رواية صغيرة فؤادي الفصل الرابع عشر بقلم أسماء سلام
رواية صغيرة فؤادي الفصل الرابع عشر
وسط اكلهم تليفون فؤاد رن والمتصلة كانت سلمى بس فؤاد مسجلها حبيبتى ❤️
روح شافت الاسم وبصت لفؤاد علشان يقول مين دى
فؤاد ؟؟!!!؟؟
روح مين حبيبتى دى ؟
فؤاد بتوتر دى .. دى اختى
روح بفرحة اختك 😍 ، طب رد وخلينى اكلمها واتعرف عليها
فؤاد لأ ، أنا هكلمها ولما تيجى ابقى كلميها علشان تتعرفى عليها اول مرة وجه لوجه ، لكن لو كلمتيها فون مش هيكون زى ما تقابليها
روح باقتناع ماشى يا فؤاد
فؤاد بعطف فى نفسه غلبانه وطيبة اوى انتى يا روح
فؤاد رد على سلمى
فؤاد ايوه يا حبيبتى عامله ايه
سلمى أنا الحمد لله بخير يا بيبى
فؤاد فى حاجة
سلمى هو لازم يكون فى حاجة علشان اطمن عليك
فؤاد لأ يا حبيبتى بس قلقت عليكى
سلمى احنا عايزين ننزل نحجز الفستان
فؤاد حاضر يا حبيبتى ، بكره باذن الله هعملك كل اللى يعجبك
سلمى أنا عايزة الفرح بتاعى يكون احلى فرح فى عيلتنا ، أنا مش اقل من بنت عمى ولا بنت خالتى
فؤاد طبعا يا حبيبتى ، انتى احسن ، احسن واحدة فى عينى
سلمى بجد يا فؤاد
فؤاد بجد يا روح فؤاد
سلمى هات بوسه
فؤاد خدى 😘
سلمى ربنا ، ربنا يخليك ليا وميحرمنيش منك ابدا
فؤاد ولا منك يا حبيبتى ❤️
سلمى تمام يا حبيبي ، اقابلك بكره
فؤاد تمام يا قلبى ، سلام
سلمى سلام
فؤاد قفل مع سلمى ولقى روح بتبصله فحس أنها سمعت حاجة أو ممكن سمعت كل حاجة
فؤاد ايوه يا روح مالك
روح فرحانه وانت بتكلم اختك وبتقولها حبيبتى ، حب الاخ لأخته ده حب جميل اوى ، زى حبى أنا وعدى ، حب كده مفيهوش مصالح ، انت زدت فى عينى بعد المكالمة دى ، ربنا يخليكم لبعض ويسعدكم دائما
فؤاد فى نفسه ، ياااااه ، انتى طيبة اوى يا روح ، ليه بعمل فيكى كده ، المفروض اسيبك علشان تعيشى حياتك مع واحد يحبك ويقدرك لكن أنا مش قادر اعمل كده وبعدين قال
فؤاد ربنا يخليكم لبعض ويسعدكم دائما ، يلا نكمل اكل
روح أنا شبعت ، أنا هقوم اخد شاور وبعدين اشوف هعمل ايه
فؤاد طب تسمحيلى باللحظة دى وقام شالها ودخلها الحمام وقعدها فى البانيو وظبط ليها المئة وبعدين طلع
فؤاد قعد يشوف شغله لحد ما روح تخلص الحمام وبعدين فترة طلعت روح وهى لابسه عباية بيتى نص كم لونها بينك وكانت جميلة عليها ، خصوصا انها رفيعة وقصيرة
فؤاد صفر وقال ايه الجمال ده
روح انكسفت وقالت بس يا فؤاد
فؤاد ليه كده ، متنكسفيش منى
روح بحاول
فؤاد ماشى
روح راحت أوضتها وسرحت شعرها وبعدين قامت تشوف شغل البيت
فؤاد جاتله فكره حلوه وقرر يعملها مع روح قبل ما يتجوز سلمى بحيث ميكونش قصر معاها ، خصوصا أنه هيتجوز سلمى وهيكون جواز طبيعى فهيقعد كام يوم معاها وميشوفش روح
بعد شوية فؤاد نده على روح
روح ايوه يا فؤاد
فؤاد ايه رأيك نخرج شوية مع بعض ، بقالنا اكتر من شهر متجوزين ومخرجناش سوا مع بعض ولا انتى حبيبتى قاعدة البيت
روح بجد ؟؟! ، فكرة حلوة اوى ، أنا فعلا كنت عايزة اخرج لانى حسيت بملل هنا
فؤاد بهزار قصدك انك حاسه بملل وانتى قاعدة معايا ومثل الزعل
روح مش قصدى والله ، أنا قصدى أنى بحس بالملل لأن معظم الوقت قاعدة لوحدى وانت فى الشغل ولما بتيجى بتقعد فى الاوضة لوحدك وتشتغل
فؤاد أنا اسفه علشان كده هعوضك وخصوصا انى مسافر بعد اسبوعين شغل وهقعد هناك حوالى اسبوعين بره ومش هعرف اجى
روح ربنا معاك ، تروح وتيجى بالسلامة
فؤاد ربنا يخليكى ليا وباس ايديها
روح انحرجت منه وشالت أيدها
فؤاد شيلتى ايدك ليه
روح مفيش داعى تبوس ايدى ، أنا معملتش حاجة لكل ده
فؤاد متقوليش كده تانى ، عادى اعمل كده مع مراتى وكمان امى ، مفيهاش حاجة يعنى ، تمام يا روح
روح حاضر
فؤاد حضرلك الخير
روح مقولتليش هنروح فين
فؤاد خليها مفاجأة بعد يومين كده هاخدك ونروح
روح أنا هستنى على نار
فؤاد باذن الله المفاجأة هتعجبك
روح وانا واثقة من كده مدام منك
عند زياد وعماد
عماد لاحظ أن زياد سرحان
عماد مالك يا زياد سرحان من ساعة لما جيت ، بتفكر في ايه
زياد مفيش يا عماد
عماد مدام قولت كده بالاسلوب ده يبقى فى ، قولى فى ايه
زياد كل الحكاية انى اتعرف على واحدة وانا جاى دلوقتي والصراحة ارتحتلها اوى وبفكر فيها وكمان هى رفضت تدينى نمرتها
عماد مين دى
زياد اسمها ياسمين مجدى ، رابعة كلية صيدلة ساكنه هنا ، بجد محترمة اوى وتفكيرها عجبنى اوى
عماد هى فعلا ياسمين محترمة جدا وكل الحارة عارفه عنها كده واى واحد يتمنى يتجوزها ، بس عايز افهم حاجة ، عجبتك يعنى عايز تتجوزها
زياد اه عايز اتجوزها ، طب والعروسه اللى اخترتهالى
عماد احنا مكلمناش الراجل ولا اتفقنا معاه ، يبقى مفيش إلزام أنك ترتبط بيها ومدام انت ارتحت لواحده يبقى حلو بس انت حبتها ولا ايه
زياد موصلتش لدرجة حب من اول مرة ، بس مرتاح ليها اوى وحاسس انى لما اتعرف عليها هحبها بجد
عماد تمام يا حبيبى ، ربنا يسعدك وتكون من نصيبك لو خير ليك ، على اخر الاسبوع ده نروح نتقدم ليها ، هى والدها شخص محترم والكلام معاه مريح اوى
زياد ربنا ييسر الحال
عند عدى
عدى رجع البيت ومش عارف ازاى وافق على قرار والد ندى ، حاسس انه كده بيخدعها وبيظلمها معاه بعد ما وثقت فيه ، يعنى احكيلها الحقيقة ولا لأ ، بفكر اقولها بعدين بعد لما تتعود على الشغل بحيث متتصدمش واعتقد انها هتسامنى لان اتفقنا ده مش هيقصر عليها بأى حاجة
يا ترى اتفاق ايه ده ؟؟؟؟؟
أما ندى فهى متضايقة من بعد كلام عدى معاه واللى سمعته عن ابوها وأنه باعها ، شعور صعب لما الاب يبيع بنته ، لما تحس انها مكسورة وملهاش حد فى الدنيا ، لما اقرب شخص ليها يتخلى عنها علشان شوية فلوس ، للدرجة دى هى رخيصة فى نظره علشان مش عايزها ، حتى مطلبش يشوفنى أو يطمن عليا لآخر مرة ، ليه يعمل فيا كده ، على الاقل كنت اعمل حاجة حلوة فى اخر مرة هشوفك أو افكر فيك ، ساعات بحس انى مش بنتك وانك مش ابويا بس انا زيك فى الشكل والطبع بس مخدتش منك الجحود والجشع ده ، حرااااام كده
ندى انهارت حرفيا وقعدت تعيط ومش قادرة تتحرك وقعدت فترة تعيط لحد ما هديت وقامت اتوضت وصلت وارتاحت ودعت ربنا يعمل ليها الصالح
عند سليم
سليم قرر يعيش حياته ويشوف مستقبلة وكفاية لحد كده حزن ، ليه اربط نفسى لواحدة عايشة حياتها مع زوجها ومش بتفكر فيا من أصله ، أنا تعبت كفاية
سليم اتصل بعدى وقاله انه راجع الشغل لانه كان طالب منه إجازة وعدى وافق لانه كان عارف ان خبر زواج روح تعبه
عدى أنا بجد فرحان انك هترجع للشغل تانى يا سليم
سليم انا كمان مبسوط ، أنا هجتهد وأعمل مستقبل كويس لنفسى
عدى وتشوفلك عروسه
سليم الله اعلم ، سيبها لوقتها
عدى باذن الله خير
تانى يوم
فؤاد راح وقابل سلمى
سلمى ايوه يا حبيبى هتودينى فين
فؤاد اللى يعجبك يا سلمى
سلمى فى محل ممتاز بنت خالتى راحت عنده ، جميل جدا وحاجاته فخمة كده
فؤاد ماشى يا سلمى يلا نروح
سلمى استنى يا فؤاد ، مالك بتتكلم كده ، كانك مش مهتم ولا فارق معاك
فؤاد انا بتكلم عادى
سلمى لأ مش عادى ، شكلك زى ما يكون مجبر تعمل اللى بطلبه منك ، فين فؤاد اللى بيحبنى وبيشجعنى
فؤاد منا معاكى اهو ، كل الحكاية انى مليش فى جو الفساتين وكده بس جيت معاكى علشان مزعلكيش
سلمى الحكاية مش حاجة انت بتحب كده ولا لأ ، الحكاية انك تهتم بشىء بهتم بيه
فؤاد يوووه ، قولتلك مهتم ، المشكلة انك مأفورة الموضوع وكل اللى هامك ان الفستان يكون احسن من بنت خالتك ، ليه متجبيش حاجة انتى عايزاه علشان تفرحى بيها علشان ده فرحك ومتحطيش حد فى دماغك ، ملكيش دعوة بحد
سلمى انت بتزعقلى وبتتعصب عليا يا فؤاد ؟
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية