رواية بنات المنشاوي الفصل الخامس عشر بقلم خلود وائل
رواية بنات المنشاوي الفصل الخامس عشر
في محل الفساتين
الموظفه:الفستان دة تحفه جدا ياانسه ومفيش منه غير قطعه واحدة في الاتيليه كله وهيكون حلو اوي عليكي
عاصم بحب:قصدك هيحلو بيها
ورد :☺️☺️
هناء بمرح:ايوة ياعم
دعاء:اوعا المعاكسة اوعا
عاصم:امممم انتو اتفقتو عليا
هناء:سمح الله يا سمسم
ورد:احم انا هقيس الفستان دة
بعد دقائق عادت ورد مرتديه فستان من الستان الاحمر مطرز الصدر والكتفيين وقليلا لمابعد خصرها والفستان طوله لما بعد ركبتيها بقليل وتفاجئ الجميع من شدة اناقه ورد وجمالها الرقيق الذي اكتمل بالفستان الذي يبدو كأنه صمم خصيصا لها
عاصم:الله اكبر من عيني ايه القمر دة
هناء:يابن المحظوظه ياعاصم
دعاء:بسم الله مشاء الله ياورد الفستان روعه عليكي
ورد بفرحه:يعني حلو!
عاصم:مبقاش حلو غير لما لبستيه
ورد بأحراج:ميرسي
هناء:متوفر شويه من الرومانس دى لبعد الجواز يسطا
عاصم:ملكيش انتي دعوة يارخمه
دعاء بمرح:هات الدكتور عشان يخيط
هناء: بقي كدة ياعصوم
ضحكو جميعهم وفي نفس التوقيت رن هاتف دعاء⚡⚡
دعاء بقلق: دة فارس
ورد:روحنا في الكازوزة
هناء بضحكه مرحه:بالهنا والشفتيشي ياقلبي
عاصم:ردي يابنتي خايفه ليه كدة
دعاء بقلق:الو ...اذيك يافارس
فارس:وحشتيني ياقلب فارس
دعاء:وانت كمان
فارس:حد جمبك ولا ايه!
دعاء:مهو انا...انا...
فارس:انتي فين يادعاء
ابتلعت دعاء لعابها بغصه:انا مع ورد وعاصم واخته بنجيب فستان خطوبتها
فارس بحدة: كيف يعني خلاص خرچتو عن طوعنا ملكوش راچل تستأذنوة قبل ماتتسرمحو في الشوارع كيف بنات البندر
دعاء: والله نسيت يافارس غصب عني والله
فارس:زين انك لسه فاكره اسمي يابت عمي
اغلق فارس الخط واغلق الهاتف نهائيا لتغلق دعاء هاتفها بمرارة وتبتسم ابتسامه باهته لتنظر لهاورد بأسي
هناء:مالكو كدة يابنات هو ابن عمكو دة ماله محبكها اوي كدة ليه امال لو كان ساكن معاكو كان عمل فيكو اييي
دعاء بغصه:عادي يانؤة يلا نروح عشان تعبت
ورد:يلا ياعاصم
عاصم:ثواني بس هروح احاسب ونتغدي ونروح علي طول
دعاء:معلش ياعاصم اتغدو انتو وانا هروح لوحدي
عاصم: متزعليش يادعاء انا مكنتش اعرف ان لازم تستأذنو من ابن عمك دة يعني عشان علي طول مسافر وسايبكو من يوم مابباكي ومامتك اتوفو بس والله لو كنت اعرف ان علاقتكو كويسه كدة كنت استأذنته
دعاء:حصل خير ياعاصم
عاصم:اطلبيه عما اخلص وانا ال هكلمه اعتزرله بنفسي
في قصر المنشاوي******
ارتفعت اصوات الزغاريت في بهو القصر معلنه دخول افراد عائله السلانتي لترحب بهم صفيه بفرحه عارمه بينما يقف ابناء حسان بشموخ لاستقبال الضيوف ليرن هاتف فارس ليلتقطه ويجد ان المتصل دعاء ليتجاهل الهاتف ويجعله صامت بعدما اضطر لاعادة تشغيله بسبب مكالمات عمله الهامه
صفيه في مجلس السيدات:يالف خطوة عزيزة نورتونا ياست نجوي نورتونا ياالف مرحب
نجوي والدة سعد السلانتي: الله ينور عليكي ياست الناس
منيرة عمه العريس:امال عروستنا الحلوة فين عاد الصايغ ذمانه علي وصول
صفيه :الوقتي حالا تنزل
نجوي:من كتر ماوصفهالي سعد اتشوقت اني اشوفها
صفيه:شافتك العافيه والصحه ياام محمد
ابتهال عمه العريس الاخري: مرام دي زينه بنات البلد اعرفها من وهي صغيرة لما كانت تلعب مع سلمي بنتي هي وبنات عمها طايع
ابتلعت صفيه مابحلقها بغصه لتدرك ابتهال هي الاخري الخطاء الذي نبه عليهم هارون اخيهم بعدم التحدث فيه
نجوي: والله ياام سليم انا مستنيه القعدة دي علي نار من فرحتي بعد الايام عاد
صفيه بأبتسامه:احنا نشرفو بنسبكم ياست نجوي
دقائق ودلفت مرام للغرفه الفارهه التي يجلسون بها ليقفو جميعا لمقابلتها بفرحه عارمه بينما ارتسمت شبه ابتسامه علي شفتي مرام الورديتين
نجوي:اهلا بالغاليه عروسه الغالي
في مجلس الرجال:*********
هارون السلانتي:الشبكه النهاردة وكتب الكتاب السبوع الجاي والدخله بعدها بيومين قلت ايه ياحسان بيه
حسان:قلت علي بركه الله
سليم:الف مبروك ياسعد انت واخد الماظه العيله
سعد: الله يبارك فيك ياسليم عقبالك
دلف احد افراد العائله وبرفقته الصائغ ليجلس بجوارهم ويقوم بعرض مشغولاته الذهبيه ليختار منها حسان وهارون بعض القطع ويقومو بأرسالها للعروس لتختار منها مايحلو لها بينما انفرد سعد بالصائغ ليختار خاتم رقيق ليهادي به مرام
في احدي المطاعم******
تجلس دعاء شاردة الذهن لتقطع شرودها هناء قائله: ايه يابنتي مالك مسهمه كدة ليه؟
دعاء:لا ابدا مفيش
عاصم:اهدي شويه يادعاء وسيبي الموضوع دة عليا انا ال غلط وانا ال هصلحه اديني كدة رقم ابن عمك دة
دعاء:مش هيرد عليك
عاصم:العظمه لله وحدة ياستي لو مردش اديني عنوانه وانا هروح لحد عندة
نظرت ورد ودعاء كل منهم الاخري برعب لتبادر ورد بالحديث:لا ملوش لزوم ياعاصم انت مكبر الموضوع
عاصم:مش مكبرة ولا حاجه بس في الاساس كان المفروض استأذن ابن عمك بس راحت عن بالي او بمعني اصح طنشت لأني فكرتكو مستقلين عنه وكدة بس والله بكرر اعتزاري حقكو عليا
دعاء:ولا يهمك ياعاصم يلا اهي علقه تفوت ولا حد يموت
ورد بمرارة فهي تعلم ان فارس صعب الارضاء:ولا علقه ولا حاجه الوقتي عاصم هيكلمه يراضيه
هناء:مش هتخلصو النهاردة من موضوع ابن عمكو دة انا جعانه
عاصم:عاوزة تاكلي ايه ياطفسه
هناء:مش كتير يعني خد عندك خمس سندوتشات شاورمه وواحد بيبسي اتنين لتر و توميه كتيررررر ومخلل علشان نهلل😂🤭وكمان بطاطس وكاشتب
عاصم: وايه كمان ياكشتب هانم
دعاء:هو مش اسمه كاتشب باين
هناء:لا كشتب ...المهم دة ليا وشوفو انتو هتاخدو ايه
جميعهم:😂😂😂😂😂😂
عاصم:اوعي نفسك ياورد لتاكل منك حته
في فيلا الحديدي*****
اجتمعت العائله الصغيرة علي طاوله الطعام لتناول الغداء لتهم نورة بالحديث
نورة:عزمتي كل اصحابك يالينو ولا نسيتي حد
ليان :عزمت الدفعه كلها متقلقيش يامامي
سامر:ودول هنجبلهم جاتوة منين
ليان:خسارة فيا ياسمسم ولا ايه
سامر:لا ياقلبي بس خسارة ليا انا
سيف:😂😂😂
ليان: اضحك اضحك منا ولا علي بالك ولا هتلاقيك فاكر اصلا عيد ميلادي ولا جبتلي هديه
سيف:انا بردو بتاع كدة ....انا اققدر انساك يامقطقط انت
ليان بفرحه:طب جبتلي ايه ها
سيف:امممممم جبتلك عروسه لعبه انما ايه جنان هتعجبك اوي
ليان بأذعان:نعم عروسه لعبه داانا هتم٢١سنه ياسيف انت بتهزر
سيف:منا عارف ياروحي بس مهما كبرتي هتفضلي صغيرة بالنسبالي
ليان بزعل طفولي:والله كان عندها حق ياخنجر انت
سيف بحدة:ليان
ليان : خلاص سكت خالص اهوة
دلفت فرح زوجه سامر لتشاركهم الغداء
نورة:اتأخرتي كدة ليه يافروحه
فرح:معلش ياحبيبه قلبي انا بس كنت بنيم تيمو وجيت علي طول
سامر:تيمو كويس ولا لسه زعلان
فرح:متقلقش انا جبتله شوكولاته وبقي تمام خالص وراح في احلي نومه الوقتي
صالح الحديدي:عاوزكو كلكو تجهزو كويس عشان عيد ميلاد ليان مش عاوز غلطه انا عازم ناس مهمين جدا وكمان اهل طارق الجبالي خطيب ليان ومش عاوز غلطه واحدة مهما كانت صغيرة تمام
جميعهم:تمام
في قصر المنشاوي******
ارتفعت اصوات الزغاريت الحارة فرحا بالعريس سعد السلانتي وهو يلبس لمرام شبكته في احتفال عائلي ضخم والسعادة تملاء وجهه علي عكس مرام التي تتكلم بأحتساب وحزن لينتهي الاحتفال بعد فترة ويجلس كلا من سعد ومرام وحدهما ليتعرفا ببعضهما
سعد بفرحه: الف مبروك يا احلي عروسه في الدنيا
مرام :الله يبارك فيك
سعد وهو يحاول بداء كلام مع مرام:كتب كتابنا السبوع الچاي انشاء الله والفرح بعدة بيومين
مرام:_____
سعد:ساكته ليه عاد
مرام:هقول ايه يعني
سعد:وة مالك زعلانه ليه اكدة ياقمر
مرام: مفيش
سعد:بصي يابنت الناس احنا لسانا علي البر عاد لو حد غصب عليكي قول وسيبي الباقي عليا انا مهتجوزكش غصب عنيكي واصل
احست مرام براحه وقبول ناحيه سعد فهو قد ابدي لها الحنان علي عكس والدها واخواتها فأستجمعت شجاعتها قائله:بصراحه اكدة انا ....
سعد: انتي ايه قولي ماخافيش
مرام:توعدني انك مت_____
سعد مقاطعا:قلتلك انا هتصرف وانتي ملكيش صالح قولي مالك
مرام:انا مغصوبه عليك ومحباش اتجوز دلوق نهائيا
سعد بحزن:طب ليه؟
مرام:لساني صغيره وحابه اكمل علامي معوزاش جواز وخلفه ومسئولية دلوق نهائي
سعد :طب اديني فرصتي وجربي
مرام:اجرب ايه هي مرجيحه عاد ولا ايه دة جواز
انفجر سعد بالضحك لتبتسم مرام رغما عنه لضحكته الرجوليه التي خطفت قلبها قبل نظرها بدون حول منها ولا قوة
مرام:هتضحك ليه عاد قلت نكته انا ولا ايه
سعد:لا ابدا ياست البنات ....انا بس كنت مفكرك موفقاش عليا انا بالذات
مرام:اشمعنا يعني!
سعد: يعني ممكن تكوني بتحبي حد تاني
مرام :وة حب ايه دة داابويا كان يدفني مطرحي عاد
سعد بفرحه:بعيد الشر عنيكي ياست البنات .....يعني معتحبيش حد خالص
مرام بتعجب:ال بيفهم بيريح عاد
سعد بأبتسامه:مقبوله منك يامرام
ثم اكمل قائلا بجديه:بصي اوعدك لما نتجوز هخليكي تكملي علامك لحد ماتخلصي كليتك ومهنخلفش واصل غير لما انتي ال تطلبي بلسانك واهلي وكلام الناس سبيه عليا انا وملكيش صالح بيه عاد
مرام بفرحه:بتحكي جد ولا بتلعب عليا
سعد:عيب عليكي لساكي معرفانيش عاد
مرام:طب معلش في السؤال يعني....
سعد:اتفضلي
مرام:قرايبك .....فهمت من كلامهم انك انت ال شفتني اكتر من مرة واختارتني بنفسك ....ممكن يعني .. مثلا.....امممم
سعد بأبتسامه: بصي ياست الناس اول مرة شفتك فيها كنتي راجعه من الجامعه في عربيه اخوكي سليم وانتي كنتي راكبه جارة وخطفتي قلبي وانتي معديه ....وتاني مرة شفتك في فرح بنت خالك نعمان انا اعرفه بحكم شغلنا وعرفت من ابن خالك انتي تبقي مين....وتالت مرة شفتك كنت قاعد مع فراچ في چنينه القصر بتاعكم من شهر اكدة وانتي كنتي في التراس وعينك تايهه في ملكوت الله ولكنها خطفاني وممنيمانيش الليل 😍
احمرت وجنتي مرام لينعقد لسانها ولا تستطيع الرد ليسود الصمت طويلا ويخرج من چيبه علبه قطيفه صغيرة زرقاء اللون ليضعها بجوار مرام ويستأذن بالرحيل
بعد رحيل سعد بفترة التقطت مرام العلبه وفتحتها لتجد بها خاتم رقيق يعكس شخصيتها وبجوارة ورقه صغيرة مكتوب بها (هيكون أجمل لو لبستيه ياست قلبي)وبجوارها رقم هاتفه........
في القاهرة وبالتحديد في شقه آيه*****
تقف آيه امام خزانه ملابسها لتقلب بينها بملل لتستوقفها فكرة لمعت لها عينيها بشدة لترتدي ملابسها وتنزل سريعا لاحدي البيوت المجاورة.....
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية