رواية طفلتي العنيدة الفصل الثالث والعشرون 23 بقلم نانسي

   رواية طفلتي العنيدة الفصل الثالث والعشرون بقلم نانسي

رواية طفلتي العنيدة الفصل الثالث والعشرون 

كانت سوما اتت وجلست امام ناهد مباشرة 

سوما بخبث وطمع: هاا يا مدام ياترى الفلوس جاهزة ولا 

ناهد وهي تخرج لها النقود: خدي اهي الفلوس بس تطلعي من البلد دي على اي بلد تانية المهم مش عايزة المح وشك بعد كدا فاهمة

سوما وهي تنظر الى النقود بطمع: فاهمة يا هانم كدا خلاص الحكاية خلصت

=لا الحكاية لسة مخلصتش يا عنيا لسة فيه ايام سودة مستنياكي

لتلتفت كلا من ناهد وسوما وهم ينظرون بصدمة الى مصدر الصوت

ليجده كلا من ادم ونانسي وروز وجاك ومي ويوسف ونادر ايضا الذي اصر ان يأتي بنفسه بعد ان عرف حقيقة والدته واتصل بالشرطة ايضا 

سوما بصدمة: ا ن نانسي هو ايه اللي بيحصل هنا

نانسي وهي تذهب لها وتقف امامها:الحكاية يا روحي ان خلاص كدبتك اتكشفت ودور البريئة والمظلومة اللي كنتي بتمثليه دا خلاص مش لايق عليكي بس تصدقي انك فاشلة جدا في التمثيل

انهت نانسي جملتها وصفعتها صفعة قوية جدا جعلتها تتراجع للوراء بصدمة وخوف

 نانسي بغضب: دي بقى يا حلوة عشان اتجرأتي واتهمتي خطيبي تهمة كدب 

لتصفعها نانسي مجددا وهي تردف بشر:ودي بقى عشان فكرتي انك تتذاكي وتقعي تحت ايدي وانا مبسبش حقي بسهولة او حق اللي بحبهم

انهت جملتها وصفعتها مجددا 

نانسي بابتسامة باردة:ودي بقى هدية مني ليكي 

قالت جملتها وامسكتها من يدها بحدة وهي تسلمها للشرطي ببرود:مش هوصيك بقى يا حضرة الظابط لازم سوما حبيبتي تتعامل معاملة ملوكي في السجن مش كدا يا روحي

لتنظر ناهد للجميع امامها بصدمة وتوتر من ان خطتها اتكشفت بسهولة استغلت هي انشغالهم بتلك سوما وانسحبت وهي تحاول ان تهرب منهم ولكن فجاة لمحتها روز وذهبت لها وامسكتها من يدها بحدة وهي تردف بخبث: على فين بس يا هانم داحنا لسة معملناش معاكي الواجب

لتدفعها الى رجال الشرطة بقرف:يلا بقى يا رجاالة انا عايزاكم تتوصه بناهد هانم اووي وتعاملوها احسن معاملة

ليمسك الشرطي يد ناهد وهو يضع بهما الكلبشات تحت صراخها بهم: ناادر انت هتقف تتفرج كدا على امك ومش هتعمل حاجة 

نادر وهو يذهب لها ويقف امامها مباشرة ليردف بنبرة حزن والم وهو على وشك البكاء: عملت كتير يا ناهد هانم برغم كل اللي كنتي بتعمليه مع الناس اللي اعتبروني واحد منهم وفتحولي بيتهم وكانه بيهتمه بيا من صغري كل اللي عملتيه معاهم وبرضو كانو بيسامحوكي وانا كمان كنت بسامحك زي الاهبل واقول لنفسي لا د دي امي حتى لو مكنتيش بتهتمي بيا وحتى لو كنت بالنسبالك مش موجود برضو في كل مرة كنتي بتغلطي فيها كنت بدوس على نفسي اللي انتي كسرتيها واسامحك واقول لااااا دي امي لكن لحد هنا وخلاص اكتفيت انا مبقاش عندي طاقة اكمل خلاص تعبت

انهى جملته بحزن وهو يمسح تلك الدمعة التي نزلت من عينيه ثم نظر الى والدته التي اخذتها الشرطة بألم وهو يرحل بعيدا عن الجميع ليركب سيارته بصمت وانطلق بها

ليحاول ادم الوصول اليه ولكن يمنعه جاك وهو يقول بهدوء: سيبه يا ادم هيبقى كويس متقلقش

يوسف بمرح وهو يحاول اختراق الجو المشحون هذا: طب سلام انا بقى اظن مهمتي خلصت وحددت لكم مكان العصابة سيبوني انفرد بخطيبتي شهر لقدام مش عايز اشوف وش حد فيكم

نانسي بسخرية: الحب ولع في الدرة اجدعاااان

يوسف بحنق: اللي غيران مننا يعمل زينا ياختي

ادم وهو يمسك يد نانسي بمشاكسة: وماالو ومالو احنا نعمل اللي احنا عايزينه محدش احسن من حد يا اخويا

روز بمزاح وهي تنظر لجاك:وانت يا حبيبي ساكت ليه كدا ماتحسسنيش انك الفرد المحترم في العصابة دي انشاءلله حتى نروح نشرب عصير قصب انا راضية 

جاك بغمزة: يعني هي جت علينا مادام الكل هينحرف ماننحرفش ليه يا روحي ناقصنا ايد ولا رجل يعني

انهى جملته وسحب روز من يدها وركب سيارته وكذلك ادم ونانسي ويوسف ومي وكلا منهم اخذ حبيبته وانطلقه بسياراتهم الى اماكن مختلفة

...........................❤.........................

عند نادر اوقف سيارته في مكان هادئ وجميل وليس به احد سواه نزل من سيارته واخرج هاتفه واتصل بشخصا ما ثواني واتاه الرد من هذا الشخص

نادر بحزن: الو ليلى 

ليلى على الناحية الاخرى باستغراب: نادر مالك فيه ايه

نادر بصوت مختنق وهو يحاول الا يبكي: انا محتاجلك اوي يا ليلى وعايزك معايا ممكن تيجيلي في****ضروري

ليلى بقلق: ماشي مسافة السكة وجايالك

اغلق نادر معها الخط وجلس ينتظرها في هذا المكان

وبعد القليل من الوقت وصلت ليلى الى هذا المكان ونزلت من التاكسي وهي تبحث بعيونها عن نادر حتى رأته جالسا وحيدا ويضع يديه على وجه ذهبت له بلهفة وجلست امامه  

ليلى بحنان:نادر مالك فيه ايه 

رفع نادر وجهه ونظر لها لفترة طويلة بصمت وبعيونه التي تملأها الدموع وفجاة ارتمى في احضانها وهو يبكي بقوة وكأنه طفل صغير وجد ملاذه الامن تفاجأت ليلى من بكاءه ومن حالته تلك ولكنها شعرت بألمه وبحزنه وبدون ارادتها وجدت نفسها تضمه بقوة هي ايضا وهي تحاول ان تهدئه وتخفف عنه المه قليلا 

.............................♥......................

عند ادم ونانسي اوقف ادم سيارته امام مكان جميل وفخم به حديقة العاب وكوخ صغير ايضا

نانسي بأنبهار:واااااو ايه المكان الجااامد دا لينزل ادم وهو يفتح لها باب السيارة ثم امسك بيديها وهم يسيرون في الحديقة الجميلة تلك

ادم بابتسامة:اخدت اجازة من الشركة انهاردة وحبيت نقضي اليوم دا سوى ايه رأيك عجبك المكان

نانسي بابتسامة جميلة: جدا عجبني جدا مكان هادي وجميل والورد دا تحفة بجد

ادم بابتسامة: ولسة لما تشوفيه من جوة احلى تعالي ندخل

نانسي بضحك وهي ترقض بفرحة: لا انا لازم العب بالالعاب دي الاول وبالذات المرجيحة القمر دي يلا امسكني دا لو قدرت

ادم بضحك وهو يجري خلفها:استني يا هبلة انتي كدا هتجريني وراكي اامكان كله هههه

لتضحك نانسي بشدة وهي ترقض بسرعة وخلفها ادم يرقض ورائها

............................💙.........................

عند جاك وروز اوقف جاك سيارته امام احدى المطاعم الفخمة والجميلة 

جاك بمرح:انا قولت اكيد بعد الاحداث دي كلها اكيد روز جعانة وعشان خايف لتاكلي دراعي ولا حاجة قولت اجيبك ونتغدى سوى عشان انا كمان جعان جدا

روز بضحك:يااااه يا عبصمد واخيرا حد حس بيا دا الواحد فعلا على لحم بطنه من الصبح

نزلت روز من السيارة وخلفها جاك ودخلا الى المطعم وجلسه على احدى الطاولات الموجودة بالمطعم

جاك بمرح: وطبعا مهمة الاختيار ليكي

روز بابتسامة بلهاء:طبعا طبعا من غير ماتقول 

ثم اشارت الى الجرسون ليأتي وبالفعل اتى لها الجرسون

روز بابتسامة غبية: عايزة نص فرخة مشوية على اتنين جوز حمام ورز وسلطة وبطاطس محمرة وتكون مقرمشة هاا والحلو قنبلة وتشيز كيك وشيكولاتة وشوف الاستاذ اللي مبحلق دا هياكل ايه

جاك بصدمة: نعم ياختي كل دا هتاكليه لوحدك لييييه مش هتلاقي اكل لمدة سنة

روز بتذمر: يوووه هو انت مالك حسود كدا ليه وبتبصلي في اللقمة بقولك ماكلتش من الصبح الله

جاك بزفير:هوووف مانا اللي جبته لنفسي

روز بسماجة:بتقول حاجة يا حبيبي 

جاك: لا ابدا يا روحي كلي كلي

...........................💜..........................

عند يوسف ومي 

توقف يوسف بسيارته في مكان ما ونزل من سيارته واتجه لمي وفتح لها الباب وهو ينزلها من السيارة ويسير بها وهو يضع يده على اعينها بحب

مي بضحك:يا يوسف بقى شيل ايدك انا حاسة اني هقع مش شايفة حاجة

يوسف وهو يهمس باذنها بحب:قلب يوسف دقيقة كمان بس ايوة اقفي هنا بقى وافتحي عيونك القمر دول

ليشيل يده من على اعينها لتفتح مي اعينها ببطئ وهي ترى امامها منصة كبيرة مزينة بالورود وبداخلها طاولة صغيرة وبجانبها شيئ ما مغطى بالكامل 

مي بعدم تصديق وهي تلتفت له:كل دا عشاني انا 

يوسف بحب:دا ولا حاجة قدام عيونك يا حبيبتي 

مي بابتسامة فرحة وهي تحتضنه بحب:شكرا لوجودك الحلو في حياتي 

يوسف وهو يحتضنها بحنان وحب:ماتشكرينيش لانك انتي حياتي كلها يا مي 

ليبعدها عن احضانه قليلا ويردف وهو يحاوط خصرها بيديه:وبعدين لسة فيه مفاجأة تاني 

مي باستغراب:تاني وايه هي بقى

يوسف وهو يمسك يديها ويوقفها امام هذا الشيئ المغطى:جاهزة 

مي بفضول:جاهزة جدا

ليزيل يوسف الغطاء ليظهر فستان زفاف غاية في الروعة والفخامة وجمال تصميمه الجذاب 

مي وهي تنظر ليوسف بصدمة وانبهار:يوسف دا انت عملته امتى

يوسف بعشق:ايوة دا الفستان اللي كنتي دايما تحلمي تلبسيه في فرحك من وانتي طفلة وعملته من اليوم اللي اخدت فيه الخطوة انك لازم تبقي معايا وماتبعديش عن حضني ابدا دا فاكرة يا مي لما كنت اسألك وانتي صغيرة نفسك تطلعي ايه لما تكبري كنتي تقوليلي نفسي اطلع مصممة ازياء مشهورة وهصمم فستان فرحي بنفسي ووقتها لما كبرتي شوية كنتي دايما تحكيله عن شكله وتصميمه وانه يبقى شبه فستان سندريلا فاكرة

مي بابتسامة حب:بحبك يا اغلى من حياتي

يوسف بابتسامة عاشقة:وانا بعشقك يا حبيبتي وبنتي وامي وكل ما ليا في الدنيا

............................🌸.........................

عند ادم ونانسي 

ادم وهو يأخذ انفاسه ببطئ من كتر الرقض:بس بقى اتهدي يخرب بيتك متعبتيش دانتي جريتيني وراكي الجنينة كلها يا شيخة

نانسي وهي تجلس بجانبه وتأخذ انفاسها بصعوبة ايضا:الله الحق عليا اني بخليك تعمل دايت ورياضة ورياضة ودايت 

ادم :دانتي مفترية وربن

 ليقاطع حديثهم هطول الامطار عليهم

نانسي بفرحة وهي تنهض:وااااو مطر ههه ادم استنى هنا رايح فين دي الميه حلوة اوي

ادم بسخرية وهو يسحبها من يدها ويدخله الكوخ:ميه ايه يا حبيبتي هو انتي بتستحمي في حمام بيتكم ايش حال مالجو شتا والميه ساقعه وبعدين احنا لو فضلنا دقيقة تانية هناخد دور برد ما يعلم بيه الا ربنا

نانسي بتذمر:انت دخلتني ليه دا بدل ما نلعب انا وانت تحت المطر استنى دقيقة بس

احضرت نانسي هاتفها وقامت بتوصيله بلاب ادم ووضعت موسيقى وشغلت اغنية الغزالة رايقة♥😂

نانسي وهي تمسك ادم وتخرج خارج الكوخ:اووووه كان نفسي اعمل كدا من زمان

ادم بضحك عليها:فعلا انك واحدة هبلة وعنيدة مبتستسلميش بسهولة

نانسي بغناء وهي ترقص مع ادم تحت المطر:الغزالة رايقة❤ما الناس الحلوة سايقة يا سيدي يا جماله😍ماله ضغط كتير عليه ما تقرب مني حبة لا لسة شوية حبة طب وحياه المحبة مادام جيت جنبي خلاص خلييييك💖

............................💕........................

عند جاك وروز خرجت روز بفرحة وهي ترى المطر الذي بدأ بالهطول لتسحب جاك الذي خرج ورائها وهي تدور وترقص بحركات غبية تحت المطر: اووووه مطرررر 

جاك بمرح وهو يرقص معها تحت المطر:الجو دا محتاج اغنية وكدا نبقى زي الهنود لما يرقصه تحت المطر

روز بابتسامة بلهاء:من عنيا وماله بس كدا

جاك بتعجب: هتعملي ايه هتشغلي اغاني

روز بابتسامة: لا طبعا كدا الفون يبوظ انا هغنيلك بنفسي

جاك بخوف: يا ساتر استر ما بلاش يا حبيبتي احسن نعمل ازعاج للناس كدا

روز بمرح:طب ايه رأيك ان انت كمان هتغني معايا الغزالة رايقة وانت اللي هتغني يا جاك هههههه

جاك بضحك: لا طالما فيها الغزالة رايقة فانا معاك ياسطى يلا بينا

روز وجاك في صوت واحد:الغزالة رايقة😍ما الناس الحلوة سايقة يا سيدي يا جماله💓 ماله ضغط كتير عليه ما تقرب مني حبة لا لسة شوية حبة طب وحياة المحبة مادام جيت جنبي خلاااااص خليييييك💖

...........................🌹.........................

في قصر الحديدي وفي مكتب الجد كان يجلس وامامه والد ووالدة ادم وجاك ووالد ووالدة نانسي وروز ايضا

الجد بهدوء:عملته ايه في تجهيزات الفرح 

سالم والد ادم بابتسامة:كله ماشي تمام يا بابا والفرح هيتم في ميعاده بعد يومين انشاءلله

الجد بابتسامة: حلو اووي والدعاوي وصلت للمعازيم ولا لسة

باسم والد نانسي: الدعاوي وصلت وكل حاجة جاهزة يا بابا ما عدا شوية حاجات كدا خاصة بالبنات لما يجه هيعملوها

الجد بابتسامة راحة:انا كدا اطمنت على احفادي انا عايز الفرح دا يكون اسطوري ومش ناقصه اي حاجة في النهاية فرح احفادي عايز كل حاجة تكون على اكمل وجه

...........................💓..........................

عند نادر وليلى

نادر وهو يمسح دموعه:انا اسف بجد يا ليلى اني جبتك فجاة كدا وفي الجو دا بس

ليلى بمرح وهي تحاول ان تخفف عنه:ولا يهمك اباشا وبعدين المطر دا حاجة حلوة ويعتبر بداية جديدة انت لازم تودع اي حزن او هم جواك وتأخد نفس عميق كدا وغمض عينيك وسيب نفسك للجو دا وفكر في اي حاجة حلوة حصلت في حياتك وانت تلاقي ابتسامتك رجعت من جديد

نادر وهو يغمض عينيه ويأخذ نفسا عميقا:اممم فعلا فيه حاجة حلوة اوي في حياتي ودايما بفكر فيها

ليلى بابتسامة: بجد ايه هي بقى

نادر وهو ينظر لها بعمق:انتي

ليلى بعدم استيعاب:هااااا

نادر بابتسامة: من ساعة ما اتولدت انتي الحاجة الحلوة اللي حصلت في حياتي مش عارف ازاي بس اتعودت على وجودك جنبي ولما احتجتك لقيتك وبالذات انك مختلفة عن اي حد ليلى انتي يمكن تستغربي والحقيقة انا كمان من غير ما احس حبيتك اووي وعايزك دايما جنبي ليلى تتجوزيني

ليلى بصدمة:ا انا ا انت انت بتقول ايه

نادر بضحك:بقولك تتجوزيني يا ليلو ارجوكي ردي عليا مهما ان كان قرارك قوليه

ليلى بصدمة:

يتبع الفصل التالي اضغط هنا

• الفهرس يحتوي على جميع فصول الرواية كاملة :"رواية طفلتي العنيدة" اضغط على اسم الرواية