رواية عشقت حورية الفصل السادس عشر بقلم يوستينا سامي
رواية عشقت حورية الفصل السادس عشر
في الشقة عند اسد .. دخلوا بس شافوا حد .واحد قاعد علي الكرسي في الشقة وبيتكلم بثقة / الصراحة الشقة هتعجبك اوي اوي .. اسد طول عمره اختياراته تجنن لا وحتي عفشها متين اوي
اسد بصدمة / انت ..انت ازاي دخلت هنا و عرفت عنوان الشقة دي ازاي .
حسام / ضحك بستهزاء .. لا السؤال ده مش ليا انا يا اسد انت عارف كويس اوي اني لو عايز اوصلك هوصلك ولو مستخبي فين ..
اووه سوري بجد نسيت اباركلك علي جوازك السوري
اوعي تكون لسه ماقولتلهاش انها مش مراتك اصلا .
اسد بعصبية قرب منه ومسكه من هدومه / اخرس يا حسام وبلاش تقول اي كلام وخلاص. و ملكشي دعوة بيها تماما..سامع ولا لاااااء . و قولي انت جايلي تاني بعد السنين دي كلها عايز مني ايه .
حسام زق اسد جامد / لو السنين الكتير دي نستك يا ابن العقاد أن انا ليا حق عندك ..فالسنين عمرها ما نستني انا ومش حسام اللي يسيب حقه حتي لو بعد سنين .
وراح حسان قعد علي الكرسي بثقة / عارف كنت ممكن ابعتلك حد يخلص عليك ..أو حتي يخطف مراتك منك بس انا قولت لااااا لازم انا اللي اعمل كدة وبايدي ... لازم اشوفك غرقان في دمك قدامي يااسد واشفي غليلي
حور كانت واقفة مصدوومة من كلامه قربت من اسد وحضنته
حور بدموع. / هو بيتكلم جد هو عايز يقتلك يا اسد .... هو مجنون مش كدة
اسد وجع و غضب / عمرك ما تغيرت ..هتفضل طول عمرك غبي يا حسام..بس انا كنت عارف ان اليوم ده جاي جاي
بس انت اللي اتاخرت اوي .. عموما لو هيريحك أنك توجه مسدسك في وشي علشان تخلص مني اعملهاااااا وريحني بقي وانهي كل العدوات اللي بينا .
حور بمجرد ما سمعت الكلمة فضلت تصرخ / لاااا ايه اللي انت بتقوله ده يا اسد. تعالي نهرب تعالي
وحضنته وفضلت تعيط جامد ..
اسد بهدوء / اهدي يا جميلة ..اهدي كفاية عياط مافيش اي حاجة هتحصلك انت صدقيني ..
حسام ارجووك طلعها هي من اي مشاكل بينا لوسمحت ..انت عارف ان هي ملهاش دعوة بيا اصلا .
حسام بتريقة / جيه اليوم اللي تترجاني فيه يا اسد يا عقاد
بس انا مش موافق علي طلبك .للاسف .
وفي نفس اللحظة وجه حسام مسدسه في وش اسد .. استشهد يا اسد
_____________________ بقلم ✍️ يوستينا سامي
في الاوضة عند جاسر و حياه .
جاسر اتوجع اول ما افتكر الذكريات دي و قد ايه اسد كان واقف مع حسام حتي في الثار بتاعه ..
جاسر بوجع / اسد ماقتلشي عمك .. اسد اصلا مالوش علاقة ولا يعرف عمك اصلا ..كل الحكاية انه كان بينقذ جاسر لما عمك حاول يضرب عليه نار .
حياه فضلت تعيط / انتوا اللي جتلتوا كل اللي بنحبهم و جتلوا عمي و حور هربت من البيت بسبب نعمة بعد ما ابوها مات برضوا بسببكم ..انا بجد بكرهكوا ..
جاسر بعصبية / ما تضحكيش علي نفسك احنا كلنا لقينا نفسنا في ثار ..لقينا نفسنا بنقتل ناس احنا منعرفهااش علشان بس ما نموتشي احناا .. اسد ما يعرفشي حد في العيلة بتاعتنا اصلاااا ...
و خرج جاسر من الاوضة و كلم حساام بس مكنشي بيرد عليه. ..
جاسر بخوف / يارب استرها..يارب حسام مايكونشي اتهور
______________________________________
في الصعيد عند نعمة. كان عوض قاعد ومعاه المأذون .
عوض بلهفة / جرا ايه يا ام علي ..احنا قاعدين ليه .ما يلا نكتب الكتاب بقي .. انا قاعد هنا من الصبح والرجالة برضوا قاعدة مستنية معايا
نعمة / ما تصبر يا راجل مش اكده ..انا عايزة الفرح النهاردة يبجي فرحين وعايزة اتاكد أن عبدالرحيم عرف يجيب البت حور .. وبعدين مالك يا راجل انت اومال لو مكنتش متجوز تلاتة جاتك خيبة متسربع علي ايه ..
عوض / الله جرا اي يا ام علي .. وهي عيشة زي اي واحدة من اللي انا متجوزهم دول حتي حريم نص كم . المهم كلمي عبدالرحيم علشان نطمن بقي
نعمة / هو انت يا راجل اعمي ولا ايه ..ما انا شايفني عمالة ارن عليه ..بس هو مش بيرد عليا ..
بقولك ايه انا طالعة اشوفلك العروسة علشان ارتاح من ذنك ده ..وبعدين شكلنا كدة هنكتب الكتاب دلوقتي و خلاص.
وفعلا طلعت نعمة أوضة عيشة ..
ولاقتها قاعدة علي السرير لابسة اسوود وعمالة تعيط ومنهارة ..
نعمة قربت منها بشماتة / عيطي يا اختي ..عيطي .. انت فاكرة يا بت انتي أن بدموعك اللي شبه دموع التماسيح دي هصدقك ...هههههههه صحيح طالعة لامك ..
وشدتها من ايديها ووقعتها علي الارض. .. يلا يا حبيبتي قومي غيري القرف ده علشان عريسك هيستلمك دلوقتي. ولا تحبي اجيبلك ستات يسعدووكي تلبسي يا اختي ..
عيشة بقهرة و دموع / لا انا هلبس لوحدي .. وثواني وهجهز
بس والنبي يا عمتي قبل ما امشي عايزة أسألك هو انا مش صعبانة عليكي ..قلبك مش واجعك عليا و انت مسلماني بايديكي لواحد زي ده ..طب ابنك مش صعبان عليكي رميته في المخزن وكسرته
نعمة بغل / لا مش صعبان عليا يا عيشة . ولا انت صعبانة عليا .. وبعدين انت ليه محسساني اني قطعتلك ايد ولا رجل انا جوزتك ..زي ما ابوكي زمان جوزني لراجل كنت اجبل العمي ولا اقبله ...
بلاش يا اختي تفتكري نفسك الوحيدة اللي اتظلمتي .. عشر دقايق و الاجيكي قدامي تحت ..
وخرجت نعمة من الاوضة ونزلت لعوض
نعمة بسعادة زغرتت / يلا يا مأذون كمل شغلك يا اخويا . العروسة موافقة .
وفعلا المأذون كتب كتاب عيشة علي عوض ...
____________________________________________
في الفيلا. .
عبدالرحيم / خلاص فهمتوا الحكاية كلها. كدة انا ليا حق عندكوا .وحفيدك خطف خطيبتي وده عار عليا و العار مابيغفروش غير الدم ..
حسن / ولااااا اتكلم علي قدك ..انت لا هتقدر تقرب من اسد أو من حور حتي واحب اقولك انك مش هتخرج من الفيلا دي اصلا حي .
عبدالرحيم بتريقة / وانت متخيل ان انت كدة نقذت جريبك ..لاااا في غيري مليون راجل في البلد هيجوا هنا وساعتها هتبقي مجزرة .
حسن مسكه من هدومه بعصبية / انت بتهددي يلا ..ده انا اقتلك وقتي ...
عزيز بعصبية وحدة/ بس يا حسن سيبه .. وانت يا بني خد رجالك وامشي من هنااا و اوعي تتجرأ وتقرب من الفيلا دي تاني او اي حد منها
انت مشكلتك مع اسد ..ابقي خد حقك منه لو تعرف .
حسن بصدمة / ايه اللي انت بتقوله ده يا جدي . انت هتسيبهم يمشوا كدة عادي بعد اللي عملووه ده .
عزيز / ابن عمك هو اللي صغرنا .برغم اني كنت يعتبره راجل . وزي ما عمل كل حاجة منغير ما يرجعلي وكأنه مالوش كبير ..يبقي يصلح كل حاجة برضو منغير ما يرجعلي .
طلع عزيز اوضته وهو كان زعلان اوي من اللي اسد عمايله وكان حالف أنه مش هيعتب الفيلا دي تاني غير لما يتربي الاول ..
وفعلا عبدالرحيم اخد رجالته ومشيوا من الفيلا ...
_____________________________
في شقة اسد ... فاجاه لقه الباب بيتفتح
دخل مراد الشقة وقف قصاد اسد وحور وموجه مسدسه في وش حسام
حسام بصدمة / مراد انت ايه اللي جابك هنا .. جاي تقف معاه تاني وبرضو ضدي يا مراد
مراد بوجع / انا عمري ما وقفت ضدك يا حسام .. انت اللي تاعب نفسك باوهام و بسبب ايه ؟؟.
مش انت اللي كنت بتقول أن عمر الصداقة ما بتضيع مهما حصل يا حسام !!!!
نزل مسدسك ... نزله علشان انا عمري ما هسيبك تقرب منه ده ابن عمي و اخويا .
حسام نزل مسدسه بوجع و بص لاسد بتحدي / انا همشي حظك يا اسد أن مراد جيه ينقذك لأن لولا مراد كان زمانك ميت دلوقتي ..
وبص لمراد بوجع /أنت ليك جميل في رقبتي لانك قبل كدة أنقذت حياتي من الموت علشان كدة انا ماشي انهاردة منغير ما اقرب لاسد . بس جميلك خلص ... فقول لابن عمك أنه يهرب مني ..لانه هموته 😏.
وسابهم وخرج برا البيت
مراد بص لاسد و اتكلم بهدوء / انا ماشي يا اسد .ابقي خلي بالك من نفس وخلي بالك من مراتك ..حسام مش ناوي علي خير خالص .
وخرج مراد كمان من البيت وساب اسد واقف مصدوم و مكنش مصدق ان في اقل من دقيقه ذكريات بقالها كتير رجعت تاني ... .
حور بحدة و زعيق / انا عايزة افهم ايه اللي بيحصل ده . ومين المجنون ده يا اسد ..ارجوك فهمني ده كان عايز يموتك ..
وفجاه وبدون مقدمات اسد حضن حور اوي / انا تعبان اوي يا جميلة ..كلهم ضدي..كلهم بيظلموني وانا معملتش حاجة خالص ..بالعكس انا طول عمري بضحي بنفسي علشانهم .
حور بدموع / طب احكيلي يمكن اقدر اساعدك أو حتي اهون عنك ..انا مش قادرة اشوفك ضعيف كدة .
اسد بدموع ودي كانت اول مرة يعيط قدام حد / للاسف عمر ما الكلام كان بيريح ..ده سكاكين بتقطع في قلبي .. جميلة أنا مش عايز منك غير طلب واحد بس .. هو اني انام في حضنك ..نفسي احس ان في حد بيحبني بجد .
وفعلا حور اخدته في حضنها .
بس اسد كان بيفكر في سره / يا ترا لما تعرفي الحقيقة هتفضلي تحبيني ولا هتكرهيني زيهم يا جميلة ..
وبعدها هما الاتنين نامو .
يتبع الفصل السابع عشر اضغط هنا
- الفهرس يحتوي على جميع فصول الرواية كاملة :"رواية عشقت حورية" اضغط على اسم الرواية