رواية صغيرة فؤادي الفصل الثالث والعشرون بقلم أسماء سلام
رواية صغيرة فؤادي الفصل الثالث والعشرون
ياسمين بعياط أنا تعرضت للاغتصاب 😭😭
زياد أنصدم من اللى قالته
ياسمين علشان كده مش عايزة اتجوز ولا اظلمك معايا ، سيبنى وشوف غيرى
زياد بحنان مع أنه انكسر من جوه أنا معاكى وعايزك ، عمرى ما هسيبك ابدا ، انا حبيتك وعايزك ومستحيل افرط فيكى ابدا والكلب اللى عمل فيكى كده وعد لجيبهولك لحد عندك واخليه يعتذر منك وأدخله السجن ، ثقى فيا
ياسمين ليه تحمل نفسك فوق طاقتك علشانى ، علشان واحدة متعرفهاش أو متربطكش بيها اى علاقة ، ليه تختار العذاب مع انك قادر تختار الأفضل ليك لان ملكش ذنب فى اللى حصلى
زياد ولا هو ذنبك انتى كمان ، أنا بحبك يا ياسمين ، فاهمة يعنى ايه بحبك ، ومش عايز من الدنيا دى حد غيرك ومفيش واحدة هتكون مراتى غيرك
ياسمين حتى بعد اللى قولتهولك
زياد ولا كانك قولتى حاجة ، انتى لسه بالنسبة ليا حبيبتى والبنت اللى عايز أكمل معاها حياتى
ياسمين بس انا هظلمك معايا
زياد الظلم الحقيقى أننا نبعد عن بعض ، هسألك سؤال بس تجاوبينى بصراحة ، انتى مرتاحه معايا ، مش شرط تكونى بتحبينى ، يعنى هل انتى حاسه انك لو بقيتى معايا هتكون كويسه ولا لأ
ياسمين بكسوف اه مرتاحه ، وصليت اكتر من مرة صلاة استخارة وكل مرة بحس براحة اكتر من اللى قبلها بس اللى حصل خلانى ارفض علشان مش عايزة أشيل حد ذنبى
زياد شششش ، مش عايز اسمع منك كلمت ذنبك دى تانى ، ده نصيبك وابتلائك وانتى قده وانا زى ما وعدتك هاخد حقك بس عايز اسمعها انك يا ياسمين ، انتى موافقة تتجوزينى ؟
ياسمين سكتت شوية وبعدين قالت
ياسمين بخجل اه موافقة اتجوزك يا زياد ، بس اوعدنى متسبنيش ولا تيجى تعايرنى فى يوم على اللى حصلى
زياد وانا كمان موافق اتجوزك يا دكتورة قلبى ، وانا مستحيل اعايرك ابدا لانك هتكونى حتة منى ❤️
ياسمين ربنا يخليك ليا
زياد طب انتى ليه مقولتيش لأهلك ؟
ياسمين علشان مش هيستحملوا الصدمة وكمان اهلى غلابة ومش هيكونوا قد الشاب ده وبصراحة أنا كمان مش عايزة فضيحة ، خصوصا أن اغتصاب البنت بيكون زى بصمة العار ليها مع انها هى اللى مظلومة بس المجتمع بيغلطها هى
زياد اللى يعجبك أنا هعملهولك بس عايزك عرفينى على الكلب اللى عمل كده فيكى وانا هربيهولك
ياسمين أنا خائفة عليك ، ده بطلجى
زياد متنسيش انى فى الجيش وانا هقدر عليه بعون الله بس ده لازم يتربى الاول ، وريهولى بس
ياسمين حاضر
زياد بس انا عايز طلب اخير
ياسمين ايه هو
زياد أننا نكتب الكتاب مع الشبكة بحيث اضمن انك مراتى ومحدش هيقدر يقرب منك وانا موجود مدام انتى مش معرفة اهلك
ياسمين سكتت لانها خايفة لانه زواج ولازم تتعرف على الشخص كويس
زياد لاحظ سگوتها و فهم هى بتفكر فى ايه وقال
زياد متخافيش يا ياسمين ، أنا معاكى وباذن الله احافظ عليكى واراعى ربنا فيكى ومدام مرتاحه فى صلاة الاستخارة يبقى علاقتنا خير ، قولتى ايه ؟
ياسمين موافقة لانى واثقة فيك
زياد وباذن الله اكون قد ثقتك دى ، اوعدك هخليكى أسعد واحدة فى العالم
ياسمين ابتسمت بحب وبصلته نظرة فخر
الام هما اتأخروا كدا ليه ، بيقولها ايه ده كله
الاب اهدى بس وسيبيهم مع بعض ، دول مكملوش ساعة يعنى وشكل الموضوع كبير
بعد شوية زياد و ياسمين طلعوا من الاوضة
مجدى خير يا ولاد ، عملتوا ايه
زياد الحمد لله ياعمى ، ياسمين وافقت خلاص وكمان كتب الكتاب مع الشبكة
الام زغرطت لولولولولولولولولولى 💃💃 ، ألف ألف مبروك يا حبيبتي ، وقامت حضنتها وقالت هعيش واشوفك عروسه يا حبيبتى
ياسمين الله يبارك فيكى يا ماما
الاب الف الف مبروك يا بنتى ، بس انا شايف انكم استعجلتم فى موضوع كتب الكتاب ده
زياد بص لياسمين بمعنى أنا هتكلم وقال مفيش استعجال ولا حاجة يا عمى ، احنا متفقين وهى كان عندها قلق وشوية اسئلة والحمد لله الموضوع اتحل وكمان خير البر عاجله وانا عايزها وهى عايزانى فليه التأخير وبعدين كمل بضحك وقال وكمان بنتك كل شوية برأى فأنا عايزها تبقى مراتى علشان اضمن وجودها جمبى ومتعرفش تغير رأيها 😂❤️
الاب ربنا يسعدكم دائما
زياد باذن الله نيجى بكره أنا وعماد وعمى اللى بمقام والدى لانه هو اللى مربينى علشان نقرأ الفاتحة و نحدد كل حاجة بس انا عايز الاسبوع الجاى الشبكة وكتب الكتاب قبل ما اسافر الجيش تانى
الاب باذن الله يا ابنى ، خلاص هتبقى واحد مننا
زياد ربنا يخليك ليا يا عمى ، ممكن بقى اخد نمرت الدكتورة علشان نتفق على كل حاجة
الاب ماشى يا ابنى
زياد روح البيت وقال لعماد أن الموضوع خلاص اتحل وان ياسمين خلاص وافقت بس مقالوش أنها كانت رافضة علشان تعرضت للاغتصاب لكن قاله إنها كانت خائفة من بتوع الجيش وكده بس الحمد لله هو فهمها كل حاجة وقاله أنه اتفق انه هيجى بكره هو وعماد وعمه يقرئوا الفاتحة وأن الشبكة مع كتب الكتاب الاسبوع الجاى
عماد بس انت مش حاسس انك مستعجل
زياد بالعكس خير البر عاجله وانا بصراحة عايزها فى أقرب وقت تكون مراتى وكمان قبل ما اسافر الجيش
عماد بضحك ?? مستعجل على ايه يا عم ، ع العموم الف الف مبروك يا حبيبى ، ربنا يسعدك دائما
لمياء الف الف مبروك يا زيزو ، ربنا يسعدك دائما
زياد الله يبارك فيكم ويسعدكم علطول وتعيشوا وتفرحوا بحمزة
عماد ولمياء اللهم امين يارب العالمين 🤲❤️
عند ياسمين
الاب قوليلى بقى ليه كنتى رافضة ، أنا سبتك براحتك علشان متعود أن انتى اللى بتحكى بس محكتيش ليه ودى اول مره تحصل
ياسمين بكدب علشان كنت متوترة وخائفة يطلع شخص وحش ومردتش اقولكم لانكم كنتم حبتوه
الام يعنى انتى دلوقتي مش بتحبيه ؟ يا بكاشة
ياسمين بس بقى يا ماما
الاب بنتنا كبرت وبتحب ، ربنا يسعدك دائما يا روحى
ياسمين حضنتهم الاثنين مع بعض وقالت وربنا يخليكم ليا دايما ، هتوحشونى اوى
الام والاب وانتى كمان يا بنتى ، بس مدام انتى سعيدة احنا هنكون كويسين ومطمنين عليكى وزياد شاب محترم وانا واثق فيه ، ربنا يفرحك دائما
ياسمين يا رب دايما ❤️
عند فؤاد
روح يعنى هتسيبنى وترجع شغلك تانى
فؤاد يومين كده وهرجع وكمان لازم تتعودى ان كل اسبوع هسافر 3 ايام بره
روح ليه محسسنى انك متجوز عليا ومقسم الاسبوعين بينا بالنص
فؤاد اتوتر بس حاول ميبينش وضحك هههههههههههه 😂 ، ابدا هو انا هقدر اتجوز اتنين
روح على رأيك ، ربنا معاك يا حبيبي ❤️
فؤاد يا ايه
روح يا حبيبي ، صحيح عايزاك تيجى تجبلى لبس للكلية لأنها بعد بكره والنهاردة الخميس
فؤاد حاضر هاجى معاكى واختارلك احلى لبس كمان ، عايز مراتى تكون اشيك واحدة فى الدفعة كلها وكمان تكون مجتهدة وتجيب تقديرات حلوة ، وتختارى الصحاب الكويسين مش اى واحدة وخلاص علشان الصاحب ساحب ، ماشى يا روح
روح ماشى يا فؤاد ، ربنا يخليك ليا دايما
فؤاد ويخليكى ليا
فؤاد تعالى نتفرج على اى حاجة
روح يلا
عندى سلمى
سلمى قعدت طول اليوم متضايقة من تصرف فؤاد لانه طلع بخيل معاها واستسخر فيها الفلوس فرنت على والدها علشان تحكيله
سلمى بعياط ايوه يا بابا
حست ايوه يا حبيبتى ، مالك بتعيطى ليه
سلمى طلع بخيل يا بابا ، مش راضى يدينى فلوس
حسن فهمينى الموضوع بالضبط وهو عمل ايه
سلمى حكتله عن تزاكر شهر العسل وأنها قالتله أن ابوه عنده فدادين ارض بس هو رفض وزعق وقالتله هو قالها ايه وكمان قالتله على موضوع الخاتم وأنه زعقلها وحرجها
حسن فعلا بخيل يا حبيبتى ، خلاص متزعليش ، احنا لازم نخليه يصرف عليكى ، اصل هو يعتبر مليونير مش فقير يعنى
سلمى قولتله كده يا بابا زعق وقالى ملكيش دعوة بفلوس والدى ، أنا اللى مسئول عنك
حسن فؤاد شكله هيتعبنا معاه بس فى حل
سلمى ايه هو يا بابا
حسن انك تخلفى ساعتها هتعرفى تطلبى ومش هيقدر يرفض علشان هيكون خايف انه يخسر ابنه
سلمى صح يا بابا ، أنا فكرت أنى اخلى ابوه يعرف انى مراته بحيث لما اطلب حاجة يوافق
حسن صح بردو بس هاتى الحفيد وهو هيسمع كلامك ويحبك زى روح واكتر ، صحيح هى اخبارها ايه
سلمى مش عارفه ، لان فؤاد قافل موبايله من ساعة لما اتجوزنا وهو رجع بيته النهاردة لأن والده عايزه فأنا خليته يروح علشان يطيع ابوه وبكده هيبقى افضل علشان لو طلب منه فلوس
حسن تفكير جهنمى بصحيح
سلمى تربيتك يا بابا 😂😂
********
الغاية من الزواج هي الأُنس..عقلٌ بجوار عقل وقلبٌ مربوطٌ بقلب ويدٌ تُداوي وروحٌ تُعين ونفسٌ تُطمئِن. *
روح وفؤاد لسه الحب مكملش معاهم
ندى وعدى بيحبوا بعض بس بيدارى ويتجاهلوا
ياسمين و زياد بيحبوا بعض بس الظروف صعبة
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية