رواية قطة بين مخالب الصقور الفصل الرابع والعشرون بقلم ملك محمد
رواية قطة بين مخالب الصقور الفصل الرابع والعشرون
أثناء حفل عيد ميلاد يزن استغلت نرمين انشغال الجميع وقامت بوضع بعض من حبوب الهلوسه في كوب من العصير وذهبت نحو تالا التي تقف مع عمار منذ بداية الحفل
قالت بتودد: ملاحظه انك مشربتيش حاجه من وقت الحفله مابدأت خدي اشربي داه
تالا بتعجب نظرت لعمار قائله: هي كويسه
عمار بصوت منخفض: مش عايزين مشاكل خديه منها
تالا أمسكت بالكأس قائله : ميرسي
نرمين بإبتسامه ماكره : انتي تؤمري
ثم تركتهم وذهبت
تالا بتعجب: انا اشك ان درجة حرارتها عاليه
عمار: يمكن مش عايزه تعمل مشاكل خصوصاً أننا يوم عيد ميلاد يزن
تالا : ممكن ليه لأ
ثم همت لتأخذ رشفة من العصير لكن سرعان ما تذكرت ان عصير الفراوله يسبب لها الحساسيه انزلت الكأس من على شفتيها قائله
: انا نسيت خالص اني عندي حساسيه من الفراوله اشربه انت بقى
أخذ عمار الكأس وشربه دفعت واحده
كانت نرمين تراقب المشهد من بعيد علمت ان هناك مصيبه ستحدث
آتت مسرعه قائله: انا بقول نطفي الشمع علشان نخلص الحفله بقى الوقت اتأخر
عمار بتعجب: حفلة اي ال نخلصها دي لسه بادئه
تالا بتعجب : عمار عنده حق الحفله لسه ف أولها لو تعبتي اطلعي ريحي فوق انتي
بدأ مفعول الحبوب يظهر على عمار شعر بدوار قليلاً فقال : مش عارف دماغي تقلت مره واحده كدا ليه
تالا بسخريه : شكلك كبرت ومبقتش تقدر ع السهر تعالى تعالى نشوف يزن والأطفال صحابه بيعملوا اي
ثم أمسكت بيده واتجهوا نحو يزن
نرمين شعرت انها في ورطه فسحبت نفسها ببطئ وصعدت لأعلى دون ان يشعر بها أحد
تالا بلطف : كل سنه وانت طيب ياحبيبي وعقبال سنين كتير اوي اوي ف سعاده
يزن احتضنها بسعاده
تالا: انا جبتلك هديه حلوه اوي ومتأكده انها هتعجبك
ثم نظرت لصديقته وقالت بلطف
: انتي بيسان مش كدا
عمار يقف بجانبهم يحاول أن يتماسك لكنه يشعر بدوار شديد ورؤيته مشوشه
تالا لم تنتبه له
عمار : تالا
رفعت تالا وجهها ونظرت له وجدته يتصبب عرقا قالت بتعجب
: انت كويس
عمار بدوار : حاسس اني مش مظبوط خالص
تالا : طب تعالى اقعد
عمار بدأ بوضع يده على خديها قائلاً بهيام
: انتي ازاي جميله كدا
تالا دفعته بعيداً عنها قائله بغضب : اي ال بتعمله قدام الأطفال داه
عمار بصوت مرتفع وعدم اتزان : ياجماعه ركزوا معايا كدا ايوا بصولي كلكوا علشان انا عايز اقول أني بحب تالا انا مش بس بحبها انا بعشقها
نظر الجميع له بذهول
تالا بذهول : عمار اي ال انت بتهببه داه
عمار بضحكه هستيريه: بقولهم اني بحبك
ثم مال برأسه ناحيتها قائلاً :وانتي كمان بتحبيني بس مش عايزه تقولي مش كدا
تالا امسكت به من يده وجذبته معها لأعلى قائله
: واضح انك اتجننت
رزان لحقت بهم
تالا : خليكي مع يزن انتي يارزان انا هشوف ماله الأستاذ
رزان بقلق: طيب ماشي
عمار بهلوسه وصوت مرتفع : قولي انك بتحبيني اعترفي وبطلي كبرياء
تالا بضيق: اي ال انت بتقوله داه وطي صوتك
والدته ف الأسفل قالت بإرتباك : مفيش حاجه ياجماعه واضح ان عمار تعبان شويه كملوا الحفله وكأن مفيش حاجه حصلت
ف الأعلى
عمار بهلوسه: طلعتيني فوق علشان نبقى مع بعض على راحتنا مش كدا
ثم اندفع نحوها بعدم اتزان
تالا دفعته بعيداً عنها قائله: هو انت شارب اي بالظبط فوق
عمار بضحكه جنونيه: انا عارف بتحبيني بس مش عايزه تعترفي
تالا قامت بخلع جاكيت بدلته قائله :انت لازم تتحط تحت المايه علشان تفوق م ال انت فيه داه
عمار دفعها نحو الحائط وقال بهيام : طب قولي انك بتحبيني
تالا بعدته بعيدا عنها قائله : هتفرق معاك ف اي
عمار اقترب منها مرة آخرى قائلا بهلوسه: لو حبتيني هقدر اكسر قلبك واوجعك زي ماعملتي فيا
تالا بصدمه : يعني انت فعلاً مبتحبنيش ولسه عايز تنتقم فعلاً
عمار بدوار : انا حبيتك بس انتي مقدرتيش الحب داه علشان كدا كل ال بحلم بيه اني اردلك ال انتي عملتيه فيا
ثم آشار على قلبها قائلاً
: عايز اوجع داه زي ماحصل معايا
تالا بحزن : ماهو دا اتوجع كتير اوي مش مستحمل اي وجع تاني من أي حد
عمار بهلوسه : قولي انك بتحبيني بقى
تالا بحزن : حاضر هقول وهسيبكوا كلكوا تكسروا قلبي وهقف اتفرج
ثم أمسكت بيده قائله تعالى معايا بس علشان تفوق م ال انت فيه داه
دخلت به الى حمام غرفته وفتحت الماء فوق رأسه
عمار كاد أن يسقط ف أمسكت به بسرعه
جذبها معه تحت الماء
تالا وهي تنظر لعينه بحزن والماء يغرقهما
: لوهله حسيت انك بتحبني بجد
عمار : علشان انا بحبك بجد
تالا بحزن : بس ال بيحب مبيفكرش ف الإنتقام
عمار بعدم اتزان : نفسي تحسي بال انا حسيت بيه
تالا بحزن ودموع : تمام وانا هعملك ال انت عايزه
_____بقلم ملك محمد_______
نهار يوم جديد
عمار فتح عينه قائلأ بدوار : ااه دماغي وجعاني اوي
تفاجئ بتالا تقول : اي دا انت صحيت ياحبيبي
عمار بفزع : اي داه انتي هنا بتعملي اي
تالا بتعجب : جوزي ونايمه جمبه اي في اي
عمار وقف بذهول قائلاً : جوزك ونايمه جمبه ! هو احنا فين وفين الحفله
تالا بسخريه: كل سنه وانت طيب الحفله خلصت
عمار بذهول : هو اي ال حصل امبارح انا مش فاكر حاجه
تالا : حصل كل خير ياحبيبي
عمار: حبيبي! هو انا بحلم ولا اي
تالا وقفت قائله : لا مبتحلمش و اه حبيبي يالا يلا علشان تفطر ونروح الشركه علشان منتأخرش
ثم قبلته في خده وخرجت من الغرفه قائله
: هستناك تحت متتأخرش
عمار بتعجب وضع يده على خده قائلاً: انا اكيد بحلم
ثم ضرب نفسه بالقلم قائلاً: طلعت مبحلمش لا دا الموضوع طلع بجد !
_______
تالا تحدث نفسها في غرفتها قائله : بقى عايزني احبك علشان تنتقم مني حاضر انا هوريلك الحب عامل ازاي هغرقك حب لحد ماتقول حقي برقبتي ياعمار لما اشوف انا ولا انت
____________
ارتدت ملابسها وارتدي عمار ملابسه أيضاً واجتمعوا عند سفرة الإفطار
عمار وجد الجميع ينظرون نحوه ويحدقون بشده
: في اي انتو بتبصولي كدا ليه
والدته : هو انت مش عارف انت عملت اي امبارح
عمار : عملت اي انا مش فاكر اي حاجه انا فجأه حسيت اني ف عالم تاني
تالا : خلاص ياجماعه هو تلاقيه كان شارب حاجه مش تمام خلته مش مركز خالص ال حصل حصل
عمار : طب ماتفهموني اي ال حصل انا فعلاً مش فاكر حاجه
(نرمين قاعده طبعاً عامله نفسها من بنها ومش عايزه تتكلم )
تالا وقفت من ع الطاوله قائله بإستعجال : هفهمك ف العربيه يلا علشان منتأخرش ع الشركه
__________
ف السياره
عمار : قولي اي ال حصل وازاي صحيت لقيتك جمبي ف الأوضه
تالا رجعت بالذاكره للخلف قليلاً
""
عمار بهلوسه : متسبنيش ارجوكي
تالا بحزن : انا مبقتش فاهمه انت عايزني ولا مش عايزني
عمار : انا عايزك جمبي طول العمر ارجوكي خليكي معايا انا بحس بالأمان لما بتكوني جمبي
تالا : هو في راجل بيخاف
عمار: انا بخاف لما احس اني ممكن اخسرك او هتبعدي عني انا بعشق كل حاجه فيكي ضحكتك وكلامك وملامحك وجنانك كل حاجه فيكي بحبها وبحب ريحة شعرك اوي
ثم مال برأسه ناحية شعرها وشم رائحته بهيام وهو مغمض العينين
تالا ابتسمت بحزن قائله : بس انت عايزني جمبك علشان تنتقم مني مش علشان بتحبني
عمار نظر لعينها : عايز ارضي كبريائي ال انتي أهنتيه بس انا فعلاً بحبك
ثم وضع رأسه على رجلها وأغمض عينه وذهب في نوم عميق
تالا وهي تنظر له كالطفل الصغير ينام في حجر امه قالت بحزن : انا مبقتش فاهمه انت عايز اي
"""
نعود للسياره
عمار طرقع اصابعه أمام عينها قائلاً: روحتي فين
تالا افاقت من شرودها قائله : ها لا مفيش
عمار : طب احكي اي ال حصل علشان انا مش فاكر اي حاجه
تالا : بص بقى هو انت فضلت تزعق ف الناس وتاخد اللعب من يزن غصب عنه وهو فضل يعيط ف انا اخدتك فوق بعيد عنهم وبما انك زوجي حبيبي مردتش اسيبك ابدا وفضلت معاك طول اليلل
عمار بصدمه : انتي بتهزري مش كدا
تالا : وههزر ليه دا كل ال حصل
عمار : يعني انا زوجك حبيبك!
تالا : سبت انك كنت بتاخد اللعب من الأطفال ومسكت ف دي
عمار : ايوا دي مهمه عندي أكتر
تالا بصوت منخفض : حيوان
ثم قالت له: اه انت حبيبي وكل حاجه ليا
عمار وضع يده على رأسها قائلاً: انتي حرارتك مرتفعه طيب ولا اي
تالا وهي تكتم غيظها : لا ياحبيبي مش مرتفعه ولا حاجه وبعدين مش انت كنت كل شويه تقولي حبيني اديني حبيتك اهو
عمار بتعجب: بسهوله كدا
تالا : اه ياروحي اي المشكله انت شخص وسيم وجذاب اه دمك يلطش بس انا حبيتك وقلبي دق ليك حتى اسمع صوت دقاته
عمار : لا ياشيخه
تالا : دا ال حصل بجد
عمار بغضب: بتعملي فيا مقلب من مقالبك مش كدا
تالا بتمثيل : اخص عليك يابيبي ليه بتقول كدا
عمار بذهول : بيبي ! هي وصلت لبيبي كمان
________
"ف الشركه "
عمار وهو يلف حول نفسه
: اي ال غيرها كدا معقول تكون لعبه من الألاعيب بتاعتها
ولا هي حبتني فعلاً
بس لا ازاي هتحبني من يوم وليله كدا أكيد في حاجه غلط
ممكن تكون وقعت ع دماغها مثلاً
فجأه تدخل تالا ومعها كوب من القهوه قائله
: بيبي انا جبتلك القهوه بتاعتك بنفسي
عمار بعصبيه : انتي عايزه تجننيني ولا اي بالظبط
تالا وضعت القهوه على المكتب وقالت ببرود : بعد الشر عليك ياروح قلبي تعالى تعالى أشرب قهوتك قبل ماتبرد
عمار اقترب منها وأمسكها من ذراعها بقوه قائلاً
: تالا في اي اتكلمي عدل !
تالا ببرود وتمثيل : ااه دراعي وجعني اخص عليك ياعموري كدا تمسك حبيبتك جامد من دراعها
عمار وهو يتمالك اعصابه: يابنتي متجننيش وبطلي بقى ال بتعمليه داه
تالا بدموع كاذبه: يعني انت فضلت تقول حبيني ياتالا ولما احبك تعاملني كدا انا مش فاهمه انت عايز اي
عمار كاد ان يصاب بالجنون فرد قائلاً: مانا مش قادر اصدق ازاي حبتيني من يوم وليله كدا في حاجه غلط
تالا بتمثيل : طبعا مش حبيتك من يوم وليله انا كنت بحبك من زمان من اول مره شوفتك فيها خطفت قلبي وقولت باس يابت ياتالا هو دا الشخص ال انتي بتدوري عليه بس كنت خايفه اقولك اني بحبك متقبلش حبي داه ولما انت اعترفت قولت كفايه تقل بقى واعترفلك انا كمان
عمار : يااه بجد كنت بتحبيني ومخبيه عليا انا مش قادر اقولك انا مبسوط بالخبر دا ازاي
تالا بدلع : بجد يابيبي
عمار بحده : جاك بيبي اما يلهفك هو انتي فاكره اني هصدق الهبل بتاعك داه
تالا : بكرا الأيام تثبتلك حبي ياحياتي اشرب بقى القهوه علشان بردت
وتركته وخرجت
عمار وقف مذهولاً
: البت دي اتجننت اقسم بالله
ثم أخذ رشفة من القهوه قائلاً بتفكير
: ياترى وراكي اي ياتالا المرادي
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية قطة بين مخالب الصقور" اضغط على اسم الرواية