رواية صغيرة فؤادي الفصل الثاني عشر 12 بقلم أسماء سلام

    رواية صغيرة فؤادي الفصل الثاني عشر بقلم أسماء سلام

 رواية صغيرة فؤادي الفصل الثاني عشر 

فؤاد قعد طول اليوم عمال يفكر فى روح وهو متضايق من بعد كلامه سلمى وأن روح بعد ما هتطلق منه هتعيش حياتها وتحب زوجها وأنه اول مرة يكون حاسس بشعورين عكس بعض ، الشعور الاول هو أنه يطلقها والشعور التانى أنه يخليها على زمته وميطلقهاش وهو مش عارف ازاى حاسس الاثنين مع بعض ومش عارف ياخد قرار وليه اصلا عايزها ومش راضى يطلقها بس طبعا هو مش بيحبها

فؤاد نفخ بعصبية ورمى الورق اللى فى أيده على المكتب وقال

فؤاد اووووف ، هو فى ايه ، مش عارف اركز فى الشغل ، كل ده بسبب روح ، ليه كل ده ، وليه هى بالذات ، هى فيها ايه يعنى علشان اكون متضايق وافكر فيها بالطريقة دى مع انى مش بحبها وكمان مش فاتنة الجمال اللى اى حد يشوفها يفتن بيها ، طب ليه بفكر فيها علطول وخصوصا من بعد كلام سلمى ، وازاى هتقدر تبعد عنى أو أنها تكون لغيرى أو أنها تخلى شخص غيرى يلمسها أو أنها تحب حد غيرى ، بجد التفكير هيفرتك دماغى ، بس انا عارف و واثق انى بحب سلمى والدليل انى هتجوزها فليه بفكر فى روح ؟؟؟!!!!

عند عدى وندى

عدى أنا جبتك هنا علشان نتكلم عن الشغل بروقان

ندى تمام اللى تشوفه

عدى بصى يا ندى ، الشغل ده عايز واحد دماغه معاه وبيفكر فى كل حاجة مرتبطه بالموضوع ومش يوافق وخلاص يعنى المفروض لو انتى مش عجبك قعدتنا هنا او الوقت مش مناسب تعترضى وبكده تكونى على اول درجات النجاح

ندى بالعكس أنا مبسوطه انى معاك وبكلمك

عدى اتفاجأ من كلامها فابتسم وهى لاحظت غمازاته وقد ايه جمال فقعدت تقول فى نفسها

ندى ده عسل وطيب اوى

عدى لاحظ أنها سرحت فقال سرحتى فى اي

ندى مفيش ، بفكر ازاى هبقى زيك كده فى يوم

عدى هتكونى زى واحسن منى كمان بس استعينى بالله وخلى عندك ثقة بنفسك وان شاء الله انتى قدها وأنا متفائل بيكى

ندى زيك ممكن لكن احسن منك معتقدش لان العين مبتعلاش على الحاجب

عدى ابتسم وقال بس الحاجب حكاية للعين

ندى ايوه يعنى أنا مش عايزة ابقى احسن منك ، كفاية اشتغل مع حضرتك واتعلم منك وبجد أنا هفضل طول عمرى شايلة جميلك ده فوق راسى انك بتساعدنى وتقف جمبى ، شخص غيرك كان استغل موقفى في اى حاجة مش كويسه وخصوصا انا الزمن ده زمن فاسد

عدى باذن الله خير يا ندى ، فعلا الزمن ده مش كويس ، تلاقى حد يخدع ويخون حد ويحب غيره ويؤذى التانى علشان مصلحته ومش هامه حد ويسيب الناس تتعب وتتالم وهو مبسوط

ندى مش فاهمه هو بيتكلم عن ايه بس حاسه ان الموضوع ليه علاقه بمراته

عدى لاحظ أنه كان بيتكلم على مراته أو اللى بقت دلوقتي طليقته ولاحظ أن ندى مش فاهمه حاجة فحاول يلطف الجو فقال

عدى عارف اكيد مستغربة كلامى بس قصدى أن فى بنات و شباب بيستغلوا الآخرين مش شرط شباب بس علشان كده لازم تعرفى انتى بتتعاملى مع مين وانا دائما جمبك وموجود وفى اى وقت تحتاجينى قوليلى وانا مش هتاخر عنك

ندى ميرسى 🤍 كلك زوق

عدى يلا بقى نركز فى شغلنا

ندى اه يلا

عدى يعنى أول حاجة اتفقنا عليها انك تعترضى على اى حاجة مش عجباكى يعنى يكون ليكى رأيك و وجهة نظرك مش تمشى ورى الناس زى اللى ماشى فى قطيع غنم ، ماشى زى ما هم بيمشوا ، خلى ليكى شخصية خاصة بيكى

ندى ايوا تمام

عدى تانى حاجة لازم تميزى بين الشخص اللى بيحبك وبيتمنالك الخير وبين شخص بيكرهك وعايز يأذيكى أو بيقرب منك علشان مصلحة وخلاص ، واختارى اصحابك بعناية لأن الصاحب ساحب وهيأثر فيكى

ندى عماله تسمعه وبتقول فى نفسها انها لقت الشخص اللى واثقة انه عايز مصلحتها

ندى فرحانه اوى أنها معاه وبيتكلموا بس للاسف صعب يكون فى شىء بينهم

عدى وندى قعدوا يتكلموا فى مواضيع كتيرة فى الشغل وعدى كان بيحاول يفهمها الشغل ماشى ازاى

عدى كده خلصنا ويعتبر عندك معلومات كفاية عن الشغل وجاهزة انك تنزلى من بكره لو حابه

ندى شكرا لتعبك معايا ، حد غيرك كان سابنى و موقفش جمبى ، لكن انت وقفت جمبى وبتساعدنى

عدى مفيش شكرا بينا ، احنا يعتبر صحاب والله اعلم بكره مخبيلنا ايه ، بس انا باذن الله هقف دائما جمبك ، المهم عايز اقابل والدك علشان اعرف هو ليه بيعمل كده وخصوصا انك مينفعش تسيبى البيت وهو ميعرفش عنك حاجة

ندى بلاش تروح وتشوفه ، كلامك معاه مش هيفيد فى حاجة ، بالعكس كده هيعرف مكانى وانا كنت عايزة ابعد عنه تماما لانى اتأذيت منه بما فيه الكفاية وعايزة اعيش اللى باقى من حياتى فى سلام ، كفاية حزن وزعل ، ليه اقرب الناس لينا بيأذونا

عدى علشان هما ناس مش كويسين علشان كده بيأذونا بس ربنا هيخلصنا منهم ، انتى بس ادينى العنوان وانا هكلمه ومش هعرفه انى اعرفك أو اعرف مكانك فين ، بس هشوف هو بيفكر ازاى وليه بيعمل كده لانك المفروض بنته الوحيدة ولازم بحبك ويخاف عليكى وهنشوف ليه بيعمل كده

ندى تمام اللى تشوفه ، أنا واثقة فيك

عدى حط أيده على ايد ندى وقال وانا قد الثقة ومش هخيب ظنى فيكى

ندى اول لما حست بايده عليها ارتعشت وشالت ايديها بسرعة وحست أنها متوترة

عدى لاحظ هو عمل ايه فقال علشان يطمنها

عدى أنا آسف ، بس حقيقى مخدتش بالى ومش عارف عملت كده ازاى

ندى بتوتر ولا يهمك ، بعد اذنك هستأذن وابقى ابعتلك عنوان بابا على الواتس

ندى مشية بسرعة وعدى استغرب هو عمل ايه بس هو عمل كده تلقائى مكنش فى نيته حاجة ، يا ترى بقى هتفمر فيه وحش وأنه عايز حاجة منها وخصوصا انها كانت بتقول من شوية إنها واثقة فيا ، ربنا يعديها على خير وقال مروح بيته

عند روح

روح قعدت تروق شغل البيت وهى حاسه انها تعبانه ومش قادرة تقف من بعد ليلة امبارح ومتضايقة من تصرف فؤاد معاها وأنه مشى وسابها وبعد لما خلصت شغل البيت دخلت تاخد شاور ولما طلعت لقت أن منى بعتتلها كام رسالة عايزة تطمن عليها علشان امبارح كانت ماشية معيطة

روح منى

منى ايوه يا حبيبتى ، عاملة ايه دلوقتي

روح الحمد لله بخير

منى قوليلى بقى ايه اللى حصل امبارح وليه كنتى بتعيطى ومشيتى بسرعة

روح مفيش يا منى ، قلقت شوية على فؤاد لانه مرنش عليا ودى اول مرة فأنا خفت أن يكون جراله حاجة علشان كده قعدت اعيط وروحت بسرعة

منى ايوه بقى يا حبيب ، و قعتى اهو وخلاص بقيتى تحبيه

روح فى نفسها ، أنا اسفه يا منى انى خبيت عليكى الحقيقة بس مش عايزك تقلقى علشان لو عرفتى انتى كمان هتقلقى وانا مش عايزة كده وبعدين وجهت كلامها لمنى وقالت

روح بقولك يا منى ، عايزين نتقابل ونتكلم

منى ايوه والله ، يوم التقديم معرفناش نتكلم وبعدين حضرتك روحتى بسرعة علشان قلقانه على زوجك بس ليكى حق ، المهم تعالى عند ابوكى واحنا نتقابل هناك

روح فكره كويس ، هقول لفؤاد واعرفك نتقابل امتى

منى ماشى يا حبيبتي ، قوليلى عامله ايه مع فؤاد ؟

روح الحمد لله بخير ، فؤاد ده طيب وانا عرفت افهمه بسرعة

منى ربنا يسعدكم دائما يا روح

روح ومنى قعدوا يتكلموا مع بعض كتير لانهم اصدقاء من الطفولة

عند فؤاد

فؤاد خلص بشغل أو بمعنى أصح معرفش يشتغل فقرر أنه يروح البيت يرتاح لانه مش عارف يركز

فؤاد رجع البيت ولقى روح ماسكه الموبايل وعماله تضحك على اخرها

فؤاد خبط عليها ودخل

روح ايوه يا فؤاد عايز حاجة

فؤاد حس باحراج من كلامها لان دى الحقيقة ، هو مش بيجيلى على اوضتها غير وهو عايز حاجة منها

فؤاد لأ يا روح مش عايز حاجة ، لسه جاى من الشغل فقولت اطمن عليكى اشوفك عامله إيه

روح كتر خيرك ، أنا كويس وبعدين بصت فى الموبايل وقعدت تكتب وتضحك

فؤاد بقى عنده فضول يعرف هى بتكلم مين ومين اللى مش عايزة تكلمنى علشان تكلمه

فؤاد حممم ( احم ) : بتكلمى مين يا روح

روح استغربت سؤاله لانه اول مرة يسألها أو يهتم بيها فقررت تجاوبه

روح بكلم صحبتى ، محتاج حاجة اعملهالك ، اصل شكلك عايز حاجة

فؤاد ارتاح لما عرف انها صحبتها مع أنه مكنش بيشك فيها أو بيفكر أنها بتكلم ولد بس خاف تكون بتكلم ابن عمها أو اى شاب من عائلتها وده كان هيتعبه بس فى الاخر طلعت صحبتها وبعدين قال

فؤاد لأ يا روح مش عايز حاجة ، هو علشان جيت اطمن عليكى عليكى يبقى عايز حاجة

روح ايوه لانك علطول بتيجى تطلب منى حاجة وخلاص وعمرك ما سالتنى عامله ايه فأنا مستغربة تصرفك ده دلوقتي

فؤاد معلش كنت مضغوط الفترة اللى فاتت علشان كده كنت مأثر معاكى

روح عادى ولا يهمك ، روح غير هدومك وخد شاور عقبال لما اجهزلك الغذاء

فؤاد لأ انا مش جعان دلوقتي ، كملى كلامك مع صحبتك وانا هدخل اغير واخد دش واريح شوية لانى تعبان من الشغل وعايز انام

روح سلامتك ، ادخل نام ولما تطلع هحضرلك الاكل

فؤاد دخل يغير وهو متضايق من أسلوبها معاه

روح هو ماله النهاردة بيكلمنى وبيطمن عليا ، معقول فى حاجة مخبيها عليا ، أنا لازم اعرف

روح كملت كلامها مع منى وبعدين استأذنت علشان تشوف اللى وراها وراحت تشوف فؤاد

روح خبطت بس لقت فؤاد نايم فدخلت تشوف ماله

روح حطت ايديها على وشه لقت أن جسمه سخن ،

روح انت سخن كده ليه يا فؤاد وبعدين راحت وجابت كمادات ومية وقعدت تعمل كمادات ليه لحد ما نامت جمبه

روح صحيت لقت الجو ضلم فقامت وشافت حرارة فؤاد لقت انها نزلت شوية فكملت عمل كمادات ليه وبعدين شوية فؤاد صحى ولقى روح قاعدة جمبه وحطه كمادات على رأسه

روح مساء الخير ، انت عامل ايه دلوقتي

فؤاد الحمد لله بس هو فى ايه

روح أنا جيت اشوفك لقيت جسمك سخن فقعدت اعملك كمادات وحطت ايديها على رأسه وقال انت الحمد لله احسن ، استنى اروح اجبلك اكل

فؤاد مسك ايديها وقال استنى خليكى معايا

روح قعدت جمبه وقالت أنا معاك اهو بس لازم تاكل علشان تخف وبعدين قامت وراحت تجيب الاكل من المطبخ وجت جمبه وبدأت تأكله بايديها

فؤاد أنا هعرف اكل لوحدى

روح خلينى أنا ااكلك ، انت تعبان فبطل كلام وكل

روح بدأت تاكل فؤاد فى بقه وفؤاد باصص ليها بامتنان وقد ايه هى حنية عليه

روح شالت الاكل وعملت ليه عصير ورجعت ليه

روح يلا اشرب العصير ده علشان تبقى كويس

فؤاد شرب العصير وحس انه بقى احسن

روح ايوه كده كويس ، قوللى بقى انت تعبت فى الشغل أو حاجة

فؤاد لأ متعبتش ولا حاجة ، وبعدين مسك ايديها وباسها وقال شكرا يا روح انك معايا ، عارف انى بتعصب عليكى كتير بس غصب عنى

روح ابتسمت وقالت ولا يهمك يا فؤاد ، اهم حاجة انك بخير ، تعالى نطلع نقعد بره قدام التلفزيون

فؤاد ماشى وبعدين طلع هو وروح وقعدوا فى الصالة وقعدوا يتفرجوا على افلام و فؤاد عمال يبص على روح ويقول فى نفسه أنها انسانه جميلة وتستاهل كل خير وأنه ظلمها معاه

بعد لما الفيلم خلص

روح يلا يا فؤاد ادخل نام وكده كده بكره إجازة فنام براحتك

فؤاد مسك ايديها وقالها تعالى نامى معايا

روح استغربت لان دى اول مرة يطلب منها كده ، مع انهم ناموا مع بعض اكتر من مرة بس علشان كان بيحصل بينهم حاجة 🤭

فؤاد عارف انها مستغربه ، هو حتى مستغرب ليه عايزها تنام معاه

روح واقفت وراحت تنام معاه

فؤاد قرب منها جامد وخدها فى حضنه وأيده على ظهرها وبعدين باس راسها وقال تصبحى على خير ونام وهو حاضنها

روح مستغربه فؤاد النهاردة ، اول حاجة جه على أوضتها علشان يطمن عليها وبعدين سألها بتكلم مين وبعدين خلاها تأكله بايديها وطلب منها تنام معاه وكمان خدها فى حضنه ، فى حاجة النهاردة متغيره ، ده مش فؤاد اللى اعرفه ، ممكن ربنا هداه

روح حضنته جامد ونامت فى حضنه

عند ندى

ندى راحت البيت اللى عدى جابهولها وسكنت مع ناس وحاسه أنها مرتاحه معاهم

ندى مش عارفه ايه اللى حصلى اول لما لمسنى ، حسيت بقشعريره فى جسمى ، اول مرة حد يلمس ايدى ، أنا عارفه انه غصب عنه وأنه عملها حركة تلقائية منه بس مش عارفه مالى من ساعتها وحاسه انى مش على بعضى كده ، معقول منجذبة ليه ، ولا شعور امتنان ، مش عارفه الصراحة بس اللى اعرفه انى مرتحاله اوى وحساه شخص محترم وكويس

عند عدى

عدى قاعد فى اوضته سرحان

عدى يا ترى هتفكر أنا عملت كده ليه ؤ اكيد هتشوفنى انى وحش و هتبعد عنى ، ثانية واحدة أنا متضايق ليه أنها تبعد عنى ، من امتى وقربها منى مهم ، هى مجرد واحدة كويسه بساعدها مش اكتر ، ليه مهتم بيها كده ، أنا مش بحبها بس حاسس بلغبطة من ناحيتها مش عارف سببها ، ممكن علشان متعاملتش مع بنات بالقرب ده من بعد طليقتى بس انا كنت بتعامل مع الموظفات فى الشغل عادى ، فى حاجة ، معقول احب تانى بعد حبى الاول ، لأ صعب وصعب جدا كمان وانا مش هقع فى الغلطة مرتين ، حتى لو حبيت تانى سواء ندى أو غيرها مش هتجوز تانى ، مش هكون قد جرح تانى ، أنا لسه تعبان من الجرح الاول وبعدين قال وجاب البوم صور

عدى مسك الألبوم وقعد يشوف الصور بتاعته هو ومراته ولحاظتهم السعيدة وقد ايه كانوا مبسوطين والفرحة باينة فى عيونهم بس ليه خانتنى ، يعنى كانت بتحبنى فى الاول ولا فى الاول كانت بتحبه هو واتجوزتنى علشان غرض بس غرض ايه ، أنا مش غنى علشان تطمع فى فلوسى ، أنا مجرد رئيس قسم فى شغلى يعنى شخص عادى ، ليه كده ، ليه تعملى فيا كده وليه تعقدينى فى حياتى ، كفاية اللى حصل منك ، لأ كمان خليتينى اكره كل البنات ومش عايز اتجوز تانى ، هعيش طول حياتى اعزب و هقتل اى ذرة حب تكون فى قلبى تجاه اى بنت علشان مظلمهاش ، أنا رافض الجواز تماما بس ندى مش قادر اشيلها من دماغى وبحب اكلمها كتير وعلطول عايز اسمع صوتها وبحاول افتح مواضيع كتير علشان اكلمها اطول مدة ، شعور غريب بس حلو ومقلق ، خايف احبها تكون بتحب حد تانى وتكسر قلبى ، أنا مش عارف اعمل ايه ، يا رب عنى

عند زياد

زياد كان ماشى بيتمشى فى الشارع ولقى شباب بيعاكسوا بنت وهى ماشية ومش باصه وراها فزياد راح علشان يكلم الشباب دول

زياد عيب يا شباب كده ، دى زى اختكم ومتعملوش كده علشان ميتردش فى اهلكم

الشاب ابعد انت ملكش دعوه وبعدين عاكس بصوت عالى وقال ايه الجمال ده يا مزة

--- بصت ولقت زياد واقف معاهم فقالت لزياد

--- تصدق انت شخص مش محترم ، عيب عليك اللى بتعمله كده ، اخص

زياد ؟؟؟ !

يتبع الفصل التالي اضغط هنا

• الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية