رواية تركت أثر الفصل الثاني عشر 12 بقلم نهى الحفناوي

   رواية تركت أثر الفصل  الثاني عشر بقلم نهى الحفناوي

 رواية تركت أثر الفصل  الثاني عشر

علشان الى بنحبهم هنعمل أى حاجة المهم يكونوا مبسوطين " عمى محمود عمل علشنا كتير، اكيد مش قليل عليه ان أنزل البلد الى عمرى فى حياتى ماروحتها وكل الى يربطنى بيها ان أبويا منها، أبويا اه اتولد فيها، بس روحه كانت فى أمى واسكندرية، ولما مات وصى انه يندفن مع أمى، هتفضل قصة حب امى لأبويا من أحسن القصص الى عرفتها عن الحب، أتمنى ان الأقى حد يحبنى زى مابابا حب ماما وكان مخلص ليها كان بيحبها جدا لدرجة انه مات من زعله عليها، أما أشوف بقى قصة عمى ياترى بقى ياست شوق انت عاملة ازاى واخبارك ايه، اتجوزتى ولا ايه وضعك، وسبتى عمى ليه بقى فى حد يسيب عمى بس هو بيقول مش بإيدك *كنت بكتب ومندمجة أوى فى الكتابة، وفجأة لقيت وليد بيكلمنى*

وليد: هو اناممكن أعرف بتعملى ايه من اول الطريق وانت عمالة بتكتبى *راكبين انا وليد العربية وهو الى بيسوق*

أخلاق: تقدر تقول بكتب مذكراتى او يومياتى او اى حاجة، بحب اسجل حجات بتحصلى مواقف كدا يعنى،انت عمرك ماعملت كدا

وليد: عمرى مفكرت أعمل حاجة زى كدا، زمان كنت بطلع كل طاقتى فى الرسم وكدا دلوقت مبقتش اعمل حاجة

اخلاق: على فكرة رسمك حلو جدا

وليد: انت عرفتى منين

اخلاق: لما روحتلك مصر علشان اتحايل عليك علشان طبعا تتنازل وتجى اسكندرية، شوفت رسومات ليك وكدا وعجبتنى، انت ليه بطلت ترسمم

وليد: الإكتئاب والوحدة حجات كفيلة انها تخلى اى حد. يكرة كل حاجة حتى لو كان بيحبها، بعد موت ماما فقدت شغفى بكل حاجة، هى الى كانت دايما بتشجعنى كانت دايما بتسانى ليا كل جديد، كانت بتنبهر بيا حتى لو الى انا عامله دا عادى، كانت دايما بتحسستى انى خارق ومحدش شبهى، كانت طيبة اوى ووى، شبهك كدا

اخلاق: شبهى انا

وليد: اه سعات بحسك بتفكرينى بيها فى طيبتها وهدوئها و كدا *وليد اتوتر وقالها اعتقد وصلنا دا العنوان *

اخلاق: يعنى تركن هنا

وليد: مش عارف اسألى كدا، هوقف العربية على جنب واسألى أى حد معدى

*أخلاق سرحت كدا وبان على ملمحها إنها زغلانة*

وليد: فى إية،سرحتى ليه،احنا ممكن نرجع لو انت مش عاوزة تروحى

اخلاق: مش عارفة أعمل إيه، اروح عند عمى ولا أسأل على شوق وأروحلها

وبعدين أنا مجتش المشوار دا كلة علشان أروح، بس مش عارفة أعمل إيه

وليد: انت ممكن تروحى لعمك احسن ومن هناك تسألى على خطيبة عمك، علشان لو اتحوزت وكدا ميبقاش فى إحراج

اخلاق: تفتكر عمى ممكن يرحب بيا اصلا، او ممكن يعرفنى

وليد: جربى مش هتخسرى حاجة

*أخلاق نزلت من العربية سألت على عنوان عمها وعرفت فين وخدت وليد ورايحين البيت لعمها*

أخلاق خبطت وفتحت الباب واحدة ست

_انت مين

أنا أخلاق بنت أمين الله يرحمه

فى صوت جاى من بعيد بس بيقرب بيقول من الى بيخبط يا أم على بقالك ساعة واقفة،وفجأة ظهر شخص شد الباب جامد علشان يشوف من الى بيخبط

_انت مين يا أبلة

أخلاق:أنا أخلاق وأكيد انت عمى محمد فيك شبة من بابا ومن عمى محمود

*لقيت عينه بتدمع وبيبص للست وسكت كدا ولقيتة بيقولى وصوته مليه الحزن،بنت أمين، هزيت براسى وانا بصاله،ونفسى أحضنة،بس خايفة وزعلانة منة علشان مسألش علينا السنين دى كلها ولقيت الست بتقول انت هتفضلى على الباب ادخلى *

بعد مدخلنا وقعدنا لقيت عمى بنبرة شديدة بيقولى

_ايه الى فكرك بينا يابنت أخويا

اخلاق: مفيش ياعمى جيت اطمن عليك،وكنت عاوزة أسأل على شوق

عمى محمد: شوق مين تقصدى خطيبة محمود عمك اكيد هى

اخلاق:اه عاوزة اعرف ايه أخبارها وكدا

عمى محمد:قوليلى الأول، اخبار محمود ايه

اخلاق:كويس

عمى محمد: مجاش معاكى ليه

اخلاق: هو ميعرفش انى جاية انا اصلا همشى دلوقت، بس جيت اسال عنها لان عمى لسه بيفكر فيها

عمى محمد: هو الى عمل كدا فيها وفى روحه،كان فاضل على فرحة شهرين ساب كل حاجة وجرى ورا ابوكى انا مش عارف اسكندرية ايه، واهو خسر ارضة زية زى ابوكى،كان زمان ابوكى متجوز وفاء بنت عمة ومعاة ارض وعمك كان زمانة متجوز شوق وقعدنا هنا مع بعض منها لله أمك هى الى فرقتنا

*أخلاق عينها دمعت ووليد شافها واتعصب بس أخلاق بصتلة وهو اتحكم فى إيدة كان رايح يضربة بس قبض على إيدة كدا ونفخ جامد*

أخلاق: النصيب ياعمى، على العموم انا جيت علشان أسأل على شوق هى اتجوزت

عمى محمد: اتجوزت واطلقت، وقعدة مع اخوها فى البيت

اخلاق: طب أنا عاوزة أروحلها

عمى محمد:ايه هاتجوزيهاله ولا ايه

اخلاق: النصيب ياعمى،اروح بيتها ازاى ياعمى

عمى محمد: استنى اندهلك ولاد عمك تتعرفى عليهم الأول ولا انت مش عاوزة تشوفيهم،وابقى ايعت معاكى حد منهم يوديكى البيت عندها،بس يعنى انت معرفتناش مين الأستاذ الى معاكى دا

أخلاق: دا وليد شريكى فى المطعم،وبن خديجة هانم الست الى ماما اشترت المحل منها

عمى محمد:تشرفنا، روحى يا ام على اندهى للعيال *راحت ندهتلهم وكلك دخلوا سلموا على أخلاق*

عمى محمد: دا على ابنى الكبير متجوز ومخلف ودا أمين متخرج من هندسة والى جنبة دا محمود فى تالتة زراعة،والصغيرة دى رقية فى تانية اعدادى*لما سمعت اسم بابا وشى اتخطف وفرحت ان عمى مسمى على اسم بابا وعمى محمود اول مرة اعرف حاكة زى كدا *

عمى محمد:ايه اكيد مستغربة،كان لازم اسمى على اسامى اخواتى،لما ابوكى ساب البلد هنا كانت مراتي حامل قولت لو ولد هسميه أمين، ولما ربنا رزقنى بيه سميتة أمين،كنت بحب أبوكى اوى وكان نفسى يشوفة، امين اكبر منك بسنتين انا عارف،متفتكريش علشان مكنتش بسأل عليكوا يبقى معرفش،انا مطمن عليكوا طول ما محمود هناك، بس صدقينى امك الى عملت كدا ربنا يسمحها.

*أخلاق انفعلت * عملت إيه ياعمى كل ذنبها انها حبت أبويا وكانت مستعدة تعمل اى حاجه علشانة حتى انها تسيب اسكندربة وكل اهلها وتجى هنا،بس ابويا الى مرضاش كان عاوز يكون نفسة هو كان عارف ان امى متقدرش تسيب اسكندربة فضل معاها غلط فى ايه،انتوا الى غلطوا،لما خسرتوة،ابويا لأخر نفس كان بيجيب سيرتك كان بيحبك، مكنش عاوز منك لا أرض ولا فلوس،كان عاوزك بس تطمن عليه، وتقوله تعالى ياخويا، كان بيحبك اوى ياعم محمد، بس انت قولت بدل ساب البلد يبقى خلاص، امى عمرها مطمعت فى أبويا ولا اتجوزته علشان فلوسة،والدليل ان طول السنسن الى فاتت ابويا كان مش معاه فلوس وامى عمرها مفكرت تقوله انزل هات ورثك ولا اطلب من اخوك،كانوا بيقضوها أى حاجة،علشان متفكرهمش طمعانين فيك ياعمى،

عمى محمد: خلاص يابنتى ربنا يرحم الجميع *عينة دمعت ووشة اتخطف*، يلا يا رقيه خدى بنت عمك وديها لشوق بس يا أخلاق لما تروحى هناك متعرفيهاش انت مين،قوللها اى حاحة ولما تبقى لوحدكوا ابقى قوليلها الى انت عاوزاة

رقية:انا عند درس يابابا ومنى مستنيانى،خلى أمين يروح

امين:عادى يابابا ممكن أروح معاها

عمى محمد:خلاص روح معاها،واستناها برة لما تخلص وهتها اوعى تسيبها لتضيع، وخلى بالك منها

امين:ماتخفش يابابا،دى بنت عمى واكيد هخاف عليها طبعا،

عمى محمد: يلا روح وديها واتفضل انت يا استاذ وليد اشرب معنا الشاى لحد اما يجوا

*امين واخلاق مشيوا علشان يروحوا لشوق*

اخلاق: معلش بقى لو كنت عطلتك عن حاجة يا بشمهندس

أمين: عطلتنى،لا متخافيش انا كدا كدا عواطلى،وبعدين مش لازم كلمة بشمهندس دى علشان بتعصبنى قولى امين عادى *أمين كان بيتكلم وهو زعلان على حالة ان عواطلى وكان باين عليه واخلاق خدت بالها وقررت انها تساعد أمين بس لما تخلص مشكلة عمها*

اخلاق: ماشى

أمين: متزعليش من بابا يا اخلاق،ولا تضايقى،أبويا بيحب ابوكى جدا، سعات لما كنت بروح اقعد معاه،الاقيه بصلى كدا وعينة دمعت،ولما أسالة مالك،يقولك ان انا بفكره باخوة امين،ولما كنت اقولة يكلمنى عن عمى امين يعيط ويقولى عاوزك تطلع شكل امين طيب وكريم وبيحب الناس كلها،بس اوعى تحب حد وتبعد عن اخواتك،هو معتقد ان امك هى السبب،بس انا عارف طبعا ان الموضوع نصيب وان مفيش حد بيتحكم فى قلبة،انا فخور ان عمى عمل كدا وواجه كل الناس علشان الى بيحبها ،بالمناسبة،حقك انتى واخوكى وعمك محمود،موجود زى مهو ابويا مخدش حاحة،هو بيعمل بيوصيه جدى وخاف يدى الارض لابوكى احسن يبعها، ولما جدى كتب كل حاجة لابويا مكنش يقصد يحرم ابوكى كانوا خايفين يبعها زى مقولتلك، والدليل ان ابويا رجع كل حاحة زى مكانت،ووصى ان ارضكوا محدش ليه دعوة بيها، لما عمى محمود راح علشان يعيش فى اسكندرية،ابويا خد ارضة كان فامر انه بكدا بيلوى دراعة،وان هيرجع علشان يتجوز شوق وياخد ارضة، وبكدا اهل امك مش هيلاقوا حد يصرف عليكوا فهترجعوا كلكوا البلد وهتلتموا تانى زى مابويا كان نفسه،بس طبعا عمى محمود مقدرش وابويا استسلم وكرامتة منعته من انوا يروح يسأل

، انا بقولك كل دا علشان متشليش من عمك الى هو ابويا

اخلاق:يااااه ياعمى محمد كل دا، ياريتك.قولتلى كل دا من زمان يا أمين

امين: مش مهم،المهم انك عرفتى، بيت شوق اهو خدى بالك من نفسك،واوعى توقعى بكلمة قدام حد ،لان اخوها رخم،هتلاقيه برا دلوقت على القهوة وهتلاقيها قعدة مع مرات اخوها وعياله اسمع ان مرات اخوها طيبة متخفيش،بس بسرعة قبل مهو يجى

اخلاق: ماشى ياامين،ولو حسيت انت هيجى وكدا صفر او اعمل اى حاجة علشان اخلص بسرعة وكدا اتصرف يا أمين، شغل دماغ هندسة *امين ضحك*

امين:ماشى ياست اخلاق بس انت انجزى بسرعة بلاش رغى الستات دا

اخلاق: على اساس انكوا مش رغاين يعنى

امين:هنقعد ساعة نتكلم مين رغاى ومين لا يكون اخوها جة اخلصى ياست

اخلاق: اما اجى نبقى نتناقش *أخلاق مشيت خبطت على الباب*

مين

_ازيك ياشوق *شوق استغربت *

شوق: انت مين

أخلاق: انت أحلى من الصورة بكتير ماشاء الله

شوق: هو انت مين يابنتى *اخلاق طلعت صورة لعمها محمود وشوق مع بعض، شوق شافت الصورة واغمى غليها،وجات مرات اخوها *

انت مين وعملتى فيها ايه والله لابلغ عنك

اخلاق: ياست بس تعالى ندخلها جوا وبعدين نتكلم اسنديها معايا *دخلوها جوا وفوقها وبدأت تفتخ عينها واحدة واحدة*

اخلاق: متخفيش ياشوق انا اخلاق بنت امين اخو محمود، *وش شوق اتخطف ولقيتها ابتسمت بفرح بس بتخبى ولقيتها بتسألنى وهى بصالى جامد وعينها مدمعة*

شوق: هو كويس

اخلاق: اه كويس

شوق: اتجوز *بتقولها وهى خايفة لتكون الإجابة انه اتجوز*

اخلاق: حد يعرفك ويتجوز بعدك *مرات اخو شوق قطعتهم*

_معلش يابنتى لو كنت كلمتك بطريقة وحشة انا افتكرتك حرمية، العتب على النظر

اخلاق: ولا يهمك

فاطمة: انا هسيبكوا مع بعض واروح اعملكوا حاجة تشربوها

شوق: محمود كويس يا أخلاق

اخلاق: مفضلوش غيرك

شوق: هو اصلا فاكرنى

اخلاق: عمره منساكى صورتك تحت مخدتة مش بتششال، نفسوا من زمان يجى بس خايف يلايقكى اتجوزتى وكان معتقد انك اكيد هتكونى اتجوزتى

شوق: انا اتجوزت واطلقت، مطيقتش العيشا، كنت شايفة ان مفيش حد احسن من محمود، اخويا جوزنى غصب عنى، بس الحمد لله اطلقت، استنيته كتير بس هو مكنش بيجى، وانا معرفش طريقة، قولت اكيد اتجوز مهو بنات اسكندرية حلوين شبهك كدا، بس كان نفسى اشوفة

اخلاق: هتشوفيه

شوق: ياااه معدش ينفع يابنتى بقى، الرويات والأفلام الى فى السيما هى بس الى فيها البطل بيجوز البطلة، علشان الناس تروح مبسوطة*بابا الأوضة بيخبط، وفاطنة مرات اخو شوق دخلت بالعصير*

اخلاق: احضرينا ياطنط، هو فى حاحة لو شوق اتجوزت عمى محمود

فاطمة: الجواز لا هو حرام ولا عيب يا شوق، وبطلى تكابرى، انتى نسيتى العياط الى كنت بتعيطية علشان محمود، نسيتى العقد الى فى رقبتك الى هو جبهولك الى مبتقلعوهش، ولا نسيتى انك اطلقتى علشان مطقتيش تعيشى مع حد غيرة، لو فاضل فى العمر يوم واحد قضية مع الى بتحبية مش يمكن ربنا بيعوضك خير بمحمود وانت مش كبيرة مكبرة نفسك ايه الى من دورك لسه متجوز

*شوق ضحت ياست اضحكى بالكلام دا على عيلة دا انا عندى خمسة وأربعين سنة

فاطمة: بس زى القمر واحلى من بنات اليومين دول، ولا ايه يا أخلاق

اخلاق ايوة طبعا*سرحت فى الكلام الى فاطمة مرات اخو شوق قالتة ياااه هى كمان بتحب عمى الحب دا كلة استغربت جدا لسه فى ناس بتعرف تحب وعندها إخلاص بالشكل دا ، ربنا يكمل الموضوع على خير وأعرف أجمعهم *

*امين واقف عمال يصفر يصفر وفجأة اخلاق انتبهت

شوق: فى ايه يا اخلاق

اخلاق: امين بيصفر معنى كدا ان اخوكى جه

فاطمة: اه يالهوى زمانة جة وهيطين عيشتنا لو عرف انت مين

شوق: هنعمل ايه

فاطمة: متخافيش هو كدا كدا ميعرفش اخلاق، ومستحبل يعرف انها بنت اخو محمود، هقولة انها زميلة دعاء بنتة وبتسأل عليها ودعاء مش هنا

اخلااق: انا اسفة لو سببتلكوا اى ازعاج

شوق: اناالى اسفة يابنتى والله *أخلاق فكرت شوية كدا وقالتلها انا عاوزة اقبلة*

فاطمة:تقبلى مين يابنتى دا مش بيتفاهم وممكن يقولك حاجة تزعلك،انا خايفة يمد إيدة عليكى لو عرف انك بنت اخو محمود،اصلة معتقد ان الى حصل فى شوق هو السبب لانه سبها قبل الفرح بشهرين،ولما اتجوزت اطلققت وهو بيحب شوق وهيضايق اكيد وممكن يعمل حاجة تضايقك او يقول كلام يزعلك

اخلاق: انا هقبلة والى يحصل يحصل وانا واثقة انى هفهمة الموضوع صح

فاطمة: امشى يا اخلاق دلوقت وانا همهدله الموضوع واحدة واحدة،الامور متتخدش كدا يابنتى

*عيل صغير دخل وبيندن على امة الى هى فاطمة*

_ماما ماما بابا جة برة وبيقولك اطلعى انت وعمتى شوق علشان عاوزكوا

فاطمة: يالهوى جه، ربنا يستر

اخلاق: سبيها لله ولو سمحتى قوليله انى عاوزة اقبلة وان شاء الله خير بس متعرفهوش مين

يتبع الفصل التالي اضغط هنا

• الفهرس يحتوي على جميع فصول الرواية كاملة :"رواية تركت أثر" اضغط على اسم الرواية