رواية طفلتي العنيدة الفصل الواحد والعشرون 21 بقلم نانسي

   رواية طفلتي العنيدة الفصل الواحد والعشرون بقلم نانسي

رواية طفلتي العنيدة الفصل الواحد والعشرون

في الفندق دلف نادر الى غرفته بعد ان اتى من عمله وهو يتذكر ليلى ويشرد بها ويضحك على خجلها وارتباكها امامه وهو لا يعلم لما يشعر بقلبه ينبض بشدة هكذا كلما تذكرها او كلما اتت امامه هو لا يعلم ما هذا الشعور الذي يتحرك بداخله ولكن الذي يعلمه انه اعتاد عليه بشدة ثم ذهب واخذ حمامه وابدل ثيابه الى بدلة سوداء جميلة لكي يلحق حفل الحناء الخاص باصدقائه ادم وجاك ويوسف بعد ان انتهى من ارتداء ملابسه ذهب الى غرفة امه واخته الذي حجزها لهم بجانب غرفته تماما طرق الباب ثواني وفتحت له اخته ناريمان

ناريمان بتوتر حاولت اخفائه: ا نادر خير يا حبيبي عايز حاجة

نادر باستغراب: لا وهعوز ايه يعني انا كنت نازل اصلا ف جيت اطمن عليكم بس 

ناريمان بابتسامة مصطنعة: اطمن يا حبيبي احنا كويسين اووي بس انت رايح فين كدا

نادر في سره:قال يعني ماتعرفيش بس ماشي ليكمل جملته وهو ينظر لها بهدوء: انا رايح حفلة ادم يا ناريمان لازم اكون جنب صاحبي واباركله في فرحه 

ناريمان بضيق:ماشي يا نادر ربنا معاك بقى 

نادر باستغراب وهو ينظر في الغرفة خلفها: امال فين ناهد هانم مش باينة يعني

ناريمان بتوتر حاولت اخفائه: ا مامي هي احم هي جوة في الحمام بتاخد شاور كانت تعبانة ومرهقة شوية ف انا قلتلها تدخل تاخد شاور دافي يريحها شوية 

نادر بعدم اقتناع: اممم بتاخد شاور ماشي انا همشي بقى عشان اتاخرت لو عوزتي حاجة كلميني

اومئت له ناريمان بابتسامة واغلقت الباب بعد رحيله وهي تتنفس براحة كبيرة

اما نادر نزل من الفندق وركب سيارته واتجه مباشرة الى القصر حيث تقام حفلة الحناء ولكن توقف فجاة باستغراب وهو يرى فتاة ما واقفة على الطريق وتحاول ان توقف اي تاكسي ولكن دون جدوى اتجه لها نادر بسيارته 

نادر باستغراب: يا انسة  خير حضرتك واقفة في نص الطريق كدا ليه 

الفتاة وهي تلتفت له ولم تكن سوى ليلى: نادر 

نادر بابتسامة: ليلى انتي مالك واقفة كدا ليه على الطريق لوحدك عايزة حاجة

ليلى وهي تزفر بضيق: اه اعمل ايه بقالي اكتر من ربع ساعة بحاول اني اوقف تاكسي بس محدش راضي يقف تقولش السواقين اتعمت يا راجل 

نادر بضحك عليها:طب اهدي كدا وقوليلي كنتي رايحة فين وانا اوصلك 

ليلى بحرج: لا مفيش داعي انا كنت رايحة لروز ونانسي عشان حفلة الحنة بتاعتهم انهاردة 

نادر وهو يفتح لها باب سيارته الذي بجانبه: بس كدا انا كمان رايحلهم تعالي اوصلك ما احنا رايحين نفس المكان اهو

ليلى بتردد: بس 

نادر بمقاطعة: اركبي يلا ومتبسبسيش كتير لاحسن ارجع في كلامي 

ركبت ليلى السيارة بجواره بخجل وانطلق نادر الى طريقه وهو ينظر لها من حين لاخر وخاصة انها كانت جميلة بفستانها الاسود البسيط هذا 

بعد قليل من الوقت وصل نادر الى القصر نزل هو وليلى من السيارة واتجه للداخل وهم متعجبين من هذه الحالة حيث كانت الاصوات عاليه وكأن احدهم يتشاجر مع الاخر نظره كلا من ليلى ونادر لبعصهم باستغراب وعدم فهم ثواني واتجهو بسرعة الى الداخل كي يره ما هذه الحالة الغريبة واثناء دخول نادر من بين الناس اصطدم باحد ما بدون قصد ولم يسطيع ان يرى وجه هذا الشخص بسبب شاله الطويل الذي كان يغطي به وجهه لم يهتم به كثيرا ف كل ماكان يشغله هو ان يرى ما هذه الضوضاء 

...........................💔..........................

وقبل ذلك في الحفلة 

كان جميع العائلة يرقصون بفرحة على الاغاني والجميع سعيد ايضا وكانت الاجواء رائعة الا ان استمعه الى صوت صراخ فتاة ياتي من الاعلى جعل الجميع في حالة من الاستغراب وعدم المعرفةوالحفلة توقفت ايضا والجميع يتسائل ما هذا الصوت ولمن هذا ثواني ورؤا شيئ جعلهم ينصدمون ويتجمده في مكانهم من هذه الصدمة وهم يره فتااة مجهولة الهوية تنزل رقض من اعلى سلالم المنزل وهي في حالة غريبة حيث كانت ملابسها شبه ممزقة وشعرها ومكياجها منزوعين ايضا وتبكي بشدة وهي تستنجد باحد ما وما جعلهم في قمة الاستغراب والصدمة انهم رؤه ادم ينزل السلالم خلفها بسرعة ايضا وشعره غير مرتب وقميصه مفتوح قليلا وربطة عنقه مفكوكة

ليخرجهم من صدمتهم تلك صوت هذه الفتاة وهي تردف ببكاء: الحقوني الحقوني حد ينجدني من المتوحش دا 

انهت جملتها وهي تشير لادم الذي كان مصدوم مع الجميع ايضا

الجد بصرامة بعد ان افاق من صدمته: ايه اللي بيحصل هنا انتي مين وايه اللي عمل فيكي كدا

الفتاة ببكاء: انا اسمي سوما وجيت هنا مع المعازيم وطلعت فوق عشان ادخل الحمام واول ما طلعت دخلت اي اوضة ودخلت الحمام على طول ولما طلعت منه لقيت الشخص دا مستنيني وكان بيتقرب مني بالغصب لولا اني هربت من تحت ايده بالعافية وهو اللي عمل فيا كدا دا مش بني ادم لا دا وحش ومغتصب

ادم بصدمة وغضب من حديثها هذا: ايه انتي ايه اللي بتقوليه دا ان

الجد بمقاطعة وهو ينظر الى الفتاة بعدم اقتناع:اممم بجد ولما انتي فعلا معزومة على الحفلة وكنتي عايزة تروحي الحمام كنتي استخدمتي اي حمام من اللي تحت اشمعنا حمامات فوق يعني 

الفتاة بتوتر وهي تدعي البكاء: اعمل ايه يعني انا مكنتش اعرف ان فيه حمامات تحت انا سألت على اي حمام وخلاص وقالولي ان الحمامات فوق

الجد بشك: اممم ماشي خليني ماشي معاكي للاخر ولما هو حاول يقرب منك بالغصب وكان مستنيكي في الاوضة مخصوص دا على حسب كلامك ف هو ليه يعني هيعمل كدا وهو فرحه اصلا بعد تلات ايام لا ويعملها في يوم حفلته وفي بيته ومع واحدة من المعازيم كمان لا دا العيل الصغير مايصدقش الكدبة دي تحبي اقولك كمان اسباب تانية غير كدبتك دي بالمختصر كدا اللي بتتهميه دا حفيدي يعني حتة مني وانا اللي ربيته وانا واثق فيه مليون في الميه ومش بس انا احنا كلنا هنا واثقين فيه ثقة عمياء

الفتاة بدموع تمثيل: اه قول كدا بقى ما  حضرتك لازم تدافع عنه عشان هو حفيدك وبس واكيد لازم تبرر له لكن انا مستحيل اسيبه او اسيب حقي

قالت جملتها تلك ووقفت امام الصحافة  الذين كانه يصورون كل شيئ من البداية

احد الصحافة: حضرتك بتتهمي ادم باشا على اي اساس هل فيه دليل على انه حاول يعمل كدا فعلا

سوما ببكاء وتمثيل: دليل ايه اللي عايزينه دا يعني انا كنت اعرف ان هيحصلي كل دا يعني اجيبلكم ازاي دليل بس لا حتى لو محدش مصدقني انا برضو مش هسكت وهرفع عليه قضية واخد حقي وهفدحهم كلهم عشان الشخص دا ميتجرأش ويستغل اي بنت تانية 

الصحفية:بس يا انسة فعلا دي حاجة متتصدقش زي ما قال عتمان بيه هو ليه هيعمل كدا وفرحه خلاص خلال ايام وكمان في بيته وحفلته وحتى لو رفعتي قضية معتقدش انك هتكسبيها

سوما بغضب وتمثيل البكاء: لا هكسبها وهو عمل اللي عمله دا هنا وفي الحفلة عشان فعلا محدش يصدقني لكن انا هكدب ليه في موضوع زي دا انتو شايفين حالتي بعينيكم انا بجد مشفقة على الانسانة اللي هيتجوزها لأن اكيد حياتها هتتدمر معاه حتى لو محدش مصدقني ان

نانسي بتدخل ومقاطعة: انا مصدقاكي

صدمة سكوت وتفاجئ ايضا هذه كانت حالة الجميع عندما سمعه هذه الكلمة وهم غير مصدقين ما سمعوه للتو ولكن تقدمت نانسي ووقفت بجانب الفتاة وهي تردف بجمود: انا مصدقاكي وهساعدك كمان 

الفتاة بتفاجئ: ايه ا اقصد بجد 

نانسي بتأكيد: ايوة 

 لتنظر لادم الذي كان ينظر لها بصدمة ووجع وخذلان وهو لم يتوقع منها هذا ابدا هو لا يفرق معه اراء احد به ولكن هي بالتأكيد مختلفة وتهمه كثيرا وكان يتوقع منها ان تثق به قليلا ولكن خذلته بهذا التصرف

ادم بهدوء وهو يقف امامها: نانسي انتي بجد مش مصدقاني(ادم عيب متقولش كدا داحنا اهل يا راجل😂😂)

نانسي ببرود: ايوة مش مصدقاك يا ادم لاني معنديش ثقة كافية فيك ولا فيه دليل يبرأك

ادم بوجع: ماشي براحتك بس تعرفي ان انا كنت اتوقع ان مهما الدنيا كلها وقفت ضدي انتي الوحيدة اللي هتصدقيني وتثقي فيا لكن انا مش هجبرك انك تثقي فيا لان الثقة مش بالاجبار زي الحب بالظبط

انهى كلمته واتجه بعيدا عن الجميع وخرج برة القصر باكمله 

والد نانسي بحدة: نانسي انتي ايه اللي عملتيه دا انتي واعيه انتي قولتي ايه من شوية وبتتهمي مين

نانسي بجمود: انا كبيرة مش صغيرة يا بابا واعرف اخد قراراتي لوحدي واثق في مين ومثقش في مين

الاب بغضب: لا مش كبيرة ولا دا قرار واحدة عاقلة  انتي مش عارفة انتي بتعملي ايه ويظهر ان تربيتي خابت فيكي ودلعي خلاكي مبتعرفيش تفرقي بين الصح والغلط لكن كل اللي هقولهولك ربنا يهديكي للطريق الصح يا بنتي

قال الاب جملته وانصرف من امامها بغضب وكذلك الجميع الذين انصرفه فورا بأمر من الجد لتصبح ساحة القصر فارغة ما عدا عن نانسي وتلك الفتاة المحتالة سووما 

سوما وهي تمسح دموعها بتمثيل: انا مش عارفة اشكرك ازاي على وقفتك جنبي بجد شكرا جدا انك الوحيدة اللي مصدقاني

نانسي بغموض: لا مفيش داعي للشكر انا دايما بقف مع الحقيقة ولازم اخلي الحقيقة تظهر واللي غلط لازم يتعاقب ولا ايه 

سوما بتوتر حاولت اخفائه: اه طبعا لازم انا همشي بقى عشان اتاخرت وتعبت كتير النهاردة لكن هبقى اكلمك

نانسي ببرود: ماشي

اومئت لها سوما بهدوء ورحلت من امامها وكذلك نانسي التي طلعت الى غرفتها ايضا ووجدت روز جالسة بانتظارها هناك

نانسي بتعب: روزي انا مش قادرة اتكلم في حاجة دلوقتي ممكن

روز بهدوء: انا اصلا مش جاية اتكلم معاكي في حاجة انا حابة بس اكون معاكي

ذهبت نانسي وارتمت في احضان اختها بصمت لفترة طويلة حتى ذهبه هم الاثنين في نوم عميق

...........................✨.........................

في صباح اليوم التالي وفي غرفة ادم طبعا هو لم يسطتع النوم دقيقة واحدة وهو يتذكر ليلة امس وبالاخص جملة نانسي التي تتردد في اذنه(ايوة مش مصدقاك يا ادم لاني معنديش ثقة كافية فيك ولا فيه دليل يبرأك)

نهض ادم بغضب من الفراش وذهب ليأخذ حمامه خرج بعد وقت وهو يرتدي بنطال فقط وعاري الصدر ولكنه تفاجئ من هذه التي كانت تجلس على فراشه وهي تصفر وكأن شيئا لم يكن

ادم وهو يتجه اليها بغضب: خير انتي بتعملي ايه هنا فيه اي اتهامات تانية نسيتيها امبارح ف جاية تكملي دلوقتي

نانسي وهي تنظر له لتردف بمرح: ايه ياعم قلة الادب دي بقى كل ما ادخلك الاوضة الاقيك قالع كدا مفيش مرة تحترم نفسك شوية بعضلاتك دي

ادم وهو يضغط على اسنانه بغضب من تلك المستفزة: نااااااااااانسي (ايه قول تاني كدا مين تقصدني انا😂😂)

نانسي وهي تقلده: ادددددددددم

ادم وهو يحاول ان يهدئ قبل ان يقتلها: ياما تقولي جاية ليه ياما تتفضلي من غير مطرود

نانسي بابتسامة: كدا ومن غير مطرود امال لو كنت بتطردني فعلا كنت رميتني من البلكونة بقى على العموم انا جيت اقولك ان جدي عايزك تحت ف البس يا قليل الادب وانزل على طول باااااي

قالت جملتها ورقضت خارج غرفته وهي تبتسم وتنوي لشيئ ما 

اما في الداخل زفر ادم بنفاذ صبر من هذه المجنونة العنيدة ولكنه غير قادر ان ينكر انه وقع في حب تلك العنيدة

ارتدى ادم باقي ثيابه ونزل الى الاسفل بعد ان هاتف يوسف واخبره ان يهتم هو بامور العمل هذا اليوم 

...........................💝.........................

في الاسفل نزل ادم وذهب الى غرفة مكتب الجد طرق الباب ثم دخل بهدوء ولكنه وجد جميع العائلة مجتمعين في المكتب

ادم بتعجب: خير يا جدي انت عايزني في حاجة 

الجد بهدوء: اقعد يا ادم يابني المرة دي مش انا اللي عاوزكم فيه حد تاني عايزكم

انهى جملته واشار لنانسي التي تقدمت ووقفت بين العائلة 

نانسي بتنهيدةومرح: جماعة انا جمعتكم انهاردة عشان انا مش فاضية بكرة

الجد بغضب: نااااانسي

نانسي بضحك: خلاص هدي نفسك بس يا كبير الله 

لتتوقف عن الضحك وهي تردف بجدية واسف: احم اولا انا اسفة اووي على اللي حصل مني امبارح بس كل دا كان مجرد تمثيلية ومش حقيقي

الجميع بصدمة: ايه ازاي يعني

نانسي وهي تأخذ نفسا عميقا: هقولكم قصدي انا امبارح قولت اني مش واثقة في ادم و وكمان اتهمته وماصدقتوش لكن كل دا كان مجرد لعبة كنت بمثل ومكنش حقيقي ابدا 

ادم بلوم: وايه السبب بقى

نانسي بذكاء: السبب ورا التمثيلية دي اني كنت عايزة اجاري الشعنونة اللي اتهمتك بتهمة كذب دي في لعبتها بصو الموضوع كبير فعلا البنت دي معملتش اللي عملته دا من فراغ لا انا متأكدة ان وراها حد تاني وهو اللي باعتها ومخطط لكل دا يعني صحيح ان كلنا واثقين ثقة عمياء في ادم وانها كدابة مليون في الميه الا اني مش هعدي اللي حصل دا قبل ما اعرف هي مين وتبع مين وايه مصلحة اللي باعتها في كدا

جاك بصفير ومرح: الله عليكي يا بنتي كنت فاكر ان ادم هو اللي واخد جينات المخابرات في العيلة دي بس طلعتي انتي كمان مش سهلة براااافو غلبتي كوونان والله

روز بفخر: طالعة لاختك يابت بس ليه ماقلتيليش دا امبارح

نانسي بغموض: عشان بصراحة انا كنت شاكة ان الشخص دا موجود في الحفلة وبيراقب كل حاجة عشان كدا استنيت وقلت لما نتجمع احنا بس ومفيش حد معانا ابقى اقولكم على كل حاجة

ادم بسخرية ولكن بداخله فرحة كبيرة بثقتها واهتمامها به: وايه اخرة المسرحية دي انشاءلله

نانسي بمرح: ادم عيب عليك طول مانت واثق فيا القضية لابساك لابساك 

ادم بحسرة: اههه ياني لا انا كدا اطمنت على نفسي اووي يعني

نانسي بثقة: جماعة متقلقوش بجد كل حاجة دلوقتي ماشية حسب الخطة وعشان نقدر نوصل لهدفنا وهو المسؤل عن كل دا انا عندي خطة لدا

الاب بابتسامة فخورة: قولي خطتك يا حبيبتي وانا اسف عشان مسمعتكيش من الاول

نانسي باحترام: ولا يهمك يا بابا انت تعمل اللي انت عايزه الاول وعشان خطتنا تنجح انا محتاجة مساعدتكم كلكم معايا 

الجميع في صوت واحد: احنا دايما معاكي

نانسي بابتسامة: حلو اووي اسمعه الخطة هي

يتبع الفصل التالي اضغط هنا

• الفهرس يحتوي على جميع فصول الرواية كاملة :"رواية طفلتي العنيدة" اضغط على اسم الرواية