رواية نور عيني الفصل السادس والعشرون بقلم بسملة بدوي
رواية نور عيني الفصل السادس والعشرون
سليم بصدمه.... ايييييييه
نور اتنفضت جامد من على السرير وبقت تتنفس بسرعه وبتعيط جامد...... اعوذ بالله من الش*يطان الرجيم الحمدلله حلم طلع حلم مش حقيقه مش حقيقه الحمدلله مش حقيقه
ثواني والباب خبط ودخلت ساره
ستره بابتسامة..... الحمدلله انك طلعتي صاحيه مكنش هيجيلي قلب اصحيكي .. اييه دا انتي معيطه ولا اي مالك
نور قعدت تعيط جامد
ساره بقلق...... مالك ينور يبنتي بس
نور بعييط... شوفت حلم مش كويس يماما
طب اهدي طيب اهو انتي قولتيها اهو حلم يعني مش حقيقه يحبيبتي يبقى ليه العييط بقا بطلي عياط بقا ولا هزعل منك
نور بطفوله...... لا لا مش تزعلي اهو
شطوره ياقلبي... وعلت صوتها اتفضلي يدكتوره
نور بخوف من الحلم ..... مشيها انا كويسه خلاص
نور يحبيبتي بلاها خوف احنا كلنا معاكي اهو
بس يماما
طب لو قولتلك عشان خاطري
حاضر وبصت لدكتوره بخوف
الدكتوره قربت منها بابتسامه ب شويه.. كشفت عليها وقالت بابتسامه..... مبروك هتبقي ام
نور بصتلها بصدمه وثواني وقامت بسرعه وقربت من الدكتوره بفرحه..... بجد يادكتوره هقوم ام
هههه ايوا
انا انا فرحانه اوي هو هو ولد ولا بنت طب طب وضعه اي هو كويس انا فرحانه اوي اوي
هههه اهدي وبعدين لسا قدام انت لسا في الشهر الاول... استأذن انا وخرجت لقيتهم كلهم واقفين قدام الباب بما فيهم عمار وزيزي
الجد بخوف.... ها يدكتوره طمنينا كويسه
ايوا كويسه هي والجنين
كلهم مره واحده قالوا.... الجنين
ايوا المدام حامل
ساره بفرحه..... حامل انا هبقي تيتا يا اشرف وانت هتبقي جدو يا اشرف انا هبقى تيتا
الجد عيونها دمعت....... والله وعشت لليوم الي نفسي فيه الوقتي امو*ت وانا مرتاح
_بعيد الشر عنك
عمار واقف متعصب على الاخر ومركز على اوضه نور
ساره بفرحه ووجهت كلامها لِ عمار.... هتبقى عمو يا عمار
زيزي لكزته من غير ما حد ياخد باله..... عمار بتكلمك
عمار بنتباه وابتسم ابتسامه لم تصل الي عيناه...... بتقولي حاجه يا امي
ساره بحنان وقلق..... مالك ي حبيبي سرحان في اي
عمار من تحت ضرسه........ فرحان يا امي فرحان هبقى عمو.
الجد بصله نظره مش مفهومه وسند على عكازه وقال بصوت قوي..... كله على شغله وانتي ياساره اعمليلها حاجه مفيده تاكلها وشويه كدا وجهزي العشا يكون سليم جه
حاضر يا عمي
عند نور فرحانه خالص وحاطه ايدها على بطنها بحب...... حبيب ماما جعان هههه انا عايزه اكل فراوله اوي .. انت كمان عايز تاكل فراوله زي صح هنصلي وننزل ناكل فراوله كتيير... عاااا فرحانه اوي هبقى ماما وسليم هيفرح اوي
اخدت شاور وصلت والباب خبط
نور هانم مجاهد بيه بيقول لحضرتك انزلي عشان العشا جهز
حاضر يحبيبتي اسبقيني وانا هغير ونزله
حاضر يهانم
غيرت هدومها لبنطلون جينز واسع اسود وبلوزه موف بكم ضيقه للقمر ولبست كوتش اسود وسابت شعرها ونزلت
نور بابتسامه تفتن الي يشوفها....مساء الخير
الجد اول ما شافها قام وحضنها..... مساء النور يانور البيت كله وام ولي العهد
نور بادلته الحضن وسلمت على كله وجه دور عمار
نور بصتله بخوف وابتسامتها اختفت.....
عمار بخبث....... الف مبروك يا نور
ااا الله يبارك فيك.
نور حاولت تشد ايدها من ايده مش عارفه متبت على ايدها جامد ..
عمار لسا رايح يحضنها فِ الخباثه وهو شايفهم مشغولين في الكلام وفرحانين.. حس بحد بيشده من هدومه من ورا
سليم بهدوء مخيف....... اخفي من وشي السعادي بدل ما اعمل تصرف مش هيعجبك يبن ال****
عمار خاف وراح قعد على كُرسيه وزيزي جنبه الي متابعه نور بغيره شديده وغ*ل..
سليم شد لنور الكرسي بحب عشان تقعد.. نور بادلته الابتسامه وقعدت
فِ نص الاكل
ساره بفرحه....... عندي خبر ليك يا سليم هطير من الفرحه بسببه
سليم باستغراب.... اي هو؟
ساره لسا هتتكلم قاطعتها نور بسرعه...... ااا اني هشتغل معاك فِ الشركه
سليم بصلها بعدم اقتناع وهز راسه وقال.... تشتغلي فِ الشركه اممم نشووف الموضوع دا فوق
ثواني وكان سليم قايم.... الحمدلله نور يالا
الجد بتسرع..... سيبها تتغذي حلو يابني هي فِ الفتره دي لازم تتغذي حلو
سليم رفع حاجبه..... فتره اي
نور بسرعه...... عشان كنت تعبانه النهاررده ووكده بس الحمدلله انا خلصت تصبحوا على خير يجماعه وانت ياجدو مش تنسى تاخد العلاج
ماشي ياحبيبتي وانتِ خُدي بالك من نفسك برضو
حاضر ياحبيبي ااا اقصد ياججدو
كلهم قعدوا يضحكوا على سليم وغيرته
فوق عند سليم
سليم بعصبيه....... ايه الي حصل تحت ده
نور بهدوء وهي بتحاول تهديه وبتقلعه جاكيته بحب..... اهدي ياحبيبي لو مش عايزني اشتغل فِ الشركه ماشي خلاص بس مش تتعصب عشان خاطري وبعدين هو احنا مش هنخرج ولا اي.
لا بلاها النهارده بكرا بقا
نور بزعل..... واللهِ تمم الِ انت شايفه وراحت تغير هدومها
نور فِ نفسها بغضب طفولي..... بقا كدا ياسليم ماشي ماشي انا هوريتك
خرجت وهي لابسه سويت شيرت بكم خفيف لحد اول فخديها ووقفت قدام المرياا تسرح شعرها
سليم عامل نفسه مشغول وبيشتغل على الالاب توب.. وهو متابعها بتركيز
نور اتعصبت من اتجاهله ليها ورمت الفرشه بعصبيه وعملت صوت بس هو ولا اتهز ولسا مركز مع اللالاب توب
نور بتذمر... اووووووووف بقا الجو حر لييييه كدا
سليم رفع عيونه من على اللاب وبصلها ببرود..... شغلي التكييف
دبت على الارض بغيظ وراحت شغلت التليفزيون وعلت الصوت على الاخر
سليم ببرود طلع الاير بودز وكمل عادي
نور بصتله والدموع في عيونها راحت نامت ثواني وحست نفس سخن فِ رقبتها من ورا
نور مثلت النوم
سليم بصوته الرجولي المثير..... نوري زعلانه مني
مفيش رد
سليم بجرا*ءه وهو بيمشي ايده على طول زراعها وحط رجله على رجليها وقربها منها ودفن وشه في شعرها من ورا..... طب اسف
نور انّت بكسوف
اخذت ايده تمرر على جسمها بجر*اءه
نور بسرعه..... سليم لا
رفع حاجبه باستنكار...... نعم
سليم انا حامل
سليم بعِد بصدمه..... ايييه
نور بحزن طفولي.... دا انت بارد اووف كنت عايزه اعملهالك مفاجأه.... س سليم هو هو انت زعلانه اني حامل
سليم بصلها بغضب......حامل
نور قلبها وقع فِ رجليها برعب لدرجه دموعها نزلت
سليم قعد يضحك جامد..... ههههههه مش قادر انا فرحان اوي انا هبقى اب انا هبقى اب انا هيتقالي يا بابا ومنك
نور فتحت عيونها على الاخر بطفوله.... ا انا انا مش فاهمه حاجه خالص
سليم اخد نفس بهدوء....... انتي بتعيطي ليه وبعدين هو كل حاجه عندك عييط!!!! في اي انا كنت بهزر
نور مره واحده نطت عليه وفضلت تشد في شعره وتضربه بقبضتها الصغيره...... يابارد ياااابارد وقعت قلبي
سليم بضحك ومشاكسه...... سلامه قلبك يا جميل انت ياملبن
نور ضحكت وسليم شاركها الضحك وقعدوا يضحكوا جامد هما الاتنين لوقت بسيط
نور بضحك...... بالله اتخضيت جامد يا سليم
سلامتك من الخضه ياقلب سليم بس بجد فرحان اوي اوي هبقى اب ومنك انتي
نور بصتله فِ عيونه بحب..... وانا كمان فرحانه اوي اوي بس برضو زعلانه منك
سليم بعبث ومشاكسه.... لا لا وده ينفع برضو لا لازم اصالحك بقا
نور وهي فهمت قصده... ها لا لا انا مش زعلانه.... سليم لا انا حامل
هههه ياهبله انتي لسا في الاول... بحبك يا قلب سليم
واخدها في عالمه الي بيغمرها فيه بالحنان والرقه والعشق الخالص
عدا اسبوع والحياه بينهم جميله اوي وسليم بيفرحها على قد ما يقدر
وفي ويوم سليم قاعد في المكتب
دخلت عليه نور ومعاها عصير
سليم قام بلهفه... تعبتي نفسك ليه بس ياحبيبتي
نور بصتله كتير وقالت بصوت مهزوز....... سليم عايزاك في موضوع مهم
سليم قفل اللاب ولم الملفات واخد ايدها ومشيوا للجناح..... ارتاحي ياحبيبتي بس الاول
سسسسليم خلاص بقا
سليم اتصدم من صوتها العالي.... في اي يانور اول مره تعلي صوتك عليا وانتي عاارفه اني بكر*ه الصوت العالي
نور غمضت عيونها وقالت ببرود.... سليم انا مش عايزه البيبي
سليم سكت بصدمه.... نور حبيبتي اكيد بتهزري اهدي واستغفري ربنا
سسسلييييييم بقووووولك مش عاااايزاه... بُص انا حجزت العمليه خلاص وهعمل اجهاض
سليم عيونه احمرت اوي وعروقه برزت اوي كأنها هتخرج من جلده وبعزم قوته ضربها بالالم لدرجه وقعت على الارض...... بتقووووووولييييي ايييييييييه
يتبع الفصل السابع والعشرون اضغط هنا
- الفهرس يحتوي على جميع فصول الرواية كاملة :" رواية نور عيني" اضغط على اسم الرواية