رواية طفلتي العنيدة الفصل الثاني والعشرون 22 بقلم نانسي

   رواية طفلتي العنيدة الفصل الثاني والعشرون بقلم نانسي

رواية طفلتي العنيدة الفصل الثاني والعشرون 

نانسي بثقة: جماعة متقلقوش بجد كل حاجة دلوقتي ماشية حسب الخطة وعشان نقدر نوصل لهدفنا وهو المسؤل عن كل دا انا عندي خطة لدا

الاب بابتسامة فخورة: قولي خطتك يا حبيبتي وانا اسف عشان مسمعتكيش من الاول

نانسي باحترام: ولا يهمك يا بابا انت تعمل اللي انت عايزه الاول وعشان خطتنا تنجح انا محتاجة مساعدتكم كلكم معايا 

الجميع في صوت واحد: احنا دايما معاكي

نانسي بابتسامة: حلو اووي اسمعه الخطة هي ان انا هعمل اني مصدقاها وواثقة فيها وهمثل اني بساعدها عشان تكون واثقة فيا وتطمن على الاخر ان خطتها نجحت واكيد هي في الفترة دي هتتواصل مع شريكها بأي طريقة وانا هكون مشغولة معاهاا عشان متشكش فيا وهحتاج مساعدتكم في الوقت دا عشان لازم نراقبها كويس ونعرف مين شريكها اللي بيحركها تعمل كل دا

واهم حاجة ان الفرح لازم يتعمل في معاده عارفة ان تلات ايام وقت قليل لكن اكيد هنقدر نكشف الحقيقة خلال المدة دي تمام

الجميع: تمام 

نانسي بضحك: توكلنا على الله يا رجالة

...........................💮.........................

مساء في غرفة نانسي

كانت شاردة وهي تفكر بالقادم وتفكر في تنفيذ خطتها كي تحصل على دليل وتعرف من وراء هذه الخطة الخبيثة وماذا يقصد الفاعل بوضع هذه الخطة ولكن قطع تفكيرها هذا صوت طرقات على الباب

نانسي بابتسامة: ادخل يا بابا هو انت محتاج اذن برضو

ليدخل الاب ويجلس بجانبها وهو ينظر لها بابتسامة

نانسي بمرح: خير يا بابا بتبصلي كدا ليه لتكون ناوي ترسمني وانا مش واخدة بالي

الاب بضحكة: لا يا مجنونة انا بس فخور ومبسوط جدا باللي عملتيه

نانسي بمرح: يعني استاهل جايزة نوبل في الذكاء صح هههه وبعدين انا معملتش حاجة انت عارفني انا مبرضاش بالظلم وخصوصا وانا عارفة ان البت دي كدابة وادم مظلوم في كل الحوار دا ف انا كان لازم اقف جنبه واساعده

الاب بنفي: لا يا بنتي انتي معملتيش كدا بدافع المساعدة وبس

نانسي باستغراب: قصدك ايه يا بابا

الاب بتنهيدة: قصدي انك حبيتيه يا نانسي انتي حبيتي ادم يا بنتي بدليل انك مستحملتيش حد يتهمه كدب وهو بريئ وكمان لانك انتي الوحيدة اللي فكرتي وخطتي ووثقتي فيه من غير ما تسمعي منه حاجة انتي بتفكريني بنفسي يا بنتي زمان حاولو كتير يفرقه بيني وبين مامتك لكن انا كنت واثق فيها اووي وماتخليتش عنها ابدا ولا بسبب اي حد وانتي يا بنتي عملتي زيي لما وثقتي في ادم وماتخليتيش عنه ووقفتي واصريتي انك لازم تعرفي الحقيقة ف انا دلوقتي اقدر اقولك وبكل تأكيد وثقة انك حبيتي ادم وكتير كمان

نانسي بصدمة وعدم استيعاب: ايه معقولة ا انا

الاب بأيماء وابتسامة: ايوة معقول وحتى اسألي قلبك وهو يقولك انك وقعتي في حبه

انهى والدها جملته وتركها وخرج من الغرفة 

نانسي وهي تشير الى نفسها بغباء: انا بحب ادم ههههه ايه دا بجد انا حبيته هههههههه(جماعة البت دي اتجننت وربنا😂😂)

نانسي بابتسامة وشرود: معاك حق يا بابا شكل بنتك وقعت خلاص اصلا انا كنت بحس بمشاعر غريبه ناحية ادم ودلوقتي اتأكدت ان دا الحب امتى وازاي ويمكن مايبانش عليا دا بس انا حبيتك يا ادم يا حديدي ههههه

............................💜........................

في الفندق وفي غرفة تلك الحيه المدعوه ناهد كانت تتحدث في الهااتف مع تلك الفتاة سووما

سوما بخبث على الهاتف: الو ايوة يا هانم اظن ان انا عملت كل اللي قولتيلي عليه وفبركت قضية الاغتصاب لادم الحديدي وخطيبته صدقتني ووقفت معايا كمان يعني كدا انا عملت كل حاجة حسب الخطة

ناهد بملل: اه وبعدين 

سوما بطمع: ولا قبلين يا هانم المفروض ان دلوقتي لازم اخد باقية حقي على حسب اتفاقنا ولا ايه

ناهد بخبث: لا مانستش بس مش دلوقتي 

سوما بغضب: بس انا عملت كل اللي طلبتيه مني وزيادة وانتي عارفة كدا يعني لازم اخد حقي بس المرة دي الضعف ضعفين يا ناهد هانم

ناهد بعصبية: اووف ما قلنا خلاص هديكي اللي انتي عايزاه بس تخرسي وماتسمعينيش صوتك تاني

سوما بمكر: حلو اووي هكلمك بكرة تاني بقى عشان اقابلك واخد بقية حقي

ناهد بضيق: طيب ماشي بكرة نتقابل

قالت جملتها واغلقت الخط مع هذه الفتاة 

...........................💟.........................

وعلى الناحية الاخرى في القصر كان كلا من ادم ونانسي وجاك وروز ويوسف ومي يجلسون في حديقة المنزل وهم يستمعه الى اتفاق ناهد مع هذه الفتاة وخطتهم الشريرة تلك

ادم بتنهيدة: يعني ناهد هانم هي اللي ورا كل دا 

روز بسخرية: ليه لا تعملها واكتر كمان

جاك بغضب: بس هي استفادت ايه من كل دا انا فكرت انها خلاص طلعت من حياتنا وخلصنا منها هي وبنتها

يوسف بهدوء: من الواضح ان مفيش حاجة خلصت لسة 

مي بابتسامة: بس الخطة بتاعة نانسي جابت فايدة وقدرنا نعرف ان ناهد هي اللي ورا كل دا

نانسي بابتسامة مرحة: اوومال يا ميمو انا خطتي مبتفشلش ابدا

لتصمت نانسي بغموض وهي تتذكرالخطة التي وضعتها لمعرفة الحقيقة

فلااااااااااش بااااك

في الصباح ذهبت نانسي لتأخذ حمامها وعندما خرجت وجدت هاتفها يرن برقم مجهول ف استغربت الامر قليلا وبعد ذلك ردت على هذا المتصل

نانسي باستغراب: الو مين معايا

سوما بمسكنة: الو يا نانسي انا سوما 

نانسي بتذكر: اه سوما معلش معرفتش رقمك

سوما بخبث: ولا يهمك يا حبيبتي المهم انا كنت عايزاكي في حاجة مهمة اووي

نانسي بتعجب: حاجة مهمة وايه هي بقى

سوما بحزن مصطنع: انا رايحة القسم عشان اسجل الشكوى ضد ادم الحديدي وانتي لازم تيجي معايا عشان تشهدي مش انتي قولتي انك هتقفي مع الحق وتساعديني حتى لو على حساب عيلتك

نانسي بمكر: طبعا يا روحي اكيد هاجي معاكي

سوما بخبث: تمام اشوفك بعد ساعة 

نانسي بأيماء ومكر: اوكي بعد ساعة هشوفك

اغلقت نانسي معها وهي تبتسم وتنوي لفعل شيئا ما 

............................💝.........................

بعد قليل كانت نانسي تجلس في غرفة المكتب الخاصة بادم وامامها جاك وروز

نانسي بجدية: جاك روز عيزاكم تسمعوني كويس اووي عشان جه الوقت اللي لازم تساعدوني فيه

روز بجدية: تمام انتي قوليلنا نعمل ايه واحنا معاكي

نانسي بابتسامة وثقة: ودلوقتي جه معاد الجزء التاني من الخطة وانتو بقى مهمتكم كبيرة يعني لازم تدوني كل التركيز اللي عندكم

ليومئه لها جاك وروز بصمت وهم ينظرون لها بتركيز

لتكمل نانسي جملتها: سوما اتصلت بيا من شوية وهتقابلني بعد ساعة عشان رايحة تقدم شكوى ضد ادم وعايزاني معاها 

جاك بخوف على اخيه: ايه ازاي يعني رايحة تقدم شكوى في ادم طب والعمل

نانسي بهدوء واطمئنان: اهدى اهدى متخفش مش هتحصل حاجة العمل بقى ف دي مهمتك انت 

جاك بحماس: ايووة انا عايز اعرف دوري في المسلسل التركي دا كله

نانسي بضحك: دي بقى ادم هو اللي هيقولهالك

ادم بذكاء: جاك فاكر تامر صاحبك اللي كان بيدرس معاك في تركيا وبعدين لما خلص نزل مصر وبقى ظابط كبير هنا صح

جاك بتذكر: اه تامر ايوة طبعا فاكره

ادم بهدوء: حلو اووي انت بقى هتكلمه وتقوله كل حاجة وكمان عايزك تجيب منه جهاز تصنت دا اهم حاجة في الخطة كلها تمام 

جاك بهدوء: تمام ماشي

روز بمرح: ايوة انا هعمل ايه

نانسي بضحك: انتي بقى مهمتك انك هتلبسي هدوم تنكريه اي حاجة يعني  مش مبينة وشك وتحطي جهاز التصنت دا في هدوم سوما انا هكون معاها ولما اديلك الاشارة من بعيد هتنفذي تمام

روز بمرح:تومام يا اوختشي انا عيزاكي تطمني وتحطي في بطنك بطيخة صيفي وادعيلي اهم حاجة 

بعد قليل من الوقت 

كانت نانسي وسوما يجلسون امام الظابط المسؤل في القسم

الظابط بملل: يا انسة بقالك نص ساعة بتعيدي في نفس الموضوع وانا اقولك نفس الحاجة مفيش عندك دليل على اللي بتقوليه والمحكمة مبتحكمش على حد من غير ادلة

سوما بغضب وانفعال: يعني ايه يعني ما انا قولتلك على كل حاجة ونانسي كمان شهدت معايا يعني شهادتها دي تعتبر دليل برضو

الظابط بهدوء: اولا يا انسة الشهادة دي مش دليل كافي على فكرة محدش شافكم في اوضة واحدة مثلا عشان نقول انه فعلا حاول يقرب منك وبعدين صوتك ميعلاش ماتنسيش انتي فين انتي في قسم شرطة محترم والعصبية والصوت العالي دول توفريهم لنفسك والا انا كنت سجنتك على دا ويلا بقى من هنا ولما تلاقي كدبة احسن من دي ابقي تعالي

نظرت له سوما بغضب وعصبية واخذت حقيبتها وخرجت من القسم وورائها نانسي التي كانت تبتسم بانتصار وتردف في نفسها بثقة: ولسة دي البداية بس

خرجت سوما من قسم الشرطة وهي لا ترى امامها من الغضب ثواني واصتدمت بقوة بشخصا ما

سوما بغضب: مش تفتحي وانتي ماشية يا عميه انتي ولا انتي ماشية على طريق ابوكي

المرأة بسخرية وردح:لا ياختي كان الطريق باسم ابوكي انتي يا عوومري وبعدين انا برضو اللي عميه ياللي مشفتيش بربع جنيه تربية في حياتك

سوما بعصبية:انا همشي عشان انا مبحبش انزل مستوايا لاشكالك دي 

قالت جملتها ورقضت الى سيارتها وانطلقت الى وجهتها بغضب

على الناحية الاخرى عند نانسي

نظرت نانسي الى تلك المرأة العجوز ثواني وانفجرو في هستيريا ضحك

نانسي بضحك شديد:هههههه اه مش قادرة هههههه يخرب بيتك يا روز ههههه

روز بضحك ايضا: ههههه انتي عارفة انا كويس اني مسكت نفسي والا اقل حاجة كنت اديتها قلمين بنت المقشفة دي هههههه

نانسي وهي تهدئ من ضحكها: المهم سيبك منها وقوليلي عرفتي تحطيلها الجهاز 

روز بخبث:عيب عليكي يا بنتي انتي لسة هتعرفيني ولا ايه

نانسي بسعادة:حلو اووي كدا بالجهاز الصغير اووي دا هنعرف كل حاجة ونكشف الحقيقة كلها كمان يلا نروح عشان نقول الخبر الحلو دا للعيلة

ثم ذهبه الى البيت واخبره العائلة الذين فرحه كثيرا انهم واخيرا سيتخلصون من هذه الكارثة التي حلت عليهم

بااااااااااااك

ادم بصوت عالي قليلا: نااااااانسي(قلبهااااااا😂😂😂)

نانسي بفزع: ايه يا ادم هو انت بتنادي على واحدة تايهة فزعتني يا جدع

ادم بضحك: مانتي اللي كنتي سرحانة ومش هنا خااالص

نانسي بابتسامة: لا مكنتش سرحانة انا كنت بفكر في اخر مرحلة من الخطة بتاعتنا عشان اي غلط صغير ممكن يرجعنا لورا

ادم بابتسامة وهو يمسك يديها وينظر في عيونها بعمق:مفيش اي اغلاط هتحصل طول مانتي موجودة انا واثق فيكي اووي وعارف اني تعبتك معايا اووي ومش عارف اشكر

نانسي بمقاطعة وهي تضع يدها على فمه: شششش ادم برأيك اني عملت كل دا عشان شكر منك او حاجة لا انا بعمل كدا عشان انا واثقة فيك ومبحبش اشوفك في مشكلة معرفش ليه بس بزعل لما اشوف اي نظرة حزن او وجع او خذلان في عيونك

ادم وهو يقبل يدها بحنان: ليه ليه مش بتحبي تشوفيني زعلان او موجوع ها ليه قولي بقى يا نانسي

نانسي وهي تقترب منه وتهمس بخبث: بعينك مش هقولك دلوقتي لا 

ادم بغيظ: وانا هتوقع ايه من عيلة فصيلة زيك حتى اللحظة الرومانسية بتقطعيها يا فصيلة

نانسي بضحك: هههههه يوووه وانا مالي يا لمبي 

ادم بحزن:لا بجد هو انتي مش عايزة تعرفي ايه اللي حصل في ليلة الحنة

نانسي بحنان:قولتلك انا واثقة فيك ومش محتاجة انك تبررلي عشان انا مش غريبة عنك ولكن لو عايز تحكي وتفضفض ف مش هتلاقي احسن مني على فكرة

ادم بتنهيدة:في الليلة اللي فاتت انا كنت واقف معاكي لحد ما جالي تليفون من رقم معرفوش انا وقتها طلعت فوق بعيد عن الدوشة لاني فكرته تليفون من الشركة بعد ما طلعت رديت على الموبايل بس محدش رد عليا استغربت وكنت نازل تاني بس فيه جرسون خبط فيا ووقع العصير على قميصي مكنش ينفع يعني انزل بيه كدا روحت على اوضتي عشان اغير هدومي وانزل تاني بس وانا بغير اتصدمت لما لقيت البنت دي طالعة من حمامي و وابتدت تقرب مني ولما انا زقيتها وبعدتها عني لقيتها بتنكش نفسها ولبسها ملحقتش استوعب اي حاجة ولقيتها نازلة وبتتهمني بكل بجاحة اني انا اللي حاولت اقرب منها امتى وازاي دخلت اوضتي انا بالذات معرفش

نانسي بغضب وتوعد: باين ان ناهد هانم خططت لكل حاجة كويس اووي بس انا مش هسكتلهم ابدا ان ما وريتهم مابقاش انا نانسي الحديدي ولاد المقشفين دول ماهو فعلا الطيور على اشكالها تقع وهي بتدور على اللي شبهها

ادم بحزن: انا بجد مش قادر اتخيل كمية الغل والحقد اللي جوة الست دي انا مش عارف ردة فعل نادر لما يعرف انا زعلان عليه اووي طول عمره عايش على امل انها تعامله على انه ابنها لكن هي دايما كانت سيباه لوحده وبتعامله معاملة وحشة جدا حتى كلمة ابني دي مقالتهالوش او اي كلمة حلوة

نانسي بتعاطف: فعلا وانا كمان صعبان عليا

بس سيبك انت تعالى ناكل بقى لاحسن تلاقيهم افترسو الاكل من غيرنا وانا هموت من الجوع الصراحة

ادم بتعجب: هو انتي مش لسة واكلة من شوية ولا انا غلطان

نانسي بتذمر: فيه ايه يا دوومي انت بتعدلي اللقمة وبعدين دانا بقالي اكتر من يومين وانا بفكر في الخطة دي والتفكير دا لوحده بيتعب ويجوع ازاي دا انت المفروض تأكلني بايدك وتغذيني عشان انا هفتانة صح

ادم بسخرية: اه فعلا هفتانة اووي

نانسي بسرعة وهي تسحبه من يده وتتجه الى غرفة السفرة: والله انت ظالمني ايش حال ما ورانا يوم طويل بكرة ولازم نستعد وانا مبعرفش افكر غير لما اكل

لتجلس على الطاولة وهي تأكل بشراهة والجميع يضحكون عليها وعلى تذمرها منهم

.........................❤🔥.......................

في صباح اليوم التالي وفي احدى الحدائق العامة كانت تجلس تلك المدعوة ناهد وهي تنتظر سوما لتقابلها كما اتفقا وبعد قليل من الوقت كانت سوما اتت وجلست امام ناهد مباشرة 

سوما بخبث وطمع: هاا يا مدام ياترى الفلوس جاهزة ولا 

ناهد وهي تخرج لها النقود: خدي اهي الفلوس بس تطلعي من البلد دي على اي بلد تانية المهم مش عايزة المح وشك بعد كدا فاهمة

سوما وهي تنظر الى النقود بطمع: فاهمة يا هانم كدا خلاص الحكاية خلصت

=لا الحكاية لسة مخلصتش يا عنيا لسة فيه ايام سودة مستنياكي

لتلتفت كلا من ناهد وسوما وهم ينظرون بصدمة الى مصدر الصوت

يتبع الفصل التالي اضغط هنا

• الفهرس يحتوي على جميع فصول الرواية كاملة :"رواية طفلتي العنيدة" اضغط على اسم الرواية