رواية بنات المنشاوي الفصل الرابع عشر بقلم خلود وائل
رواية بنات المنشاوي الفصل الرابع عشر
سيف بعنف:ولا انا ولا
آيه:ايوة وعيل كمان طالما زعلان
سيف بعيون تشتعل غيظا:احترمي نفسك يابت انتي ودة اخر انذار ليكي ومحرومه من اعمال السنه وهتشيلي المادة وابقي قابليني لو فلحتي او حتي اتخرجتي
آيه بحدة:انت فاكر نفسك مين
سيف:انا مش فاكر انا فعلا الدكتور بتاعك وهربيكي من اول وجديد طالما ابوكي معرفش يربيكي
آيه:اياك تجيب ثيرة ابويا علي لسانك القذر دة ابويا احسن منك مليون مرة علي الاققل مبيغضبش ربنا مع ستات في الفنادق ولا بيعلي صوته علي حد
ثم اكملت كلماتها بدموع تلمع في عينيها وتمنعها بصعوبه من النزول:ابويا لو كان عايش الوقتي مكانش واحد ذيك بيرفع صوته عليا ولا كان دة بقي حالي
ثم خرجت بسرعه من الغرفه والدموع تنهمر من عينيها لاتعلم الي اين تتجه اما في غرفه سيف
ليان:آيه كانت تقصد ايه لما قالت انك بتعرف بنات في الفنادق
سيف:انتي تعرفي عني كدة
ليان:لا بس....
سيف:مبسش واياكي اعرف انك كلمتي البت دي وعزة وجلاله الله لجيب مناخيرها الارض
ليان بأنهزام:ال تشوفه ياسيف
انسحب ليان للخارج لتترك سيف واقفا ببرود امام مكتبه يستعيد بذاكرته ماحدث منذ دقائق ليحدث نفسه____جايبه منين الثقه دي كلها ياست آيه ومنين اللسان الطويل ال مش عارف اققصه لحد الوقتي____
امام الحارة التي تسكن بها ورد كانت تقف آيه بتعب وتنظر حولها بألم لتكمل طريقها للمنزل لتدلف لشقتها وتتجه الي غرفتها وبعد دقائق تدخل للحمام لتأخذ حمام دافي يهدئ من روعها وبعد فترة طويله عادت كل من ورد ودعاء ليتفاجئو بآيه الجالسه امام التلفاز ولكنها تائهه في عالم اخر
دعاء:يويو .... يويو
ورد:بت ياايه انتي فين كدة مبترديش
افاقت آيه من شرودها علي صوت دعاء المرح
دعاء:ايه يابت يامنيله انتي بتتفرجي علي ذئاب الجبل باين وحشتك ايام عمك حسان
آيه بألم:ياريتها كانت دامت
نظرت كل من دعاء وورد لبعضهما بأستغراب ثم اعادو النظر ل آيه
ورد:بيكي ايه يا آيه مالك في ايه
دعاء:ايه ال حصل ياحبيبتي
آيه بأنفعال: ال حصل اني تعبت تعبت اوي ومبقتش قادرة استحمل اكتر من كدة الكل بيبيع ويشتري فينا كنا هوانم والخدم تحت رجلينا بنأمر وننهي براحتنا وكل ال بنتمناه حوالينا
دعاء بتزمر:انتي مصدقه ال بتقوليه احنا كنا عايشين تحت امر عمك عمرنا معملنا حاجه بمزاجنا كل حياتنا كانت اوامر منه وغصب عننا كنا بنفذها
آيه:علي الاققل مكناش تحت رحمه حد غيرة
دعاء:كنا هنبقي تحت ضرس ولادة
آيه:ولادة دول منهم فارس حبيب القلب العمركو مهتعرفو تتجوزو ابدا
سقطت دمعه سريعه من عيني دعاء لااراديا لتمسحها دعاء بسرعه وتعاود الحديث بنبرة مكسورة
دعاء:انا قابله اني اتحرم من فارس العمر كله واشوفكو انتو الاتنين مرتاحيين في حياتكو وحرين فاهمه يعني ايه حرين يعني محدش يغصبكم علي حاجه ولا تنامو معيطيين ذي ماكنا طول عمرنا انا موافقه اضحي بحب عمري وراحتي فداكو انتو
ارتمت آيه في احضان دعاء لتسمح لدموعها بالانهيار لتشاركهم ورد الحضن الدافئ المليئ بالدموع الحائرة والحزينه
في منزل عاصم......
ام عاصم:واد ياعاصم لابس ومتشيك كدة ورايح فين
عاصم: رايح لعروستي ياست الكل
ام عاصم:مش ابن عمها قالك مش هتشوفها غير يوم الفرح
عاصم بنظرة ماكرةمرحه:اممممممم
ام عاصم:😂😂😂😂ربنا يهنيكو ياحبيبتي هتروحو فين
عاصم:هاخدها اجبلها فستان جديد تلبسه يوم الشبكه
هناء :وانا هاجي معاكو
عاصم: سلام قول من رب رحيم انتي بتطلعي امتي يابت انتي؟
هناء:في الاوقات ال ذي دي .....شبيك لبيك هناء وراك وملك ايديك
عاصم: مش هتيجي هه
هناء :مامتي😁
ام عاصم:خودها معاك يا حبيبي مينفعش تخرج انت وورد لوحدكو
عاصم بتأفئف:مش هتيجي يعني مش هتيجي
في فيلا الحديدي.......
نورة:مالك زعلانه ليه ياحبيبه قلب ماما
ليان:ابنك ياستي
نورة : مين فيهم
ليان:خنجر
نورة:😂😂😂😂😂😂😂😂😂😂😂يخرب عقلك ياليان .... ماله سيف عملك ايه
ليان:منبه عليا مكلمش آيه وابعد عنها
نورة:آيه صحبتك ال انتي كلتي دماغنا بيها!
ليان:ايوة ياماما ....انا حبيتها اوي كأنها اختي وسيف مصمم اني اققطع علاقتي بيها
نورة:ليه طيب
ليان:اتشاكلو مع بعض اكتر من مرة وسيف مش طايقها
نورة: طب وهي ليه بتشاكل اخوكي دة مهما كان دكتور عليكو وليه احترامه
ليان:مش عارفه يامامتي فيه ايه مابينهم بس كل مابيشوفو بعض بيمسكو في خناق بعضهم
نورة:انا هكلم سيف وافهم منه الموضوع
ليان:لا عشان خاطري بدل مايزعقلي وانا مش ناقصه سيف كمان يزعل كفايه عليا زعل آيه
نورة:طب ماتحاولي تصلحي بينهم
ليان:حاولت النهاردة وختمت بشكله جديدة
نورة:ياستار يارب
ليان:انا قلقانه علي آيه اوي وعاوزة اطمن عليها بس خايفه من سيف
نورة:متقلقيش عليها ياحبيبتي ولو تعرفي بيتها خلي عم صبحي السواق يوصلك وصالحيها وبالمرة اعزميها علي عيد ميلادك وسيبي سيف عليا انا
ليان بفرحه:تحيا ماما تحيا ماما
انطلقت ليان بسرعه لتبديل ملابسها والاتجاه نحو السيارة لتخبر السائق بالعنوان وينطلقو بأتجاهه
في شقه ورد.....
دق الباب ⚡⚡
فتحت الباب آيه لتجد تغريد امامها تبتسم ابتسامه صفراء لترحب بها وتدخلها للصالون
آيه:فينك كدة من زمان يا تيغو
تغريد:ايه الدلع الهباب دة
آيه:ولا تزعلي فينك من زمان يازفته الطين علي دماغك ودماغ عيلتك
امسكت تغريد بأعصابها وحاولت عدم التفوة بكلمه قد لا تحمد عقباها فيما بعد
آيه:انتي يابنتي بكلمك
تغريد:عايزة ايه
آيه :انتي ال جايلنا
تغريد:اه ....فين ورد
آيه:عوزاها ليه؟
تغريد: عاوزة ابارك ليها سمعت انها اتخطبت لعاصم ولا الكلام مش بصحيح
آيه:بصحيح ياختي ادخليلها هي جوة بتلبس ومعاها دعاء
تغريد:راحه فين
آيه:عقبالك ياحشريه نازله تجيب فستان خطوبتها مع عاصم
اشتعلت نيران الغيرة في جسد تغريد لتتجه سريعا لغرفه ورد لتقف امام الباب لتستمع لصوت الفتاتان وهما يتحدثن بصوت مسموع
دعاء:مالك متوترة ليه كدة ياورد
ورد:سليم كلمني النهاردة
دعاء: ميت مرة قلتلك امسحي رقمه او غيري رقمك سليم دة ناوي علي الشر واحنا مصدقنا ارتاحنا منه
ورد:قالي انه قرب مننا قوي وهيلقينا انا مرعوبه يادعاء سليم لو وصلي هيقتلني ويقتلكم انتو كمان
دعاء:اهدي ياحبيبتي هيوصلنا اذاي يعني واحنا في اخر الدنيا طبعا عمرة مهيعرف طريقنا
تغريد في الخارج تحدث نفسها بخبث:وقعتي ولا حد سما عليكي ياورد انا بقي ال هعرفه طريقك
طرقت تغريد الباب لتسمح لها ورد بالدخول لتقابلها بفرحه مسطنعه وتبارك لها اما في الخارج توجهت آيه للباب الذي يدق ⚡⚡⚡
آيه: جايه جايه يالي علي الباب اهوة
فتحت آيه الباب لتجد عاصم في غايه الاناقه وقفزت من خلفه هناء بمرح
آيه:الله ياحلاوة ياولاد عندنا عريس وجايب البت هنؤة معاه
عاصم:بس ايه رايك فيا
آيه بمرح:لا بس الطقم واكل اووي يعني
عاصم: اه امال ايه دة بفلوس كتير ياماما انتي فكرانا بنهزر ولا ايه
آيه:هشششش انا مش بكلمك انت انا قصدي علي هناء
عاصم بغيظ:امشي يابت من وشي جتكو القرف عيله ميعلم بيها الا ربنا ....امشي
انفجرت آيه وهناء بالضحك لتخرج الفتيات من الغرفه علي اثر ضحكاتهم لينظر عاصم لورد بأعجاب بينما تتطاير نظرات الحقد من اعين تغريد
تغريد:الف مبروك يا عاصم
عاصم بأهمال وهو ينظر لورد:الله يبارك فيكي
دعاء:يلا ياجماعه بقي عشان منتأخرش
هناء بفرحه:ايه دة انتي جايه معانا
دعاء:بعد اذنكو طبعا
هناء:دي احلوت خالص تعالي يادودو نزهق الجوز دول لحد ميقولو حقي برقبتي
دعاء:😂😂😂
تغريد:اجي معاكو
عاصم برد سريع:لا
هناء:معلش يا تغريد العربيه يادوب
ورد:عربيه مين مقلتش ياعاصم
عاصم:لا بقي قوليلي ياعصومي ياعصومتي ياصاصا حتي اي حاجه بقي حسسيني اني خاطب
احمرت وجنتي ورد لترد تغريد مسرعه:اشمعنا الوقتي حبيت عصومي منا كنت بقولهالك مكنتش بتحبها
عاصم بتجاهل:يلا ياقمرايه هنتأخر كدة
ورد بفرحه:يلا
انطلقو جميعا لوجهتهم بفرحه العالم ترافقهم وبعدها سريعا لحقت بهم تغريد للاسفل لتنظر إليهم وهم يركبون سيارة احدي اصدقاء عاصم ثم تعود إلي منزلهم ليبداء صراع في عقلها
(ليه....ليه ياعاصم داانا كبرت علي حبك عارفه كل حاجه عنك عايشه حياتي علشانك عمري مكسرت كلمه ليك ومحافظه علي قلبي علشانك داانا دخلت طب اسنان علشان بس ابقي لايقه بيك ليه ..... ليه توجع قلبي وانت عارف اني بحبك ....رايح تحب واحدة هربانه من اهلها ....وحيات حرقه قلبي لندمك واحرق قلبك عليها)
انطلق عاصم لاحدي المحلات المعروفه لبيع فساتين السهرات اما في الحارة فتوقفت سيارة فارهه لتهبط منها ليان لتسأل احدي المارة علي منزل آيه وتتجه إليه وتصعد السلم لتتوقف امام الباب وتطرقه ⚡⚡⚡
آيه:يووووة هو مفيش بوابين هنا غيري ولا ايه
⚡⚡⚡
آيه:جيت اهوة
فتحت آيه الباب لتتفاجئ بليان مبتسمه أمامها:مش هتدخليني ولا ايه؟
آيه: ....اتفضلي
ليان وهي تجلس في الصالون:شقتك حلوة اوي
آيه:شكرا
ليان:انا عارفه انك زعلانه مني بس والله غصب عني وربنا انا حبيتك ذي متكوني اختي عشان خاطري متزعليش مني
آيه:اممممم بشرط
ليان:اؤمري
آيه:تسجليلي محضرات البارد دة عشان لحد الوقتي مش فاهمه حرف في المادة بتاعته
ليان: من عنيا لوز ومن قفايا لوز
آيه:ايه دا منين بيودي فين
ليان:😂😂لا ماخديش في بالك ...المهم.....عيد ميلادي الثلات الجاي وكنت جايه مخصوص علشان اعزمك وكمان عوزاكي تجيلي بدري تساعديني في لبسي والميكب وكدة يعني وكمان عاوزة اعرفك بأهلي هيموتو ويشوفوكي
آيه:ايه كل دة حيلك حيلك
ليان:اخلصي بقي هتيجي ولا ايه
آيه:هقول لاخواتي وهجيلك هو انا عندي كام ليان
ليان:حبيبي
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية