رواية صغيرة فؤادي الفصل الرابع والثلاثون بقلم أسماء سلام
رواية صغيرة فؤادي الفصل الرابع والثلاثون
روح عيطت وقالت متجوز عليا يا فؤاد 💔💔
روح قعدت مكانها تعيط ومش مصدقة اللى شافته ورجعت تشوف الصورة تانى وتقرأ عقد الزواج ولقت توقيع فؤاد فقامت جابت بعض أوراقه من المكتب وشافت التوقيع ولقت أنه نفس التوقيع .. الصدمة بقت كبيرة اوى ومش عارفه تعمل ايه .. هل فعلا فؤاد متجوز عليها .. طب هى الأولى ولا التانية .. مش هتفرق .. هل خدعها .. طب هل أهله عارفين وضحكوا عليها .. طب ليه بيعمل معاها كده .. ليه بيقول بيحبها وفى نفس الوقت بيقرب من التانية .. مش قادرة أتخيل أنه كان بيعمل معاها نفس اللى بيعملوا معايا .. معقول تكون الورقة مزورة .. تستنى لما تكلمه وتعرف منه الحقيقة .. يا ريت توقعها يبقى غلط ويطلع فؤاد مش متجوز عليها
بعد دوام الشغل رجع فؤاد للبيت
فؤاد حضنها وقال حبيبتى عامله ايه
روح لما تبادله الحضن وقالت بخير .. ادخل غير وتعالى علشان تتغدى
فؤاد مالك يا روح .. شكلك متغير عليا
روح مفيش .. ادخل غير
فؤاد دخل يغير وحس أن فى متغيرة
روح وفؤاد بيتغدوا وروح ساكته مش بتتكلم خالص ولا حتى بتبصله ولا تضحك وهو حس ان فى حاجة متغيرة .. بعد الغداء
فؤاد تعالى يا روح قوليلى مالك
روح بحزن يكسر قلبها فؤاد قولى بصراحة انت مخبى عليا حاجة .. او عايز تقولى حاجة
فؤاد اتفاجأ من سألها وقالها لأ مفيش بس ليه بتقولى كده .. فهمينى
روح يعنى انت مش هتقول.. بس انا هخليك تقول يا فؤاد و ورتله صوره زواجه على الموبايل
فؤاد اتصدم لدرجة أن الكلام مش راضى يطلع منه
روح شيفاك ساكت ومردتش
فؤاد يا روح .. غصب عنى .. أنا كنت هقولك بس وقاطعته روح وقالت
روح أنا الأولى ولا التانية وهل اهلك عارفين
فؤاد بضيق انتى الاولى .. امى واخى عارفين لكن أبى لأ لأنه مكنش هيرضى
روح انكسر قلبها لما عرفت انها الاولى .. يعنى عارفين وبتضحكوا عليا وتقول عندك شغلك وانا انام وانا قلقانه عليك وزعلانه انك مش معايا لدرجة كنت بلبس هدومك علشان اعرف انام وانت هنا انت هناك نايم ومبسوط معاها .. ليه عملت كده .. أنا قصرت معاك فى ايه .. مدام مش بتحبنى ولا عايزنى .. ليه تخدعني
فؤاد يا روح اسمعيني .. أنا آسف عن اللى حصل .. أنا لما اتجوزتك مكنتش بحبك وكنت بحب سلمى علشان كده اتجوزتها لكن حبيتك انتى وكنت ناوى أطلقها وأكمل معاكى
روح بكتت والدموع على خدها وقالت برافو يا استاذ فؤاد .. احنا بقينا لعبة فى ايدك .. تتجوز وقت ما تحب .. وتطلق وقت ما تحب .. بجد برافوا وبصت لعقد الزواج وشافت التاريخ ولقت أنه بعد زواجها بشهر يعنى كان بيقرب منى وهو بيحب غيرها
روح بانهيار اتجوزتها بعدى بشهر وكنت بتقرب منى عادى وتقولى بحبك حتى بعد ما اتجوزتها فضلت تضحك عليا وبقيت تقرب اكتر وتقولى كلام حب وانا بقيت اقول انك بقيت بتحبنى علشان كده بقيت تعاملنى كويس لكن انت كنت بتخدعنى وبتعمل كده علشان ملاحظش انك اتجوزت .. وانا كنت فعلا غبية وصدقك وحبي .. وحبيتك وكنت اتمنالك الرضا ترضى وفى الاخر تخدعني
فؤاد قرب منها وحاول يحضنها لكن روح صدته وقالت اياك ثم اياك تقرب منى تانى .. من دلوقتي أنا بقيت محرمة عليك .. ولو سمحت ورقة طلاقى توصلى عند اهلى .. انا اسفة بس انا مقدرش اعيش مع واحد خاين مفكر أن بنات الناس لعبة بيحركهم زى ما هو عايز ولا همه حد
فؤاد متقوليش كده يا روح ، أنا والله بحبك وعايزك جمبى .. مستحيل اطلقك
روح بتحبنى قال .. وبعدين بدأت تضربه على صدره وقالت .. كنت بتقرب منها ..ضربة ..وبتلمسها .. ضربة وبتقولها بحبك ..ضربة .. كنت بتنام فى حضنها .. ياااه على حرقة قلبى . حرام عليك يا فؤاد .. ليه تجرحنى كده
فؤاد يا روح ادينى فرصة تانية .. أنا بحبك
روح خلاص يا فؤاد اللى بينا انتهى وبخصوص بتحبنى .. فأنت كنت بتحب التانية وبتقرب منى عادى مع انك كنت بتكرهنى ده يعنى أنك بتقرب بغرض شهوة وخلاص فمش هتفرق بقى بتحبنى ولا لأ .. بس ليه محترمتش البيت اللى طلبتنى منه .. ترضيها لأختك .. اكيد لأ فليه عملت كده .. انا بكرهك والحمد لله مفيش اطفال بينا علشان اكمل فلو سمحت زى ما دخلنا بالمعروف نخرج بالمعروف وانا هقول لاهلى اهلك خصوصا والدك انى مش مرتاحه ومش قادرة اكمل ومش هجيب سيرة انك اتجوزت عليا وعيش حياتك بعيد عنى
فؤاد روح اسمعيني .. أنا بحبك وعايز اكمل معاكى
روح والتانية هتطلقها ولا ايه
فؤاد بحسرة مقدرش أطلقها
روح ليه مش هتقدر .. علشان بتحبها صح .. كداب وبتقولى بحبك وعايز اعيش معاكى
فؤاد مقدرش أطلقها لأنها حامل
روح وقعت على الأرض من كتر الصدمات اللى نازلة على رأسها حااامل .. وقامت بصتله وقالت بزعيق وعياط طلقنى وراحت على غرفتها
فؤاد راح وراها لقاها بتلم هدومها علشان تمشى .. مسك ايديها علشان يمنعها لكنها زقته وبقت تكمل لم الهدوم
فؤاد طلع من الاوضة وقفل عليها بالمفتاح
روح وهى بتحاول تفتح الباب .. افتح يا فؤاد .. حرام عليك .. كفاية كده .. سيبنى امشى ..
روح قعدت على الأرض وسندت على الباب وهى بتعيط بحرقة من صدمتها فى اغلى انسان على قلبها
فؤاد من بره الباب .. أنا آسف يا روح بس انا فعلا بحبك ومش قادر ابعد ومستحيل اطلقك حتى لو ده هيدفعنى غالى اوى
فؤاد طلع الصالة ومسك موبايل روح وفتحه وشاف الرسالة وبحث عن النمرة لقاها من سلمى مراته
فؤاد وهو بيجز على سنانه .. اه يا سلمى الك** والله لوريكى وبعدين دخل جاب غيار من اوضته وراح لسلمى
أما سلمى فهى كانت فرحانه اوى باللى عملته وكانت مستنية فؤاد يجى ويكلمها ويزعقها لأنها عارفه ان روح مش هتسكت وأكيد هتطلب الطلاق وطبعا فؤاد مش هينفع يطلق سلمى علشان حامل فبالتأكيد هيطلق روح وحتى لو فضلت على زمته فبردو مش هتكون طايقاه يعنى وجودها زى عدمه وقعدت تضحك على خطتها الذكية هههههههههههه 😂😂
سلمى فاضل خطوة كمان بعدها اضمن وجودك معايا وانك مش هتبعد عنى ابدا بس لازم استنى شوية علشان تفوق من الصدمة دى وعلشان الخطوة التانية تنجح .. علطول عمرى ذكية 😂
بعد شوية فؤاد وصل لسلمى وفتح الباب بقوة وشاف سلمى قاعدة فى الصالة بتتفرج على الشاشة وبتضحك ولا كإنها عملت حاجة ... فقرب منها
سلمى عملت نفسها بريئة وقالت .. حمدالله على سلامتك يا روحى .. وحشتنى
فؤاد ضربها بالقلم على وشها وقال .. بتضحكى عليا يا سلمى .. عايزة تفرقى بينى وبين روح .. بتبعتى ليها صورة عقد زواجنا علشان نطلق .. بس بعينك والله منا مطلقها حتى فى احلامك
سلمى مصدومة أن فؤاد ضربها لأنها اول مرة حد يمد أيده عليها ..ولا حتى اى حد من أهلها ضربوها
فؤاد زهق من جو الصمت والصدمة بتاعها ده فمسكها جامد من شعرها وقال .. فوقيلى كده يا ماما .. وبلاش جو التتنيح ده .. انتى عارفه انتى عملتى ايه وكرد طبيعى على تصرفك ضربتك بالقلم ولا كنتى مفكرة انى هاجى اسقفلك ..ابعدى عن روح يا سلمى وملكيش دعوة بيها .. وإلا اقسم بالله فامحيكى من على وش الأرض ولا حتى هيهمنى انك حامل بابنى وساب شعرها
سلمى شعرها وجعها من قبضة فؤاد ومش عارفه ازاى ده حصل .. مكنتش متوقعة ده يحصل وان فؤاد يهددها .. شكلى هبدأ الخطوة الثالثة علشان يتعلم يلعب مع سلمى حسن تانى
ام فؤاد فرجع يشوف روح ..
اول لما وصل فتح باب اوضة روح .. ولقى ان روح
نايمة على الأرض و وشها دبلان اوى من كتر الدموع .. فشالها وحطها على السرير .. وبعد شعرها عن عينيها وقال ..
فؤاد أنا آسف يا روح .. عارف انى تعبتك وجرحتك كتير .. لانى مكنتش متوقع انى هحبك .. كنت فاكر انى هفضل احب سلمى وشوية وهطلقك لكن .. تأتى الرياح بما لا تشتهي السفن .. حبيتك وأصبحتى كل حياتى ومبقتش قادر ابعد عنك .. وكنت ناوى اطلقك سلمى بس فجأة طلعت حامل .. وبعدين عرفتك .. يا ترى هتعملى ايه تانى يا سلمى .. بس اوعدك يا روح انى هخليكى ليا حتى لو اضطرنى الأمر انى اخليكى تحبينى من جديد .. وبعدين باس رأسها وسابها بس مقفلش الباب لكن قفل باب الشقة بالمفتاح علشان متعرفش تهرب
بالليل
روح صحيت وحست ان دماغها وجعها اوى وافتكرت اللى حصل بعد لما عرفت أن فؤاد متجوز عليها .. حطت ايديها على قلبها وقالت كان لازم تحبه .. ليه حبيت واحد مخادع .. طول الوقت وهو بيلعب بمشاعرى .. وكمان قفل عليا علشان مهربش وقامت فتحت الباب واستغربت أنه مفتوح فجمعت هدومها وكانت خارجة بس لقت باب الشقة مقفول .. رمت الهدوم فى الارض وقالت يووووووووه .. جه فؤاد وشافها وهى عند الباب ..
روح افتح الباب لو سمحت
فؤاد اسمى ايه
روح مبقاش بينا حاجة .. وانا مينفعش اتكلم مع حد غريب عنى .. فلو سمحت افتحلى الباب وكمل حياتك براحتك .. كانى مدخلتهاش
فؤاد قعد يقرب من روح لحد ما خبطت فى الحيطة..وبعدين حط ايده على خصرها وقربها منه جامد وقالها .. بس انا بحبك يا روح .. وعارف انك كمان بتحبينى .. فممكن تدينى فرصة
روح حاطه أيدها على صدره وبتحاول تزقه بس كل لما تحاول تبعد فؤاد يقربها منه اكتر
فؤاد مسك وشها بايده وقعد يبص فى عينيها علشان يخليها تضعف وتشيل فكرة أنها تسيبه أو تطلق .. وفجأة التهم شفتيها بعنف .. روح كانت زى الجثة الهامدة لا تبدى اى ردة فعل لقبلته .. فؤاد ابتعد عنها لما لقاها كده وقال
فؤاد سامحيني يا روح
روح سيبينى اروح عند أهلى واقعد لوحدى افكر وهديك فرصة
فؤاد لأ مش هخليكى تروحى .. لان اكيد لو روحتى مش هتيجى
روح بهدوء يعنى انت مفكر انك لما تحبسنى مش هعرف اهرب .. هصوت ولا هرن على أهلى أو انادى على اى حد من الشباك ... وممكن انادى على والدك وأكيد طبعا انت مش عايزة يعرف بزواجه لانه اكيد هو اللى هيطلقنى منك .. فأنت معندكش حل غير انك تودينى عن اهلى
فؤاد خاف من طريقة كلامها وقال .. روح مالك بتتكلمى بهدوء كده ليه .. أنا مش مطمن لكلامك ده
روح هو لازم اعيط يعنى علشان ترتاح
فؤاد مش القصد بس على الاقل متتكلميش كده
روح سيبينى أمشى يا فؤاد وكده هيكون فى فرصة اكمل معاك ولكن لو حبستنى مش هسامحك ابدا .. اختار ورد عليا .. وسابته ودخلت
فؤاد مصدوم من طريقة كلام روح ..
تفتكروا روح هتعمل ايه ؟؟؟
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية