رواية بنات المنشاوي الفصل الثالث والعشرون بقلم خلود وائل
رواية بنات المنشاوي الفصل الثالث والعشرون
دعاء:بص ياأستاذ امير
أمير مقاطعا:أمير بس يادعاء
دعاء بتوتر:احم ماشي ياأمير مبدائيا انت زميل محترم والكل يشهدلك بدة بس انت لسه عارفني من ٣شهور وتقريبا متعرفش عني اي حاجه
أمير:نعمل فترة خطوبه نتعرف فيها
ابتلعت دعاء مافي جوفها بغصه فهي لا تدري لم تفعل هذا وتدرك تماما العواقب الوخيمه المترتبه علي فعلتها هذة ثم أكملت:بس بصراحه انا مبفكرش في الموضوع دة الوقتي
أمير بأصرار:احنا ممكن نتعرف علي بعض في أطار الشغل كأي اتنين زملاء عادي جدا ولما توصلي لقرارك النهائي هجيب والدي وأجي أطلب ايدك ها قلتي أيه
دعاء بتوتر ملحوظ:ربنا يسهل
أمير بعدم فهم:يعني ايه مش فاهم!
انتهي البريك سريعا ليعود زملائهم للعمل لينهي أمير حديثه سريعا ويعاود الجلوس علي الكرسي الخاص بمكتبه ليتابع دعاء بنظرات أعجاب بينما هي شاردة الذهن لا تدري الي اين النهايه......
في أحدي محلات المجوهرات يجلس عاصم برفقه أمه واخته هناء يتبادلون الآراء لاختيار شبكه ورد
هناء:بص ياعصوم الكوليه دة تحفه اوووي
عاصم:هو جميل بصراحه وهيزيد حسن لو ورد لبسته بس شكله غالي قوي
هناء:ياحبيبي دة حقها هو انت هتجبلها شبكه كل يوم
عاصم:انا لو عليا هجبلها الدنيا بحالها وانتي عارفه بس اعمل ايه الفلوس علي القد والشقه لسه عاوزة يامااا والفرح معادة قرب وفوق كل دة الورقه ال همضيها لو مقدرتش اجمع المبلغ ال هو شبه مستحيل بالنسبه ليا
هناء بحنو:ياحبيبي لا يكلف الله نفسا الا وسعها
عاصم :ونعم بالله
ام عاصم: ياولاد تعالو هنا سيبكو من الفاترينا الحجات ال هنا روعه مشاء الله
جلست هناء بالقرب من والدتها اما عاصم ففضل الوقوف بجوارهما
ام عاصم:ايه رايك ياعاصم في الخاتم دة هيبقي تحفه في صابع ورد جمب الدبله
هناء:يجنن ياماما
عاصم بحنق:ال تشوفوة
ام عاصم:ياحبيبي متزعلش نفسك حكم القوي هنعمل ايه
عاصم:كان نفسي تكون موجودة وتفرح بشبكتها وهي بتختارها ذي كل البنات مش تتفرض عليها أمر واقع
هناء:روق بقي ياعصومي انشاء الله كل دة هتعوضوة لما تبقي مراتك وتعيشو سوا أحلي ايام
عاصم بأمل:يارب
ام عاصم: يارب
مرت ساعه بأكملها لتنتهي بمباركه الصائغ لهما ومناولته بالعلبه الحمراء القطيفه لعاصم بوجه مبتسم:الف مبروك ياأستاذ ربنا يتمم بألف خير
عاصم بأبتسامه:الله يبارك في حضرتك
أستوقف عاصم تاكسي ليقوم بأيصاله هو وعائلته الصغيرة للمنزل ليتجهو لمنزلهم وتصعد للاعلي ام عاصم وهناءلينالو قسطا من الراحه اما عاصم فغاب لوقت ليس بقصير ليعود اليهم حاملا بوكس كبير ويصعد به لشقتهم
هناء: مشاء الله ايه دة كله ايه دة كله يابنت المحظوظه ياورد
عاصم وهو يضع كفيه خمسه في وجه اخته بمرح:الله اكبر من عنيكي المدورة دي
هناء: يا عم انا مش بحسد انا بنق بقر حاجه في الرينچ دة
عاصم:ست الكل فين
هناء:بتجهز العشا جوة تحب اسرقلك من وراها بطاطسيتين متحمرين
عاصم بغمزة:ليا انا بردو
هناء:بليز عاصم متفهمنيش صح
عاصم:يلا ياطفسه
هناء:احم....مقلتليش هتروح لورد ولا ايه النظام
عاصم:لا يختي انا محكوم عليا مشوفهاش ولا نسيتي الحكم الصهيوني
هناء:😂😂😂😂يالهوي يالهوي شكلك معبي منه علي الاخر
عاصم بغيظ: وحيات الست الطاهرة ال بتقلي بطاطس جوة دى لما اتجوزها لخرج معاها كل يوم ومنرجع غير وش الصبح وهرن عليه واحنا برة اعرفه بالعند فيه بس استني عليا
هناء:اول مرة حد يعرف يكدرك يابش بش
عاصم بتعجب:بش بش!
هناء:بندلع البشمهندس ... الله
عاصم :طب روحي نادي علي مامتك ياهوفه
هناء:هوفه!!
عاصم بمرح:بندلع الهيافه يختي
دلفت هناء للمطبخ لتنادي لام عاصم التي بدورها اتجهت سريعا لعاصم
ام عاصم: خير ياحبيبي عاوز حاجه
عاصم وهو يزيح غطاء البوكس :تعالي ياحبيبه قلبي انا جبت الحجات دي لورد تروحلها مع الشبكه عشان تفرح وكدة يعني
ام عاصم بحنو:وماله ياحبيبي مهي عروسه بردو وحقها عليك تفرحها وتهنيها....واد ياعاصم
عاصم بأهتمام:ايوة ياماما
ام عاصم:امانه عليك ليوم الدين متزعل ورد ولا تكسر بخاطرها دي يابني مهما كان يتيمه ولا اب ولا عم يقف في ضهرها ربنا يرزقك الذريه الصالحه ياحبيبي ال تكون سند وضهر ليك انت وهيا
عاصم بفرحه: يارب.....بتحبي ورد اوي كدة ياماما
ام عاصم:من ساعه مشوفتها وانا حبيتها والله وحبيتها اكتر لما لقيتك فرحان بيها وعاوز تتجوزها
عاصم:يعني مش زعلانه مني عشان مختارتش تغريد
ام عاصم:ياحبيبي انا ازعل لما اشوفك مش مرتاح وطالما راحتك مع ورد يبقي هكون فرحانه وبالنسبه لتغريد فمن الاول وانا عارفه انك مبتحبهاش ومعتبرها ذي هناء ولو عليا مكنتش هخترهالك نهائي وانما كنت بس عامله علي العيش والملح ال مابينا داانتو متربيين سوا
عاصم وهو يتجه لوالدته ليقبل رأسها:ربنا مايحرمني منك ابدا يارب
ام عاصم:ولا منك ياضنايا
عاصم بمكر:احنا عمالين نحب في بعض هنا وبنتك واخدة راحتها مع البطاطس جوة الحقي ياماما
ام عاصم بجديه:هنااااء
فزعت هناء من مكانها لتهندم طبق البطاطس سريعا وتخرج لوالدتها
هناء:ايوة ياماما
ام عاصم:بقي سيباني مع اخوكي وبتخلصي علي البطاطس بتاعه العشا داانا بتهد عما بقليها حرام عليكي ياشيخه
عاصم :قولو لل أكل الحرام يخاف
ضيقت هناء عينيها بمكر ونظرت لعاصم:بقي كدة بتسلمني تسليم أهالي طاااايب استني عليا
عاصم :لا يابت خوفتيني
اتجهه عاصم ناحيه هناء بلؤم لتتدرك هي بدورها ماهو بصدد فعله لتخبئ وجهها وقفاها من أخيها في منظر طفولي مضحك
عاصم:يابت هقولك مش هعضك
هناء:لا انت هتضربني
عاصم بتمثيل الحزن:اخص عليكي كدة انا اضربك
ازاحت هناء يديها ببطئ لتختلس نظرة سريعه ليفاجئها عاصم بصفعه سريعه علي قفاها لتصرخ:ااااي ايه يازفت انت بقي
عاصم:مزاجي كدة وبعدين قفاكي شتمني ترضي حد يشتمني
هناء ببلاهه:عادي منا بشتمك في سري علي طول
اتسعت عيني عاصم بشدة لتهرب هناء من أمامه معلنه بدايه حرب الضربات الجوية الخاصه بعاصم واطلاق الشتائم اللازعه من هناء وسط ضحكات ام عاصم علي منظرهما الطفولي...
في المساء عادت دعاء للشقه وهي في غايه التعب لتلقي التحيه علي اخواتها وتتجه لغرفتها لتستلقي قليلا علي سريرها لتستمع لرنين هاتفها لتلتقطه سريعا وتنظر اليه لتتفاجئ بأن المتصل هي مرام ابنه عمها
دعاء بفرحه:الو مرام كيفك ياخيتي
مرام بسعادة غامرة:بخير طول منتو بخير ياحبايبي
دعاء:كيفك طمنيني عليكي وكيفها امي صفيه
مرام:كلنا بخير ياحبيبه قلبي طمنيني عليكو انتو فين البت آيه اما أچولها كل سنه وهي طيبه اتوحشت طوله لسانها عاد
دعاء :وة النهاردة عيد ميلادها....راحت عن بالي كيف دي
مرام:اديني فكرتك اهوة ياستي ويالمناسبه الحلوة دى عاوزة افرحكم بيا
دعاء:تفرحينا بيكي كيف ياخيتي
مرام:كتب كتابي بكرة انشاء الله عقبالك انتي وفارس
صعقت دعاء مما قالته مرام ليدور بأفكارها الكثير والكثير عن فارس
مرام:الو ....الو.....الو....يادعاء سمعاني
دعاء بحزن:سمعاكي زين
مرام:روحتي فين عاد
دعاء:انا اهوة ثواني هناديلك ورد وآيه تتحدتي معاهم
اتجهت دعاء لاخوتها الجالسين بغرفه الصالون لتعطيهم الهاتف وتخبرهم ان المتصله هي مرام وتتركهم لتتجه لغرفتها ليدور بخاطرها احوالها التي يرثي لها
(بقي سايبني اكتر من أسبوع ومتسألش عني هونت عليك ..... اختك بتتجوز ومفكرتش تعرفني حتي .....وكل دة ليه عملت ايه لكل دة.....دة جزاتي اني سيباك علي راحتك وماشيه وراك ذي الحمارة ومبعارضكش في كلمه تقولها....لا والف لا يافارس لحد هنا وكفايه عليا كفايه قوي)
بعد فترة اجتمعت الفتيات ليهنئو آيه بعيد ميلادها لتفاجئهم ورد بأحضارها تورته بالفانيلا التي تعشقها آيه لتفرح آيه بشدة هي الاخري لتذكرهم عيد ميلادها في وسط انشغالهم بحياتهم الجديدة
دعاء:كل سنه وانتي طيبه يايويو
آيه:وانتي طيبه ياروحي
ورد:كل سنه وانتي ماليه علينا حياتنا
آيه :كل سنه واحنا مع بعض ياحبايبي
احتضنت الفتيات بعضهم بعضا لتنهمر الدموع من اعينهم بفرحه ممزوجه بالالم علي ما حدث معهم لتمر دقائق وتقوم آيه بتقطيع التورته ولم تنسي نفسها بأخذ النصيب الاكبر كعادتها فهي طفوليه في كل أحوالها ليدق الباب ⚡⚡⚡⚡ بعدها بفترة لتتجه إليه دعاء قائله:ميين
هناء:انا نؤة افتحي بقي نفسي اتقطع
فتحت الباب لتدلف هناء سريعا حامله البوكس الكبير الذي اعدة عاصم ومعه حقيبه فخمه بداخلها علبه الشبكه
دعاء:ايه دة كله .....دة عشان آيه
هناء وهي تتنهد بشدة من السلم:آيه مين والناس نايمين اخواتك فين يختي
دعاء :جوة في الصالون تعالي
دلفت الفتاتان دعاء حامله الحقيبه اما هناء حامله البوكس لتقابلها آيه بأبتسامه عريضه:عنك يابيبي تسلميلي
هناء :بيبي في عينك دة عشان ورد
ورد بدهشه:عشاني انا!!
هناء:ايوة ياقلبي دي شبكتك
آيه بمرح:ايوة بقي والجيبه ضيقه
هناء وهي تبادلها نغمه المرح:هعمل حبل المشنقه واخنق نفسي
ورد بضحكه عفويه: ليه بس كدة بعيد الشر عنك
هناء:وسعي كدة اما اققعد وهاتيلي حته التورته الكبيرة دى اول وبعدين هحكيلكو
آيه بأذعان:بس ياحجه دي بتاعتي انا روحي خدي غيرها
هناء:هيا نونوت في نفوخي وهاخدها
آيه بعناد طفولي :😛😛لا يعني no
هناء:عيني فيها هه
دعاء:سيبك منها وقوليلي حوار الشبكه دي ايه انا مش فاهمه حاجه
ورد :ولا انا
جلست هناء علي كنبه الصالون مربعه كلتي قدميها وواضعه يدها في خصرها والاخري علي رأسها
هناء بتمثيل دور المظلومه:اققول ايه ولا ايه ولا ايه ربنا علي الظالم والمفتري
ضحكت الفتيات علي منظر هناء بشدة
آيه:تصدقي صعبتي عليا وهديكي حته من بتاعتي
هناء:بجد😅
آيه وهي تعتدل في جلستها وتحمل الطبق الخاص بها وتتناول قطعه من التورته بمنتهي الرقه:لا طبعا انتي هبله يابنتي يلا انجزي بقي انا بزهق بسرعه
هناء بمسكنه:عاصم مدوخنا من بعد العصر عما جبنا الشبكه بتاعه ورد وبعدين نزل جابلها البوكس دة ال انا معرفش هو فيه ايه ومكافئتي انه يفتن عليا وانا بسرق البطاطس من ورا مامتي واجي اكلمه يعملي فيها جون سينا ويلعب مصارعه في وشي وقفايا لما خلاه شوارع
انفجرت الفتيات بالضحك لتبداء هناء بتمتمه كلماتها المضحك:ياواكل حق الغلابه ياعاصم ياابن ام عاصم كشفت قفايا وخدودي ودعيت عليك ياعصمصم
ورد:عصمصم😂😂
هناء:اسكتي خالص انا مقهورة منه واجي اكلمه يقولي دي ضريبه مفروضه علي الاخوات لازم اصطبح واتمسي بيها
ضحكو الفتيات جميعا لفترة طويله وتجاذبو اطراف الحديث لتبداء ورد في فتح علبه الشبكه ليعلو وجهها ابتسامه واسعه هي واخواتها من خلفها فقد كانت الشبكه غايه في الرقه والذوق الرفيع عبارة عن سلسه طويله بها نقوشات رقيقه وخاتمين ودبله وغويشتين من النوع العريض
ورد بفرحه:حلوة اوووي
هناء بفخر:طبعا امي متجبش غير الحلو
ورد :طبعا مش جابت عاصم
الفتيات:😁😁😁
يتبع الفصل الرابع والعشرون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية