه و قرر أن يصبر ويترك الأمر للقدر فلن يحاول أن ينساها و لكن سوف يتجاهلها قليلاً أن لاحظت فهي مهتمه وان لم تلاحظ فسوف ينسحب من حياتها ويخرجها من حياته
اما عن مالك فكان هناك أمر آخر يشغل باله هل ستحبه كما يحبها هل ستقبل به زوج ل باقي عمرها
سبحان الله وبحمده عدد خلقه ورضا نفسه وزنة عرشه ومداد كلماته💝🌹
___🌹روبنزل المغتصبة🌹___بقلمى_برنسسN
وصلوا إلى قصر الحديدي دخل الشابين وجدوا جميع افراد العائله موجودين إلا مازن وسالى و شمس....
نظرو نحو زوجه عمهم فؤاد نازلي كانت في قمه الغضب و الجميع يحاولون تهداتها دخل مالك و اياد
اياد بهمس :نازلي هانم شكلها هتولع فيك
مالك بهمس : سيبك ولا نازلي هانم ولا غيرها يفرق معايا
اياد بهمس : طب حاول متتعصبش علشان خاطر فهد ميزعلش
وصلاء الاثنين بدأ اياد بالحديث لتلطيف الجو
اياد بمرح : متجمعين في الخير دايماً
و ذهب مباشراً إلى والدته وجلس بجوارها وضمها
ليلي والدة إياد : حبيبي وحشتني أوي
نازلي بغضب : خير إيه يا اياد اللي بتقول عليه و البشمهندس عمال يتصرمح مع البنات لا و كمان بيعلن انه هيخطب
رقيه بهدوء : اهدي يا نازلي لما نفهم إيه الموضوع
ذهب مالك وجلس بجوار عمه عصام و هو والد اياد
علشان تجمعوا افراد عيلة الحديدي و متتلغبطوش
الجد هلال كبير العيله و ده هيظهر فيما بعد
الابن الكبير فؤاد و ده جوز نازلي و ابو أولادها فهد و فريده فؤاد توفي مع فهد اخوه التاني في حادث سياره و فهد يبقي جوز رقيه و ابو مالك و مازن الآخ الأصغر عصام و زوجته اسمها ليلي و أبنائهم اياد و شمس و سالي و في بنت للجد هلال هنتعرف عليها فيما بعد
عصام بهدوء : مالك ايه اللي شفناه في التلفزيون ده ممكن توضحلنا عشان البيه أخوك قال معرفش لما يجي مالك اسالوا و كمان سالي وشمس كل واحده طلعت علي اوضتها و محدش راضي يتكلم في إيه ؟
مالك : انا اللي طلبت منهم كده الموضوع يخصني انا
رقيه بحده : طب اتكلم مين دي
اياد : انتي ازاي معرفتهاش يا طنط لحقتي تنسيها
رقيه بعدم فهم : انسى إزاي هو أنا أعرفها انا لسه داخله و مالحقتش أشوف الخبر اللي بيتكلموا عنه حتي مشفتش مازن
إياد بتفهم : آه علشان كده بتسألي عنها مالك هيتجوز سلمي
رقيه : سلمي مين؟
اياد : بنت خالة شذى
نازلي بغضب : هو في شذي كمان و دول اتحدفوا علينا من انهي مصيبه
رقيه بحده : عيب يا نازلي كلامك ده دول بنات محترمين جداً
ليلي : انتي تعرفيهم يا رقيه
رقيه : ايوه شذي تبقي بنت مدام لمياء مديره المدرسه اللي في العزبه اللي كان فيها شمس و سالي قبل ما تنزلوا هنا وتستقروا
ليلي : بصراحه مش فكراها
إياد : شذي مع سالي في الكليه
فهد : طب وانت اتعرفت عليها ازاي يا مالك
مالك : لما سافرنا عند ماما شفتها هناك و حبيتها
عصام : حب مره واحده ازاي انتوا مفضلتوش في العزبه غير يومين بس
نازلي : مخدتش بالك أنهم كانوا طالعين من المطار والصحافه مقبلاهم بتصورهم وهما ماسكين أيدين بعض
اياد : احنا كلنا سافرنا من العزبه علي سينا وبعد كده علي الغردقة
عصام : وايه علاقة أمير الزيني بيهم انا شوفته كان معاكم
مالك : باختصار سلمي و امير وشذي متربين سوى
رقيه : تقدر تقول اخوات رنا اخته اللي ماتت الله يرحمها هي سلمي وشذي اخوات في الرضاعه
ليلي : انتي شكلك عرفاهم جداً يا رقيه
رقيه : بصراحه شذي اللي اعرفها اوي لانها دايماً بتزورني وكمان والدتها ست محترمه جداً و امير اعرفه من و هو صغير ايام فيلا المهندسين كنا جيران انتي عارفه الباقي في شغل بين العيلتين و امير و مازن صحاب بس سلمي دي اللي مكنتش اعرفها لما شفتها كانت بتغني وهي بتتمشي هي وشذي سمعت صوت زي صوت العصافير عجبني طلبت من ام ورد تندهلها واتعرفت عليها بنت زي القمر جميله ورقيقه و ناعمه جداً فعلاً زي ما بتقول شذي طالعه من حواديت الأطفال زي أميرات الحكايات بالظبط
انهت رقيه حديثها عن سلمي وهي في قمه السعاده و نازلي في قمه الغضب
ليلي :بجد شوقتيني اشوفها انا شفتها علي التليفزيون لما الخبر اتنشر بس كانت بصه في الارض أغلب الوقت
ضحكت رقيه : ههه اصلها بتتكسف جداً
نازلي بغضب : شيفاكي مبسوطه و موافقة يا رقيه
رقيه محرجه من نفسها فهي بالغت في سعادتها ونست نازلي المشتعله غضب
رقيه بتوتر : أصل يعني
وقفت نازلي : لا أصل ولا فصل مش المفروض ابنك خاطب بنتي فريده ايه اللي حصل بقي
وقف مالك : امتا ده فريده زي أختي و عمري ما قلت ولا صرحت بحاجه زي كده و لا عمري عاملتها الا علي أساس أنها بنت عمي واختي
نازلي بنظرة تحدي : بس أبوك و عمك كانوا متفقين على كده
مالك : ابويا وعمي الله يرحمهم كان كلامهم هزار وانا مش مضطر اتجواز واحده مش بحبها علشان خاطر هزار
نازلي بانفعال : ازاي بتقول كده مبتحبهاش ليه الهانم التانيه دي أحسن من بنتي في إيه؟
قاطعها فهد بحزم وعصبيه : ماما في إيه هو حر وبعدين فريده مش قليلة علشان تجبري حد يتجوزها
نازلي : اه ليك حق عايز تجبلنا واحد من الشارع زي ما حضرتك عملت و جبتلي واحده لا ليها أصل ولا فصل
فهد : ماما مسمحلكيش بعد اذنك مراتي مش من الشارع مراتي بنت ناس حتي لو مكنوش اغنياء بس ناس محترمه ويشرفني اني اناسبهم و ان إسراء تبقي مراتي ده شيء افتخر بيه
قاطعهم صوت بكاء اسراء التي كانت تجلس في غرفتها سمعت أصوات عالية نزلت للاسفل وسمعت كلام حماتها التي لا تترك فرصه لتعيرها بفقر اهلها نظر فهد نحو مصدر الصوت وجده زوجته تقف علي السلم وهي تبكي...
نظر ل والدته نظرات غضب وذهب إليها أخذها وذهب ل غرفتهم
عصام بغضب : عجبك كده يا نازلي حرام عليكي حد يقول علي مرات ابنه و أم حفيدته كده
نازلي : مش مرات ابنى و لحد ما أموت مش متقبلاها أبداً
قالت جملتها و ذهبت سريعاً إلى غرفتها وهي في قمة الغضب.....
___🌹روبنزل المغتصبة🌹___
بقلمى_برنسسN
جلس الجميع في حالة انزعاج من الفوضى التي حدثت
عصام : مالك انت فعلاً مش عايز بنت عمك
مالك بغضب ممزوج بثقه : عمي لو سمحت انا مش صغير و اكيد عارف أنا عايز مين... انا عايز سلمي تبقي مراتي و فريده زي اختي زي سالي وشمس بالظبط التلاته اخواتي
ليلي : فعلاً يا عصام مالك عمروا ما قال ان فريده ممكن تكون غير أخت له بس نازلي اللي مصره علي اللي في دماغها
رقيه : عندك حق حاولت تغصب فهد يتقدم لشمس ولما رفض وقالها شمس بتحب مازن وانه بيحب اسراء قلبت الدنيا وساعتها مازن خطب شمس علشان نازلي تبطل كلام في الموضوع ده و فهد اتجوز اسراء من تلات سنين لحد النهارده مش متقبله اسراء أبداً
عصام : مع ان البنت محترمه وحتي عيلتها رغم فقرهم ناس محترمين و اسراء مش قليلة دي محاميه واختها بتدرس طب و ابوها راجل موظف ومعروف باخلاصه واحترامه وانا قولتلها الكلام ده كتير بس كل اللي في دماغها المستوي والفلوس وبس
ليلي : بس خطيبة مالك أو اللي هيخطبها بيقولوا انها بنت رجل اعمال
عصام : انا اعرفه كان جارنا هو كمان في المهندسين رجل محترم و زوجته ست محترمه بس ملهاش في الاختلاط كان بنا شغل وكنا لما بنعزمه علي حفله كان بيجي لوحده وبيقول انها مش بتحب الحفلات
رقيه : الله يرحمها بقي
عصام بدهشه : هي ماتت.. الله يرحمها انا قبلتها مره واحده عندهم في البيت كنت رايح ل مختار ست محترمه جداً
ليلي؛ الله يرحمها وعلي وصف رقيه بنتها طلعالها
رقيه : انا معرفش والدتها بس عارفه اول مره شفت سلمي اتمنيت انها تكون لحد من ولادي
ضحكت ليلي : هههه حد من ولادك ازاي و الله البت اللي فوق دي لو سمعتك تموت فيها
رقيه بضحك : ههه انا قصدي علي مالك واياد ما هو كمان ابني
وقف مالك وجلس بجوار والدته وضمها وقبل رأسها
مالك مبتسماً : بجد يا ماما لدرجادي بتحبيها
رقيه : بصراحه اه جداً بس مستغربه تسرعك
اياد : لا حضرتك لسه معرفتيش الكبيره الخطوبه بكره والفرح آخر الأسبوع
رقيه بدهشه : ايه ازاي ده ليه التسرع ده خطوبه وفرح في أسبوع ازاي
مالك : زي الناس انا حبيت سلمي و مقدرش ابعد عنها
عصام : الامور مبتتخدش كده لازم تتعرفوا علي بعض يمكن مترتاحوش سوا
مالك : انا مش هرتاح غير و هي جمبي وبعدين انا عرفتها و حفظتها وشفتها وهي علي طبيعتها يبقي ايه لازمه الخطوبه والحوارات دي
رقيه : انت ماكملتش اسبوع
مالك؛ ماما لو بتحبيني متعترضيش انتي متعرفيش انا قد إيه سعيد انك بتحبي سلمي متكسريش فرحتي
رقيه؛ لا يا حبيبي متقولش كده مايهونش عليا زعلك بس انا خايفه عليك التسرع مش كويس
مالك : ماتخفيش ابنك مش صغير ابنك راجل و عارف بيعمل إيه و سلمي كويسه جداً و انا مش عايز واحده غيرها أقضي معاها عمري
رقيه : لدرجادي بتحبها.. خلاص مبروك
ضمها مالك بسعاده : الله يبارك فيكي يا ست الكل
عصام : مبروك يا حبيبي علي الله بقي تعقل و تبطل سهر كل يوم لوش الصبح
اياد: عندك حق يا بابا
princessN
ليلي: عندك حق يا بابا ما انت بتبقي معاه مش ناوي تتجوز انت كمان وتعقل
اياد : عايزه تخلصي مني علي العموم اخرك معايا اسبوع و هقولك هتجوز امتا و مين او اقولك اصرفي نظر عن الحوار ده
ليلي : قلب مامي في بنوته اخدت قلب ابني حبيبي
مالك بضحك : هههه رد يا قلب مامي ده لو اللي في بالي سمعت قلب مامي دي مش متخيل هتعمل عليك حفله وتتريق للصبح ههههه
ضحك أياد : هههه تصدق صح والله كان يبقي منظري زباله خالص ماما بالله عليكي بلاش حكايه قلب مامي دي اصل بكده ممكن اعنس جمبك
ليلي بضيق :تعنس ايه الكلمه البيئة دي وبعدين مين دي اللي هتحفل عليك وهي دي حبيبتك
اياد 🙄 :هو فين السؤال
ضحك عصام : هههه ريحي نفسك الود ده صايع ومش هيقولك هي مين غير بمزاجه
مالك : ه صح كده بعد اذنك يا عمي هنروح بكره نخطب سلمي ونتفق علي كل التفاصيل
عصام : حاضر يا حبيبي ومبروك يا ابن الغالي
وقف عصام ومالك وضموا بعضهم أحس مالك في ضمة عمه وكأن والده عاد للحياة ليهنئه بزواجه
ليلي : مبروك يا كوكي
اياد : ههه كوكي يا لهوي هههه ده ماما انويه تخلي شذي تظبطنا احنا الاتنين
مالك : ههه ميرسي يا لوله بس بلاش كوكي دي اصل عندو حق شذي مش بتفوت
ليلي بمكرر 😏: اااه شذي يعني افهم ان اياد من شويه لما كان بيطلب مني مدلعهوش و انت اتكلمت عن بنت دي كانت شذي صح
اياد متوتر لا يعرف بماذا يجيب
اياد بتوتر : لا لا مش كده اللي بتتريق شذي انما حببتي حاجه تانيه خاالص
ليلي : يعني في حبيبه مين بقي
مالك بشماته : البس بقي
ضحك اياد : ايه هنخرج؟
ليلي بجديه : اياد مش وقت هزار مين هي حبيبتك ولو مقلتليش بجد والله العظيم هزعل
اياد : يووووه بقي يا ماما كل حاجه تزعلي وبعدين مش هينفع دلوقتي
ليلي بغضب : ليه بقى يا باشمهندس ما ينفعش دلوقتي قول مفيش حد غريب مالك ابن عمك وصاحبك وعارف هي مين وانا عارفه لو سألته لئيم زيك و مش هيرضى يقول وباباك اكيد مش هتخبي حاجه عن باباك وطنط رقيه وانت عارف ان انا مش بخبي عنها حاجه يعني اخلص و هات من الاخر يا اياد يا اما والله العظيم دقيقه واحده و هاسيبك واطلع على اوضتي و ساعتها بقى ما تجيش تقولي سوري يا ماما لاني بجد مش هقبل منك اي اعتذار
اياد : خلاص خلاص كل ده عملتي حوار كبير اوي
ليلي : انجز مين هي
اياد : انجز؟.. بناتك بوظوا اخلاقك
ليلي بحده : اياااااد انطق
اياد: خلاص انتي هتتحولي اه انا بحب واللي بحبها تبقي شذي ارتحتي بقي
ضحكت رقيه : لا والله كده كتير شذي والله انا مبسوطه و قلبي من الفرحه هيطلع من بين ضلوعي سلمي وشذي مع بعض
عصام : ليه واشمعنا بقي بنتين زي ما قالت رقيه عنهم انهم ابرياء و هادين شدوكم في ايه انتوا الاثنين طول عمركم صايعين مش انت ابن اخويا وانت ابني وانتوا الاثنين في قلبي معزتكم واحده بس انتم صايعين
اياد : شكراً يا بابا بقي انا صايع ماشي بس لمعلوماتك شذي بريئه بس مش هاديه دي عباره عن مجموعه أشخاص في بعض دوشه و شقاوه و جنان و ضحك و دلع و
قطعته ليلي : ايه لسه هتكمل ايه يا ابني دي جننتك خالص
رقيه : هي تجنن لو شفتيها بقي هتموتي فيها رغم شقاوتها وجنانها انما قلبها قلب طفله بتزعل وبتبكي وتضحك في نفس الوقت
ليلي بضحك : دي مجنونه بقي ضحك ودموع مع بعض بس اكيد ذكيه اللي تتمكن من قلب أيدوا حبيبي
اياد : ماما قولنا ايه ولا ايدوا ولا رجله اياد وبس
ليلي بضحك : ههه حاضر
مالك بمكر : لا قوليله يا شكولاته ههه
اياد : ههههه لا بلاش إلا شكولاته هههههه
عصام : لا ضحكوني لازم اعرف ايه حكايه الشكولاته
اياد : ده حوار كده لما اتاكد من اللي في دماغي هقول لحضرتك
ليلي بتفكير : تتاكد من إيه؟
اياد بنفاذ صبر : من ان شذي بتحبني ولا لأ
عصام؛ هو انت لسه متعرفش انت ما قلتلهاش انك بتحبها
اياد : بصراحه لا لسه و معرفش هقولها امتا و بليز مش عايز حد غيركم يعرف بموضوع شذي و بتحديد شمس و سالي لازم اتأكد الأول وانا اللي اصارحها لو اخواتي عرفوا هيروحوا يقولولها على طول
رقيه : في دي عنده حق
ليلي؛ خلاص مش هقول حتي علشان اشوفها علي طبيعتها زي ما انت بتقول عليه كده و لا لا
مالك : إيه ده شغل حموات
عصام : شكلها كده يلا اطلعوا ارتاحوا بكره في شغل ضروري كويس انكم جيتوا
مالك : تمام تصبحوا علي خير
اياد : خدني معاك تصبحوا علي خير
الجميع : و انتوا من أهل الخير
رقيه : انا هطلع ارتاح انا كمان تصبحوا علي خير
ليلي و عصام : وانتي من اهل الخير
ليلي؛ يلا احنا كمان يا حبيبي علشان ترتاح بعد النقاش مع نازلي
عصام : عندك حق والله تعبتني اكتر من الشغل يلا يا حبيبتي
ذهب الجميع للنوم داخل فيلا أشرف الزيني أيضاً الجميع نام بعد محادثات كثيره بينهم وبين مختار و زوجته....
دخلت شذي وجدت سلمي بالفعل نائمه اختارت النوم حتي ترتاح من الاساله الكثيره التي تدور في عقلها...
نرجع قصر الحديدي في غرفه نازلي تتحدث في الهاتف مع ابنتها فريده
نازلي📱: فريده بقولك مالك هيتجوز لازم ترجعي في اقرب فرصه
فريده📱بوجع : هيتجوز ازاي هيتجوز مين وازاي وحتى يا مامي لو فكرت ارجع رجوعي هيعمل إيه ده واحد هيتجوز أرجع اقوله لا ما تتجوزش واتجوزني مامي انت بتتكلمي ازاي انا مستحيل انزل نفسي للمستوى ده لا عشان مالك ولا عشان اي احد
نازلي 📱بغضب ؛ فريده الحبتين دول يا حبيبة ماما تعمليهم على اي حد مش على مامي عشان انا عارفه كويس انتي بتحبي مالك
princessN
فريده📱ببكاء ؛ فعلا يا ماما بحبه وبحبه اوي و اكتر من أي حد بس هعمل إيه انتي بتقولي سمعتيهم بيقولوا الفرح بعد أسبوع انا لو عرفت اجي ممكن اجي بعد يومين هاعمل ايه اقدر امنع الفرح حضوري انا هيعمل إيه هو اكيد هيتجوزها انتي عارفه مالك لما بيحب يعمل حاجه بيعملها حتى لو مين وقفله وانتي بتقولي طنط رقيه فرحانه بيها... ماما انا مش قادرة اوصفلك كميه الوجع اللي انا فيها دلوقتي ده حب عمري حب طفولتي بيروح مني بس هاعمل إيه ؟
نازلي📱بانفعال : تيجي يا فريده تيجي وبعد كده نبقى نشوف هنعمل إيه حتى لو اتجوزها هيتسلى معاها يومين ويسيبها انا و انتي و العيله كلها عارفين مالك كويس مالك مش بتاع جواز انما لما يتجوزك انتي بنت عمه مش هيقدر في حياته انه يطلقك
فريده 📱بحزن؛ طب افرضي دلوقتي يا مامي انا سمعت كلامك و جيت ومالك اتجوزها وما رضاش يطلقها ابقى انا استفدت ايه عطلت دراستي وخلاص
نزلي 📱 : انت تسمعي كلامي وتيجي وبس وبعدين دراسة إيه انت بتستعبطي انتي عندك اجازه بكره الصبح تحجزي يا فريده و تكلميني وتقولي يا ماما انا جايه اليوم الفلاني مفهوم يا فريده وانا هعرف اخلص من البتاعه اللي هو جيبها دي
فريده📱باستسلام : حاضر يا مامي بكره الصبح هاحجز على طول ما تعصبيش نفسك وما تزعليش يلا تصبحي على خير
نازلي 📱 : وانتي من اهله يا قلب مامي مع السلامه
اغلقت الخط
نازلي بغيظ و غضب : ماشي يا مالك ان مكنتش اخليك تطلقها وتيجي تبوس ايدي علشان اجوزك بنتي ما بقاش نازلي
___🌹روبنزل المغتصبة🌹___
بقلمى_برنسسN
داخل غرفه فهد و اسراء
بعد ان هدائها فهد و كفت عن البكاء وتحولت إلى ابتسامه تنير وجهها الابيض وعيونها السوداء وشعرها الأسود متوسط الطول و جسدها الرشيق دي موصفات إسراء الألفي بنت موظف بسيط تعمل محامية وهنعرف ازاي اتجوزت فهد بعدين نتعرف بفهد
فهد فؤاد الحديدي ظابط جيش طويل ذات جمال و وسامه تخطف القلب مع قوه شخصيته و هدوئه يحب عائلته جداً و هم كل حياته
نرجع ل الروايه... عند فهد و أسراء علي الفراش تضع رأسها علي صدره وهو يربت علي شعرها الناعم الاسود كسواد الليل
اسراء : فهد
فهد : امممم
إسراء : انا بحبك اوي
ضحك فهد : ما انا عارف
رفعت راسها وضربته بيديه علي صدره
فهد : اه يا مجنونه ايدك صعبه بهزر معاكي
أسراء : تستاهل علشان تبقي تسوق البرود عليا
اقترب منها و عيونه أمام عيونها
فهد بهمس : لو انتي بتحبيني ف انا بعشقك.. اسراء انا بجد مقدرش احب ولا اشوف غيرك... بحبك
اسراء : و انا بموت فيك
اقترب و قبلها قبله طويله ثم ابتعد شعرت ببعده عرفت انه يتتطلع إليها ك عادته خجلت ورفعت يديها و وضعتهم علي وجهها ظل يضحك عليها بشده وعلي خجلها فبرغم حبهم وزواجهم لا تزال تشعر بالخجل من نظرته من أثر ضحكته استيقظت ابنتهم الصغيره رفعت يديها من علي وجهها و هي تحاول رسم معالم الغضب لتخفي خجلها
اسراء : عجبك كده ميمي صحيت من النوم و هتسهرني للصبح
فهد بضحك : ولا يهمك انا هسهر بيها وانتي نامي
إسراء بابتسامه : بجد طب ابعد كده خليني اجبها
ابتعد عنها وقفت اسراء وتوجهت إلى صغيرتها تضمها بحنان
فهد : هاتي قلب بابي دي
اخذ الفتاه وظل يلعب معها واسراء ذهب لتحضر رضعه لصغيرتها
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية روبنزل المغتصبة" اضغط على اسم الرواية