رواية بنات المنشاوي الفصل الواحد والثلاثون بقلم خلود وائل
رواية بنات المنشاوي الفصل الواحد والثلاثون
انتهت ورد بسعادة من اختيار فستان زفافها الذي اختارة لها عاصم بنفسه ثم اتجهو لقضاء باقي اليوم بالخارج مابين تناول الغداء والشاورما والبيبسي التي تعشقها كلا من آيه وهناء ليعودة سويا للمنزل في المساء اما في قصر السلانتي فكانت تجلس مرام في حديقه القصر الفارهه تتصفح هاتفها بملل منتظرة عودة سعد لتتجه اليها نعمه بكل برود
نعمه:شيفاكي قاعدة وواخدة راحتك كانه بيتك يابنت حسان
مرام:كانه مش بيتي ولا ايه دة بيت چوزي حبيبي يبقي بيتي انا كمان
نعمه:خلينا نتكلم علي المكشوف عشان شغل المداري دة عحبوش واصل
مرام وهي تزم شفتيها بعدم اهتمام:قولي ال عندك
نعمه:سعد دة ليا انا وبس ولو حكمت هقلعك من البيت دة قلع
مرام بهدوء:ال عندك هاتيه يانعمه
نعمه:بقي اكدة طااايب انتي الجانيه علي روحك
لمحت نعمه وصول سيارة سعد لجراچ القصر فقامت بتمزيق ملابسها وبعثرت شعرها بشدة وتوجهت ركضا ناحيه سعد متصنعه البكاء دون ان تنتبه لها مرام
سعد بتعجب:نعمه!! مالك مبهدله ليه اكدة
نعمه ببكاء:مرام ال عملت فيا اكدة
سعد:وة ومرام هتعمل فيكي اكدة ليه
نعمه بدموع تماسيح:كنت بحكيلها عننا واحنا عيال صغيرة قامت ضربتني وبهدلتني وقعدت تقولي اني مقربش منيك قلتلها داانت اخويا الكبير مسكتني من شعري جامد وفضلت تضربني وتقولي انا عارفه ان عينك منه
سعد بحزن:وهي فين مرام
نعمه:هناك اهيه في الچنينه مطرح مضربتني
اتجهه سعد ناحيه مرام لتعلو وجهها ابتسامه حانيه لرؤيتها سعد لتتلاشي بسرعه عندما وقعت بنظرها علي نعمه
مرام بخضه: مالك يانعمه انتي كويسه عاد حوصلك ايه انا لسه فيتاكي زينه دلوق
نعمه ببكاء:يعني هتقتلي القتيل وتمشي بچنازته عاد
مرام بعدم فهم:بتقولي ايه مفهماش حاچه
سعد بحيرة:انتي ال عملتي اكدة في نعمه يامرام
مرام بدهشة:انا!!! وهعمل فيها اكدة ليه
نعمه:هتستعبطي اياك ولا ايه
مرام:والله معملتلها حاچه ياسعد وحياتك عندي مقربتلها
نعمه:متكدبيش يا___
سعد بحده:اسكتي خالص يانعمه وادخلي چوة وسبيني اتحددت مع مرتي لوحدينا يلاااا
دلفت نعمه لداخل القصر وعلي وجهها ابتسامه شماته لتقابلها والدة سعد فتروي لها نعمه الكدبه التي اختلقتها لتحزن ام سعد كثيرا لأجل نعمه
ام سعد:وفين مرام دلوق
نعمه : برة في الجنينه مع سعد
في الخارج استكمل سعد حديثه مع مرام:بطلي حجج فارغه يامرام وهي يعني هتعمل اكدة من نفسها ليه
مرام:انت مش قلتلي قبل سابق انها واعرة ومهتسكتش واصل
سعد:يامرام انا مبتهمكيش بحاجه انا بس مش فاهم هي هتعمل اكدة ليه عاد
مرام :معرفاش بس اقسم برب العزة انا مقربت منيها ولا حتي قلتلها كلمه
سعد:ماشي ياحبيبتي اهدي متزعليش نفسك اكدة خلاص بقي
مرام :ماشي بس بنت عمك دي زودتها چوي
والدة سعد من خلفها:وليكي عين كمان تتكلمي عنيها
مرام:في ايه يماما
والدة سعد :انتي كيف بتتجرائي وتمدي يدك علي بنت ماجد السلانتي كانك جري لمخك حاچه يابنت المنشاويه
سعد بحدة:اما.... بكفياكي عاد مرام معملتش حاچه
ام سعد:يعني نعمه ال اتچننت وعملت فحالها اكدة... الحنيه مهتنفعش مع واحدة قليله الربايه كيف مرتك ياسعد
مرام والدموع بدأت تتجمع في مقلتيها:انا قليله الربايه ياماما
سعد بصوت يصدع في ارجاء القصر:باااس خلاص بكفياكي عاد يما نعمه مچنونه وتعملها وانتي خبراها زين وحتي لو مرتي غلطت مهسمحش لحد ايا كان انه يهينها واصل
ام سعد:بتزعق علي امك عشان مرتك ياسعد دي تربيتي ليك يابن بطني
مرام وهي تحاول تهدأه الوضع:حقك عليا انا يما هو معيقصدش عاد
سعد:مرام خليكي انتي برة الليله دي عاد نعمه لازمالها واقفه من اولها عشان تحرم تزعل مرام
ام سعد:يابني انت مشوفتش كيف كانت بتبكي
سعد :يلا يامرام نطلع فوق انا تعبان وعايز ارتاح
امسك سعد بزراع مرام وسحبها بجوارة وسار بها للداخل ليتجهو سويا ناحيه جناحهم لترتمي مرام في احضان سريرها مطلقه العنان لدموعها ليتجه اليها سعد بحزن ليعدل من جلستها ويمسح لها دموعها
سعد:بكفياكي عاد ياحبيبتي
مرام:😭😭😭
سعد:طب عشان خاطري والله دموعك دي علي عيني بلاش تزعليني يامرام
مرام باكيه:ووو.وو ...وال... والله ياااا... س..سسس سعد ما عملتلها حاچه
سعد:وانا مصدقك ياقلب سعد وعقله بس بطلي عياط الله يخليكي
في الاسفل اجتمعت العائله وروت لهم ام سعد ماحدث لينظر كل منهم للاخر بدهشه ليتحدث هارون :فينها نعمه مبيناش ليه عاد
ام سعد:حابسه نفسها ياحبه عيني في اوضتها من ساعه ال حصل
هارون:وتحبس نفسها ليه وايه ال حصل لكل دة
فاطمه:ايه ياابو سعد مشايفش مرات ابنك غلطانه ولا ايه
هارون برزانه:اهدي ياام مصطفي كل حاجه هتتحل
ماجد:كيف ياهارون بنت حسان تمد يدها علي بنتي هي حصلت ولا ايه
هارون:لامحصلتش بس ذي ماسمعتو من نعمه لازمن نسمع من مرام ونشوف
ماجد:نشوف ايه عاد دي لازمن تتحاسب علي عملتها دي ومرام مين دي ال تسمعلها عاد ياهارون
هارون بحدة وصوت مسموع:خبر ايه ياماجد مرام دي مرت ولدي واي حاجه تمسها تمسني انا كمان ولا جري لمخك حاجه... من الاساس بنتك ناويه الشر وانت خابر زين طبعها عامل اذاي ولا هنستعبط علي بعض
ماجد:بس يخوي
هارون بحدة:مبسش .... بت ياتحيه
تحيه الخادمه:ايوة يابيه
هارون:اطلعي نادي لستك مرام وسعد بيه
تحيه:حاضر ياهارون بيه
في فيلا الحديدي وبالتحديد في غرفه سيف كان يجلس مرتديا بنطلون قطني رمادي اللون وتيشرت بنص كم اسود اللون امام مكتبه ينهي بعض الاعمال علي اللابتوب الخاص به ليغلقه عقب انتهائه ليطرق راسه للخلف قليلا واضعا كلتا يديه خلفها ومركزا ببصرة لنقطه في الفراغ يفكر في امر هام ليفيق من تفكيرة علي صوت طرقات الباب ⚡⚡⚡
سيف:ادخل
دلفت ليان للداخل واغلقت خلفها الباب ثم اتجهت لتقف بجوار سيف
ليان بهدوء: انا سيبتك ترتاح براحتك علشان نعرف نتكلم سوا
سيف:عاوزة ايه ياليان
ليان:انت ال عاوز ايه ... بقالك فترة محتار وبالك علي طول مشغول ومبقتش تقعد معايا من اخر مرة من يوم لميس وال عملته
سيف:مجتش فرصه عادي يعني
ليان بضيق:ماشي ياسيف
همت ليان بالرحيل ولكن استوقفها سيف
سيف:تعالي بس رايحه فين
ليان:رايحه اوضتي
سيف:تعالي نقعد في التراس من زمان مقعدناش فيه واتكلمنا لوش الصبح
ليان :وهو انت بقيت فاضيلي اصلا
سيف بمرح:انتي ال مش فكراني من طارق والخطوبه فكك بقي من الكلام دة
ليان:وهو انا عندي قدك يا سيوفتي
سيف:قوليلي سيف بس والنبي بلاش الدلع المتخلف بتاعك دة
ليان:طيب .... فيش حاجه نرغي فيها
سيف:ارغي وانا معاكي
ليان:هتلبس ايه في خطوبتي
سيف بتهكم:هنزل بالبوكسر ايه رايك
ليان:ههههه خفه
سيف:متتكلمي في حاجه ذات هدف يابنتي
ليان:آيه ك___
سيف مقاطعا:اياك اسمع اسم البت دي انا عفاريت الدنيا كلها بتحضر قدامي لما بسمع اسمها
ليان: ليه دي عثوله اوي والله
سيف:اققلبيلي علي الثيرة دى الله يخليكي
ليان وهي تمط شفتيها:مااشي... الا قولي انت شيلت صورة ريهام ال كانت علي الكوميدينو جمبك ليه؟
سيف بتوتر:عادي يعني
ليان بأبتسامه ذات معني:الحي ابقي من الميت ياسيوفتي
ابتسم سيف ابتسامه جانبيه ولم يجب علي ليان لتشعر هي الاخري بفرحه داخليه تهمس لها بأن ماتفكر به آت لا محاله
في قصر السلانتي هبطت مرام بجوار سعد درجات السلم لتدلف للغرفه الفارهه المتواجدة بها العائله المجتمعه
سعد:السلام عليكم
جميعهم:وعليكم السلام ورحمه الله وبركاته
سعد:حضرتك طلبتنا يبوي
هارون بهدوء:تعالي يامرام يابنتي احكيلي ال حوصل بينك وبين نعمه
مرام بخوف:والله ياعمي محوصل مني حاچه انا كنت قاعدة في الچنينه بستني سعد يرچع من برة ولقيت نعمه چايه تقولي سعد دة بتاعي انا وهقلعك برات البيت وانا قلت لنفسي دي عيله صغيرة بلاش تكبري الموضوع بس هي فضلت تقول كلام ينرفز فقلتلها ال عندك اعمليه فهي هملتني ومشت بعيد وشويه ولقيتها چايه مع سعد وهدومها مقطعه وشعرها مبهدل ولقيتها بتقول اني عملت فيها اكدة وكمان اشتكتني لسعد
هارون:ماشي يابنتي ربنا يكملك بعقلك
مرام :والله ياعمي معملتلها حاچه وحيات سعد انا مغلط فيها
ماجد:هتعملي الحبتين دول علينا عاد ولا ايه
سعد:لو سمحت ياعمي اتكلم مع مرام بأسلوب احسن من اكدة
هارون:بكفياك ياسعد .... ايه رايك في كلام مرام يانعمه
نعمه:كدابه ياعمي هي ال ضربتني من غير مااعملها حاچه وبهدلتني
ام سعد:ميصحش تكدب نعمه ياهارون وهي منظرها كفايه ويغني عن اي كلام
مرام والدموع بدأت تترقرق في مقلتيها:والله انا مظلومه معملتلهاش حاچه والله ياعمي صدقني
سعد:خلاص يامرام بكفياكي عاد انا مصدقك
ماجد:البت دى لازم تحب علي يد نعمه وتطلب منيها السماح
فاطمه:ايوة طبعا دي كرامه بنتي بالدنيا بحالها
هارون:والله عال مبقاش ليا كلمه عليكم تحترموها ولا ايه
ماجد: العفو منك ياخوي بس
هارون:مبسش كل واحد يلزم حدة ال بتبيعو وتشترو فيها دي بنت رجاله وشايله اسم ابني فهمتو ولا لاة
جميعهم : فهمنا
هارون :معلش يامرام يابنتي انتي العاقله الواعيه ابدائي انتي بالخير يابنتي ونعمه دي اختك الصغيرة
مرام ببكاء:انا مغلطش ياعمي عشان اعتذر منيها
سعد:يابوي نعمه اتبلت علي مرام ولو صدقتها مهتكونش اخر مرة وانا عاوز اعيش مرتاح مش كل شويه مشاكل ووچع قلب
هارون:معلش يابنتي المرة دي بس وحقك متشال علي الراس تعالي يامرام قربي ياحبيبتي
بدأت مرام بالمشي خطوات بطيئه للغايه وكأن قدمها تأبي الاتجاه لتلك الماكرة التي تنتظر كسر كبريائها بنظرات شامته لتقطع عليها تلك اللحظه دخول الخادمه قائله:حسان بيه المنشاوي موجود في الصالون الكبير ياهارون بيه ومعاه الست صفيه وولدة سليم بيه
هارون:انا چايلهم علي طول اهه
تسارعت دقات قلب مرام لتقف بشموخ وتحدي امام العائله بأكملها وكأنها تعلن رفضها التام لما كان علي وشك الحدوث لتهرول سريعا للخارج حيث تجلس عائلتها التي اتت لزيارتها كعادتهم
صفيه بفرحه تلاشت لرؤيتها لدموع مرام التي تتساقط بغزارة:حبيبيتي مالك فيكي ايه مين زعلك اكدة
اتجهت عائله السلانتي بأكملها للترحيب بحسان ومقابلته بحفاوة بينما ارتمت مرام في احضان والدتها واكتفت بالبكاء الشديد
حسان بقلق:مالك يامرام يابنتي تعبانه ولا ايه
ام سعد بتوتر:دة دلع عرايس ياحسان بيه
سليم بقلق علي منظر مرام:مالك يامرام حدا زعلك اهنيه انطقي
مرام:😭😭😭😭خدني من اهنيه ياخوي معوزاش العيشه دي الله يخليك
انهالت كلمات مرام كالصواعق علي رأس هارون وعائلته جميعا لتتلجم السنتهم عن الكلام
حسان بحدة :في ايه ياهارون بنتي مالها مين اتچراء وزعلها عاد
هارون:وة واحنا نقدر ياحسان بيه دي بنتك چوة عنيا
حسان بصوت اهتزت له جدران القصر:انطق مين داس لبنت حسان المنشاوي علي طرف
ام سعد:دة سؤ تفاهم بين البنات ياحسان بيه
نظر حسان بنظرات عدوانيه ل أم سعد لتهرب الكلمات من فمها قائلا:دة كلام رچاله ياحرمه لما چوزك يلبس طرحه ابقي اتحددت وردي انتي فاااهمه
ماجد:طول بالك ياحسان بيه مهو بنتك بردو هي ال غلطانه
سليم بغضب:اختي تغلط كيف مابدالها ولا علي اخر الزمن انتو ال هتحاكموها ...... لو ناسيين افكركم دي بنت حسان المنشاوي ياشويه بهايم
مصطفي:انت چاي تهزجنا في بيتنا ولا ايه
سليم :انت تقفل خشمك وتستني لما اسيادك يخلصو كلام فاااهم
سليم:مترد ياهارون بيه ولا هنقضي الليله نحايل معاليك تعرفنا ايه ال حوصل
هارون بتوتر:مرام ضربت نعمه بنت ماجد اخوي وقطعت هدومها وبهدلتها
سليم:وعملتلها ايه الست بنت اخوك عشان اختي تعمل فيها اكدة
هارون: مرام بتقول انها قالت كلام عن سعد زعلها
سليم:وانت بسلامتك لامم عيلتك وقاعد تحاسبها يازينه عصرك واوانك
هارون:ميصحش اكدة ياسليم يابني
سليم:هو انت خليت فيها يصح ولا ميصحش كيف يعني أچي لاختي الاقي دمعتها علي خدها وحضرتك ناصبلها المحكمه انت والبهوات اخواتك وفين الدكر چوزها
سعد:طول بالك ياسليم وبعدين انا ممصدقش حاچه في مرام واهي عندك اهيه اسألها
سليم:هي كلمه ملهاش اخت بنتنا في بيتنا وورقتها توصلنا وانتو ال فتحتو باب چهنم علي نفسكو بأيديكو
هارون:يا سليم ياولدي___
حسان بحزم: لحد اهنيه وخلص الكلام ياهارون واندفن .... يلا ياام سليم هاتي بنتك وبينا من اهنيه
وقف سعد يراقب اثرهم بحزن شديد الي ان انطلقت سياراتهم الفارهه من امام القصر
هارون :قلتلك اخرس خالص ياماجد اديك لبستنا في حيط الله ينتقم منك ومن بنتك
فاطمه:بنتي مغلطناش في حاچه ياابو سعد
هارون بصوت مرعب:انا متأكد ان الغلط راكبها من ساسها لراسها بس حاولت الم الموضوع خصوصي ان مرام عاقله ومحترمه ومعوزاش حد يزعل بس انتو استغليتو دة ونسين هي تبقي مين وبنت مين بس لاة من اهنيه ورايح كلكم عتمشو علي العچين متلخبطهوش ثم التفت ناحيه نعمه مكملا:وانتي ماجد وفاطمه معرفوش يربوكي زين بس متقلقيش اني هربيكي من اول وجديد
القي كلماته وهم بالاتجاه لغرفته واغلق الباب خلفه بشدة ليرتجف جسد جميع الواقفين لتبداء جوله من التساؤلات بالعيون بينهم لينسحب سعد لجناحه تاركا اياهم
عم المساء علي الجميع ليمر الليل ببطئ شديد لتشرق بعدها اشعه الشمس الذهبية علي القاهرة لتعلن يوم حفل زفاف ورد وعاصم 😍😍
يتبع الفصل الثاني والثلاثون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية