رواية صغيرة فؤادي الفصل الواحد والعشرون بقلم أسماء سلام
رواية صغيرة فؤادي الفصل الواحد والعشرون
سلمى انت بتهزر يا فؤاد ، عايز تودينى الساحل الشمالي ، يعنى مخلينى اعمل الليلة دى كلها علشان فى الاخر تقولى شهر عسل فى الساحل الشمالي ؟
فؤاد وماله الساحل الشمالى يا سلمى ، مكان جميل نقضى شهر العسل فيه ، وايه عملت الليلة دى كلها علشان المفاجأة ، انتى المفروض تعملى كده علشانى مش علشان حاجة ، وحتى لو قولتلك مفيش شهر عسل فيها ايه يعنى
سلمى لأ فيها وفيها كتير اوى يا فؤاد ، اصل انت مش فقير علشان تودينى الساحل ، كنت عايزاك تودينى بره مصر زى جزر المالديف وكده
فؤاد بس انا مش معايا الإمكانيات اللى تخلينا نسافر بره وانتى عارفه انى موظف وشغال معاكى فى نفس الشركة يعنى مش بخبى عليك
سلمى انت اه ممعكش بس عندك فلوس
فؤاد ازاى يعنى مش معايا بس عندى ، فهمينى قصدك ايه
سلمى قصدى انت اه موظف ودخلك عادى بس انت عندك أراضى كتيرة ، كام فدان
فؤاد بس دى ارض ابويا مش ارضى وانا منفعش اطلب منه طلب زى ده
سلمى ارضك هى أرض ابوك يعنى لو انت بعت نص فدان يعنى 10 قراط وكل قيراط ب 40 أو 50 الف يعنى هيبقى معاك حوالى نص مليون جنيه وكنا سافرنا اى مكان فى العالم مش عايز تودينى الساحل
فؤاد بقولك دى ارض ابويا ومستحيل اطلب منه ، ولو فعلا هنضطر نبيع يبقى على حاجة مهمة مثلا حد تعبان وعايز عملية ضرورى ، عمره او حج ، حد هيتجوز لكن نبيعها كده وخلاص مينفعش لأنها غالية علينا اوى وصعب نفطر فيها وكمان انتى متجوزانى أنا مش متجوزة ابويا يعنى تعيشى على قد فلوسى وملكيش دعوة بفلوس ابويا
سلمى بس أرض ابوك هى كمان ارضك يا فؤاد
فؤاد ده بعد عمر طويل ابويا بعد ما يموت ساعتها هتبقى ارضى انا واخواتى لكن مش هورثه بالحى وكمان المثل بيقول انت ومالك لابيك مش مال ابى هو مالى
سلمى بس يا فؤاد ده حقك وكمان ابوك كبر فى السن ومبقاش قادر يتحكم فيهم يعنى انت اولى
فؤاد بزعيق سلللللممممممى كفاية لحد كده ، لاخر مرة هقولهالك دى فلوس ابويا وانا مش هطلب منه حاجة لانى مش صغير علشان معرفش اعيش مراتى ، لو هو ادانى ماشى مدانيش خلاص وبخصوص شهر العسل فخلاص نلغيه مدام مش عجبك وسابها ودخل غير ونام من غير ما يقول كلمة تانية او يسمع كلامها
سلمى بضيق هو اتعصب عليا ليه ، فيها ايه يعنى ما ياخد فلوس من ابوه علشان نعيش مرتاحين ، بس انا مش هسيب حقى يا فؤاد ، إذا كان انت مش عايز نصيبك فأنا مراتك وعايزاه بس الاول ابوك يعرف بزواجنا علشان لما اطلب منه ميرفضش
سلمى وهتلاقى ست روح قاعدة هنا ومتهنية بكل الفلوس والعز وانت معيشنى فى شقة عادية وبعدين قعدت تفكر هتعمل ايه ولاقت انها لازم تصالح فؤاد علشان بتحبه ومش عايزاه يزعل منها وكمان علشان تنفذ خطتها ودخلت ليه الاوضة
سلمى بدلع يا فوفو ، يا حبيبى ❤️
فؤاد عامل نفسه نايم لأنها متضايق منها جامد وممكن يتعصب عليها وهو مش عايز يزعلها خصوصا انهم لسه متجوزين
سلمى يلا يا فؤاد بقى ، أنا عارفه انك لسه صاحى لانك مستحيل تنام بالسرعة دى وقعدت تحركه كتير
فؤاد قام وقعد وقال
فؤاد أنا صاحى وقومت اهو ، عايزة ايه ، عايزة تتخانقى ولا عايزة فلوس
سلمى وهى بتمشى ايديها على وشه قالت عايزاك انت ومش عايزة حاجة غيرك
فؤاد نزل ايديها من عليه وقال
فؤاد معلش يا سلمى ، أنا مش فائق دلوقتي ، خليها بعدين ، علشان أنا متضايق
سلمى خلاص يا حبيبى ، أنا اسفة ، مكنش قصدى ، أنا بس كنت عايزة اشوف جزر المالديف بيقولوا إنها حلوة وار اتنين عرسان بيحبوا بعض بيروحوا هنا بس مدام مش معاك خالص ، يلا بقى يا حبيبي ❤️
فؤاد ماشى يا حبيبتي ، مسامحك لانك حبيبتى ومتهونيش عليا ابدا وكمان احنا لسه عرسان جداد وانا مش عايز زعل بينا
سلمى حضنته وقالت حبيبى ربنا يخليك ليا ، يلا بقى نكمل السهرة
فؤاد التهم شفتيها بشفتيه بحب وعنف وأيده ماشية على جسمها و ..... 🙈🤗🙈🙈
نسيبهم لوحدهم شوية علشان كده عييييب 🙈
وهنا تسكت شهرزاد عن الكلام الغير مباح 🤭🙈
عند روح
روح نامت تحت فى غرفة فؤاد عند حماها وحماتها بس طبعا مش عارفه تنام ، قلبها وجعها وحاسه ان فى حاجة غلط وعايزة تطمن على فؤاد وطبعا تليفونه مغلق ومش بيرد
روح قامت فتحت دولابه وشافت لبسه فقعدت تعيط
روح أنا أول مرة اعيط على حد كده ، أنا فعلا حبيتك من كل قلبى وبدعى من ربنا انك كمان تحبنى وتكون فارس احلامى ، انت بقيت كل حياتى ، مش عارفه حبيتك ازاى بس المهم انى بحبك ، ارجع بقى عايزة اشوفك واحضنك جامد ، وحتى لو انت مش بتحبنى ، كفاية انى انا بحبك واشوفك علطول قدامى ، يا رب ترجع بالسلامة
رأيتك تسقط فى اعماق قلبي ولم أفعل شيئاً شعرت لأول مرة بأنني قد سئمت من إنقاذك..
تانى يوم
يوم جديد ملىء بالاحداث والدنيا
عدى صحى مبتسم ومش عارف السبب ايه ، نزل علشان يفطر لقى زياد قاعد بيفطر مع والده و والدته
عدى صباح خير جميعا و على اللى و وحشنى اوى
زياد قام وحضنه وسلم عليه وقال
زياد يا عدى ، عامل ايه ، ليك وحشة والله
عدى أنا اللى ليا وحشة بردو بس معذور عند شغل
زياد ايوه كده يا اخويا ، يلا تعالى افطر
عدى يلا
عدى وزياد خلصوا اكل وبعدين قعدوا مع بعض
عدى عامل ايه يا زياد ، اخبارك ايه
زياد بحزن بخير يا عدى
عدى مش ده ردك اللى بسمعه ، يبقى فى حاجة
زياد الصراحة اه ، متقدم لواحدة وخائف ترفضنى
عدى طبيعى تكون قلقان بس خلى عندك امل بربنا أنه هيعمله الصالح وباذن الله تكون من نصيبك
زياد يا رب يا عدى ، انت اخبارك ايه ، مفيش واحدة ولا حبيت العزوبية 😂😂
عدى مفيش وبردو محبتش العزوبية ، لسه ملقتش البنت المناسبة لحياتى
زياد أنا الحمد لله لقيتها بس ناقص موافقتها
عدى توكل على الله وهو كافيك ، اسيبك انا علشان اروح الشغل
زياد ماشى يا حبيبى ، نتكلم بالليل اصلى مطول عندكم هنا شوية 😂😂
عدى بيتك ومطرحك يا حبيبى ، أحنا اخوات مش ولاد عم وابويا هو اللى مربيك
زياد ونعم الإخوة ❤️
عند عدى فى الشركة
عدى صباح الخير يا انسه ندى ، عامله ايه النهارده
ندى بتفاجأ الحمد لله بخير يا استاذ عدى
عدى يا رب دايما ، ركزى فى شغلك وسابها ودخل مكتبه
ندى هو ماله النهاردة ، يا رب يكون مبسوط دائما ، شكله حلو وهو مبسوط ، ايه الهبل ده ركزى فى شغلك زى ما قالك
عدى وهو فى مكتبه
عدى لازم اتخلص من الحزن اللى كنت عايش فيه واشوف حياتى و احب واتحب ، هى خلاص شافت حياتها فليه أنا أوقف حياتى عليها وبعدين كمل شغل
بعد شوية
ندى دخلت عنده المكتب
ندى ممكن حضرتك توقع هنا من فضلك
عدى بابتسامة من عنيا وبعدين وقع ، محتاجه حاجة تانية يا انسه ندى وقام وقام
ندى خجلت اوى وحست أن قلبها بيدق جامد ، هى مش متعودة على كده ، حاسه ان فى حاجة جديدة عليها بس ايه مش عارفه
عدى انسه ندى ، رحتى فين
ندى أنا جمبك هنا وبكلمك اهو
عدى حط أيده على وشها وقال جسمك سخن كده ليه ، انتى تعبانه ؟
ندى بتوتر مفيش حاجة أنا بخير
عدى مسك دراعتها وقعدها على كرسى وقال اقعدى يا ندى وجابلها مية وقال اشربى يا ندى ، لو تعبانه خدى روحى وخدى إجازة النهاردة وبكره
ندى أنا بخير بس دماغى مصدعة مش اكتر
عدى الف سلامه عليكى يا حبي. ، اقصد يا انسه ندى
ندى أنا بخير ، أنا هطلع ارتاح فى مكتبى
ندى جت تقوم لقت عدى بيحاول يقودها
ندى ممكن تنزل ايدك ، مينفعش كده
عدى أنا آسف ، مخدتش بالى ، كنت بحاول اساعد
ندى أنا بخير والله يا عدى ، هطلع ارتاح وابقى كويسه متقلقش انت
عدى حاضر ، خلى بالك من نفسك
ندى تمام وقامت طلعت بره مكتبها
عدى فى نفسه امسك نفسك شوية مش كده
ندى قاعدة ومصدومه من اللى حصل جوه ، اول حاجة عدى مبسوط وبيتكلم باهتمام ، ثانيا جسمها سخن من قربه ليها وحاست أنها مش قادره تتحرك ، وثالثا وده الاهم ان عدى حاول يلمس جسمها اكتر من مرة ، معقول يكون كده وانا مخدتش بالى ولا هو بقى كده من بعد خيانه مراته ليه بس انا لسه ملاحظتش كده ولا علشان كنت لسه فى الاول وهو مكنش بيعمل حاجة ، اعوذ بالله من الشيطان الرجيم ، اكيد هو مش كده ، أنا واثقة فيه
عند سلمى
سلمى صحيت من النوم واخدت شاور وراحت تصحى فؤاد علشان ينزلوا يتمشوا تحت
سلمى فؤاد يا حبيبي ، يا حبيبى
فؤاد بس بقى يا سلمى
سلمى يلا اصحى يا بابا
فؤاد صحى وقال صباح الخير يا حبيبتى
سلمى صباح النور ، يلا اصحى وفوق كده علشان هنزل نتمشى ونتسوق بدل قاعدة البيت المملة دى
فؤاد يعنى زهقت منى يا سوسو
سلمى ابدا يا حبيبي ، بس زهقت من البيت وانت عارف انى بحب الخروج وكمان أنا هخرج معاك مش هخرج لوحدى يعنى
فؤاد طب هات حضن
سلمى حضنته وقالت يلا بقى
فؤاد مع أنه حضن صغير بس ماشى وقام لبس
سلمى فى نفسها لازم اهتم بيك زيادة علشان اوصل لغرضى ، معلش يا حبيبى ، أنا بحبك بس عايزة اعيش مستوى أعلى من كده
فؤاد وسلمى خرجوا وراحوا يشتروا حاجات
سلمى دخلت محل مجوهرات واختارت خاتم مع انها معاها دهبها
سلمى ايه رأيك يا فؤاد ، حلو ولا ايه
فؤاد حلو بس اللى جمبه احلى ورقيق
سلمى بس انا عايزة ده وقالت للراجل يشوفه بكام
الراجل ب 12000 يا فندم
سلمى الله سعره حلو ، هاته يا فؤاد
فؤاد قرب من سلمى وقال معلش يا سلمى ، خليه وقت تانى ، أنا مش معايا المبلغ ده دلوقتي ، انتى مقولتليش ليه قبل ما ننزل
سلمى بضيق ماشى يا فؤاد وقالت للراجل
سلمى تمام خليه عندك ، هنيجى ناخده بالليل
فؤاد لأ خلاص احنا مش عايزينه ، وخد سلمى وطلع بره المحل
سلمى ايه اللى انت عملته جوه ده ، خليت منظرى وحش قدام الراجل ، يعنى مش معاك فلوس قولتله يحجزله لكن تقوله مش عايزين وكمان تشدنى كده قدمامه ، هو انا خدامه عندك
فؤاد اصلك مش بتفهمى ، مش معايا فلوس يعنى مش معايا الفترة دى ، وكمان انتى محتاجة دهب ليه ، انتى معاكى شبكتك ب 50 الف يعنى مش محتاجه دهب اكتر من كده وكمان متنسيش انى مش معايا فلوس علشان شارى الشقة ودهبك وكده وانتى لازم تراعى كده وتحسى بيه ، مش كل شوية طلبات ويا ريت طلبات عادية لا دى طلبات زيادة اوى ، احنا نزلين علشان نتمشى ونشترى حاجات بسيطة مش حاجة واحدة ب 12 الف جنيه ، فى ناس بتدور على الجنيه دلوقتي وانتى عايزه تضيعى الفلوس عمال على بطال كانى مليونير أو وارث
سلمى الخاتم مش غالى اوى وانت تقدر تجيبه بس مش عايز ، ع العموم براحتك
فؤاد لو معايا مش هستخسر فيكى بس المبلغ كبير اوى وكمان مش شىء اساسى ، ده شىء ثانوى وانتى عندك دهبك
سلمى بس انت مش فقير يا فؤاد ، انت عندك ارض تخليكى مليونير بس انت مستسخر فيا
فؤاد أنا مش هتكلم فى الموضوع ده تانى ، أنا مروحش ، هتيجى معايا ولا هتتمشى شوية
سلمى روح انت ، أنا هخلينى هنا شوية
فؤاد ماشى بس متتأخريش
سلمى هو أنا انصحك عليا ، يعنى عنده ومش عايز بس انا عايزة منا مش هيكون عند زوجى كل ده ومستفدش منه ، دى حتى تبقى عيب فى حقى
عند فؤاد
فؤاد روح البيت وهو متضايق من تصرف سلمى امبارح والنهاردة ، يعنى هى طلعت مادية وعايزة فلوس ، بس ليه مبنش عليها كده إلا لما اتجوزنا
فؤاد غير وفتح موبايله قال يشوف الدنيا وحد رن عليه أو حاجة
اول ما فؤاد فتح الموبايل دخل يشوف المكالمات لو حد رن عليه بس اتصدم لما لقى روح متصلة بيه حوالى 200 مرة وكل يوم هى بترن عليه
فؤاد يااااااه ، كل دى مكالمات يا روح وبعدين شغل النت و فتح الواتس لقى بعتاله رسائل كتيرة اوى
روح فؤاد ، عامل ايه ، رد ، عليا ، انت كويس ، ليه مش بترد ، يا فؤاد ، أنا قلقانه عليك ، انت كويس ، رد عليا وطمنى انك بخير ، ليه مش بترد عليا ، انت زعلان منى ، طمنى يا فؤاد ...... الخ ، كل الرسائل كده وعددها كتير اوى وكل كلمة معاها ايمشون عياط 😭 وهى بتبعتله كل يوم حتى أنها بعتتله النهاردة الصبح رد عليا بقى ، قلبى وجعنى من كتر التفكير يا ترى بخير ولا تعبان 🥺
فؤاد مش قادر يتخيل أنها قلقانه عليه اوى كده لدرجة ترن وتبعت كل ده ومش بتمل ، بقالها اكتر من اسبوع بتبعت ومتعصبتش عليه أو حتى زهقت
فؤاد رد عليها وقال أنا بخير يا روح متخافيش
روح علطول ردت وقالت فؤاد اخيرا رديت ، الحمد لله انك بخير ، طمنى عليك ، أنا كنت قلقانه عليك اوى ومكنتش عارفه انام
فؤاد بحب أنا بخير ، المهم انتى صحتك ليه
روح الحمد لله ، انت هتيجى امتى
فؤاد مش عارف يا روح ، لسه مخلصتش شغل ، لأ قولتلك هقعد شهر وانزل
روح ربنا معاك بس شهر كتير اوى ، ليه متجيش اسبوع وبعدين ترجع تانى ، علشانى تعالى
فؤاد حاضر يا روح ، هاجى بكره باذن الله
روح بجد انا فرحانه اوووووى ❤️
فؤاد للدرجة دى فرحانه اوى علشان هتشوفينى
روح واكتر مما تتخيل 🙈❤️
فؤاد ماشى يا روح ، روحى كملى شغلك وهكلمك بعدين
روح حاضر ، خلى بالك من نفسك ومن اكلك وصحتك ومتقفلش موبايلك
فؤاد حاضر ، خلى بالك انتى كمان من نفسك
روح انت تأمر
روح مبسوطه اوى أن فؤاد رد عليها وراحت عند حماتها تطمنها أن فؤاد كلمها وأنه جاى بكره
عند فؤاد
فؤاد شعور حلو انك تلاقى شخص مهتم بيك وعايزك وان وجودك وغيابك فارق معاك بس من الشخص الغلط ، يا ريتك تعملى كده يا سلمى ، بس حقيقى انتى وحشتينى يا روح و وحشنى كلامك واهتمامك وضحكتك هزارك معايا
سلمى جت وطبعا قالبه وشها علشان الخاتم بس فؤاد مهتمش وقالها أنه نازل بكره ضرورى علشان والده وطبعا هى وافقت علشان لما فؤاد يقرب من ابوه هتعرف تاخد فلوس بطريقة أسهل
باليل
الحج مجدى ابو ياسمين رن على زياد علشان يقوله رأيهم فيه
مجدى ابو سلام عليكم يا زياد يا ابنى
زياد الو مين معايا
مجدى أنا عمك مجدى ابو ياسمين يا زياد
زياد قلبه وقف لانه هيقوله رأيهم فخايف فقال
زياد ايوه يا عمى مجدى عامل ايه
مجدى أنا بخير الحمد لله ، وانت اخبارك ايه يا زياد
زياد الحمد لله فى نعمة
مجدى عايز اقولك يا زياد أن الزواج قسمة ونصيب وانت نصيبك مش مع ياسمين ، ربنا يسعدك دائما ويرزقك بواحدة احسن منها
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية