رواية عذاب الحب الفصل الثاني بقلم ندى محمود
رواية عذاب الحب الفصل الثاني
حابب اخد منك رقم ابوها عشان عايز اتقدملها ..
نديم اتصدم من كلامه بس حاول ميبينش دا
= هي لسا صغيره ومش بتفكر ف ارتباط حاليا
~ صغيره ازاي .. عندها ٢١ سنه يعني سنها مناسب للخطوه دي
= عندي شغل تعالا كلمني بعدين
~ بس دا رقم يعني الي هتديهوني ومش هياخد دقيقتين اصلا !
= يا رامي قلتلك مش فاضي !!
~ تمام
و راح قعد مكانه وهو بيبص ل نديم بغضب
نديم خلص شغله و روح بيته
واول لما ندي سمعت صوت خطوات عالسلم فتحت باب شقتها ( شققهم ف وش بعض زي مقولتلكم )
-جبتلي ايه النهارده
= ولا حاجه
-لا اكيد بتهزر .. ولا حتي مصاصه ؟!
=ندي بالله عليكي مش فايقلك دلوقتي وتعبان وعايز انام
بحزن -روح خلاص نام
= زعلتي ؟
-لا هزعل ليه
= اسف .. عندي بس ضغط فالشغل
ب ابتسامه -عذرك مقبول بس بكره تجبلي حاجات كتيير
= حاضر
وكان هيدخل شقته بس رجع تاني و وقف قدامها
= لو حد انتي معجبه بيه اتقدملك حاليا هتوافقي عليه ولا هتقولي لسا بدري
-لا هوافق طبعاا طالما عاجبني
= اها .. تصبحي علي خير
-وانت من اهله
*اليوم الي بعدو*
نديم راح الشغل و ندي اول لما صحيت لبست و راحتله فمكان الشغل
=يبنتي هو عشان انتي مش بتروحي الجامعه حاليا لانها المفروض فتره تحضير الامتحانات تقومي تيجي تنطيلي هنا كل يوم ؟!
-انت عارف اني معنديش اصحاب اخرج معاهم ف لما بزهق بجيلك هنا
= طب يلا اتفضلي برا ورايا شغل
وقتها رامي اتدخل فالحوار
~ ليه بتعاملها بالقسوه دي يا نديم .. بردو حد يعامل انسه بالرقه والجمال الي شايفهم قدامي بالاسلوب دا !
-شايف الناس الي بتفهم يا نديم !ً
ف سرها -ياه دا حتي صوته قمر كمان وكمان جنتل مان
نديم مردش عليه واكتفي انه يبصله بقرف
~ كويس انك جيتي هنا النهارده .. اصل امبارح طلبت رقم ابوكي من نديم و قالي انك لسا صغيره عالخطوه دي ف حبيت اسألك بنفسي بما انك جيتي
بصدمه -تاخد رقم بابا ليه !
~ عشان اجي اشرب معاه قهوه
وغمزلها
بزعيق = لو سمحتو دا مكان شغل !!
-استني انت يا نديم حسابك معايا بعدين
~ ها قولتي ايه
-بابا متوفي من وانا صغيره بس اهو رقم ماما تقدر تكلمها
واديته الرقم
~ تمام
اما نديم ف خرج من مركز الشرطه خالص
وندي راحت وراه بعد لما ودعت رامي
-ممكن اعرف ليه قولتله اني صغيره ومش بفكر فالمواضيع دي حاليا ؟!
= عشان انتي صغيره
-متعصبنيش يا نديم لو سمحت
نديم مشي بعيد عنها وهي مشيت وراه ومسكته من دراعه
-قولتلك قولتله ليه كدا !
بصوت عالي = عشان مش عايز حد يخطفك مني !
-بس انا هفضل معتبراك اخويا يا نديم واكيد مثلا مش هبعد عنك لمجرد اني هتخطب .. محدش هيقدر يخطفني منك وبعدين دا انت حتي الي المفروض تقف معايا وتفرحلي .. مش هو دا الي الاخوات بيعملوه ؟!
=عمرك م هتفهمي .. هتفضلي غبيه دايما
-طيب بص ارجع انت علي شغلك دلوقتي ولما تيجي البيت بالليل هنتكلم اتفقنا ؟ مش عارفه بجد ازاي خايف اني اسيبك لمجرد اني هتخطب
=تمام رايح الشغل
وسابها و راح فالشارع الي بيوديه الشغل
لما اطمن انه بعد عنها صرخ بصوت عالي و خبط ايده فالحيطه جامد
= غبيه غبيه غبيه
و راح بعدها الشغل ولا كأن حاجه حصلت
بالليل رامي اتصل ب ام ندي و خد منها معاد اليوم الي بعدو
وندي كانت فرحانه انه اتقدملها الشخص الي معجبه بيه لدرجه انها نسيت انها قالت لنديم انها هتتكلم معاه بالليل
نديم فضل مستنيها قدام شقته يمكن تخرج ف اي لحظه وتسأله جبلها ايه كعاده كل يوم بس عدي ساعتين ومخرجتش من شقتها ف دخل شقته ونام
وحتي اليوم الي بعدو مراحتلهوش فالشغل و لا حتي اتصلت بيه مره واحده
كانت ف بيتها بتتجهز عشان رامي جاي عالعصر
-ماما كدا حلو ؟! شكلي كدا حلو ؟
الام عيطت
*عشت وشوفتك عروسه يبنتي
-يماما بقا متعيطيش دا المفروض يوم حلو
وحضنتها
*صفيه جايه بعد شويه عشان تقعد معانا لما يجي العريس .. هي تعتبر مامتك التانيه
بخضه -استني يا ماما انا نسيت اصلا اقول لنديم !!
