رواية بنات المنشاوي الفصل السادس والثلاثون بقلم خلود وائل
رواية بنات المنشاوي الفصل السادس والثلاثون
مضي المساء ببطء شديد علي قلبين يغزوهما الالم والكسرة لتشرق شمس الصباح ومعها آمال جديدة لتتسلل اشعتها الذهبيه لداخل غرفه آيه لتتململ في سريرها بضيق وتغطي وجهها بوسادة لتعاود استكمال نومها اما عن سيف فهو لم ينعم بالراحه ولم يذق طعم النوم من شدة الحزن لتدلف لغرفته ليان صباحا باكرا وتعلو وجهها علامات الامتعاض
ليان:صباح الخير
سيف :صباح النور
ليان:عملت فيها ايه المرة دى وخليتها تروح جري حتي من غير ماتاخد شنطتها وياعالم روحت اذاي
سيف :بقولك ايه انا مش ناقصك ولا فايق لحوراتك
ليان: امال هتفوقلي امتي يا دكتور سيف
سيف بحدة:لياااان
ليان:مش هسكت ياسيف غير لمااعرف عملتلها ايه من امبارح ومش عارفه اوصلها ولا عارفه اطمن عليها فضلت ادور عليها ملقيتهاش ومش فاهمه ولا عارفه ايه ال ممكن يكون حصل
سيف ببرود:وانا مالي بكل دة؟
ليان:مفيش غيرك وانا متأكدة .... عملتلك ايه علشان تخليها تطلع تجري ذي المجنونه قلي؟
سيف: هي حفظتك الكلمتين وجايه تسمعيهم وتحاميلها ولا ايه؟
ليان:كلمتين ايه واحاميلها عشان ايه انا مش فاهمه اي حاجه فهمني ايه ال حصل بالظبط
سيف:محصلش حاجه والاشكال دي ذي مادخلتيها بيتنا وحياتنا تطلعيها منها بدل مااطلعها انا بمعرفتي فاهمه
ليان:حرام عليك يااخي انت ايه كفايه عليها حياتها ال عاشتها مقهورة ومحرومه ويوم ماتلاقي راحتها وامانها معايا تقوم تعمل معاها كدة هي عملتلك ايه انت لو تشوف منظرها في كاميرات المراقبه بتاعه الفيلا قلبك هيوجعك عشانها حرام عليك ياسيف بجد مش مسمحاك لو كنت اذيتها بكلمه
القت ليان كلماتها والتفتت متجهه للباب لتصفعه خلفها بقوة وتهبط درجات السلم سريعا متجهه للسيارة الخاصه بها لتأمر السائق بالاتجاه لعنوان محدد اما بالاعلي فكان سيف كالبركان الثائر تدور برأسه ملايين الافكار يأبي تصديق ماحدث ويلوم نفسه بشدة علي مافعل ........
رن هاتف دعاء ⚡⚡⚡ لتتقدم نحوة سريعا لتحمله بسعادة بالغة وتجيب المتصل سريعا
دعاء:الو
فارس:ياصباح الفل والياسمين علي عيون ست الناس
دعاء:صباح ال بتغني يافارس
فارس:وة وة ليه بس اكدة
دعاء:چلتلي استناك عنسهرو سوا في التليفون بس هملتني ونمت
فارس بمرح:يامنجي من المهالك يارب
دعاء:متحاولش تلعب عليا عاد مفكرني هبله وهتراضي بالساهل اكدة
فارس:انا مش مفكر انا متأكد
دعاء بتذمر:فااارس
فارس:انا متأكد ان قلبك ابيض حليب ومعتعرفيش تزعلي مني دقيقتين علي بعض يابت داانتي راحتي بعد تعب الدنيا كلياتها
دعاء :اممممم
فارس:وعشقي ال اتربيت وكبرت عليه
دعاء:دة ال باخدة منيك عاد قولي امتي هتعرف الدنيا بحالها اننا متجوزين
فارس بجديه:دلوق حالا لو تحبي
دعاء:عتعمل ايه عاد
فارس:خليكي معاي ع الخط انا نازل تحت لابوي في مكتبه وعقوله اني اتجوزتك
اتجهه فارس لباب الغرفه الخاصه به ودلف للخارج بينما استمعت دعاء لصوت نزوله درجات السلم لتشعر بالتوتر الشديد ومن ثم استمعت صوت باب مكتب عمها وفارس قائلا:عندي خبر مهم ليك يابوي لتتسارع دقات قلبها بشدة لتصيح قائله :لا الله يوفقك يافارس الله يخليك خلاص خلاص والله
حسان:خبر ايه عاد يابوي
دعاء في الهاتف:احب علي يدك مش الوقتي يافارس الله يوفقك
تنهد فارس:البشمهندس عاطف چاي من قنا النهاردة عشان جمع المحصول ال في البر التاني
حسان:زين چوي ابقي خد سليم وروحو اتفچو معاه علي الشتله الجديدة
فارس: حاضر يابوي
تملك الخوف من دعاء وكأن الدماء فرت من عروقها لتستمع لصوت لضربات قلبها المرتفعه لتطمئن بعدها بسماع صوت اغلاق الباب مجددا
فارس بجديه:قلتلك اني لازمن اعترف بيكي قدام الدنيا بحالها واعادي اي حد عشانك بس انتي معتصدقنيش عاد كان فاتي قلتله وانتهينا
دعاء:مصدقاك ياحبيبي بس مش اكدة
فارس:انا راچل يادعاء ودمي حامي ومعحبش الدلع الماسخ دة عاد
دعاء:اباي عليك يا فارس يعني مليش دلال عليك ولا ايه
فارس بحب:داانتي ليكي الدلال والدلع والهنا كله ياضي عيني
دعاء:اشتقتلك چوي يافوفو
فارس:وانتي اكتر ياقلبي والله
دعاء:دنيتي بتتلون وتحلي لما بسمع صوتك
فارس:طب ولما بتشوفيني؟
دعاء:بتبقي جنه يانبض قلبي
فارس:بحبك ياست قلبي وست الناس كلها
طرق الباب بطرقات متتاليه لتنتبه له دعاء لتغلق الخط سريعا وتتجه إليه لتتدلف هناء للداخل
هناء:ياصباح الجمال والكريستال يا دودو
دعاء:صباح الفل يا نؤة
هناء:مالك وشك منور ليه كدة علي الصبح
دعاء:ها ... ابدا دة ... دة...
هناء:امممم دة بينه ولع في الدرة
دعاء:هو ايه دة
هناء:الحب عرفاه
دعاء : اسمع عنه ... المهم انتي جايه الصبح ليه كدة وسايبه جامعتك؟
هناء:اسكووووتي مش انا اجازة النهاردة
دعاء: وبعدين
هناء:روحت لعاصم عزمت نفسي علي الفطار عندة غصب عنه قبل ماينزل شغله وجيت ارخم عليكو وبعدين هاخد البت يويو وننزل وسط البلد ونغير جو تيجي معانا
دعاء:ياريت والله الواحد زهق من قعدة البيت
هناء:يبقي تمام وتعزمينا علي شاورما علي حسابك
دعاء بضحكه عفويه:من عنيا حاضر
هناء:يسلمولي .... البت يويو فين ؟
دعاء:نايمه لسه
هناء: ايه النوم دة كله ملهاش حق دي الساعه بقت ٩
اتجهت هناء للجلوس على احدي الارائك الموضوعه في الصاله بينما اتجهت دعاء للمطبخ لتحضر لها واجب الضيافه ليطرق الباب ⚡⚡ وتتجه اليه هناء لتفتحه
هناء بمرح:انتي مين يا شابه؟
ليان:انا ليان صاحبه آيه امممم انا شوفتك فين قبل كدة
هناء:انا هناء اخت عاصم جوز ورد اخت آيه بتاعه ٧قواضي اغتصاب و٢سب وقصف و٥ قواضي خطف اطفال
ليان بأبتسامه:اااه افتكرتك افتكرتك
هناء:هتباتي عندك علي الباب اتفضلي
دلفت ليان للداخل حامله اغراض آيه لترحب بها دعاء وهناء ويجلسو سويا ليتبادلو الاحاديث العامه لفترة لتتجه بعدها دعاء لغرفه آيه وتوقظها لتخبرها بوجود هناء وليان بالخارج
آيه:مش عاوزة اشوف حد مشيهم من هنا
دعاء:عيب كدة ياآيه هطرد الناس من البيت
آيه:خلاص هطردهم انا ابعدي
دعاء:آيه بلاش جنان الله يخليكي قومي غيري هدومك وقابلي البنات كويس
دلفت دعاء للخارج لتستكمل جلستها بجوار الفتاتين لتلحق بها آيه بعدها بدقائق مرتديه بيجاما النوم خاصتها وعلي كتفها الفوطه الخاصه بها
آيه:صباح الخير يا جماعه
هناء:نموسيتك بمبي يابطه نايمه كل دة بتعملي ايه
آيه:كان عندي حلم بخلصه ليكي شوق في حاجه يا نؤة
هناء:انا هسكت بس عشان صاحبتك قاعدة وعشان انا مؤدبه وكدة يعني واخوها عريس جان اوي وعاجبني ورقم تليفوني """"""
دعاء وليان:😂😂😂😂
آيه بغيظ:قومي يابت انتي امشي من هنا
هناء: انا قاعدة في ملك الحكومه
ليان بمرح:خلاص بقي يايويو وبعدين تصدقي دي هتبقي لايقه علي سيف اووي
آيه بحنق:خلاص خديها معاكي وانتي ماشيه
هناء بمرح:ياريت والله
آيه بغيظ:متلمي نفسك يابت انتي هو محدش عاجبك ولا ايه
هناء بمرح:لا طبعا سيف اخوها عاجبني اوي طول ايه وعرض ايه وعضلات ايه ويالهوي بقي عيون زرقا وشعر حرير لالالالالا دة عاجبني اوي اوي والنبي جوزهولي يا ليان الله يخليكي واوعدك اول بنوته هنسميها ليان
اشتشاطت آيه غيظا من وصف هناء لسيف فقد شعرت بأنه خاصتها هي فقط وتناست ماحدث بالامس لتمسك بالفوطه الموضوعه علي كتفها وتلقي بها في اتجاه هناء لتصتدم بوجهها بشدة
هناء:اااي وجعتنااااي الحقوني
آيه:عشان لما اققولك اسكتي تبقي تسكتي
دعاء:براحه ياآيه مش كدة
ليان:يخربيت جنانك 😂😂
هناء :طلعت اجن مني وضيعت مناخيري الحقوني انا بضيع ياوديع
اتجهت آيه ناحيه المرحاض لتغتسل سريعا وتتوضأ وتدلف للخارج متجهه لغرفتها قائله:هصلي واجيلكو
امضت آيه عدة دقائق لتتجه ليان لغرفتها وتطرق الباب لتسمح لها آيه بالدخول
آيه:ادخل
ليان وهي تدلف وتغلق الباب خلفها بنبرة مازحه:انا جيالك النهاردة ورقبتي قد السستمه وضميري مأرنبني
آيه وهي تهز كتفيها:وانتي ذنبك ايه؟
ليان:هو ايه ال حصل بالظبط
آيه بضيق:مسألتيش اخوكي ليه بدل ما تطخي المشوار دة كله وتسيبي الجامعه
ليان:هو يقولي مسألتيهاش ليه وانتي تقوليلي مسألتيهوش ليه ياجماعه حرام عليكو امبارح كان المفروض خطوبتي لو مش واخدين بالكو وانتو وعدتوني انكو هتبطلو شكل مصممين تزعلوني ليه بقي
آيه:والله ماعملت حاجه ياليان بس اخوكي ال متسرع و____
ليان بترقب:وايه ارجوكي قولي بقي
آيه بألم: الحكايه كلها ******
روت آيه ماحدث لليان بدايه من موقف حامد بالشركه والموقف الذي حدث معها البارحه
ليان:ومين الشاب الحقير دة متعرفيش اسمه ولا يبقي مين
آيه بحزن شديد:معرفهوش .... وحتي لو اعرفه هيفيد بأيه اخوكي هزقني امبارح وجرحني بكلام صعب اوي مستحيل اققدر انساه كنت مفكراه غير فراچ وكنت بحاول اديله فرصه يمكن يكون فعلا بيحبني ذي ما انتي قلتيلي بس دمرها بشكه فيا وتصديقه الكلام دة
ليان:طولي بالك ياآيه والله سيف اخويا دة طيب وقلبه ابيض بس الموقفين هما ال شبه بعض فهتلاقيه بس كان غيران عليكي
آيه بحدة :غيران عليا يقولي اني واحدة رخيصه !
ليان بتعجب:هو قالك كدة ؟!
آيه بألم تملك منها:متشغليش بالك عادي بقي هي غلطه وعدت والترم الجاي انا هحول جامعه عين شمس عشان ابقي بعيد عنه نهائي
ليان بحزن:طب وانا ياآيه
آيه بحنو:انتي اختي ياليان وعلاقتي بيكي عمرها مهتتغير علشان مشوفتش منك غير كل خير
ليان:علشان خاطري اديله فرصه تانيه والله انا متأكدة انه بيحبك
آيه:لو سمحتي ياليان مش حابه اتكلم في الموضوع دة تاني كفايه لحد كدة
ليان:طب اوعديني انك تفضلي معايا في الجامعه الله يخليكي
آيه :ربنا يسهل
دلفت هناء للغرفه بدون طرق الباب :مش يلا ياهوانم جاردن سيتي ولا ايه
آيه:ايه ياغباء داخله وكاله ولا ايه
هناء:مش هرد عليكي عشان اخت عريس قاعدة جمبك
امسكت آيه بوحدة الاضائه (الاباچورة)الموضوعه بجوارها علي الكوميدينو واتجهت ناحيه هناء محاوله القائها نحوها لتسرع هناء بالفرار من امامها
هناء:يامجنونااااه الحقيني يادعاء
اختبئت هناء خلف دعاء بينما آيه تحاول اصابتها لتحول دعاء بينهما في منظر كوميدي للغايه لتتابعهم ليان وتنضم اليهم محاوله تهدئه آيه
ليان:خلاص بقي يايويو
دعاء:استهدو بالله ياجماعه
آيه:هقتلها سيبوني
هناء من خلف دعاء:انتي زعلانه ليه هو كان يخصك ولا كان يخصك
آيه:يابت متنرفزنيش
هناء:طب والله منتي جايه معايا الخروجه
هدأت آيه قليلا لتنظر نحو هناء بزاويه عينيها التي ضيقتهما :امممم خروجه
هناء:كانت بقي
آيه:في شاورما وبيبسي؟
هناء:وكرانشي شيتوس و ايس كريم كمان ايه رايك
آيه:طب البس بنطلون ولا دريس
هناء:البسي بنطلون جينز وعليه الشميز البترولي بتاعك وكوتشي لونه وهتبقي قمرايه
آيه بمرح:طول عمري قمرايه يابت يانؤة
هناء:طلعالي يابيبي
آيه:هاتي حضن يابيبي
نظرت دعاء لليان الواقفه بجوارها بتعجب لتبادلها ليان نفس النظرات
ليان:هما دول ال كانو مموتين بعض الوقتي؟!
دعاء:هما كدة علي طول عاملين ذي توم وجيري لما هيموتوني بدري
ليان: دول في اللالا لاند خالص
دلفت آيه لغرفتها لتقوم بتبديل ملابسها سريعا ودعاء ايضا كما عاودت الاتصال بسيف لتستأذن منه وقد سمح لها بالخروج لتتجه الفتيات جميعا لاستقلال سيارة ليان والتوجهه لاحدي المولات التجارية والقيام ببعض التسوق وقضاء وقتا ممتعا لتشتري آيه فستانا قصير من الستان لبعد الركبه ذو لون أزرق يماثل لون عينيها لينال اعجاب الفتيات جميعهم
دعاء:حلو اوي يايويو
ليان:تحفه ولايق مع لون عنيكي جدااا
هناء مازحه:والله ابغي اچولك اشتريه عشان اخدة لفه ولكن استحي
آيه:انا وانتي اتنين مش واحد ياقلبي
هناء: اصيل يابو رحاب 😂
انهت الفتيات التسوق بعض فترة طويله ليتوجهو لأحدي المطاعم لتناول الغداء
الويتر:تحبو تطلبو ايه يا فندم
هناء وآيه:شاورما
دعاء:انتو مبتزهقوش ابدا متغيرو مرة من نفسكو
هناء:فكك دي العشق
آيه:الشوق الشوق
ليان:بلوبيف بلوبيف
دعاء:😂😂انا هاخد كريب وانتي يالينو
ليان:انا عاوزة برجر
دون النادل ماطلبته الفتيات بورقه صغيره يحملها بين يديه وغاب لفترة قصيرة ثم عاد اليهم حاملا الطلبات الخاصه بهم ليتناولو الطعام سويا
هناء: ادينا اكلنا سوا اهوة يا لينو عشان يبقي عيش وكاتشب ومتنسينيش تاني
ليان:طبعا يانؤة ومش اخر مرة انشاء الله
دعاء:كان نفسي تكون ورد معانا
هناء:ورد مين يختي دا عاصم نازل الشغل غصب عنه النهاردة ومستحيل يسيبها تنزل قعدت اققله يابني انتو متجوزين بقالكو اسبوعين ارحمني بقي مش عارفه اطلعلكو استفرد بالشيكولاته يقولي ابدا ويشوحلي بأيديه كدهوة قال يعني مش عاجبه كلامي
ليان: ربنا يفرحهم يارب الجيات كتير علشان نفسي اتعرف علي ورد
هناء:يوووة متقلقيش كل ماآيه تكتئب تعالي وهنخرج علي طول
دعاء:ماآيه حلوة اهيه يابنتي خلتيها مكتئبه ليه
هناء:طب ناديلها كدة
دعاء:آيه ... يويو.... هلووووو
افاقت آيه من شرودها علي اشارات دعاء بيديها امام عينيها
آيه:ها... في ايه
هناء:انتي هناك من امتي
آيه :هناك فين؟
هناء:في ارض البال والخيال
آيه:معلش سرحت شويه
شعرت ليان بالالم الذي يحتل اوصال صديقتها ولكنها تحاول اخفائه جاهدة لكي لايشعر بها احد فهي انطوائيه في احزانها لا تشاركها مع احد الا اذا دعت الحاجه .....
مع انتهاء النهار انهت الفتيات يومهم بسعادة لتتوقف السيارة تحت البنايه التي تقطن بها الفتيات ليفتح لهم السائق الباب ويدلفو للداخل وتتجه هناء لمنزلها بعدما ودعت الفتيات لتنظر ليان لتلك السيارة المصفوفه بتمعن شديد لتنتبه لها آيه
آيه:في ايه ياليان انتي كويسه
ليان : انا... ها... ممكن اطلع معاكي فوق
آيه : طبعا يابنتي اتفضلي
ارتقت الفتيات درجات السلم بينما دقات قلب ليان تعلو وتهبط يتخللها احساس ممزوج مابين الفرحه والتوتر ليتوقفو امام باب الشقه لتنظر دعاء بدهشه لذالك الشاب الجالس امام ناظريها
دعاء بدهشة:سيف بيه!!
سيف وهو ينهض من علي درجات السلم : اذيك يادعاء
دعاء:الحمد لله اهلا بحضرتك
نظرت آيه لسيف بضيق شديد ثم عاودت النظر لليان الواقفه بجوارها بنظرات معاتبه
ليان هامسه: والله مااعرف اي حاجه
دعاء :حضرتك بتعمل هنا ايه يا سيف بيه؟
سيف بصوت رخيم:بعتذر طبعا اني جيت من غير معاد سابق بس في موضوع مهم كنت حابب اتكلم فيه مع آنسه آيه بعد اذنك
نظرت دعاء ل آيه بعدم فهم ثم التفتت لسيف:اه طبعا اتفضل
قامت دعاء بفتح باب الشقه ليدخلو جميعا لغرفه الصالون ليسود الصمت لبرهه
آيه ببرود: نعم ... حضرتك قلت انك عاوزني في موضوع مهم
سيف:ايوة فعلا بس___
دعاء بحمحمه:بعد اذنكو ياجماعه هجبلكو حاجه تشربوها
ليان: انا جايه معاكي اساعدك يادعاء
دلفت الفتاتين للخارج لتتسائل دعاء عن سبب زياره سيف المفاجئه والغير مبررة
ليان:والله مااعرف في ايه ولا هو جاي ليه!
بالداخل **""
نظرت آيه لسيف بنظرات متفحصه لتتفاجئ بعينيه الحمراوتين بشدة و وجهه الشاحب كأنه لم يذق الطعام منذ فترة طويله لتهتف بغضب قائله
آيه بجمود:ايه ال يجيب واحد محترم ومتربي ذيك يادكتور سيف لواحدة رخيصه ذيي ماشيه علي حل شعرها وبتعرض نفسها علي الرجاله ؟
شعر سيف بنغزة في قلبه لأنها تلقي علي مسامعه الكلمات التي آلمها بها في الليله الماضيه لينظر اليها بأهتمام قائلا:انا أسف ياآيه
آيه بفتور:اسف على ايه هو ايه ال حصل علشان تعتذر
سيف بجديه:انا اتسرعت وغلط في حقك ومصدقتكيش وقلتلك كلام مكانش يصح انه يتقال بس كان في ساعه غضب مش اكتر
آيه:والمطلوب مني اعمل ايه
سيف بأبتسامه عذبه:اولا تسامحيني ثانيا نبداء صفحه جديدة خالص ثالثا بقي ودة الاهم انك توافقي تتجوزيني
آيه ببرود شديد :لا
سيف بتعجب:لا ليه ياآيه انا بجد بحبك وعاوز اتجوزك وناوي اعمل كدة من يوم ماكلمتك في فرح اختك بس كنت بستني الوقت المناسب
آيه :وهو دة بقي بالنسبالك هو الوقت المناسب!!
سيف:غصب عني والله انا حبي ليكي اناني قوي ياآيه بغير عليكي من اي حد يجي جمبك وبتجنن لو حد جاب ثيرتك علي لسانه وامبارح لما شفتك واقفه مع حسين وماسك ايدك اتجننت ومبقتش عارف انا بعمل ايه
همت آيه بالوقوف:مبقتش عارف انت بتعمل ايه؟؟! بالبساطه دي مبقتش عارف انت بتعمل ايه انت جرتني من ايدي ذي الدبيحه بالظبط وجرحتني اوووي وغلط فيا وقلتلي اني رخيصه وشمال وماشيه بعرض نفسي علي الرجاله ونظرتهم ليا واحدة مبقتش عارف انك كدة بتهيني وبتجرحني ليه مصدقتنيش للدرجادي شايفني سهله ورخيصه
كانت كلمات آيه كالصواعق الموجهه لسيف تطعنه في أنحاء جسدة لتفتك به وتستقر بقلبه لينظر اليها بألم ممزوج بندم ووجه مكفهر ليتجه اليها ويقف امامها لتتلاقي اعينهم سويا لبرهه
سيف:حقك عليا انا غلط في حقك جامد اوي ومش عارف انا عملت كدة اذاي بس والله غصب عني واوعدك اني عمري مهاجي عليكي تاني
آيه بأبتسامه ساخرة:مهو مفيش تاني انت مش عاوز تفهم ليه!
سيف:انا بحبك ياآيه وحبيتك من اول مرة شفتك فيها وانتي في الشركه لما كنتي بتزعقيلي من يومها وملامحك محفورة في عقلي ورافضه تتمحي منه اديني فرصه اكفر عن ذنبي انا عاوزك في الحلال وعمري مهجرحك تاني
آيه بجمود:اطلع برة
شعر سيف بالاهانه الشديدة من كلمه آيه الاخيرة لينظر اليها بعتاب شديد كيف تفعل به هكذا لقد حطم كبريائه وغرورة لاجلها وتنازل عن الكاريزما التي لطالما احاط نفسه بها ليطلب العفو والسماح وماذا جني بالمقابل ..... نظر سيف ل آيه بغضب عارم ووضع يديه بجيب سترته الجلديه التي يرتديها واخرج منها علبه قطيفه صغيرة ووضعها علي الطاوله الخاصه بالصالون
سيف:دى تخصك
القي كلمته ببرود قاتل وهم بالخروج حاملا بداخله غضب العالم بأسرة لتدلف ليان ودعاء للغرفه ليتجههو ل آيه سريعا لتنظر اليهم بأعين دامعه وجسد متصلب
ليان:انتي كويسه عملك حاجه؟
دعاء:في ايه ياآيه ايه ال حصل
ليان:انطقي ياآيه تعبتوني
دعاء:روحي انتي ياليان وافهمي من سيف
ليان:هكلمكو لما اوصل بعد اذنكو
هبطت ليان درجات السلم سريعا لتصل لسيارتها تتفقد المكان المحيط بناظريها ولكنها لا تري مرادها فقد استقل سيارته وانطلق بسرعه جنونيه يطوي الطرقات اما بالاعلي فأنهارت آيه في احضان دعاء باكيه بكاء هستيريا لم تعهدة من قبل
دعاء:اهدي يا آيه فهميني انا مش فاهمه اي حاجه
آيه:بحبه يا دعاء بحبه اووي ....
يتبع الفصل السابع والثلاثون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية