رواية عذاب الحب الفصل السادس عشر بقلم ندى محمود
رواية عذاب الحب الفصل السادس عشر
= ماما ارجوكي احترمي قراري .. وخدي الدبله دي اديها ل ندي لما تشوفيها وقوليلها اني مخلعتهاش من ايدي من سعت م اتخطبنا .. وبالله عليكي احكيلها اد ايه هي كانت مهمه فحياتي و اد ايه هي اكتر شخص كسرني فالدنيا دي
بعياط > يبني فكر تاني .. انت كدا بتظلمني انا .. دا انا بدعي ليل نهار انهم ميفكروش انهم ينقلوك سينا وانت جاي تقولي انك عايز تروح هناك بنفسك ؟!
= ماما متصعبيش الدنيا عليا .. انا كدا هرتاح
الكلام دا كله حصل وقت العصر
نديم بعدها دخل اوضته و مامته افتكرته هينام عشان يريح ويمكن لما يصحي يغير رأيه
بس عالمغرب كان نديم حضر شنطه وخرج من اوضته وهو شايلهم
>انت ماشي دلوقتي !!!
=ايوا يا ماما مش عايز اقعد ساعه واحده تانيه فالمكان الي هي موجوده فيه .. اوعدك ابعتلك رساله كل يوم اطمنك فيها عليا و اليوم الي هموت فيه واحد من زمايلي هيبلغك
وباسها من جبهتها وباس ايدها و مشي
اما صفيه فكانت واقفه مكانها متجمده ومش مصدقه الي بيحصل .. مكنتش متوقعه ابدا انه ممكن يمشي بالسرعه دي طيب دا حتي لسا المفروض قرار النقل بياخد فتره بس هو هيروح هناك قبل لما القرار يصدر اصلا و دا معناه انه مستعجل جدا
لبست اي حاجه و راحت لبيت ندي وميساء وهي منهاره
ميساء فتحت الباب واتخضت من منظر صفيه الي كانت منهاره من العياط
بعياط و زعيق > يا ميساء احنا اتفقنا ان اولادنا يكونو سند لبعض يا ميساء انما بنتك كسرت ابني لدرجه انه مبقاش قادر يبقي فنفس المكان الي هي فيه .. يا ميساء انا بخسر ابني
ندي خرجت من اوضتها اول لما سمعت سيره نديم
-ماله نديم يا صفيه !!
> نديم راح سينا .. راح عشان يتجنبك يا ندي عشان انتي كسرتيه و خليتيه يحس انه معندهوش كرامه ولا عزه نفس
بعياط -لا لا انتي اكيد بتهزري لا نديم اكيد مش هيروح هناك لا
فلاش باك
لما نديم اتقبل فالشرطه الكل كان فرحان الا ندي
كانت قاعده زعلانه و شويه وهتعيط
جه من وراها و حط ايده علي عينها
= الجميل زعلان ليه
-انا مكنتش عايزاك تتقبل ف شرطه يا نديم
=اشمعنا
شال ايده من علي عينها وقعد جمبها
-عشان خايفه يجي اليوم الي هيبلغونا فيه خبر استشهادك .. نديم ارفض يا نديم و شوف كليه تانيه
= يبنتي انا هكون حريص اوي متخافيش
-افرض مثلا لما تبدأ تشتغل نقلوك لمكان زي سينا ..
= انا عادي مش فارق معايا المكان بس لو مش عايزه اتنقل لهناك ادعي
-انا كدا هكون خايفه فكل يوم انت هتخرج فيه للشغل بعد متتخرج
= وانا لو نقلوني سينا هعمل كل حاجه عشان اخليهم يغيرو رأيهم وبعدين انا ازاي مثلا هموت و اسيبك انتي وصفيه وميساء وحدكم .. نسيتي اننا كلنا عيله واحده ؟
باك
بعياط - لا هو قالي زمان انهم لو نقلوه سينا هيحاول يخليهم يغيرو رأيهم
بعياط و زعيق > انتي ليه مش قادره تفهمي وتستوعبي كلامي كويس !! بقولك هو الي طلب بنفسه انهم ينقلوه هناك ! طلب كدا عشان عايز يحس انه مفيد و شاف انه مش هيبقا مفيد غير لما يستشهد عشان بلده و اه خدي اهي الدبله الي مخلعهاش من سعت لما اتخطبتو .. خديها وابكي عالذكريات و انا هبكي علي ابني الي فقدته بسبب واحده غبيه
بعياط وانهيار -انا افتكرته خطب لما شفته لابس الدبله وعشان كدا قولتله الكلام دا .. يا صفيه والله م كنت اعرف انها دبله خطوبتنا
*اجري يا ندي الحقيه اكيد مستني فالمحطه والقطر لسا مطلعش
ندي نزلت الشارع بالبيجامه وهي بتجري زي المجنونه وبعدها ركبت تاكسي و راحت المحطه
كانت بتمشي فالمحطه وهي رجلها مش شايلاها وفكل خطوه بتمشيها بتدعي ربنا انه القطر ميكونش اتحرك
سألت عالقطر الي رايح سينا بس الموظف قالها انه هيتحرك بعد خمس دقايق
ركبت القطر بسرعه وبدأت تدور علي نديم من وسط باقي الناس الي فالقطر
بعياط -حد شاف نديم يجماعه
رغم انها عارفه ان اكيد محدش يعرف نديم بس هي كانت متوتره ومتلغبطه لدرجه انها مكنتش حتي قادره تفكر كويس
وهي بتدور عليه حست بدوخه و اغمي عليها من التوتر
طبعا كل الي فالقطر اتوترو وخافو يكون حصلها حاجه و خبر ان فيه بنت اغمي عليها انتشر فالقطر كله
اول لما نديم سمع ان فيه بنت اغمي عليها راح بسرعه للمكان الي فيه البنت .. هو مكنش متوقع انها ممكن تكون ندي بس هو كان عايز يضمن ان محدش هيستغل ان البنت دي مغمي عليها مثلا ويقول دي بنته او اخته وياخدها .. مكنش حابب اي بنت تتعرض للي اتعرضتله حبيبته
ولما وصل للمكان الي الناس متجمعين فيه حولين البنت اتصدم انها ندي
=ندي !!
£ هي كانت بتمشي فالقطر وهي متوتره ومتلغبطه وكانت بتسأل لو حد شاف نديم
= انا نديم .. خدو اهي بطاقتي واتأكدو منها ولو سمحتو وسعو شويه عشان تعرف تتنفس وياريت لو حد معاه برفن
الناس وسعو و ادوله برفن
رشه عشان تصحي و بدأت تفوق بس لسا مكنتش شايفه قدامها بوضوح
-نديم فين شوفولي نديم فين
نديم مسك ايدها
=انا هنا متقلقيش
وقتها وضحت عندها الرؤيه ولما شافت ان فعلا نديم قدامها حضنته جامد
-نديم انا كنت فاكره اني خسرتك للابد
بس هو بعد عن حضنها
= تعالي اقعدي عالكرسي الي انا حاجزه واهدي شويه و بعدها انزلي فالمكان الي هيقف فيه القطر واركبي عربيه و ارجعي بيتك
بعياط -بس انا عايزه افضل معاك يا نديم .. ايا كان المكان الي هتروح ليه انا هروح معاك
= مش عايزك تروحي معايا … هي ماما مقالتلكيش اني هربت من قنا كلها بس عشان انتي فيها ؟!
بعياط - نديم انا افتكرت ان الدبله الي ف ايدك معناها انك خطبت يا نديم فالسنه الي بعدت عني فيها .. عشان كدا قولتلك الكلام دا
= مفيش داعي للشفقه وانك تكدبي كلامك بس عشان تخليني افضل ف قنا .. روحي بيتك انا خلاص اتخذت قراري
بعياط -نديم انت لازم تصدقني .. لو كنت معتبراك اخويا بس هل كنت هجري وراك لغايه القطر الي انت فيه ؟!
= ياريت تحترمي قراري .. انا لو كنت اقدر اخطب غيرك عشان مثلا اوريكي ان حياتي ماشيه عادي من غيرك كنت هعمل كدا بس كنت هظلم انسانه ملهاش ذنب و وقتها هكون شبهك .. انا اخترت اني اخلص من الدنيا دي كلها يا ندي و لو ضميرك هيريحك لما اقولك اني متخلتش عن حياتي عشانك ف اه يا ندي متخلتش عن حياتي عشانك
بعياط - لو فاكر اني هتخلي عنك عشان بتحاول تبقا قاسي عليا ف لا يا نديم انا مش همشي من هنا غير وانت معايا و انا استاهل اصلا كل الكلام الي بتقوله
= شكلك مش بتفهمي يا ندي .. بقولك مش عايزك ومش عايز ارجع معاكي !
-انا عارفه ان من جواك عايزني ومن جواك عايز ترجع معايا
= اووف شكلك مش بتفهمي بالكلام .. ندي متخلنيش اوريكي وشي التاني
-وريهوني وبردو مش هسيبك
( نديم بيحاول يقسي عليها عشان تسيبه لانه فعلا مكسور جامد لدرجه ان حتي الكلام مش هيقدر يصلح الي اتكسر ولا حتي جزء منه )
بزعيق = يا كمسري
¥ ايوا
=الهانم دي راكبه القطر من غير تذكره و كمان قاعده عالكرسي بتاعي ومش راضيه تقوم
بصدمه -نديم انت بتقول ايه !
¥ قومي من عالكرسي لو سمحتي و عليكي غرامه ١٠٠ ج
-مش معايا اي فلوس .. اخر فلوس كانت فجيبي دفعتنا للتاكسي
= يلا لو سمحتي عايز اقعد عالكرسي بتاعي بقالي ساعه واقف
¥ كدا انا مضطر اقولك انك لازم تنزلي من القطر
بصدمه -انزل ازاي وهو بيتحرك !!
¥كان لازم تفكري فالكلام دا قبل لما تركبي القطر من غير تذكره وكمان مش معاكي فلوس للغرامه
ندي بصت لنديم عشان ينطق
بس نديم كان باصص الناحيه التانيه وكان مستني يشوف رده فعلها
-حاضر خلاص هنط من القطر يمكن نديم كمان يرتاح مني
نديم بصلها بصدمه لانه مكنش متوقع التصرف دا منها .. كان متوقع مثلا انها هتحاول تقنع الكمسري ان نديم يعرفها وان دا مجرد مقلب منه
راحت فعلا عند المكان الي بينزلو منه الناس وكانت هتنط بس نديم مسكها من ايدها و هي جسمها كان برا
=انتي بتعملي ايه !! انتي عبيطه !!
-بخلصك مني وبكدا مش مضطر تروح سينا .. مش مضطر تهرب من المكان الي انا فيه لاني مش هكون موجوده اصلا فالدنيا
= لا انتي اكيد اتجننتي !!
-و دا علي فكره مسمهوش انتحار لان الكمسري هو الي فرض عليا دا و كمان ممكن انزل من القطر سليمه عادي
= سليمه !! انتي عندك فكره سرعه القطر اد ايه !!
كانت بتحاول تفلت ايدها من ايد نديم
= انتي بتعملي ايه !!
-سيب ايدي .. سيبها عشان ينتهي عذابك يا نديم ..
= ندي انتي المشكله عندك انك لما بتتزنقي بتلجأي للطريقه دي .. وفاكره انها هتكون الحل و ان الي اتكسر جوايا هيتصلح لما انقذك ..
استجمع قوته شدها جامد مره واحده و دخلت جوا القطر
= ياريت لما القطر يقف تنزلي و تروحي بيتك .. انا وانتي اجتماعنا مع بعض بقا مستحيل
بعياط - انت مبقتش تحبني يا نديم
= ايوا انا فقدت خلاص كل المشاعر الي جوايا .. سواء مشاعر حزن او فرحه او حب او كره .. انتي كسرتيني لدرجه اني مبقتش حاسس بحاجه
بعياط -تمام يا نديم هنزل ف اول مكان يقف فيه القطر وهسيبك .. يمكن وقتها تقدر تتعافي و تسامحني
نديم رجع قعد عالكرسي بتاعه وهي كانت مستنيه عند الباب عشان تنزل اول لما القطر يقف
عدي اسبوع علي وجود نديم ف سينا و هو كل يوم بيطمن صفيه برساله .. كل يوم بيصحي من النوم و يشتغل ويرهق نفسه فالشغل عشان لما ينام عالسرير ينام علطول من غير تفكير
وفاليوم التامن كان عليهم مهمه فمكان قريب من فلسطين .. كان المكان دا هو الاخطر و كل زمايله كانو مكتأبين ان تم اختيارهم فالمكان دا اما نديم فمكنش حاسس ب اي حاجه .. بعت بس رساله لمامته
'ماما النهارده استلمت مهمه ف اخطر مكان ف سينا .. حاسس ان اجلي قريب و ان يمكن هو دا اخر يوم ليا فالحياه دي و يمكن دي كمان اخر دقايق ليا .. سامحيني يا امي اني هسيبك وحدك بالله عليكي سامحيني و ادعيلي بالرحمه هكون محتاجها جامد '
وبعد لما خلص الرساله سمع صوت القائد وهو بيقولهم يستعدو
ركب العربيه مع زمايله و لاحظ لاول مره من سعت م جه ل سينا ان فيه زميل ليه فيه شبه كبير من ندي
دا حتي مش رفيع ولا تخين زيها .. نفس الملامح و كمان زميله دا كان باصص عليه
بس لما نزلو من العربيه شاف زميله دا وهو شعره زي الولاد يعني شعره قصير جدا ف نفض الفكره دي من دماغه لان ندي شعرها طويل جدا وقال انه بيتخيل ان فيه شبه منهم .. يمكن ندي وحشته وكان نفسه يشوفها قبل لما يموت عشان كدا عقله هيأله ان زميله شبهها
كان زميله دا ساكت علطول ومش بيتكلم وبيكتفي انه بيحرك راسه بالموافقه والقبول
سأل واحد جمبه
= انت تعرف الراجل دا قبل كدا ؟!
¥ اه قصدك علي دا .. الكل مستغربين منه لانه مش بيتكلم خالص واعتبرناه ابكم .. حتي ان البعض مننا افتكروه بنت بسبب ملامحه بس طبعا شعره و وجوده هنا خلانا نتراجع عن الفكره دي
نديم راح قعد جمب الزميل الغريب
بهدوء = انتي ندي صح
بس الزميل كان باصصله بصدمه
= فكراني يعني مش هعرفك لما تقصي شعرك زي الولاد وتلبسي لبس الشرطه ؟!
-دي كانت الطريقه الوحيده عشان ابقا معاك ..
= ايه الي جابك سينا
-انت لما رفضت انك ترجع معايا قصيت شعري عشان ابقا زي الولاد و لبست لبس الشرطه و هما لما مشافوش ان فيه اي طلب لنقلي وافقو ابقا معاكم لانهم اصلا محتاجين جنود هنا ف مكانوش هيقولولي ارجع بيتي .. قعدت ساكته طول الايام دي عشان لو اتكلمت هيعرفو من صوتي اني بنت
= و ايه الي جاب فكره فيلم مولان الغبيه علي عقلك .. بتتخلي عن شعرك !! دا انتي مكنتيش بتحبي قده اصلا و كمان بتضحي بحياتك هنا ! افرضي موتي ها افرضي
-انا سبق وقولتلك عايزه ابقا موجوده فالمكان الي انت فيه ايا كان المكان دا .. حتي لو هنموت مع بعض
كان نديم لسا هيتكلم بس ندي حطت ايدها علي فمه
-ششش انا بحبك يا نديم .. بحبك ومن سعت اليوم الي اعترفتلك فيه وانا مش بفكر فحد غيرك .. انا كنت بقول الحقيقه لما قولتلك اني افتكرت الدبله معناها انك خطبت واحده تانيه غيري عشان كدا قولتلك وقتها انك اخويا .. بما اننا احتمال كبير نموت بعد شويه ينفع عالاقل اخر لحظات فحياتنا تكون احلي لحظات ؟
وشالت ايدها لما خلصت كلام
= انا مسامحك متقلقيش .. عارفه انا اصلا كنت مصدق الكلام الي قولتيه فالقطر بس كنت عايز اشوفك بتعافري عشاني ولو لمره .. ندي انتي ملاحظه اني انا الي دايما بعافر عشانك ؟! كان نفسي اشوفك وانتي بتحاربي عشان متخسرنيش بس لما قبلتي تنزلي من القطر وقتها انا اتصدمت و زعلت انك مش قادره تحاربي عشاني ولو لمره .. بس لما شفت انك ضحيتي بشعرك و كمان مستعده تضحي بحياتي عشان بس نفضل مع بعض انا دلوقتي الي سامحتك بجد و حسيت انك انتي كمان عايزه تبذلي جهد عشان نكون مع بعض ومش انا الوحيد الي دايما بيحارب عشانك
¥ الحق يا نديم فيه خمس جنود اسرائيلييين جايين علينا وشكلهم متدربين جدا .. دول خلصو عالكتيبه الي قبلنا .. انا عارف ان حظي مهبب عارف
= اهدي بس يا معتصم محدش فينا هيحصله حاجه
بزعيق ¥الكل ياخد مكانه ويستعد !!
نديم وقف جمب ندي وهو ماسك سلاحه
=هاتي سلاحك
-نعم !
= هاتيه بقولك وبعدين انا براهنك اهو انك مش هتعرفي تضربي طلقه منه .. هاتي السلاح و اجري من هنا
-مش همشي واسيبك يا نديم
بزعيق =يا ندي اسمعي الكلام !!
-قولت هكون معاك لاخر لحظه حتي لو هنموت ..
وبمجرد م خلصت كلامها الجنود هجمو عليهم و قتلو اغلب الكتيبه .. نديم قتل اتنين منهم وندي كانت واقفه وراه وماسكه فالجاكيت بتاعه وهي ميته من الخوف
التلات جنود التانيين اتعصبو ان حد قتل زمايلهم الاتنين ف ضربو نديم رصاصه اخترقت الدرع الي كان لابسه
ندي نزلت عالارض وهي شايفه نديم بينزف و بيطلع ف روحه
بعياط -نديم لا متموتش يا نديم متسبنيش
هي بمجرد لما شافت الدم الكتير اغمي عليها لانها بتخاف من الدم و الجنود الاسرائيلين ضربوها طلقه
وبكدا يكونو خلصو علي كتيبه المصريين كلها
صفيه و ميساء حاولو يوصلو ل ندي و نديم كذا مره .. هي ندي قالتلهم علي خطتها عشان ميقلقوش عليها .. لما اتوقفت الاخبار منهم هما الاتنين فنفس اليوم كانو هيموتو من القلق .. عدي ٣ ايام من غير اي خبر منهم
فاليوم الرابع صفيه شافت خبر عالتلفزيون
'مقتل كتيبه الصاعقه امام الجنود الاسرائيلين بعد ان نجح احد افراد الكتيبه بقتل اثنين من الجنود الاسرائيليين '
انهارت واغمي عليها لانها عارفه ان دا اسم كتيبه نديم
ميساء فوقتها وهي خايفه تسمع الخبر الي مش عايزه تسمعه
بعياط وانهيار > ندي ونديم ماتو يا ميساء !! عيالنا ماتو و رجعنا وحدنا يا ميساء !!
بعياط * لا انا مش مصدقه لا اكيد الكلام دا غلط
بعياط > بيقولو الكتيبه كلها ماتت يا ميساء
وعدي يومين وهما مستنيين جثث اولادهم تيجي القاهره عشان يدفنوهم .. هما رجعو للقاهره بعد الخبر دا عشان يدفنو عيالهم جمب ابهاتهم .. يومين و الصويت و العياط مبطلش دقايق ف بيتهم حتي النوم مش عارفين ينامو و حتي الاكل مش عارفين ياكلو
بعياط > تفتكري اتعذبو قبل لما يموتو يا ميساء
بعياط * لا ان شاء الله يكونو ماتو من غير الم عالاقل
*في مكان اخر *
ندي صحيت من الغيبوبه الي كانت فيها .. كانت ف خيمه كدا فالصحرا
£ انتي فوقتي اخيرا !
= انا فين
£ اهدي بس ومتتحركيش.. الرصاصه جت جمب قلبك و كانت معجزه انك عشتي
= انا فين بقول !!
و لما اتعصبت وجعها الجرح
£ قولتلك اهدي وبلاش عصبيه .. انتي لسا ف سينا .. احنا اخدناكي و اهتمينا بيكي و الحمدلله عندنا دكتور شاطر قدر يعالج
ندي كانت خايفه تسأل عن نديم بس استجمعت شجاعتها و سألت
=ك..كان فيه .. ولد.. معايا .. كان .. جمبي بالظبط .. انقذتوه صح ..
£لا للاسف مكنش فيه حد عايش غيرك
بعياط = لا انتو اكيد مبصتوش كويس .. اكيد كان عايش .. لا انا وهو اتعاهدنا اننا نفضل مع بعض دايما وطالما انا عايشه يبقا هو كمان عايش
£ اهدي الغرز بتاعتك هتتفتح
بعياط = انتو ليه انقذتوني طالما هو مات ؟! ليه !! هو جه سينا بسببي وماتت بسببي وانتو بتقوليلي اهدي !
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية