رواية أوتار القلب الفصل الواحد والعشرون بقلم ريناد أحمد
رواية أوتار القلب الفصل الواحد والعشرون
مسكت لينا البيبسي ووقفت وكانت خارجة من القاعة وكادت أن تقع لكن مازن امسك بها
مازن : مش كفاية تمثيل لحد كده ؟
لينا بصدمة وتوتر : ايه !! .. انت مين اصلا ومسكت رأسها بتمثيل : اااه راسي
مازن بسخرية : اه راسي !!
لينا : ....
مازن سحبها خارج القاعة : تعالي بقا
لينا : انت مين وعايز مني ايه
مازن : بتعملي كده ليه
لينا : بعمل ايه انا مش فاهمة حاجة
مازن : لا فاهمة كل حاجة وعارفاني وكمان مش فاقدة الذاكرة ها ايه تاني
*فلاش باك*
اروى ولينا خرجوا من القاعة
مازن رآهم وذهب ورائهم
اروى : هتعملي ايه
لينا : مش عارفة والله
اروى : كده كل حاجة هتبوظ
لينا : ازاي مقولتيش أنه جاي
اروى : نسيت أنه جاي اصلا
لينا : ياربييي .. هعمل ايه
اروى : ما هو احنا لازم نمثل عليه ونعمل نفس اللي عملناه المرة اللي فاتت
لينا : ازاي
اروى : تعالي لما ينزل الاكل وبعدها لما تيجي تشربي البيبسي قومي واعملي نفسك هتقعي أمامه وشوفي هيعمل ايه زي الموقف اللي حصل في فرحي
لينا : صح انت صح
وبعدها كادوا أن يدخلوا القاعة مرة أخرى
مازن ذهب مسرعا ودخل قبلهم وجلس بمكانه
*باك*
لينا : سيب ايدي
مازن : مش هسيبك لحد ما تقولي عملتي كده ليه
لينا : انا معملتش حاجة
مازن : والله ! حتى لما سمعتك انت واروى ؟
لينا والدموع تنهمر من عينيها : قول انت الاول ليه عملت كده
مازن : عملت ايه
لينا : وهمتني أن سارة حبيبتك وكدبت عليا
مازن : ....
لينا : ما ترد
مازن : عشان ....
لينا : عشان ايه
مازن : ملكيش دعوة
وكاد أن يذهب
لكن لينا أمسكت بيده
لينا : قول عشان ايه يا مازن
مازن : لا
لينا بغضب : لا هتقول يا ماازن
مازن بغضب : عشان بحبك وكنت عايز اعرف انت بتحبيني ولا لا .. بس انت خدعتيني باللي انت عملتيه ده .. ده انا كنت كل يوم وانا بصلي بدعيلك تخفي وترجعي زي الاول عشان حتى تفتكريني .. بس ازاي لازم تعملي مسلسل عليّا .. وتوهميني انك لسه تعبانة .. انا كنت داخل في حالة اكتئاب عشان مش عارف حتى أظهر قدامك .. الله يسامحك على اللي عملتيه فيا
لينا ببكاء : واللي انت عملته ده عادي
مازن : بالنسبة للي انت عملتيه ف اه عادي وعادي جدا كمان .. وانت خفيتي امتى بقا
لينا : لما روحنا بيت اروى عشان تعيدوا مشهد الصباحية تاني
مازن : كمان بقالك ييجي اسبوع بتكدبي عليا !!
لينا : .....
مازن : وعملتي كده ليه بقا
لينا : عشان اكتشفت انك بتكدب عليا
مازن بسخرية : بس كده !! .. قد ايه عقلك صغير
لينا : وعشان كمان ...
مازن : ....
لينا : عشان انا كمان بحبك يا مازن
مازن : وهو اللي بيحب حد بيعمل اللي عملتيه ده ؟
لينا : انا آسفة والله آسفة
مازن تركها ودخل القاعة مرة أخرى
وجلس بطاولة أصحاب زين وفارس
زين : اتأخرت ليه
مازن : ملكش دعوة
زين نظر له بتعجب : مالك
مازن : مش وقته
زين تركه على راحته
اروى لنفسها : اومال فين لينا كل ده
لينا ذهبت للحمام وعدلت المكياج مرة أخرى ودخلت القاعة
اروى : فينك كل ده
لينا جلست في صمت
اروى : ايه اللي حصل ما تنطقي يا لينا
لينا : مازن
اروى : ماله .. عمل ايه
لينا : عرف أننا بنمثل عليه
اروى بصدمة : ازاي
لينا : لما طلعنا برا نتكلم عليه كان مراقبنا وسمعنا
اروى ضربت رأسها بيدها : طب وايه اللي حصل تاني
لينا : واعترفلي بحبه
اروى : بجد !
لينا : اه
اروى : انت هتنقطيني ! ما تحكي كل حاجة
لينا حكت لها ما حدث
اروى : باللي احنا عملناه ده مش هيثق فيكي بعد كده
لينا : للاسف عارفة .. طب اعمل ايه
اروى : هنتصرف بعدين
وبعد فترة انتهت الخطوبة والكل ذهب لبيته
اروى : زين
زين : نعم يا حبيبتي
اروى : عايزاك في موضوع
زين : قولي
اروى حكت له ما حدث
زين : عشان كده كان متغير معايا النهاردة .. انا كنت متأكد أن اللي بنعمله ده هيتقلب علينا في الاخر
اروى : كان متغير ازاي
زين : مكنش بيبص في وشي حتى وكان زعلان جدا
اروى : طب هتعمل ايه
زين : هتصرف
اروى : ازاي
زين : هفكر لسه وهبقى اقولك
اروى : ماشي يا حبيبي .. تصبح على خير
زين : وانتِ من أهله يا روحي
____________________________
لا اله إلا الله ♥️
باليوم التالي
زين اتصل بمازن
مازن : نعم
زين : مالك من امبارح
مازن : مالي مانا زي الفل اهو
زين : والله !
مازن : عايز ايه يا زين اخلص
زين : انت بتكلمني كده ليه يا مازن في ايه
مازن : معلش
زين : تعالالي
مازن : فين
زين : تحت البيت بسرعة خلال ربع ساعة الاقيك قدامي
مازن بضيق : طيب
وبعد ربع ساعة
مازن : انا تحت
زين : تمام نازل
نزل زين لمازن
زين : ممكن افهم مالك
مازن : مالي ؟ انت شايفني متضايق ولا حاجة ؟
زين : اخلص يا مازن متستعبطش
مازن : عايزني اقولك اني مش طايقك بسبب اللي انت عملته !!
زين : مش طايقني !! .. انا عملت ايه
مازن : في أن حضرتك اشتركت في لعبة زبا.لة مع لينا ومثلتوا عليا
زين : ....
مازن : سكتت ليه
زين : انت فاهم غلط
مازن بغضب : فاهم غلط ايه .. انتوا مش متخيلين انا كنت مقهور قد ايه وانتوا بكل برود بتمثلوا عليا !!
زين : أهدى
مازن : أهدى ايه يا زين .. لو انت اللي مكاني كان زمانك بتقول اكتر من كده .. بس ازاي بقا .. انت ملكش دعوة باللي حواليك
زين بهدوء : أهدى يا مازن احنا في الشارع
مازن : لا
زين : تعالى نطلع فوق بدل الفضايح دي
واتصل بأروى واخبرها أن مازن معه
زين : اتفضل
مازن دخل وجلس بغضب
زين : نتفاهم براحة بقا
مازن : احكيلي ايه اللي حصل
زين : هحكيلك
*فلاش باك*
لينا : بصوا انا همثل عليه لما ييجي اني لسه تعبانة .. وانتوا هتساعدوني في ده .. اول ما هييجي هعمل اني لما شُفته جالي صداع وهمثل اني اغمى عليا .. بس اللي أنا خايفة منه أن انتوا تتلغبطوا .. اتمنى تظبط عشان تكون قرصة ودن لمازن
زين بضحك : بترديهاله يعني
لينا : اه
*باك*
مازن : والله ! .. وانت كنت معاها كده عادي
زين : متزعلش مني كنت مفكرها حاجة عادية مش لدرجة أنك كنت هتدخل في حالة اكتئاب .. انا اسف بالنيابة عنهم كلهم
مازن : اصرفه منين الاسف ده
زين : فُك بقى متبقاش رخم
مازن : انت بجد واخد الموضوع عادي كده ليه
زين : ....
مازن : بجد كلكوا معندكوش دم .. ويخربيت قلبي اللي حَب واحدة زي لينا بجد يخربيته
زين : ....
مازن : بجد مش مصدق أن عقلكوا صغير لدرجة انكوا تعملوا مسلسل مقرف بالشكل ده
زين : اومال انت عملت ايه يا اخويا
مازن : اللي عملته عشان اتأكد من حبها مش اكتر وياريتني ما حبيتها
زين : بس هي بتحبك
مازن : عارف متزفت عارف
زين : منين
مازن : هي قالتلي امبارح
زين : انتوا اتكلمتوا امبارح امتى
مازن حكى له ما حدث
زين : فُك بقى بالله عليك دانت زعلك زفت
مازن : للاسف مش بعرف ازعل منك بس شايلكوا كلكوا الموقف ده
زين : المسامح كريم
مازن : مسامحكوا بس بجد صعب اني انسى
زين : ها مش ناوي تتقدم
مازن : مش وقته عشان مش طايقها
زين : ايه يابني الانفصام اللي انت فيه ده .. لسه من ثانيتين كنت مسامحنا كلنا
مازن : مسامحكوا بس مش طايقكوا بردو
زين : انجز بقى
مازن : عايز اكلم زياد .. خدلي منه ميعاد
زين : اللهم صل على النبي .. اخيرا هشوفك عريس يا اخي
مازن ابتسم
زين : يااااه اخيرا ابتسمت
مازن : دانت رخم
زين ضحك
وبعدها مازن ذهب لبيته
وزين اتصل بزياد وحكى له
زياد : يعني اتكشفنا ؟
زين : اه وزعلان جدا .. بس عايز يتقدم ل لينا
زياد : تمام .. خليه ييجي بكرة الساعة 8
زين : ماشي يا حبيبي
زين اتصل بمازن وأخبره بالميعاد
مازن : تمام
زياد دخل غرفة لينا
لينا : نعم يا زياد
زياد : في عريس جاي بكرة الساعة 8 يشوفك
لينا : مين
زياد : مازن
لينا : مش موافقة
زياد : ليه في ايه
لينا : مش عايزاه
زياد : عملك ايه
لينا حكت له ما حدث
زياد : بصي ، انتوا الاتنين غلطانين انكوا تفضلوا تمثلوا على بعض كده .. الموضوع اڤور منكوا
لينا : اللي حصل حصل بقى اعمل ايه
زياد : هنشوف ايه اللي هيحصل بكرة إن شاء الله
لينا بضيق : يوووه .. تمام
____________________________
لا حول ولا قوة إلا بالله العلي العظيم ♥️
باليوم التالي
زين : يلا يا اروى هنتأخر
اروى : انا خلصت اهو
زين نظر لها بإعجاب : مش معقول كل مناسبة تكوني احلى فيها من اللي قبلها
اروى : يلا يا زين هنتأخر
زين : يلا .. دانا اتجوزت واحدة واخدة جمال البلد كلها
اروى بخجل : يلا يا زييين
زين : انا جاي اهو
وذهبوا لبيت زياد ولينا
اروى : اجمل عروسة شافتها عيني
لينا : بحبك يا اجمل اروى
اروى : انت كويسة ؟
لينا : اه الحمدلله
اروى : مش باين يعني
لينا : متضايقة بس من اللي حصل في خطوبة فارس وشهد .. بجد ياريتنا ما مثلنا عليه ولا حاجة
اروى : اللي حصل حصل بقى يا لينا معلش
قاطع حديثهم جرس الباب
زياد ذهب وفتح وجد مازن
زياد ابتسم : اتفضل يا حبيبي
مازن دخل بضيق
زياد ومازن وزين اخذوا يتحدثوا في أمور الزواج
لينا واروى كانوا يراقبون الوضع من الداخل
زياد : انا هقوم انادي لينا
لينا : زياد جاي يا اروى
زياد دق على باب الغرفة ودخل
زياد : يلا يا حبيبتي اطلعي
لينا خرجت من غرفتها
مازن نظر لها بإعجاب وبعدها نظر لزين وزياد مرة أخرى
زياد : تعالي يا لينا اقعدي هنا
لينا جلست
لينا طوال الوقت تنظر لمازن بحزن
ومازن ينظر لزين وزياد فقط
زياد : نسيب العرسان لوحدهم شوية ؟
زين : يلا بينا يا زوز
زين وزياد ذهبوا لغرفة لينا وجلسوا مع اروى
اروى : ها ايه اللي حصل
زياد : سيبناهم لوحدهم اهو
اروى : ربنا يستر
زين وزياد : يارب
مازن : ....
لينا : ....
مازن ولينا في نفس الوقت
لينا : هتفضل ساكت ؟
مازن : هتفضلي ساكتة ؟
لينا : انا اسفه يا مازن
مازن : اللي عملتيه ده حاجة كبيرة ومش سهل اني اسامحك
لينا : انا غلطانة ومعترفة اهو خلاص بقى ارجوك
مازن : ....
لينا : ها هتسامحني ؟
مازن : إن شاء الله
زين وزياد رجعوا مرة أخرى ل لينا ومازن
زياد : ها اتصافيتوا ؟
مازن : إلى حد ما اه يعني
زين : نقرأ الفاتحة ؟
مازن : نقرأ الفاتحة
وقرأوا الفاتحة
وحددوا ميعاد الخطوبة "بعد اسبوعين"
مازن ذهب لبيته
لينا دخلت غرفتها واخذت تبكي
اروى : ايه اللي حصل
لينا : لسه بردو مش طايقني وكان بيتكلم معايا بالعافية
اروى : حقه الصراحة
لينا : اطلعي برا يا اروى
اروى بضحك : آسفة والله
لينا : انا هكلمه واقوله لو مبقاش يحبني يفشكل قبل ما الخطوبة تتم
اروى : اهدي يا لينا ومتعمليش حاجة دلوقتي وانت متعصبة
لينا : حاضر هحاول
اروى وزين ذهبوا لبيتهم بعد فترة
وزياد خلد للنوم
لينا ذهبت لغرفة زياد وفتحت هاتفه واخذت رقم مازن ووضعت الهاتف بمكانه مرة أخرى
لينا سجلت رقم مازن على هاتفها
على الواتساب
لينا : مازن
مازن : مين
لينا : انا لينا
مازن : نعم
لينا : ممكن اسألك سؤال ؟
مازن : اتفضلي
لينا : هو انت حبك ليا قل بعد اللي عملته ؟
مازن : روحي نامي يا لينا تصبحي على خير
لينا : مش هعرف انام غير لما ترد عليا ب اه أو لا
مازن : لا
لينا : اومال كنت بتتكلم معايا بالعافية كده ليه النهاردة
مازن : انت عارفة السبب كويس اوي
لينا : طب بص محدش هيجبرك تحبني ولا تتجوزني ف لو مش عايز .. الغي كل حاجة قبل ما الخطوبة تتم
مازن : روحي نامي ربنا يهديكي
لينا : طب بالله عليك خلاص بقى انا آسفة متعملش فيا كده بقى
مازن : تمام اسفك مقبول
لينا : بجد !
مازن : اه يلا روحي نامي
لينا بفرحة : تصبح على خير
مازن : وانتِ من اهله يا حبيبتي
لينا لنفسها بفرحة : قال حبيبتي يبقى سامحني
وبعدها جاءت رسالة من سارة
سارة : الف مبروك يا حبيبتي
لينا : مع اني مش طايقاكي بس الله يبارك فيكِ
سارة : ما خلاص بقى
لينا : لا بس تصدقي كنتي ممثلة هايلة
سارة : عيب عليكي
لينا : غوري يا سارة
سارة : بس متزقيش
لينا ضحكت
وبعدها خلدت للنوم
ومازن وسارة خلدوا للنوم أيضا
____________________________
استغفر الله العظيم و اتوب اليه ♥️
مر اسبوعين وجاء يوم "خطوبة لينا ومازن"
لينا جهزت ومازن اخذها من بيتها وذهبوا للقاعة
بالسيارة
مازن : مبسوط انك معايا
لينا : وانا كمان اوي
مازن : بالمناسبة .. شكلك قمر النهاردة
لينا بخجل : ميرسي
ووصلوا للقاعة
وبدأت الخطوبة ولبسوا الدبل واحتفلوا
سارة : الف مبروك يا ميزو .. الف مبروك يا ليلو
لينا ومازن في نفس الوقت : الله يبارك فيكِ يا سوسو
سارة : انتوا لو متفقين على الرد مش هيطلع مظبوط كده
لينا ومازن ضحكوا
فارس : شهدود
شهد : نعم
فارس : تيجي نرقص ؟
شهد نظرت لمراد
مراد : لا يا حبيبي الكلام ده لما تتجوزوا اللي هو بعد 3 أو 4 سنين كده إن شاء الله .. قومي معايا يا شهد
شهد : على فين
مراد : تعالي انا اللي هرقص معاكي
فارس : الاه
شهد ضحكت : يلا
شهد رقصت مع مراد
وزين مع اروى
ومريم مع زياد
ولينا مع مازن
وهدى مع امير
امير : امتى بقى اجي اكلم الحاج والحاجة ونبقى مكان لينا ومازن كده
هدى : مش عايزة اتخطب دلوقتي يا أمير .. لسه متعرفناش على بعض اوي
امير : احنا مع بعض بقالنا كذا شهر وانت كل شوية ترفضي اني اجي اخطبك
هدى : مش جاهزة حاليا
امير : حتى اجي اقرأ الفاتحة
هدى : ماشي بس الخطوبة هنأخرها شوية
امير : مش فاهم بتعملي كده ليه .. ما اجي اخطبك ونأخر الفرح
هدى : يا امير انا مرتاحة كده وهاخدلك ميعاد تيجي تقرأ الفاتحة
امير : على راحتك يا هدى
هدى : متزعلش مني
امير بابتسامة : مبزعلش منك
وانتهت الخطوبة بعد فترة والكل رجع لبيته
____________________________
سبحان الله وبحمده ♥️
بعد مرور أيام
بكلية "تجارة انجليزي"
سيف : ايه ؟
صديق سيف " خالد " : زي ما بقولك .. لينا اتخطبت
سيف : تعرف اتخطبت لمين ؟
خالد : فاكر مازن اللي كان بييجي يقعد معاها هي وسارة ؟
سيف : متهزرش .. هو ده !!
خالد : اه
سيف : تمام .. ربنا يخليهم لبعض
خالد : زعلت صح ؟ انا غلطان اني قُلتلك
سيف : انت عملت الصح
خالد : يعني مش زعلان
سيف : لا طبعا مش زعلان عادي ربنا يسعدهم .. واكيد هتجيلي اللي من نصيبي قريب
خالد : ربنا يسعدك يا حبيبي
لينا دخلت الجامعة
سيف : جات
خالد : فكك منها
سيف : هروح اباركلها
خالد : هتروح ايه !! .. انت عبيط يا سيف
سيف : لا يا خالد والله عادي
خالد : هو ايه اللي عادي
سيف : أهدى بس ووسعلي كده
سيف ابعد خالد عنه
سيف : لينا
لينا التفتت له : نعم
سيف : الف مبروك
لينا ابتسمت : الله يبارك فيك
سيف : اا انا رايح اجهز للمحاضرة .. متنسيش المحاضرة دي لانها مهمه
لينا : حاضر
سيف ذهب لخالد
خالد : ها
سيف : باركتلها
خالد : انت كويس طيب ؟
سيف : اه والله زي الفل .. مفيش اي حاجة .. انا كنت معجب بيها بس محبتهاش ودي حاجة كويسة الحمدلله
خالد : طب يلا ناكل حاجة يا عم انا جعان
سيف بضحك : يلا
سيف وخالد ذهبوا للكافتيريا وفطروا
سارة : لينا
لينا : سارة ، اتأخرتي ليه
سارة : الطريق كان زحمة
لينا : اها طب يلا بقى عشان المحاضرة هتبدأ
سارة : يلا
وذهبوا للمدرج
____________________________
لا اله إلا أنت سبحانك إني كنت من الظالمين ♥️
رانيا اتصلت بفادي
رانيا : تعالى بسرعة يا فادي
فادي : مالك يا ماما
رانيا : تعالى بسرعة
فادي نزل من مقر عمله وذهب لبيته
فادي : مالك يا ماما
رانيا : قلبي .. قلبي واجعني اوي حاسه اني هموت
فادي : لا يا ماما بعد الشر .. انا .. انا هتصل بالدكتور
رانيا : لا يا فادي لا .. كده كده هموت .. بس عايزة قبل ما اموت اديك الورقة دي
فادي : بلا ورقة بلا زفت يا ماما مش وقته انا هتصل بالدكتور
رانيا : مش هتلحق يا فادي مش هتلحق .. خد بس الورقة د .....
فادي بلهفة : لا لا يا ماما لا
فادي اتصل بوالده وأخبره
حاتم جاء ومعه الطبيب
الطبيب : البقاء لله
فادي نظر له بكسرة ودموعه انهمرت من عينيه
وبعدها الطبيب ذهب
فادي : اكيد في حاجة غلط .. صح يا بابا ؟
حاتم : ....
فادي : بابا رد عليا
حاتم انهمرت الدموع من عينيه
فادي : لا لا انت بتعيط ليه اكيد في حاجة غلط انا هتصل بدكتور تاني بدل العبيط ده
حاتم مسك الهاتف منه : البقاء لله وحده يا فادي .. ادعيلها
فادي دخل غرفته وانهار من البكاء
فادي : كانت جمبي في كل حاجة .. في الوحش قبل الحلو .. كانت كل حاجة بالنسبالي .. الله يرحمك يا حبيبتي
وأخذ يبكي بحرقة
انتهت مراسم الدفن والجنازة
حاتم وفادي رجعوا لبيتهم مرة أخرى
فادي دخل غرفة رانيا
فادي : هتوحشيني اوي .. كنت اتمنى اليوم ده ميجيش .. ربنا يصبرني على فراقك يا حبيبتي
فادي تذكر الورقة
اخذها مسرعا وقرأ ما بها وصُدِم
يتبع الفصل الثاني والعشرون اضغط هنا
- الفهرس يحتوي على جميع فصول الرواية كاملة :" رواية أوتار القلب" اضغط على اسم الرواية