رواية وعد الحر البارت الثالث 3 بقلم همس حسن
رواية وعد الحر الفصل الثالث 3
كارمن من التعب والإرهاق اللي مرت بيهم اليوم كله غفلت وراحت في النوم .. خالد ابن الراجل بيفتح الباب ببطئ وداخل عليها في غفلة أبوه مش موجود فيها
بدأ يتسحب ويدخل واحدة واحدة لحد ما بقى واقف قدامها .. بص على جسمها كله بطريقة قذرة
وفجأة قرب منها وحاول يتهجم عليها .. قامت كارمن اتفزعت وفضلت تصوت وتزق فيه بعيد بكل قوتها وهو يحاول يكتفها تصررررررخ بعلو صوتها "الحقوووووووني" وتضرب فيه وتزقه .. لحد ما فقدت الأمل إنها تنقذ نفسها ، مدت ايديها جابت اولة ماية من جنب السرير ورزعتها في دماغه 💥💥 الاولة اتكسرت ١٠٠ حتة وهو اترمى ع الأرض ودماغه سايحة دم ، على دخلة الراجل العجوز جري من برا على صوت صويتها
الراجل : فيه ايه فيه ايه يابنتي
بيبص في الأرض لقى خالد إبنه مرمي سايح في دمه وكارمن واقفة عرقانة وبتترعش ووشها كله دموع
الراجل : يالهوووووي ايه اللي عمل فيه كدااااا
كارمن زقت الراجل وخرجت تجري من البيت بأقصى سرعة عندها وهي بتنهج وبتترعش وبتعيط في وقت واحد ..
قعدت تجري تجري تجري تجري ووسط جريها بتبص وراها برعب يكون الواد مات وحد جاي يمسكها ملقتش حد وراها وبتلف وشها تاني خبطت في حد قوة الدفع زقتها لورا كانت هتقع لكنه مسكها قبل ماتقع .. الشخص دا يبقى ... "فارس💥"
💛المشهد الحالي 💛
فارس ماسك كارمن بايديه الاتنين .. كارمن بصاله بصدمة ، عينيها مليانة دموع وبتنهج وتترعش .. فضلوا على الوضع دا حوالي ١٥ ثانية
وفجأة بدون أي مقدمات فارس خدها في حضنه جامد .. حضنها حضن يعوض ال١٤ ساعة اللي اختفت فيهم ، ويعوض الوقت المرعب اللي عاشته هي في نفس ال١٤ ساعة
وهو حاضنها جامد : كنت متأكد إني هلاقيكي ياكارمن ، خدت عهد على نفسي ميعديش ٢٤ ساعة غير وانتي معايا واديني وفيت ورجعتك لحضني تاني
فجأة زقته وبعدت بعيد عنه .. بصلها باستغراب !!
كارمن : ايه اللي جابك ورايا ؟؟؟ وصلتلي ازاي ووصلتلي ليييييه اصلا ؟!!!!!!!
فارس : كارمن انتي مراتي .. والقطعة البريئة اللي لسة مشوفناهاش في المستشفي دي تبقي حتة مني ومنك ، عايزاني مدورش عليكي ازاي !!
كارمن : شوفت رسالتي صح ؟؟؟
فارس : اه ياكارمن شوفتها
كارمن : ودا يخليك تستنتج ايه طالما شوفتها ؟!
فارس : يخليني استنتج إنك واقعة في حوار كبير وشايلاه لوحدك وانا لازم أعرف هو ايه واشيله معاكي
كارمن : قولتلك في الرسالة بالبونت العريض إني بحب واحد غيرك ومش عايزاك
فارس : بقالنا سنة كاملة مع بعض بحلوها ومرها .. مرينا بمليون الف موقف يبتولي إنك بني آدمة لا ينفع تغدر ولا تخون ، نظرة عينيكي في كل لحظة لينا مع بعض كانت بتأكدلي مشاعرك ناحيتي .. وانا مش عبيط عشان أصدق كلمتين مكتوبين بحبر على ورقة ب٣ تعريفة ياكارمن
بيحط ايده على وشها : انا متأكد إن ميخليكيش تكتبي الكلام دا وتهربي بالشكل دا غير الشديد القوي ياحبيبتي
بتنزل ايده بغضب : وانا متأكدة إنك اكيييييد مجنون .. عايزني أعمل ايه تاني اكتر من إني سبت كللللل حاجة وهربت وكتبتلك رسالة واضحة جدااااا إني مبحبكش وبحب واحد غيرك !!!
موضوعنا من البداية كان مصالح مشتركة .. اجيب الطفل لعيلة الحر ، وتتمموا الصفقة
وانا عملت الدور اللي يخصني للآخر عاوزين مني اااااايه تاااااني سيبوني في حالي بقي أعيش حياتي
خلصت كلامها ولفت عشان تمشي بسرعة .. وفي لحظة بدون مقدمات مسك دراعها وقفها وراح شايلها 🔥🔥
قعدت تصوت وترفص "نزلنننننني يافارس هصوت والم النااااس نزلني"
فارس : عاوزة تصوتي صوتي مش مشكلة
جري بيها وهو شايلها فتح باب العربية وحطها فيها ، ركب الناحية التانية قدام الدريكسيون وبدأ يسوق بأعلى سرعة .. وهي اغم عليها من التعب والجري دا غير إنها لسة والدة
*في المستشفي*
مصطفى رايح جاي يعمل في تليفونات محدش قادر يوصلها
جميلة قاعدة في الأرض ايديها على دماغها وبتعيط ، أمنية قاعدة ماسكة البيبي "وعد" بتحاول تلهيها وتسكتها عشان بتعيط بإستمرار من جوعها .. فاطمة رايحة جاية في الطرقة
سيف طالع ع السلم ..
أمنية : ايه ياسيف عملت ايه
سيف : مش لاقي فارس في اي مكان ولا حتى بيرد على تليفونه !!!
فاطمة : طبعاً .. هيرد ازاي في السوحة اللي معكوك فيها دي ؟؟؟؟
سيف : طيب يلا ياجماعة نروح على البيت وبعدين نشوف هنتصرف ازاي ، قاعدتنا هنا دي ملهاش أي لازمة
أمنية : هنسيب كارمن وممكن تبقي قريبة من المستشفي !!
فاطمة : ااااه هنسيبها .. مش هي اللي مشيت بإرادتها ولا حد ضربها على ايديها ؟؟؟؟
جميلة رمت الشنطة من ايديها وقامت وقفت
جميلة : جرا ايه يافاطمة انتي مش عايزة تجيبيها لبر ولا ايه !!! متخلينيش أمد ايدي عليكي ونفرج الناس علينااااا
بتقول الكلام دا وهي رايحة ناحيتها وبتمد ايديها عشان تضربها
فاطمة بتزعق وبتزقها : تضربي ميييين ياام اضربك انتي اتجننننتي ولا ايه !!!
سيف وأمنية ومصطفى جريوا يحوشوا بسرعة
مصطفى بزعيق : ما خلااااااااااص بقااااااا
ايه شغل العيال دا اشحال لو مكانتش حفيدتكوا انتو الجوز في ايديكو !!!!!!!
جميلة : انا اللي يغلط في بنتي اجيبه تحت رجللللي
فاطمة : اااايه شغل الفلح دا عيب على سنك ياشيخة
جميلة : تاااني !!! تاني هتغلطي
مصطفى : خلااااااص قولنا .. قوموا يلا كله على بيته
سيف بيبص لجميلة : وانتي كمان ياامي تعالي اقعدي في أوضة كارمن وفارس لحد ما ترجع ونتطمن عليها
جميلة : لا ملهاش لازمه عشان لما داليا ترجع أبقى موجودة
أمنية بابتسامة : مفيش مشكلة هنخليها تيجي تقعد معانا هي كمان البيت كبير
فاطمة بتبصلهم بغيظ
بدأوا يلموا حاجتهم عشان يمشوا ..
فارس وصل بالعربية مكان شبه جنينة وفيها و أوضة كبيرة .. نزل من العربية لف الناحية التانية فتح الباب وشال كارمن اللي مازالت مغم عليها !
مشي لحد الأوضة .. طلع المفتاح من جيبه بالعافية وفتح الاوضة ودخل نيمها على السرير
جاب ماية بسرعة وبدأ يفوقها زي المجنون ويخبط على وشها "كارممممن ، يابنتي فتحي عينك وفوووقي" .. راح جاب ماية ورش على وشها وقعد يفوق فيها تاني *مازالت مبتفوقش !!*
قعد جنبها ومسك ايديها : ياكارمن أبوس ايديكي انا ماصدقت الاقيكي ومش هستحمل تعب أعصاب تاني ياحبيبتي .. فيه كلام كتير اوي محتاج أسمعه منك
فيه مليون سؤال في راسي لازم أسمع إجابته بأي شكل وإلا هتجنننننن
وطي باس دماغها وعينه مدمعه
💛💛💛💛💛💛💛💛💛💛💛💛💛💛
مصطفى*عم كارمن* بيفتح باب الشقة وداخل . ناهد مراته جريت عليه
ناهد بتوتر : ها لقيتوها يامصطفى ؟؟
مصطفى : ملهاش أثر بنت الكلب
ناهد : لا حول ولا قوه الا بالله .. هتكون راحت فين دي بس ياربي
مصطفى : بس ورحمة أبوها لا اجيبها من تحت طقاطيق الأرض واحاسبها حساب عسير ع اللي عملته دا
ناهد : يااخي ماتهمد بقى بلا حساب بلا هباب انت هتفضل طووول حياتك تحاسب فيها ايه مبتتعبش .. دا مش بعيد يكون كللللل اللي حصلها دا بسبب عذابك ليها طول عمرها
دا بدل ما تكون بدل أبوها تحتويها وتاخدها في حضنك وتحسسها بحنان الأب كل اللي بتفكر فيه مصلحتك ومصلحة إبنك
مصطفى : بقولك اااايه اصطبحي وقولي ياصبح عشان على اخررري بدل ما اديكي في وشك
ناهد : تديني في وشي في السن دا !! لا وعلى ايه انا سايبالك الاوضة وخارجة
**بعد ساعتين **
كارمن بتبدأ تفوق .. فتحت عينيها لقت فارس قاعد قدامها حاطط ايده على دماغه ومغمض عينيه ... فضلت بصاله حوالي دقيقة كاملة وساكتة تماماً
فتح عينه ودور وشه بصلها لقاها فاقت لسة هينطق .. زقته وقامت بسرعة وعلى وشها علامات الغضب
كارمن : انا فين ؟؟؟؟
فارس : انا فين !! ايه نسيتي الأوضة اللي بدأنا فيها كل حاجة حلوة ؟؟
كارمن : وانا ياسيدي مش فاكرة كل الحاجات الحلوة اللي بتتكلم عنها دي ، مش فاكرة غير إني زههههقت ونفسي تسيبني في حالي بقي شوووية
فارس بيمسكها من دراعتها الاتنين : لا ماهو انا كمان زهقت والكونڤرسيشن دي مش هتخلص إلا ما تقوليلي ايه الحكاية بالظبط
يعني ايه نبقى عايشين مع بعض مبسوطين وبنحب بعض ومستنيين بنتنا تيجي تنور الدنيا وتكمل فرحتنا وهوب تكتشفي إنك عايزة تسيبي كلللللل حاجة وتهربي ؟! ايه الحاجة اللي ممكن تخليكي تعملي كدا انا متأكد إن فيه سبب وانتي مخبية عني
بيحط ايده على وشها : ياحبيبتي انتي لو واقعة ف مشكلة ومش قادرة تحليها قوليلي ع الأقل أبقى معاكي وفي ضهرك ونحلها سوا
كارمن : هرجع واقولك تااااني للمرة المليون ، انا بحب واحد غيرك .. وعشان اثبتلك كلامي الواحد دا مش بعيد ولا حتى غريب ، حد انت تعرفه وبتشوفه كتير جدااا كمان ، ولو عندك ذرة كرامة او دم حتى رجولة طلقني وسيبني اروحله ونفذ كلامك اللي كان في أول الإتفاق
فارس بينزل ايده من على وشها وبيرجع لورا : ذرة كرامة أو دم أو رجولة !!!
هي وصلت لكدا ياكارمن ؟؟؟؟
بيمسح على دقنه وبيبص في الأرض : امممم .. دا كدا الموضوع شكله كبير فعلاً وانتي مش ناوية تبقى صريحة وتتكلمي
وكدا انا مضطر آسفً أسيبك هنا وأخرج ادور بطريقتي لحد مااعرف الحكاية
كارمن بتبرق : تسيبني هنا !!!!!
بيلف عشان يمشي مسكته من دراعه : لااااا مانت مش هتسيبني بين أربع حيطان بالمنظر دا وتمشي خرجججني من هنا عشان انا ممكن اطلب البوليس واصوت والم الناس
بينزل ايديها من على دراعه : انا آسف ياحبيبتي .. للأسف المكان لا فيه تليفون تتصلي بيه ولا حتى حد هيسمعك لو صوتي من هنا للسنة الجاية .. مفيش غير تليفزيون تتفرجي عليه يسليكي وتلاجة فيها اكل وشرب وسرير تنامي عليه ، وبلكونة متجنزرة .... عن اذنك
سابها وخرج من الأوضة وقفل عليها بالمفتاح من برا .. وقفت تدب ع الباب وتزززززعق " افتتتتتح الباب يافارس اللي بتعمله دا عيب وميننننننفعش افتح ام الباب دااااا انت مش من حقك تحبسني افتتتتتح" سمعت صوت تدوير عربيته .. اتأكدت إنه مشي ، قعدت في الأرض حطت ايديها على دماغها وبدأت تعيط 💔💔
فارس وصل بالعربية عند المستشفي .. نزل من العربية ولسة هيدخل لقى سليم *إبن عم كارمن* في وشه
فارس : ازيك ياسليم
سليم : بخير ياباشا الحمدلله
فارس : مالك واقف في وشي كدا ليه !!
سليم : أصل مفيش داعي تطلع خلاص .. كلهم مشيوا
فارس : مشيوا راحوا فين
سليم : روحوا على بيتكم .. تقدر تقول كدا فقدوا الأمل
والصراحة عندهم حق ، أصل الكل عارف الحقيقة من بدري .. عقبالك كدا
فارس : الكل عارف حقيقة ايه ياسليم ما توضح كلامك ؟؟؟؟
سليم : حقيقة إن كارمن عاجلاً أم آجلاً كانت هتمشي هتمشي .. انا وانت عارفين كويس إن الموضوع دا من بابه كان مصالح مشتركة وهي اتدهست في النص ، لقت نفسها في حوار كبير ملهاش أي علاقة بيه ونايمة على نفس المخدة مع واحد مبتحبوش .. وياعالم بتحب مين بقي ☺️
فارس باصصله بعيون حمرا وعروق نافرة : ياعالم بتحب مين ؟! سليم متحاولش تختبر صبري واتكلم احسنلك عشان انا دقيقة ومش هبقي فارس اللي تعرفه
سليم : انا وكارمن بنحب بعض يافارس ومن زماااان اوي كمان .. ولو تحب عندي بدل الدليل مليون الف دليل يثبت صحة كلامي ، فياريت تستسلم بقى وتجيب ورا وتبطل تدور عليها .. سواء معايا او مع غيري فاحنا هنكمل قصتنا اللي ناقصة
فارس باصصله ومبرق ..
Flash back 📸🔙
كارمن : هرجع واقولك تااااني للمرة المليون ، انا بحب واحد غيرك .. وعشان اثبتلك كلامي الواحد دا مش بعيد ولا حتى غريب ، حد انت تعرفه وبتشوفه كتير جدااا كمان ، ولو عندك ذرة كرامة او دم حتى رجولة طلقني وسيبني اروحله ونفذ كلامك اللي كان في أول الإتفاق
ياترى فارس هيكون ايه رد فعله بعد ما ربط الأحداث ببعضها ؟؟
- تابع الفصل التالي عبر الرابط: "رواية وعد الحر" اضغط على أسم الرواية