رواية صغيرة فؤادي الفصل الثالث والثلاثون بقلم أسماء سلام
رواية صغيرة فؤادي الفصل الثالث والثلاثون
فؤاد قاعد فى مكتبه وجتله مكالمه ورد
- أنا حامل يا حبيبى
فؤاد وقعد الموبايل من ايده وقاله روووووح
فؤاد قعد على المكتب واتضايق من اللى سمعه ، بس ليه متضايق مش ده اللى كان عايزه من الاول انه يتجوزها ويجيب منها عياله وقد حصل ما أراد ولكن لما يبدو عليه التعب والحزن أكثر من الفرح
عند سلمى
سلمى بعد ما فصلت الخط مع فؤاد قعدت وقالت
سلمى كده انا ضمنت انك ترجعلى يا فؤاد وطبعا مش هينفع تطلقى وتسيب ابنك بس بردو لسه فى خطوتين تانيين لازم اعملهم علشان احكم القبض عليك وتبقى تحت ايده
فؤاد خلص شغله لكن بملل وضيق مش مستوعب اللى حصل ، بعد حمل سلمى أصبحت علاقته وروح فى خطر فقد كان ينوى أن يطلق سلمى ويعيش مع روح بس بعد ما بقت حامل بقى صعب بس من المستحيل أن يطلقها ويحرم نفسه من ابنه الاول
يااااااااااااه على القدر بينفذلنا ما نريد بس مش وقت ما نريد 💔💔
فؤاد راح يشوف سلمى ويكلمها
سلمى احتضنته وقالت حبيبى .. فرحانه اوى انى شايلة حتة منك جوايا ... اخيرا هجيبلك الولد اللى انت نفسك فيه .. تفتكر نسميه ايه .. بجد أنا فرحانه اوى
فؤاد فرحان أنه هيبقى اب بس مكنش عايز ده من سلمى بل من روح
سلمى لاحظت أن فؤاد ساكت
سلمى مالك يا فؤاد ساكت ليه .. انت مش فرحان انى حامل .. ولا فى حاجة شاغلة تفكيرك غير كده
فؤاد بصلها بحسرة على حالة وقال مين قال انى مش مبسوط .. بالعكس أنا مبسوط اوى كمان .. بس كل الحكاية الموضوع جه مفاجىء وطبعا أنا بفكر فى مستقبل ابنى
سلمى متخافش يا حبيبي .. احنا سوى وهنعمله احلى مستقبل .. ادخل غير وتعالى نحتفل سوى بالمناسبة السعيدة دى ... وبعدين صرخت فى وشه وقالت أنا مش مصدقة نفسى انا هكون ام ولابنك يا فؤاد ... بجد ده احلى شعور
فؤاد سابها ودخل يغير هدومه بس تحت أنظار سلمى اللى بتضحك بشماته عليه وعلى حالته
سلمى : يا حرام يا فؤاد .. خطتك منجحتش .. كنت ناوى تطلقنى .. بس كده ضمنت وجودك جمبى .. لانك مش هتطلق مراتك أم ابنك .. بس لسه اللعبة فى أولها .. استنى الجولة التانية
فؤاد دخل ياخد شاور بحيث يهدى ويعرف يركز ويشوف هيعمل ايه فى حياته الجاية بس كل اللى بيفكر فيه يا ترى روح هتعمل ايه لما تعرف أنه عنده طفل من وحده تانيه .. لو مكانش فى طفل وعرفت أنه متجوز كانت ممكن تقبل وذلك لأنه كان هيطلق سلمى .. بس بعد ما بقى فى طفل مستحيل ترضى تكمل عليه ... وأنها هتقول انها مش عايزة تخرب حياة طفل لسه هيتولد على الدنيا
ضرب بايده جامد على حيطة الحمام من كتر عصبيته .. حاسس انه متكتف .. مبقاش قادر يكمل مع زوجتين بس دلوقتي بقى لازم يكمل مع سلمى .... ااااه هل كان لازم تحملى ودلوقتي كمان يا سلمى .. تعبت وعايز ارتاح من اللى أنا فيه
فؤاد طلع من الحمام وهو لافف المنشفة على خصره وصدره عارى
سلمى حضنته من الخلف وقالت كل ده فى الحمام يا روحى .. انت تعبان ولا ايه
فؤاد لفلها وقال مجرد تعب بسيط من ضغط الشغل .. سيبك انتى .. تعالى نتكلم عن الولد
سلمى وفؤاد طلعوا يتكلموا
فؤاد انتى عرفتى امتى وازاى انك حامل وحامل فى الشهر الكام
سلمى اهدى عليا يا روحى .. لاحظت أن البريود متأخرة فروحت جبت اختبار حمل وطلعت النتيجة إيجابية فعرفت انى حامل .. وده كان امبارح .. وبعدين روحت للدكتور وأكدلى الحمل وانى حامل فى الشهر الثانى ودى صور الجنين .. ولد
فؤاد مش قادر يفرح .. غصب عنه .. بس مش عايز يخسر روح .. بعد ما تأكد من حبه ليها
سلمى قربت منه باغراء وبدأت تلعب فى هدومه وقالت حبيبى .. اتمنى الطفل ده يجمعنا ونرجع زى الاول واحسن .. ومتبعدش عنى تانى .. وقامت حضنته وقعدت على رجله ويدها تحاوط رقبته
سلمى فى نفسها اسفة يا فؤاد على حالتك .. بس مكنش عندى حل تاني غير كده وبعدين طلبت منه يتعشوا سوا ويقضوا ليلة رومانسية مع بعض بمناسبة الذكرى السعيدة دى ..
وطبعا فؤاد عقله مع روح وعمال يرسم فى مخيلته تصرف روح هيكون عامل ازاى لما تعرف .. هل هتسيبه ؟ .. هل هتكرهه ؟
تاني يوم
عدى وندى ذهبوا للشغل وحياتهم قربت تتغير إلا أن رسالة ما اتبعتت على موبايلها وازعجها وهى
_ زوجك لديه طفل من امرأة أخرى .. هو نفسه لم يعلم به .. وهذه التحاليل التى تثبت كلامى وبعتت ليها صورة تحيل DNA.. فى الاخر مجهول
ندى اتصدمت لأن التحاليل تثبت فعلا أن الابن ابن عدى لكن من الزوجة ... هل من الممكن أن تكون مروة .. يجب أن تتحدث معه
ندى ذهبت بمكتب عدى وقالتله بعد الدوام هنطلع نتغدى بره ... عايزاك فى موضوع
عدى موضوع ايه يا ندى
ندى اكيد مش هتكلم هنا يا عدى .. فكر شوية
عدى استغرب من ردها لأنها مش بترد كده غير وهى متضايقة أو مخنوقة ... تمام يا ندى .. روحى لمكتبك
عدى بيفكر يا ترى ايه الموضوع اللى ندى هتكلمه فيه .. خير يا رب
بعد الدوام
عدى في ايه يا ندى .. قلقتينى .. انتى كويسه ؟
ندى اه أنا كويسه .. بس فى كام نقطة هسألك فيهم
عدى ايه هم !؟!
ندى انت متاكد ان مروة مكنتش حامل منك وانت بتطلقها ؟
عدى اتصدم من كلامها وقال .. اكيد طبعا مكانتش حامل .. أنا قولتلك قبل كده أنها كانت بتاخد حبوب منع الحمل ..وكمان هى مكانتش عايزة تخلف منى وهى قالتلى كده .. فازاى هتكون حامل منى
ندى عادى ممكن تكون بتاخد وسيلة منع حمل وتحمل عادى وده بيحصل كتير .. وكمان هى مكنتش عايزة تخلف بس ممكن حملت غير عنها او ممكن مرضتش تقولك وخدت ابنك تربيه مع حد تانى ..
عدى أنا مش فاهم انتى بتقولى ايه .. وايه اللى جاب سيرة مروة دلوقتي.. هى عايشة حياتها مع زوجها. ابنها .. سيبيها فى حالها
ندى لا والله .. مالك محموق اوى كده ليه .. ولا تكون لسه بتحبها .. وممكن الولد ده ابنك مش ابن زوجها
عدى ندى اعقلى الاول كده واتكلمى وقوليلى ليه بتقولى أن الولد ده ابنى.. على اى اساس بتقولى كده
ندى طلعت ورقة طبعتها فى المكتب وادتها لعدى اللى اتصدم من اللى قرأه
ندى شوفت بقى انك عندك عيل وطبعا انت متجوزتش ولا لمست غير مروة يبقى ابنها ولا انت قربت من واحدة تانية حتى لو بالغلط
عدى أنا مقربتش غير من مروة ومنك .. وبعدين انتى جبتى الورقة دى ازاى ومين اللى ادهالك .. وليه فكرتى فى الموضوع ده دلوقتي مع انك شفتى مروة من اسبوع .. قوليلى مالك
ندى بعياط فى حد بعتلى الورقة دى على التليفون وقال إن الولد ابن وانا من ساعتها وانا مش عارفه اعمل ايه .. وكلمتك علطول علشان ميحصلش بينا مشاكل .. بس مش قادرة أتخيل انك عندك عيل من واحدة غيرى
عدى يا حبيبتى أنا واثق أن ده مش ابنى .. اكيد دى لعبة .. وليه ظهرت بعد ما اتجوزتك .. فهمانى .. ندى أنا بحبك ومش عايز غيرك من الدنيا .. فمش عايزين اى مشكلة مهما كان حجمها يبعدنا عن بعض وباس ايديها .. تمام يا روحى
ندى وانا كمان بحبك اوى يا عدى واتغدوا وروحوا
*""*""
عند روح
روح ماشية مع منى صحبتها فى الجامعة وهى مبسوطه اوى .. اخيرا الدنيا ضحكت ليها وخلاص فؤاد بيحبها .... صحيت على صوت منى وهى بتقولها يا اختى روحتى فين
روح مفيش سرحت شوية
منى شوية ولا شويتين ... انتى عقلك طار اوى
هاجر شكلها بتحب
منى اه يا اختى بتحب و دايبة كمان
هاجر قوليلى مين ... معانا فى الكلية ولا لأ...
منى لأ يا هاجر .. روح متجوزة وبتتكلم عن زوجها
هاجر بصدمه بجد .. انتى متجوزة .. لسه صغيرة ؟
منى ضربتها على ايديها وقالت اسكتى
روح بفرحة أنا كنت مفكره كده بردو بس لما تحبى وتعرفى الحب هتشوفى ان الأحداث دى مش مهمة
هاجر وهل فى نونو جاى ولا لسه 😂
روح لسه ربنا مأردش يا روحى
منى ربنا يخليكم لبعض يلا سلام
روح طلعت من الجامعة واتفجأت ان فؤاد واقف مستنيها على باب الجامعة وده اول مرة يحصل
فؤاد قرب منها وهو مبسوط اوى .. اخيرا شافها
روح ابتسمت ليه وركبت معاه وراحوا على شقته
فؤاد اول لما دخلوا شالها وحطها على السرير ونام على بطنها وهو حاضنها
روح قعدت تعلب فى شعره وقالت مالك يا فؤاد
فؤاد مش بيرد لانه مرتاح وهو نائم كده
بعد فترة ابتعد عنها وقرب منها وحضنها جامد وروح بادلته نفس الحضن
روح مالك يا حبيبي .. شكلك متضايق .. قولى
فؤاد مخنوق اوى يا روح وجيت اقعد معاكى وارتاح
روح احكيلى
فؤاد بعدين هقولك وقرب منها والتهم شفتيها بشفتيه بعنف وروح بادلته وذهبوا لعالمهم الخاص
عدى أسبوعين على الكل وكانوا ملئيين بالتعب
ندى بدأت تبعد عن عدى لأنهم لسه معرفوش هل التحليل ده صح ولا غلط..مين بعته .. لسه ميعرفوش
روح لاحظت تغير فؤاد اوى وانه بقى ساكت ومش بيضحك زى الاول وكل لما تسأله يقول شغل بس علطول فؤاد فى شغل وضغط فايه اللى اتغير
زياد وياسمين فرحهم بعد بكره وهما سعداء جدا
سليم و ايمان اتخطبوا لبعض والحياة ماشية
فى يوم روح قاعدة فى البيت لان مفيش كلية النهاردة ولقت رسالة على الموبايل وكانت عبارة عن صورة ...
روح عيطت وقالت متجوز عليا يا فؤااااااد 💔
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية