رواية براثن الأسد الفصل الثاني عشر 12 بقلم كيان خالد
رواية براثن الأسد الفصل الثاني عشر 12
تاني يوم في بيت زينه........
زينه: اااااه بطني بطني هتتقطع اااااه.
الزينه فضلت تصرخ كده محدش سامعها لحد ما ضغطت علي نفسها وراحت عند التلفون واتصلت برزان.
رزان: ايه يا زينه.
زينه: الحقيني يا رزان هموووت.
رزان: دقيقه وهكون عندك يا زينه.
زينه: بسرعه........
رزان: زينه!خليكي معايا زينه...
زينه مكنتش بترد..
رزان راحت لزينه بيتها لقتها مغمي عليها واخدتها المستشفي.
رزان: يا رب خليك معاها هي مش حمل ده يا رب.
رزان اتصلت بأسد تقوله اللي حصل.
أسد: ايه يا رزان.
رزان:أسد تعالي بسرعه مستشفي**** زينه ممكن تكون اجهضت.
أسد: ازاي يعني هي كويسه.
رزان: مش عارفه.
أسد راح المستشفي عند زينه بسرعه ولقي رزان كانت واقفه قدام باب اوضه.
وفي دكتور خرج من الأوضه دي ووجه كلامه لأسد.
: حضرتك جوز المدام.
أسد: اه.
: هي المدام كويسه بس الجنين.....
أسد: ماله...
: هو في خطر بسبب السم اللي اخدته وممكن نضطر ننزله.
أسد: سم.....
: اه من التحاليل ظهر انه في نسبه سم في جسمها.
أسد: وده اللي ممكن يموت الطفل.
: اه..
أسد: شكراً يا دكتور ممكن اخدها.
: لأ هي هتفضل تحت المراقبه يوم كده.
أسد: تمام.
الدكتور مشي وأسد فضل واقف مصدوم 😳.
أسد بعد ما فاق من صدمته.......
أسد: شكرا يا رزان تقدري تروحي.
رزان: لأ أنا هقعد مع زينه....
أسد: أنا هقعد معاها اتفضلي انت.
رزان مشيت وهي زعلانه علي صحبتها....
أسد دخل أوضه زينه بس هي كانت نايمه.
أسد: انت بتعملي ليه كده دا انت قولتي انك عايزاه وخايفه مني عليه ليه عايزة تخسريه حياته حرام عليكي ليييييه.
أسد بدأ يبكي: أنا عارف انها مش أمي وكنت بدأت اشك فيها من ساعه ما مشيتي وطريقتها في الكلام عنك اتغيرت وانت كنت كاتبه طنط بدل ماما وبدأت أراقبها ليا يومين بس اتضح انك انت الوحشه وانا اللي غبي.
صفاء: عملت زي ما قولتلك..
: اه يا مدام كل اللي قولتيه بالحرف قولتهوله.
صفاء بضحكه شريره: نهايتك قربت يا ابن علي الكيلاني وكل الأملاك هتكون ليا أنا وابني بس لما أطلعه.
: عايزه حاجه تاني.
صفاء طلعت فلوس من شنطتها وعطتهاله: اكيد لما اعوز حاجه هقولك.
الدكتور أخد الفلوس وقال: طبعا أنا تحت أمرك.
أسد فضل مع زينه لليل وهي كانت نايمه بس صحيت.....
زينه: انا فين.....
أسد بكره: حضرتك في المستشفي....
زينه: ليه..... وبعدين افتكرت اللي حصلها..
: ابني حصله حاجه..
أسد: لأ ابنك تؤ هو مش ابنك وطول شهور حملك هتفضلي معايا ولما تولدي فلوسك هتوصلك وتغوري بعيد عننا وأنا هاخد ابني.
زينه: في أحلامك وايه فلوسك دي مش هبيع ابني أنا. وانت اللي هتغور بعيد عننا.
أسد: نشوف مين هياخده...
وطلع بره.
زينه: يا ربي ايه اللي حصل يا رب.
الليل عدي وزينه مقدرتش تنام وهي بتفكر ايه اللي حصل وفكرت تتصل برزان....
زينه:اتصل برزان..... بس هي تلاقيها مصحيتش... والبارد مش راضي يقول حصل ايه.
في صباح تاني يوم....
زينه خرجت من الأوضه لقيت أسد كان قاعد قدام الأوضه ونايم.
زينه: احييه دا نايم...
وراحت عنده...
زينه: أسد قوم... أسد.
زينه في نفسها: أسد فعلا وهو صاحي بس لطيف وهو نايم ليه ميفضلش كده علطول.
أسد صحي....
زينه: يلا أنا ماشيه..
أسد: روحي مكانك الدكتور هيفحصك الأول.
زينه: مهو فحصني....
أسد: قلك ايه...... ولا اقلك هسأل وحده كذابه اروح أسأل الدكتو، أحسن.
زينه حست انه طعنها بسكينه في قلبها من كلمته دي.
زينه: روح مكان ما تروح أنا رايحه بيتي.
أسد: لأ يا حلوة انت هتيجي معايا...
زينه مهتمتش لكلامه ومشيت بس هو لحقها وشالها.
زينه: اااه ابعد أنا مش هاجي معاك.
أسد: اسكتي مش عايز اسمع صوتك واصلا مش طايق اشوفك.
زينه: خلاص سيبني امشي...
أسد دخلها العربيه وراح بيتهم......
زينه: أنا مش هطلع من العربيه ووريني هتعمل ايه.
أسد: خليكي.
وطلع من العربيه وقفل الباب....
أسد: باي يا قطه وريني هتستحملي لامته.
ودخل..... بس حد كان شايف كل ده.
زينه: أسسسد افتح حرام عليك مش بحب الأماكن المقفوله يا أسد......
في بيت أسد أول ما دخل راح عند أمه سلم عليها ودخل اوضته حط المفاتيح علي السرير ودخل الحمام.....
وأول ما خرج ملقيش المفاتيح لبس بسرعه وطلع يشوف زينه بس ملقيهاش ولقي العربيه مفتوحه والمفاتيح فيها.....
أسد: زينه والله هجيبك لو من تحت الأرض.
أسد ركب عربيته وساق بأقصي سرعه وراح بيت زينه بس اتصدم ملقيش زينه والبيت كان مقفول.
اتصل برزان بس قالت انها متعرفش طريقها وانها مشفتهاش من امبارح.
أسد خاف جداً علي زينه وبدأ يشك انه حصلها حاجه واللي أكد شكوكه الاتصال اللي جاله...
يتبع الفصل الثالث عشر 13 اضغط هنا
- الفهرس يحتوي على جميع فصول الرواية كاملة :"رواية براثن الأسد" اضغط على اسم الرواية