*ليه كدا يبنتي دا المفروض اخوكي والمفروض يقف جمبك فيوم زي دا
-استني هتصل بيه
اتصلت بيه كتيير بس هو مكنش عايز يرد .. كان متضايق منها لدرجه انه قفل الموبايل خالص عشان تبطل ترن
-ماما قفل الموبايل عشان مرنش تاني !!
*يمكن مضغوط فالشغل يبنتي
وقتها صفيه جت ( صفيه هي ام نديم وصديقه ام ندي المفضله زي مقولتلكم )
> ايه الحلاوه دي بس يا عروسه
بخجل -تسلمي يا صفيه
و معداش وقت طويل و رامي خبط عالشقه عندهم و ام ندي فتحتله وكان معاه ابوه وامه
و قعد فالصاله
~ بصي يا ماما انا مش بحب الف و ادور كتير انا طالب منك ايد بنتك
-والله يبني القرار الاول والاخير ليها ..
£ بصي حضرتك انا ابني الحمدلله شرطي و عنده شقته جاهزه و مرتبه كويس ويقدر يفتح بيت ف كدا مش فاضل غير ان يكون فيه قبول من العروسه ناحيته
وقتها ندي دخلت عليهم وهي ماسكه الشربات
وبعدها قعدت جمب مامتها وصفيه بخجل
£ ها يبنتي قولتي ايه .. موافقه علي ابني ؟
-هصلي استخاره وابعتلكم ردي مع ماما ان شاء الله
£تمام يا بنتي
و طبعا سابوهم وحدهم شويه
~ انا جاهز ل اي اسئله بس فالاول فيه حاجه مهمه عايز اقولهالك .. لو حصل بينا نصيب ياريت تقللي علاقتك ب نديم خالص انا عارف انك بتعتبريه اخوكي بس انا بغير عليكي ومن حقي اطلب ان معاملتك معاه تبقا اقل بكتير من الاول
-يعني هتغير من اخويا يا رامي !
~ بس انتو مش اخوات فالحقيقه عشان كدا بردو لازم تقللي كلام وتعامل معاه وكدا كدا انا هبقا فحياتك دايما ومش هتحتاجي حد تاني اصلا
-بس نديم دايما واقف جمبي و عمره م سابني اروح انا اسيبه عشان خاطر بقا عندي حد غيره دايما فحياتي ؟!
~ انا مقولتش تسيبيه انا قولت تقللي تعامل وكلام معاه
-تمام .. انا كدا كدا هبعتلك ردي مع ماما
~ تمام وانا هستني
و بعدها رامي واهله مشيو
> ها يا ندي هتوافقي ولا ايه
-انتي ايه رأيك يا صفيه اوافق ؟ انتي عارفه اني بعتبرك مامتي التانيه و حابه اعرف رأيك
> من رأيي انه لو عاجبك يبقا وافقي
-اه هو عاجبني بس قالي اقلل من تعاملي وكلامي مع نديم
> دا الطبيعي يبنتي هو اكيد بيغير و دا حقه انه يقولك كدا
-وانتي رأيك ايه يا ماما
*انا شايفه ان صفيه عندها حق
-تمام خلاص يا ماما انا هصلي استخاره بعدها نبلغهم ردي
*تمام يا بنتي
بالليل نديم لما رجع من الشغل كانت ندي مستنياه قدام شقتها
-بتقفل موبايلك ف وشي يا استاذ !
كان لسا هيرد بس هي سبقته
-طبعا هتقولي تعبان وعايز انام
= مستنتنيش ليه امبارح بالليل زي مقولتيلي .. انا فضلت ساعتين هنا مستنيكي
-نسيت والله اصل رامي كلم ماما و اخد منها معاد النهارده وانا نسيت اتفاقنا خالص
= اخد منها معاد النهارده ؟!
-ايوه و لسا ماشيين من حوالي ساعتين كدا
= وليه مقولتليش !!
-كنت بتصل عليك عشان اقولك بس انت الي مردتش
= طب ايه هتوافقي ؟
-انا عملت استخاره ونتيجتها لغايه دلوقتي حلوه ف اه هوافق
نديم حس الدنيا بتتهز حواليه دا غير ان كل حاجه باهته ومش باينه
ندي سندته
-نديم انت كويس ؟! نديم !
سندته ودخلته الشقه عندها و قعدته عالكنبه وجابتله ميه بسكر وشربتهوله
-حاسس نفسك احسن دلوقتي ؟!
بس هو مردش عليها
-نديم متقلقنيش عليك رد
= انا عايز انام
و كان هيقوم من مكانه بس داخ تاني
-اقعد طيب شويه هنا لغايه لما تبقا مش دايخ .. استني هروح اقول لمامتك
مسكها من دراعها
=لا متقوليلهاش هتقلق عالفاضي
ولما مسك دراعها لاحظت ان ايده سخنه جداا
-نديم انت سخن !!
= لا متهيألك بس .. بصي ينفع انام عالكنبه هنا النهارده ؟
حطت ايدها علي راسه وفعلا كان سخن جدا
-نديم انت ايه الي حصلك !! كنت كويس من شويه !
= يبنتي مفيش حاجه دا من ضغط الشغل بس
-هتنام ازاي وانت سخن كدا
مستنتش رده وراحت المطبخ جابت كمادات و حطتهم علي راسه
ولاحظت ايده التانيه الي ضرب بيها الحيطه اليوم الي قبله
كانت مجروحه جداا من ضربه للحيطه جامد
-ايه الي حصل ل ايدك !
= خبطتها وانا مش قاصد
-راحت جابت مرهم و كانت بتحطله المرهم بس هو فجأه مسك المرهم و الميه بتاعت الكمادات و قماشه الكمادات و رماهم بعيد
-انت بتعمل ايه!!
= ابعدي عني وسبيني فحالي ..
وقام و راح لشقته
ندي حاولت توقفه وتقوله ينام عالكنبه عادي بس هو مرضيش واصر يرجع شقته
اليوم الي بعدو صحيت الصبح وخبطت علي شقتهم عشان تطمن علي نديم
صفيه فتحتلها و قالتلها ان نديم من امبارح قافل علي نفسه الاوضه ومش راضي يخرج وانها قلقانه عليه
ندي وقفت عند باب الاوضه وبدأت تكلمه
-نديم احنا قلقانين عليك .. انت اول مره متنزلش الشغل !
بس هو مكنش بيرد
فضلت ساعه كامله تكلمه وهو مش بيرد
لغايه لما قالت لصفيه انها هتجيلهم تاني بعد ساعه يمكن هو نايم اصلا دلوقتي
ولما رجعت شقتها مامتها قالتلها انها اتصلت ب رامي وبلغته موافقه ندي و قالها انه عايز الخطوبه تكون بكرا
-بكرا يا ماما !!!
*ايوه يبنتي
-انا لسا ملحقتش اجيب فستان !
*رامي بعت فستان من حوالي ربع ساعه
-جنتل مان اوي رامي دا
و راحت عند شقه نديم تاني عشان تقوله الخبر
-نديم افتح .. خطوبتي هتبقا بكرا وعايزاك جمبي .. انا مش متعوده انك تسبني لوحدي يا نديم طب طمنا عليك حتي
بس بردو مكنش فيه اي رد
عدي اليوم و اليوم الي بعدو كانت الخطوبه
لبست الفستان و هي متضايقه ان نديم لسا ف اوضته ومأكلش ولا شرب من امبارح وكمان سايبها فيوم زي دا
راحت القاعه و قعدت جمب عريسها
~ مالك متضايقه ليه
-نديم مش هيجي خطوبتي ..
~ ليه يعني
-مش عارفه
وكانت كل شويه تبص عالباب بتاع القاعه يمكن نديم يجي
وفجأه شافته وهو داخل القاعه
قامت من مكانها بفرحه
-نديم !!
بس رامي مسكها من ايدها
~ احم اقعدي يا ندي انتي كدا بتحرجيني قدام الناس .. ابقي كلميه بعد الخطوبه
-حاضر
~ هو ماله كدا وشه احمر اوي
-نديم وشه بيحمر بالشكل دا ف تلت حالات اول واحده انه يبقا حزين اوي اوي و التانيه انه يبقا متعصب جداا والتالته انه باذل مجهود كبير و تعبان
~ وهو انهي حاله دلوقتي
-دلوقتي هو زعلان اوي اوي
~ اها دا انتي عارفاه كويس جدا
-ايوه اكتر من اي حد .. بص استني هروح بس خمس دقايق اشوف ماله
~ هتسيبي خطوبتك وتروحي تشوفي صديق طفولتك ماله ؟!
-خمس دقايق بس
وقامت راحت لنديم
-نديم مالك
= الف مبروك
-نديم بقولك مالك
ندي لمحت دمعه عند طرف عينه
-نديم انت بتعيط ؟!
دي كانت اول مره تشوفه بيعيط .. حتي فالحضانه عمره م عيط قدامها
مسكته من ايده وخرجو برا القاعه
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية