رواية أحببت غامض الفصل الواحد والعشرون بقلم نورا
رواية أحببت غامض الفصل الواحد والعشرون
طلع زين من العربيه من هنا سيلا نطت على الكرسى بتاع زين وشغلت العربيه مهو المفتاح فى العربيه ومشيت بيها بسرعه وزين اتصدم واتعصب وجرى ورا العربيه عشان يلحقها بس طبعا ملحقش وقف متعصب ورن على كرم وقاله:قول على اختك يا رحمن يا رحيم
كرم:فى ايه يابنى ايه اللى حصل تانى مالها اختى عملتلك ايه تانى لكل ده انا زهقت منكوا ومن حواراتكوا
زين بعصبيه:فى ايه راديو واتفتح دانا هوريها وهوريك وصلنا للفيلا ونزلت جيت انزل انزلها الاقيها خدت العربيه ومشيت بيها تصبر عليا بس اول ما تجيلك قولى تمام
كرم ضحك ومش قادر وبيقوله:انت اللى عملت فيها كدا دى كانت بريئه ومش كدا خالص حد قالك اعمل فيها كدا ماهى مش هتسكتلك بعد كل ده وبيكمل ضحك
زين اتعصب وبيقوله:جرا ايه يا ز*فت انت كمان انا متعصب وانت بتضحك هو انت واختك ولا ايه اتز*فت رن عليها وانا هاخد تاكس واجيلك سلام وقفل فى وشه وكرم لسه بردوا بيضحك وبيقول احسن خليها تربيه وبيرن عليها وهى اول ما لقته هو قالتله بضحك:هو لحق قالك ولا ايه بس قولى قولى كان عامل ازاى
كرم بضحك:مقولكيش متعصب ولو شافك هيعمل منك بوفتيك بس احسن يستاهل بس هو جاى على هنا خلى بالك
سيلا بضحك:احسن احسن عشان يبقى يورينى هيتحكم فيا ازاى تانى بس عمتا انا مش جايه عندك عارفه انه هيجى فهروح الف شويه بالعربيه عايزه اخد ريست من كل حاجه يا كرم تعبت اوى معلش مش هقدر اقولك رايحه فين لانه ممكن يضغط عليك وتقوله وانا اوعدك هطمنك عليا كل فتره بس المهم ارتاح شويه اخليه يعرف ان مش كل حاجه عايزها هتجيله فورا هخليه يندم وبعدين اجى
كرم بحزن عليها:طب بس هتخلى بالك من نفسك واوعدينى لو حصل اى حاجه تقوليلى تمام بس انتى معكيش فلوس يا بنتى هتروحى فين
سيلا بكذب:لا معايا يا حبيبى متقلقش عليا انا كويسه وهبقى كويسه اكتر لو بعدت شويه
كرم:تمام بس هتطمنينى عليكى كل فتره تمام وخلى بالك من نفسك كويس ومتقفليش تليفونك لو رن عليكى مترديش عليه لو انا رنيت تردى علطول فاهمه
سيلا:فاهمه باى يا حبيبى عايز حاجه
كرم:عايز سلامتك يا حبيبتى سلام وقفلوا وهو مدايق عليها
وهى قعدت تعيط شويه وبعدين رنت على صحبتها من ايام الجامعه وقالتلها:ايمى انا جيالك دلوقتى
ايمى بفرحه:يا الف نهار ابيض تنورى يا حب المهم فاكره عنوان البيت ولا هتوهى اقولك استنينى عند....وانا جيالك
سيلا:تمام يا حبيبتى وقفلوا
ايمى وسيلا كانوا أصحاب من الجامعه وايمى عايشه مع اخوها واهلها متوفيين بس لما كانت سيلا بتروحلها كانوا بيقعدوا فى الشقه بتاعتهم اللى تحت لان البيت كله تبعهم
وصلت ايمى وشافت سيلا وحضنوا بعض ومبسوطين جدا وايمى بتقولها:وحشانى يا حبيبتى اوى فينك كل ده
سيلا بفرحه:انا اكتر يا حبيبتى موجوده اهو بس انتى عارفه بقا انى اتجوزت ومبقتش فاضيه خالص وكملت بكذب وقالت:فجوزى سافر وانا قولتله انى هشوفك وهقعد معاكى فتره وكدا
ايمى بفرحه:بجد طب كويس والله جوزك شكله طيب وحنين انا مشوفتهوش بس انا قابلت اهلك وقالولى انك اتجوزتى وكنت طالعه بالصدفه لقيت اللى ما تتسمى اختك مروه بتقول دى وقعت واقفه وانه جوزك حلو وكدا
سيلا ابتسمت بكذب وقالتلها:اه يلا بقا نمشى اركبى العربيه
ايمى بفرحه:الله بسم الله ماشاء الله يا حبيبتى هى دى عربيتك
سيلا:لا دى بتاعت جوزى بس هو قالى خديها وروحى بيها
ايمى:اه تمام يلا ومشيوا
أصلها مينفعش تقول اى حاجه حصلت الخلافات والمشاكل دى لازم محدش يعرفها دى اسرار بيت مينفعش تتقال لحد ابدا
وعند زين
وصل عند كرم وبيدور فى البيت وبيقوله مخبيها فين يا كرم هى فييين
كرم:يابنى مانت دورت فى كل حته لقيتها لا يبقى اكيد مش هنا ثم هى لو هتيجى تستخبى هتيجى هنا ازاى وانت عارف انها هتعرف انك جاى على هنا علطول
زين بعصبيه:يعنى هتكون راحت فين يعنى
كرم:زين سيلا مشيت عايزه ترتاح شويه اديها راحه شويه
زين بعصبيه:يعنى ايه يعنى ايه مشيت وبعدين انت لو مراتك عملت كدا هتعمل اللى بتقوله ده
كرم مردش
زين بعصبيه:ما ترد لا يبقى بتقولى انا كدا ليه
كرم:زين انت اللى عملت كل ده انت السبب اصلا انت كنت انانى فى كل قرار بتاخده مينفعش تلغى شخصيتها لازم تشاركوا القرارات سوا انت باللى عملته ده حسستها انها مش موجوده أن انت اللى ليك الكلمه وبس هى مش مهم كدا كدا هتوافق لا الكلام مش كدا الكلام براحه فهمت
زين بغيظ وقاله:عارف لو حد تانى قالى الكلام ده كنت نفخته دا معناه انى مش بفهم
كرم بغيظ اكتر:تصدق يا زين انى انا اللى مش بفهم عشان اتكلمت معاك انا مالى خليها تضيع من ايدك بقا انا مالى
زين بعصبيه:انا ماشى ولو لقيتها هوريها بردوا هه ومشى
كرم ضرب كف على كف وقال:مفيش فايده
عند سيلا وايمى اول ما وصلوا وطلعوا لقوا.......وايمى اتصدمت
يتبع الفصل الثاني والعشرون اضغط هنا
- الفهرس يحتوي على جميع فصول الرواية كاملة :"رواية أحببت غامض" اضغط على اسم الرواية