رواية تركت أثر الفصل الخامس عشر بقلم نهى الحفناوي
رواية تركت أثر الفصل الخامس عشر
يااه يوم طويل أوى ،رغم ان إحنا تعبانين من السفر ،بس تجهيزات فرح أيات ويوسف لازم تتم زى ماهى عاوزة وأكتر ،أيات تستاهل كل خير ، إحساس الفرحة حلوة أوى ،عم محمود وشوق ،ويوسف وأيات ،كل الناس دى فرحانين علشان خدوا الى بيحبوهم ، يااه حاجة حلوة أوى ،إنك تكمل حياتك مع شخص انت إختارته ،شخص فاهم تفاصيلك،بيعمل أى حاجة علشان يشوفك مبسوط ،
مش هكدب أنا كمان نفسى أقابل حد كدا ،بس انا مش بدى فرصة لحد ،مش عاوزة يتعلق بيا ولا أتعلق بحدوفى الأخر أنا عارفة ايه الى هيحصل ماهو بردو محدش هيحب واحدة مريضة ،
*منة قطعت أخلاق وهى بتكتب ، يلا علشان أيات عاوزاكى *
أيات: إيه رأيك فى الفستان شكلة حلو ،أنا خايفة جدا جدااا ،
منة : الى يشوف لسانك الطويل وانت شبح ميشوكيش دلوقت وانت شبة الكتكوت المبلول
أخلاق: بس يا منة بقى ،خلاص سبيها كفاية التوتر الى هيا فية ،بس والله قمر جدا اللهم بارك دا يوسف واخد واحدة أحلى من كل البنات
أيات : الله يفتح نفسك زى ماانت فاتحة نفسى كدا دايما وأشوفك عروسة قمر كدا وأتعبلك يوم فرحك زى متعبتلى
"سرحت فى الكلام وعينى دمعت الى هو أنا هبقى عروسة ، يارب بس أقدر أعيش لحد أما أطمن عليكوا كلكوا أنا مش عاوزة أكتر من كدا "
منة: أخلاق أخلاق "منة بتهز أخلاق وأخلاق سرحانة ومش واخدة بالها*
أخلاق: إيه يامنة مالك
منة: أنا الى مالى انت الى سرحانة فى إيه
أخلاق : مفيش يابنت جهزى فستان شوق ، وبدلة عمى
منة: فستان شوق بردو ، الى واخد عقلك يتهنى بيه ، على العموم كل حاجة جاهزة ، ووليد مع عم حسن راحوا دلوقت علشان يجيبوا شوق، وعمر وأمين مع عمك محمود علشان يوده للحلاق مع يوسف ،وكل حاجة ماشية مظبوط
أيات: كدا مفضلش غير فستانك ياست أخلاق ، قعدنا نقولك روحى نقى واحد كبرتى دماغك
أخلاق: ياستى مش مشكلة ، أنا كدا كدا مش بحب الفساتين ،هلبس أى حاجة وخلاص
*مريم جات وبتضحك ومعاها فستان "
مريم : طبعا ياست خوخة نسيتى الفستان
منة:بنت حلال يامريم لسة بنقولها ،ايه انت جايبة الفستان ورينا كدا وجاية تعملى ميكاب عليه ولا إيه
مريم: لا طبعا الفستان دا عملة مينا مخصوص لأخلاق ، وقال ان الفستلن دا هيليق عليها وهو قايل ان مش هيلاقى أغلى من أخلاق انه يفصلها فستان ، كفاية انها دايما معانا وبتساعدنا وبتصالحنا لما بنتخانق ،وقال انه هيفصلها فستان الفرح وهيبقى هدية من أخواتك مينا ومريم لأحلى وأطيب أخلاق*منة قالت الكلام وهى عينها بتدمع وبعدين عيطتت؛ وأخلاق راحت خدتها فى حضنها ومنه وأيات بيعطوا*
أيات: إية النكد دا بقى النهاردا فرحى عاوزة كلة فرحان وبيضحك وزوقينى ياماما اوام ياماما دا يوسف هياخدنى بالسلامة ياماما
*الكل ابتسم وضحكو *
مريم : أنا همشى بقى علشان ألبس وألبس العيال ،خلوا بالكوا من نفسكوا عاوزة أشوف أحلى عرايس
*وليد جة بالعربية علشان يوصل شوق للكوافير ، وعمال يحاول يبص علشان يشوف أخلاق*
شوق: خلاص ياأستاذ وليد شكرا مش دا المكان الى هما قالولك إنهم مستينى فيه
وليد:اه هو *بيتكلم وهو مش مركز وبيحاول يشوف أى حد داخل او خارج*
شوق: طب متعرفش هما عاوزينى ليه
وليد :لا مش عارف ،
شوق : طب خلاص أنا هروح أشوفهم وروح انت بقى علشان تلحق تلبس ولا انت مش جاى
وليد: لا لا طبعا هجى مع السلامة
عم حسن:هتفضلةكدا تبحلق كَتير ولا أيه
وليد: لا لا مفيش يلا *وليد بيسوق ومكسوف من الى عم حسن قالة وعماله يقول ياترى هو لاحظ إيه*
عم حسن: جولها ياولدى رويح جلبك ،كفياك مناهدة فية ، أنا عارف إنك بتحبها ومتعلق بيها وعينك هتلمع لما بتشوفها متكرنيش رجل كبير جولتلك جبل إكدة ان أنى كنان حبيت ،فبعرف الى بيحبوا ، كفياك تضيع فى الوقت جولها وارتاح ،
وليد : تقصد ايه ياعم حسن
عم: اطلع من الشويه دول ياولدى مهياش واجفة علشان تخبى عليها أنا بكلمك زى ولدى ، وهى زى بتى وبحبها وشايف انك مش ختلاقى حد زييها ، وكت بساعدك ومكنتش أحب عمر يجربلها لأن الى شوفته فى عينك ناحيتها يجول إنك عشقها ، وقولتلك هى بتى وانى محبلهاش غير الخير
* وليد وقف العربية*
وليد: وصلنا ياعم حسن
عم حسن:فكر فى الى قولتهولك ياولدى ومتهليش الزمن يضحك عليك علشان مترجعش تندم تانى
*شوق وصلت للمكان وطالعة وهى متوترة وخايفة ليكون حصل حاجة*
شوق:فى إيه يابنات عاوزينى ليه ،
أخلاق: إيه رأيك فى الفستان الأبيض دا
شوق:حلو جدا بس دا بتاع مين ،أيات لابسه بتاعها أهى ولا هى ناوية تغيروا
أيات: *بتاكل وبوقها مليان أكل وفى ماسك على وشها والخيار على عينها* لا لا ياشوشو أنا مصدقت رسيت على فستان
شوق :أومال دا لمين
أخلاق: ادخلى البسية بس ،
شوق : أنا
أخلاق :اه انت
شوق:هلبس فستان بعد السن دا كله ،
أخلاق :اه وبعدين انت لسة زى القمر ولا عاوزة حودا يدور على واحدة غيرك ويلا بقى علشان زمانهم جاين منتأخرش
*الكل لبس وخلص ومستى يوسف علشان يجى ياخد أيات ، وشوق كمان خلصت ، أخلاق خلصت أخر واحدة وطالعة من جوا وهى لابسة الفستان وباصة فى الأرض والفستان كان عاملها زى الأميرات وكانت زى القمر *
*الكل فى نفس واحد : ايه الحلاوة دى *
أيات: أنا أول مرة أشوف واحدة أحلى من العروسة ، ايه القمر دا اللهم بارك ، دا الود مينا موحد القطرين طلع بيعرف يفصل أهو ،كنت فكراه مبيعرفش يعمل حاجة غير انه يتهانق مع مريم
منة: دا عود البطل طلع ملفوف أهو وبنتنا أحلى من كل البنات
شوق:بجد ربنا يحكميكى يابنتى الفستان جميل عليكى خالص
*الزفة وصلت *
شوق: إيه الحلاوة دى يامحمود *محمود فرحان وعمال يشاورلها انها كمان حلوة ،وخدها ونزلوا العربية*
يوسف : أومال فين العروسة ولا هنسبق وبعدين تحصلنا
منة: ماانت عارفها انت فاكر نفسك بالساهل كدا هتجى معاك تعالى ورايا
*منة داخلة هى ويوسف وأيات مديالهم ضهرها وعماله تلف وهو مش عارف يشوفها*
يوسف : متخلصى ياولية هتقعدى تلفى دا مفضلش غير انك تجرى وأنا أجرى وراكى ،المعازيم هيزهقوا
أيات: ولو ولو لازم أعمل زى البنات
يوسف: طب متكلمينى راجل لراجل وتدين وشك كدا بدل ماانت مديلنى قفاكى كدا
أيات :راجل تيه بس فى حد عاقل يقول لعروسته كدا ،أنا شكلى اتسرعت فين يابنى فين الرومانسية
يوسف: هو انا عارف أشوفك *أيات لفت بعد مطلعت عينه*
يوسف: اللهم صلى على النبى ايه القمر دا ،بس انت مين أنا عاوز أيات *قعد ينده بصوت عالى أيات يا أيااات انت فين ،فى واحدة حلوة عاوز تخطفنى منك ،بس متخفيش ياحببتى مستحيل أضعف ،لنت فين بقى *
أيات : انت هتستعبط
يوسف: هو إنت بلعتيها ولا إيها هو دا الصوت ،بس مش انت أيات لا ، إيه يا أخلاق انتوا بتهزروا فين أيات
أيات: متهزرش احسن بص أحلف أبوظ الفستان وكل دا وأوريك أيات بقى
يوسف:مجنونه وتعمليها بهزر مانت على طول حارقة دمى فيها ايه لما أحرق دمك شويه ،
أيات: طب هات
يوسف: أجيب إيه
أيات:الورد ولا هو عجبك
يوسف: أه اتفضلى بس قمر مفيش كلام
أيات : ماانت بتعرف تقول كلام حلو أهو، مش الباكبورت الى قولته
يوسف : بقى فى عروسة قمر كدا تقول باكبورت ،اخلصى يلا الناس مستنينا تحت علشان نروع القاعة
*الكل نزل وأيات ويوسف ركبوا العربية مع عمر ، وأخلاق نازلة أخر واحدة عمالة تتكلم مع منة وبتلعب مع زين ابن منة وتضحك ، ووليد شافها من بعيد ابتسم وحط ايدة على شعره وكان شايفها حلوة جدا*
يوسف: أنا هركب أنا ومراتى لوحدنا مع عمر وانتوا اركبوا مع وليد وكدا كدا أمين وعم حسن خدوا عم محمود وشوق ويلا علشان منتأخرش
منة: تمام مش ياعم يوسف براحة شويه الحب ولع فى الدرة
*منة وأخلاق وزين ركبوا العربيه مع وليد ووليد عمال يبص من المراية على أخلاق ، وسرحان وقعد يقول طب لو أنا مبحبهاش ليه بغير لما حد غيرى يكلمها وليه ببصلها دايما وبفرح لما بتبقى معايا فى أى مكان وعاوز أفضل معاها دايما، ولما بشوفها مش بعرف أخبى عينى ودايما ببصلها ،تقريبا كدا عم حسن عنده حق أنا لازم أقولها كل حاجة *
وليد : وصلنا اتفضلوا
منة: شكرا يا أستاذ وليد
أخلاق: مفيش تعب ولا حاجة *منة دخلت القاعة علشان زين عمال بيعيط ووليد وأخلاق داخلين مع بعض*
وليد: على فكرة الفستان حلو أول مرة أشوفك لابسة فستان ،كنت عاوز أقولك * أمين جة وقطع كلامة ووليد أول ماشفه اضايق*
أمين : أنا بنت عمى قمر كدا لا ايه دا كنت مخبيه الحلاوة دى فين ، تعالى أمى جوا وعمك عاوزين يسلموا عليكى
أخلاق: إيه بابشمهندس انت هتكلينى بالكلام ولا ايه فين عمى ،يلا تعالى ورينى عمى ومرات عمى فين
أمين : بعد إذنك ياوليد" وليد متضايق وبيكز على أسنانه*
وليد : اتفضل
*أخلاق دخلت القاعة وسلمت على عمها*
مرات عمها: ايه الحلاوة دى يا أخلاق ،قمر عاوزين نفرح بيكى بقى ولا إيه يا أمين *أخلاق ضحكت*
أخلاق: بعد إذنكوا هشوف منة
*راحت علشان تشوف منة ولقيتها وقفة لوحدها مع زين *
أخلاق: بخ بتعملى ايه
منة: يا أخلاق خضتينى فى ايه
اخلاق: على فكرة أنا عزمت الأستاذ سليمان المحامى
منة:بجد طب وأنا مالى وهيجى
اخلاق: عاوزة تعرفى ليه مش وانت مالك
منة: عادى هو انسان محترم وكويس
أخلاق:يعنى نقول مبروك
منة :انت هبلة هو يرضى بيا وانت عارفة ان معايا زين ومستحيل أسيبة ودا واحد لسة فى أول عمره أكيدعاوزة واحدة يبدأ معاها
أخلاق: هو كلمنى بحجة انه عاوز يحجز فى المحل وكان بيجى كتير وانت بتودى ابنك الحضانه ،بس أنا مكنتش بقولك لحد أما اتأكد من شوية حجات
منة:كملى يا أخلاق ايه الى حصل
أخلاق: بصى وراكى كدا * بصت لقيت سليمان وراها معاه دبلة وأهلة معاه وبيقولها*
سليمان: أنا اتفقت مع الأنسة أخلاق على كل حاجة وهى فهمتنى كل حاجة وحكتلى كل حاجة عنك ،وكلمت أهلك ،بس أنا كنت خايف من ردة فعلك ،بس لما أخلاق رنت عليا دلوقت سمعت انك كمان موافقة بيا لأنى سمعت المكالمة أنا أسف بس أنا كنت عاوز أعرف انت موافقة بيا ولا لا والأنسة أخلاق ساعدتنى كتير ،ربنا يخليكوا لبعض لأنها فعلا بتحبك
منة:كدا يا أخلاق
*سليمان بيلبسها الدبلة وفجأة الكاميرا جت علشان تصورهم والناس التفوا حواليهم وأيات ويوسف جم*
أيات: أيوة بقى أنا وانت كدا فى يوم مش كنت تقول من بدرى يا أستاذ سِليمان قصدى سُليمان ،كنا خليناه فرح
*الكل ضحك*
سليمان: حصل خير
منة:شكرا يا أخلاق
أخلاق: انت عبيطة شكرا على إيه إحنا أخوات ،ربنا يسعدك دايما ،
منة:عقبالك يا خوخة
أخلاق:إن شاء الله
*أخلاق مشيت كدا وشافت مدثر *
أخلاق : إيه ياعم مدثر وقف كدا يعنى مش بتعمل حاجة
مدثر:نفسى بقى يبقى فرحك علشان أخربها أيوووه يقى دا إحنا هنولعوها وهنعزموا اسكندرية كلها من شرقها لغربها ،بس يجى بس
أخلاق: مفضلش إلا انت كان نفسى أطمن عليك انت كمان
مدثر: فى ايه يا أخلاق أنا مش فاهم حاجة تقصدى ايه ،هو انت مسافرة
أخلاق: بس لما أسافر هنتقابل أكيد
مدثر: هجى معاكى
أخلاق:يعد الشر *مدثر مستغرب* أقصد دلوقت يعنى مينفعش تسافر لازم تخلص الأول كليتك وتحقق حلمنا وكدا
مدثر: متقلقيش أنا أصلا خلصت الكتب ورجعت كتير وبحل دلوقت متقلقيش وان شاء الله هرفع راسك وادخل طب زى مااحنا اتفقنا
أخلاق: لازم تدخل الإمتحانات ،واوعى فى يوم حاجة توقفك عن حلمك ،وافتكر دايما اننا موجودين ولازم نسيب أثر حلو ، واوعى فى يوم تكون سبب فى إنك تجرح حد
مدثر : مالك ياست خوخة كدا قالبه على جدى وانت بتكلمى فى إيه
أخلاق: مفيش ويلا روح سلم على عمك واقعد جنبه كدا متوقفش
*مدثر مشى وأخلاق طلعت وقفت برة فى الجنينة، ووليد شفها وطلع وراها*
وليد: عاوزة أقولك حاجة يا أخلاق ، هى الصراحة مش حاجة واحدة هى حجات بس عاوزك الأول توعدينى إنك تسامحينى
أخلاق: فى ايه يا وليد أول مرة أشوفك بتتكلم كدا عاوز تقول إيه
وليد : أنا مش عارف ابدأ ازاى ،بس الى عاوز أقولهولك ، إن وجودى كان هنا علشان أخليكى تحبينى وعمر يبقى صاحبى وكل دا اتفاق مع أبويا إبراهيم بيه ، علشان يخليكى تتنازلى عن المحل مقابل إنه يدينى فلوس ويخلينى أسافر برة بس *أمين جه قطعهم *
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية تركت أثر" اضغط على اسم الرواية