رواية عذاب الحب الفصل السابع عشر والاخير بقلم ندى محمود
رواية عذاب الحب الفصل السابع عشر والاخير
£ اهدي الغرز بتاعتك هتتفتح
بعياط = انتو ليه انقذتوني طالما هو مات ؟! ليه !! هو جه سينا بسببي ومات بسببي وانتو بتقولولي اهدي
£ انقاذك كان معجزه ف احمدي ربنا علي دا ..
ندي قامت من مكانها و خرجت من الخيمه بس رجعت تاني للخيمه
-شكرا انكم انقذتوني .. انا اه كنت قليله الذوق معاكم بس انتي قولتيلي خبر وفاه اعز انسان عندي فالدنيا دي بس انا حاسه انه لسا عايش .. هدور علي نديم
£ استني انا اتكلمت مع الدكتور الي عالجك و قال انه هيجي يساعدك تدوري عالشخص الي بتدوري عليه .. لازم يكون معاكي حد يعرف سينا كويس لو عايزه فعلا تدوري عليه
-تمام انا مستنيه اهو
قعدت فالخيمه مستنيه الدكتور و هي بتدعي ان نديم يكون عايش .. لسانها مش بينطق غير بالدعاء دا
£ اهو الدكتور جه
٪ انا الدكتور عمرو .. عايزاني اساعدك ف ايه بالظبط
-قالولي ان خطيبي مات وانا حاسه انه عايش
٪ للاسف كلامهم صح .. محدش نجا من الكتيبه دي غيرك و انا اتأكدت من دا بنفسي
بعياط -انت اكيد بتكدب وبتقول كدا عشان متضيعش وقتك وتدور معايا
٪ اهدي يا انسه انا مش بكدب .. طيب خلاص هدور معاكي عشان بس تعرفي اني مش بقولك الكلام دا عشان مدورش معاكي
طلعو من الخيمه و بدأو يدورو ف سينا .. سينا مساحتها رهيبه بس اغلبها رمل و صحرا و البيوت الي فيها مش كتير خصوصا الجزء الي هما فيه الي هو قريب من فلسطين
خبطو عالبيوت بيت بيت وسألوهم لو انقذو حد من الكتيبه او عندهم حد غريب ف بيتهم بس كان الرد لا
طبعا عشان البيوت قليله ف الموضوع مأخدش معاهم غير يوم
٪ شفتي عشان تصدقي كلامي .. وانا اسف علي الي حصله بس دا قدره
بعياط - ينفع متتكلمش لو سمحت !! انا عايزه افضل لوحدي
٪ عموما انا كدا كدا كنت راجع للمكان الي بشتغل فيه .. اه ياريت كمان تبلغي اهلك انك عايشه زمانهم فاكرينك ميته
بعياط - مش هبلغ حد بحاجه .. هقولهم انا عايشه بس نديم مات ومعرفتش انقذه؟! يفتكروني ميته اهون بالنسبالي
٪ وايه ذنب اهلك يتعذبو ويفتكروكي موتي .. انتي كان من قدرك انك تعيشي وهو قدره انه يموت
بعياط و زعيق - كفايه بقا متجبش سيره الموت قدامي تاني حرام عليك كفايه !! انت مفقدتش حد عزيز قبل كدا !! محستش ابدا ب احساس الضياع و احساس بالذنب !!
بحزن ٪ عن اذنك عندي مرضي كتير
و راح وسابها فالخيمه الي عملهالها عشان تنام فيها
قعدت فالخيمه وفتحت موبايلها الي الحمدلله انه محصلهوش حاجه .. بدأت تشوف صورها وفيديوهاتها هي ونديم وتعيط ..
اليوم الي بعدو صحيت وهي مش عارفه تعمل اي بالظبط .. كانت حاسه بالضياع وانها مش عارفه اصلا ايه الطريق الي المفروض تمشي فيه ..
بس قررت الاول تروح للدكتور تعتذرله عشان زعقتله جامد اليوم الي قبلو وهو معملش حاجه غير انه انقذ حياتها وكمان ساعدها تدور علي نديم
كان قاعد فالمستوصف بتاعه وبيكشف علي مريض( المكان دا ف سينا مفيش فيه مستشفي عشان بيتعرض للقصف دايما ف لو بنوها الاسرائيلين بضربه واحده يقدرو يهدوها )
-انا اسفه علي الي قولته امبارح ..
٪ لا عادي انا مقدر احساسك حاليا وعلي فكره انا كمان فقدت حد عزيز عليا وعشان كدا انا موجود ف سينا حاليا .. عشان انقذ الناس وميموتوش بسبب ان مفيش دكتور
-اسفه اني فكرتك .. انا حاسه بالضياع ومش عارفه اعمل ايه ..
٪ لو عايزه مترجعيش لاهلك عشان مش عارفه تواجهيهم ف افضلي هنا و ساعدي الناس ك صدقه لنديم .. ممكن اعلمك كام حاجه وتبقي مساعدتي
-انا عايزه اموت زي نديم .. اي كتيبه هتروح لنفس المنطقه الي رحنا فيها انا هروح معاهم وهستشهد هناك .. عايزه يكون مكان موتنا واحد عالاقل
٪ انتي كدا بتموتي عالفاضي .. تقدري تساعدي الناس ويكون صدقه لنديم اما لو موتي فنفس المكان هيكون اي استفاده نديم !
-عموما معتقدش يبعتو كتيبه تانيه دلوقتي لازم يستنو الامور تهدي ف انا هساعدك لغايه لما يبعتو كتيبه
ب ابتسامه ٪ تمام
وفعلا كانت كل يوم تصحي و تروح للمستوصف و الدكتور يعلمها ازاي تخيط الغرز و الاسعافات الاوليه وهي كانت بتتعلم بسرعه .. كانت بتحاول تفضل دايما وسط الناس لانها لو فضلت لوحدها هتفكر فنديم تاني
الدكتور قعد اسبوع يعلمها لغايه لما اخيرا بقت جاهزه انها تساعده ف بعض الامور ..
وفرحت جداا زي الاطفال لما خيطت غرز واحد مجروح
وبعد فرحتها دي عيطت جامد
بخضه ٪ مالك يا ندي !!
بعياط -كان نفسي يكون نديم عايش و يشوفني وانا بعالج الناس ..
٪ اكيد شايفك من فوق و فرحان بيكي
فالجانب الاخر كان الاسبوع الي عدي دا سيئ جدا لاهل نديم وندي .. هما قالولهم ان الجثث كلها اتدفنت خلاص ف سينا .. هما لو انشغلو بنقل جثه كل شهيد كدا مش هيخلصو لان كتير بيموتو ف سينا
و دا قهر ميساء و صفيه لانهم كان نفسهم يكون فيه قبر لعيالهم قريب منهم عشان يزوروهم عالاقل
الاسبوع الي عدي دا كان كل يوم بياخد جزء من روحهم لدرجه انهم بقو زي الاموات .. مش بيعملو اي حاجه غير النوم وحتي الاكل مش بيعملو اكل ولا بياكلو غير عيش .. هما الاتنين طبعا عاشو فنفس الشقه عشان عالاقل ميكونوش وحيدين
وشهم بقا شاحب جداا و كأنهم مضحكوش بقالهم سنين
نرجع ل ندي
ندي استمرت فمساعده الناس ٣ اسابيع تانيين لدرجه انها بقت محترفه فالموضوع دا … حبت مساعده الدكتور جداا بس كانت دايما بتفوق نفسها انها لازم تروح الكتيبه وتموت زي نديم وفنفس المكان
بضيق ٪عندي خبر ليكي
-ايه !
بضيق ٪ فيه كتيبه بكرا رايحه نفس المكان بتاع كتيبتكم
بفرحه -بجد !!
بضيق ٪ مالك كدا فرحانه كأني بقولك علي خبر حلو
-اصل انا مستنيه الكتيبه تيجي بقالي شهر ..
بضيق ٪ ندي انتي عارفه ان موتك دا مش هيفيد حد .. خليكي هنا معايا و هتساعدي ناس كتير
-يا عمرو انا اتخذت قراري من بدري
بضيق ٪ كنت فاكر انك لما تساعدي الناس و تشوفيهم وهما ممتنين ليكي هتغيري رأيك
-انا مقدرش اعيش ف دنيا مش موجود فيها نديم يا عمرو ارجوك اتفهم دا
عمرو طلع علبه من جيبه وكان فيها خاتم
٪ تقبلي تتجوزيني ؟!
بصدمه - انت بتقول ايه يا عمرو !!
٪ انا مشفتش نديم قبل كدا ولا اعرفه بس انا اوعدك اعوضك عنه و اكون زيه .. انا بحبك يا ندي و نفسي بس توافقي و انا متأكد انك هتكوني سعيده معايا
-مفيش حد زي نديم يا عمرو .. انت انسان كويس وتستاهل واحده تحبك من كل قلبها بس انا مش هنفع يا عمرو .. انا بحب نديم و عمري م هحب غيره حتي لو هو ميت .. شكرا علي مساعدتك ليا طول الوقت دا وانك اهتميت بيا .. عن اذنك
سابت عمرو وهو زعلان جدا .. هو اتوقع الرفض بس مع ذلك خاطر وعرض عليها الجواز يمكن توافق ..
رجعت الخيمه بتاعتها و مسكت موبايلها و طلعت صوره نديم
-بكرا هجيلك يا نديم .. بكرا هنجتمع يا نديم فالجنه ان شاء الله
بعدها قفلت موبايلها ونامت
عالجانب الاخر كانو ميساء و صفيه فنفس الحال بس الفرق ان صحه صفيه بدأت تتدهور .. و فيوم فقدت الوعي و ميساء اتخضت و طلبت الاسعاف .. هناك فالمستشفي قالولهم ان صفيه عندها مشكله فالقلب ولازم عمليه بس صفيه رفضت رفض قاطع انها تعملها .. ميساء قعدت تقنع فيها انها تعملها وانها كدا هتسيبها لوحدها هي كمان بس صفيه مكنش فبالها اي حاجه غير انها عايزه تجتمع ب ابنها ولو فالجنه
نرجع ل ندي
صحيت الصبح وهي مبسوطه ان هو دا اليوم الي كانت مستنياه
قابلت قائد الكتيبه و قالتله انها متطوعه وعايزه تحارب معاهم و انها هتبذل كل جهد فمواجهه الاسرائيليين .. المفروض كان ممنوع اصلا انهم ياخدو بنات ك متطوعين بس القائد لما شاف عزيمتها واصرارها وافق
مسكت السلاح وهي بتفتكر كلام نديم ليها وقت مواجهتهم مع الاسرائليين
'هاتيه بقولك وبعدين انا براهنك اهو انك مش هتعرفي تضربي طلقه منه .. هاتي السلاح و اجري من هنا '
-هثبتلك اني بعرف اضرب بالسلاح يا نديم .. وموتي مش هيكون عالفاضي انا لازم اموت جنديين زيك بالظبط
مسكت السلاح وهي مستعده للقتال واتفاجئت بزميل ليها فالكتيبه بيكلمها
€ انا مستغرب اوي ان فيه بنات بتتطوع وتضحي بحياتها
-كل واحد عنده اسباب
€ بس انا مثلا جابوني هنا اجباري .. امي ملهاش غيري ولازم ارجع حي بس انا عارف ان الكتيبه دي محدش بيرجع منها حي
-خلي املك ف ربنا كبير
€ توعديني لو عشتي تهتمي ب امي ؟
-ندي اديته موبايلها عشان يكتبلها فالنوت كل المعلومات الخاصه بمامته عشان تعرف توصلها لو عاشت مع انها متأكده انها هتموت لان اصلا هي عايزه دا
€ شكرا بجد ليكي .. عندك حد عايزاني اهتم بيه لو حصله حاجه ؟
-لا معنديش حد ..
ب استغراب € تمام
وكلها دقايق وظهرو الجنود الاسرائيليين قدامهم
زميلها كانت ايده بتتهز جامد و بيعيط وخايف موت اما هي ف كانت ماسكه السلاح وهي فرحانه
-تقدر تستخبي ورايا لو حابب
€ نعم!
-اصل انا شايفاك حابب الحياه و مامتك كمان ف انت تستحق انك تعيش ف خليك ورايا انا هحميك
استخبي وراها وهي كانت بتحميه
بس اتفاجأت لما الجنود اتقدمو اكتر ناحيتهم
رمت السلاح من ايدها
بصدمه -نديم !!!
بس نديم مكنش زي نديم الي هي تعرفه .. كان جندي اسرائيلي وباين عليه انه قائدهم اصلااا
€ انتي رميتي سلاحك ليه !! كدا هنموت !
بفرحه -نديم لسا عايش !
مسكت السلاح من عالارض بسرعه لانها كدا مش عايزه تموت .. الجنود الي معاها فالكتيبه كلهم ماتو ومتبقاش غير هي و زميلها
نديم اتقدم ناحيتها و اشار لكل الجنود الي معاه انهم يخفضو سلاحهم
هي افتكرته قالهم كدا عشان مش عايزها تموت .. كانت متلغبطه جدا ومش عارفه ازاي هو بيحارب مع الاسرائيلين وازاي لسا عايش
اتقدمت ناحيته و حضنته
هو زقها جامد لدرجه انها وقعت عالارض واستغربت جدا من تصرفه .. هو زقها بقسوه و دا مش من عاده نديم حتي لو عايز يصدها كان بيصدها براحه
= محدش هيقتل اخر جنديين من المصريين غيري !
بصدمه وعياط -نديم انت بتقول ايه .. نديم انت مش فاكرني !!
= ازاي تجيلك الجرأه يا مصريه يا حقيره انتي انك تحضنيني !! انتي مش عارفه انا مين !! انا قائد الكتيبه دي ازاي تتجرأي تعملي كدا
بصدمه وعياط - نديم انت اكيد بتهزر … نديم انت مصري
= بطلي بقا تقوليلي نديم !! نديم مين الي بتيجيبي سيرته دا .. انا اسمي عمر
-عمر !!
= انتي بتضيعيلي وقتي اقفي مع زميلك عشان هقتلكم بطلقه واحده .. دلوقتي يا كتيبتي هوريكم ازاي تقتلو شخصين بطلقه واحده
بعياط -استني طيب استني انا هثبتلك انك نديم
بسخريه = تثبتي ايه يماما !! بقولك انا قائد اسرائيلي وعمري م شوفتك قبل كدا اصلاا
طلعت موبايلها و فرجته صورهم مع بعض
=دا اكيد حد شبهي .. عادي يخلق من الشبه اربعين مع انك زعلتيني دلوقتي اني عندي شبيه مصري
بعياط و زعيق -نديم فوق دا انت !!
= انتي كمان بتزعقي للقائد الاسرائيلي ؟!! اقفي جمب زميلك بقول !!
ندي معرفتش تعمل ايه تاني عشان تفكره ..
كان لسا هيضربهم بالسلاح بس ندي صرخت
-استني !!
= عايزه ايه تاني !! عايز اركز عشان اعلم جنودي الحركه دي !
-فضهرك فيه وحمه كبيره وكانت بتضايقك وانت صغير لدرجه اننا لما كنا بنروح البحر مكنتش بترضي تقلع التيشرت وكنت بتنزل بيه البحر
القائد الاسرائيلي اتصدم لان فعلا عنده وحمه كبيره ف ضهره
قعد مصدوم دقيقتين كدا
لغايه لما واحد من الجنود الي معاه قاله يلا اقتلهم عشان نخلص
= قولي معلومه تاني .. يمكن دي بتخمنيها عادي
ندي فضلت تفكر فحاجه تانيه .. ايه الحاجه التانيه الي ممكن تثبتله ان كلامها صح غير الوحمه ..
= شفتي اهو سكوتك بيبين انه مجرد تخمين
-لا استني
= قدامك خمس دقايق
-مفيش اي حاجه تاني مميزه غير الوحمه .. بس بص للصور كويس هتعرف ان انت نفس الشخص الي فالصوره .. بص كويس
= متقولي انك بتكدبي وكان مجرد تخمين بدل الحجه الهايفه دي ومش هبص لزفت صور
مسك سلاحه ووجهه ناحيه ندي و زميلها . كان مخطط يقتلهم بطلقه واحده فعلاا
كان خلاص هيضرب الطلقه بس حس بصداع جامد
الجنود زمايله قلقو عليه لانه من كتر الصداع وقع عالارض
€ يلا نجري دي فرصتنا !!
-اجري انت انا مش همشي من غير نديم
زميلها جري و فلت بحياته
القائد الاسرائيلي قام من عالارض لما الصداع هدي شويه
=ليه مهربتيش زيه !!
-مش همشي من هنا من غيرك يا نديم !
القائد الاسرائيلي بدأ يمر قدامه شويه ذكريات لما قالتله مش همشي من غيرك .. افتكر كلامها دا وقت مواجهتهم مع الكتيبه الاسرائيليه وكل الذكريات الي فحياته .. دلوقتي رجعتله ذاكرته وعرف انه نديم
= ارجعو انتو للمعسكر وانا هقتلها وجاي
¥ متأكد يا قائد ؟!
=ايوه يلا اسمعو الكلام
مشيو فعلا و بقا هو وندي بس فالمكان
بعياط -افتكرت صح
نديم حضنها جامد وهو مش مصدق انه شايفها قدامه
= انا بجد مش عارف ايه الي حصلي .. تقريبا انا لما ضربوني طلقه صحيت فمكان معرفهوش .. بس مكنتش فاكر حاجه خالص و قالولي ان اسمي عمر واني كنت القائد الاسرائيلي فالكتيبه و انا الوحيد الي اتصبت ف كتيبتي .. انا مش عارف ازاي صدقت كلامهم
-متزعلش يا نديم انت مكنش ليك اي ذنب .. انت مكنتش فاكر حاجه
= هما سابوكي عايشه بعد لما ضربوني رصاصه !!
-لا ضربوني انا كمان بس فيه ناس طيبين انقذوني
= انا مش مصدق بجد اني شايفك قدامي ..
-نديم انا بحبك ..
نديم مسك ايدها و جريو برا المكان بس الاول خلع لبس الجنود الاسرائيليين و لبس لبس جندي من المصريين الميتين
ركبو عربيه ووصلو لمحطه القطر عشان يمشو خالص من سينا
راحو قنا بس هناك لما خبطو علي بيوتهم صاحب البيت قالهم انهم مشيو من حوالي شهر
ركبو القطر و راحو القاهره
خبطو علي شققهم بس ميساء بس الي فتحت ..
اول لما شافتهم اغمي عليها من الصدمه
حاولو يفوقوها ولما فاقت قعدت تعيط وتحضن فيهم وهي مش مصدقه
بعدها عيطت جامد جداا
*صفيه ماتت يا نديم انا اسفه مقدرتش اقنعها تعمل العمليه .. كانت عايزه تجتمع بيك فالجنه ومرضيتش تعملها
ندي بصت لنديم وهي مصدومه
اما نديم فمكنش مصدق كلامها
=بتهزري يا ميساء صح
*للاسف لا
ندي حضنت نديم وهو قعد يعيط جااامد وهو بيقولها ان مامته ماتت بسببه
سابهم ونزل الشارع وهو منهار ومش عارف يروح فين
-نديم انا عرفت من ماما مكان قبر مامتك .. دفنوها جمب باباك ..
راحت معاه للمقابر و اول لما شاف القبر المكتوب عليه اسم مامته انهار اكتر
بعياط وانهيار = ماما انا اسف سامحيني يا ماما .. انا لو كنت افتكرت انا مين كنت هرجع فوقتها والله انا اسف بجد اسف
بعياط -نديم اهدي انت كدا بتعذبها
بعياط وانهيار = ندي انا حاسس بوجع رهيب ومش قادر استحمل اعمل ايه يا ندي
ندي حضنته
-خليك فحضني شويه .. انا مش هسيبك ابدا يا نديم اوعي تفتكر انك بقيت وحيد لا انا جمبك وعمري م هسيبك
نديم مسح دموعه ومسك ايدها
= تتجوزيني ؟!
-ايوه
نديم بص علي قبر مامته
بعياط = هنتجوز يا ماما انا و الانسانه الي حبيتها و هفضل فاكرك دايما .. هتفضلي دايما فقلوبنا وفاكرينك ..
بعد لما عدت سنه علي وفاه مامته اتجوز هو وندي
عمل فرح كبييير اوي وناس كتير كانت موجوده فالفرح
€مش هتصدقو ان العروسه كانت زميلتي فالكتيبه
¥ ايه دا بجد
€ ايوه .. كمان لو عرفتو قصتهم هتتفاجئو ان لسا فيه ناس بتحب بالطريقه دي فالزمن دا
-نديم هي البنات بتبصلك كدا ليه .. اومال لو مكنتش العريس كانو بصولك ازاي
= هتنكدي علينا ف فرحنا كمان
-قصدك اني نكديه !!
= احلي نكديه فحياتي
-صح مقولتش رأيك فالفستان
= انتي الي محلياه
-يبني دا محن علي فكره
= يبني ومحن ! حاضر مش هعاكسك تاني
نديم وهو بيكلمها شاف مامته وسط الحاضرين .. بس كأنه كان هو بس الي شايفها .. كانت مبسوطه وبصاله
دي كانت روح مامته الي زارته فيوم فرحه و كملت فرحته
'انتي تستحقي شخص يحارب الدنيا كلها عشانك .. شخص ميكونش عايز غيرك ولا يقدر يتخيل نفسه مع حد غيرك'
تمت الرواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية