رواية نور الفصل الثالث 3 بقلم شوشو احمد

 رواية نور الفصل الثالث بقلم شوشو احمد

رواية نور الفصل الثالث

طلع النهار على ابطالنا

نور عملت فطار لها ول احمد وبيتكلموا واحمد بيقول لها عمري مكنت اتخيل ان اسعد العمري بالطيبه دي او ان ممكن يقضي يوم كامل فى بيتنا معقول المحافظ فى بيتنا

اتكلم كتير ومش لقي رد من نور احمد مالك يا نور سكته ليه

نور:ابدا تفتكر هيفتكر الكشك بتاع ام محمد ولا مشاغله هتنسيه

احمد :الي زي اسعد العمري مش بيرجع فى وعد ابدا

نور ممكن بس ممكن ينسى مش يخلف صعبان عليا الست اللي اتعشمت بس

اما عند اسعد العمري اول ما دخل مكتبه طلب من سكرتيره حمدي ييجي عنده المكتب بسرعه

دخل حمدي واسعد بيشرب قهوته خير حضرتك طلبتنى اؤمر

اسعد الكشك بتاع ام محمد راح وركب ولا لسه وعاوز رئيس مجلس المدينه النهارده عندي وكمان مسؤول الصرف الصحي هناك يتغير وده يتعمل معاه اللازم يتحول لتحقيق النهارده وكل شبكة الصرف هنا تتظبط ممنوع بلاعه مفتوحه او اي أذى للبلد دي او غيرها

مفهوم

حمدي بس حضرتك انا اتشغلت امبارح فى ضرب النار علينا ومدتش اوامر لا بكشك ولا غيره هشوف حضرتك هيجهز امتى

اسعد قام من على مكتبه وزعق ل حمدي هو ضرب النار ده حجه ولا ايه النهارده وقبل الظهر يتركب الكشك وكل ال طلبته يجهز ولا لو كبرت تروح بيتك ياحمدي ياصاوي الي مش قد الشغل معايا يروح احسن

حمدي اسف حضرتك حالا كله يكون تمام ..

اسعد وهو بيشرب القهوه افتكر نور وازاي قهوتها جميله اتمنى تاني يشرب من ايدها قهوه بجد القهوه بعد قهوتها متتشربش ده حتى لسه ماكلش ومش عاوز حاجه تدخل تاني وتخرج طعم اكلها من بوقه

يالهوي يا اسعد اتجتنت باين لا انا اشتغل احسن من الجنان ده

كل ما يحاول يشغل نفسه فى الشغل يلاقى نور فى باله سيطرت عليه امتى وازاي قرر انه بس شخصيتها عجبته اكيد ومش اكتر ..

نور فى الحضانه بتدرس للولاد وبتضحك وتهزر معاهم وصوت ضحكها وضحك الاطفال جايب من على السلم

دخل اسعد وبيتفرج عليهم وفرحان ليه ميعرفش

نور انتبهت ل وجوده اهلا وسهلا اتفضل حضرتك دخل ومش لقي كرسى يناسبه ضحك وقال ل نور ايه يابنتي مش عاملين حساب الناس الكبيرة كله كده اطفال وبس امال انتي بتقعدي هنا ازاي؟

نور بكل فخر عادي وقعدت على كرسي الاطفال

اسعد ضحك جامد يابنتي كبرتي انتي على الحجات دي قومي قومي ميعرفش ليه مد ايده ليها يقومها نور قامت لوحدها وهو اتكسف ونور سالت خير حضرتك هنا ليه

اسعد ايه مش عوزاني اجي

نور ابدا بس استغربت ومتوقعتش

اسعد جيت اعرفك ان ام محمد جه الكشك لها وفيه بقاله كمان علشان متتعبش وتروح تجيب خضار وتسيب ولادها

وكمان حمدي هيشوف لو ينفع لها معاش وحبيت اعرفك معدش في مشاكل صرف صحي ورئيس المدينه اتشال تماما واي مخالفه تاني بتحقيق رسمي

ها اي اوامر تاني ياست نور..

نور ليه

اسعد ايه اللي ليه

نور عملت كده ليه علشان احنا عرفنا حضرتك طب وباقي البلد اللي ناسها ساكتين ايه العمل معاهم

انت تعرف انك هتتحاسب عليا قدام ربنا وان منصب المحافظ ده ممكن يكون سبب دخولك جنه او نار

اسعد اه عارف ياست نور هانم وبحاول على قد ما اقدر اروح ل ربنا خفيف الحمل وانا لسه ماسك جديد وربنا يقدرنا بقاا

نور شكرا انك مخيبتش ظني فيك

اسعد الشكر ليكي انك ظنيتي فيا الخير وكمان لما جيت اظلم وقفتني

نور على العموم انا سعيده بمعرفة شخص زي حضرتك انسان قبل مايكون مسؤول في الدوله ومش عارفه اشكرك ازاى

اسعد عادي انا اقولك انا كلمت احمد وعزمت نفسي عندكم على الاكل اصلي جعان ومش عارف اكل بعد اكلك الصراحه واحمد قال نور كده هتتغر عليا بس انا قلت حقك تتغري برضوه

نور ابتسمت عنيا بس كده بس احمد مش فى البيت يعني اصل

اسعد من غير يعني ومن غير اصل تعالي نروح سوى عند صاحبة والدتك

معرفش ليه جاي على بالي اشوفها واهو كده ابقى شفت ناسك او اصحابك زي ما بتقولي

نور سابت الولاد ل زميلتها فى الحضانه ونزلت مع اسعد الي اتفجات انه جاي بعربيته الخاصه ومن غير حرس

اسعد ل نور اتفضلي وشاور على العربيه تركب معه

اما نور لا مش مستهله تعالى نمشي ولا مش حابب تمشي فى البلد علشان الازعاج

اسعد لا ابدا بس تعب عليكي

نور انا بحب المشي وسوري مينفعش نركب سوى بس ممكن نمشي سوى اتفضل

مشيو سوى واسعد كل مدا بينبهر بنور اللي تقريبا عواجيز البلد اصحابها بتسلم وتهزر مع الكل نور شخص محبوب وعنده شعبيه جامده

اسعد ايه يا ست نور انتي هتنزلي الانتخابات امتى

نور اتريق اوى بس لو مكنتش المحافظ بس

اسعد كنتي هتعملي ايه

نور كنت هتريق عليك طبعا واخليك تعرف مين هي نور

اسعد وقف مره واحده وبص لها وقال انا فعلا نفسي اعرف مين هى نور

نور ارتبكت من نظرة اسعد لها ومن طريقه كلامه وصوته الهادى معها

اسعد بيتحول تمام قدام نور من شخص شديد وقاسي لحد حنية الدنيا كلها فيه

وصلوا عند الخاله عزه وهي فرحت بيهم اوي اوي وبالذات باسعد قلبها حبه كده من اول مره ودعت انه يكون نصيب نور وعوض ربنا ليها عن اللي شافته وعن حزنها اللي عزه حساه دايما مهما نور خبته بضحك وهزار بس عزه شيفاه وليه لا وهي تعتبر امها التانيه

عزه عشاريه زي نور

اسعد اتكلم مع عزه كتير ونور سبتهم ودخلت جوه

اسعد عنيه بتدور على نور وعزه واخده بالها وابتسمت

وقالت بتسقي الورد بتاعها اصلها بتكون عندي كتير فجابت ورد هنا كمان

نور مكان متروح لازم يكون الورد موجود عارف نور اهم ورده فى حياتى من طفولتها وكنت بحسها قلبي وبنتى اللي مخلفتهاش

نور سند للكل وعمرها مالقت لها سند غير احمد ربنا يخليه لها عمال يقلبي يأجل فرحه علشانها نفسه يفرح بيها هي كمان بس انا حسه انه قريب هتفرح

اسعد يفرح بيها ازاي يعنى مش نور متجوزه برضوه

عزه باسف وقبل ما تتكلم خرجت نور سكتت عزه

وردت نور ايوه متجوزه حضرتك

اسعد اسف اني سالت بس اعتقدت انك انسه

نور لا حضرتك انا مدام وعلى فكره احمد جه بره اهو

دخل احمد ورحب باسعد كتير وقال لها انا كنت واثق المره دي انك هتنفذ وعدك ياريت راهنت نور كان زماني كسبت مره خساره

اسعد وهو بيبص ل نور ليه هي مكنتش متوقعه اني هوفى بوعدي لام محمد ولا ايه

احمد حس انه عك الدنيا لا ابدا بس قالت اكيد مش النهارده

اسعد وشه اتغير ومحدش عارف السبب ايه ياترى علشان كلام احمد ولا لانه عرف ان نور متجوزه وكمان سمع منها هي سلم على عزه ومشي مع وعد انه هيكرر الزياره

مشي وهو سرحان ارتحت كده رحت ل عزه علشان تعرف كتير عن نور ياريت اللي عرفته يخليك تبعد اهي متجوزه عاوز ايه اكتر من كده بس رد لنفسه نور مجرد شخص بيحترمه مش اكتر

اتحجج انه جاله تلفون شغل ومشي حتى مرحش عندهم البيت او مقدرش يروح ويبان عليه انه زعلان

اسعد روح من عندها وراح قبر مراته وابنه بكى هناك كتير اوي اسعد عمر عيونه مدمعت غير من يوم ابنه ومراته ما ماتوا خصوصا انه كان المقصود وهما ال ماتوا اسعد رجع بزكرياته

فلاش باك

افتكر امه وهي عمله الغداء وجايبه له صور عرايس علشان يختار منهم عروسه

اسعد ايه ده ياامي بس صور ايه الجو ده بس

امه مريم عروسه حلوه وبنت ناس طيبين وهتصونك جميله وطيبه واهم حاجه بالها طويل هتتحملك وتتحمل انها لها ضره وشريك فيك

اسعد ضره مره واحده ودي فين بقااا

امه الشغل يا اسعد انا امك وندمت انى شجعتك تدخل شرطه اه مش كده الرحمه حلوه كله شغل شغل مفيش راحه ولا ايه انا يابنى نفسي اطمن عليك واشيل ولادك بقاا انت اهو تلاتين سنه هتستنا ايه تانى بس اسمع كلام امك والخميس الجاي نروح تشوفها ونشرب قهوه هناك يمكن يكون قان الاوان بقااا

وفعلا بعد زن من الحاجه سميره ولدت اسعد وطبعا هى زى كل امهاتنا الغالين لما بيحطو حاجه فى دماغهم بتكمل اكيد

اسعد بيفتكر ويبكي ازاي مخدش باله من النعمه اللي كانت معاه

مريم كانت نعمه كبيره وهو مسنهاش

مريم ورقتها وطيبه قلبها مريم اللي طول الخطوبه مزعلتوش مره ولا قالت مش بتسال ولا بتخرجنى زى باقي البنات

مريم وجمالها وازاب الوقت عده معاها بسرعه

اربع سنين فترة جوازه بيها عدو حلم اتخطفت منه أخدها الموت ه وابنه يامن

يا قلب ابوك فراقك قاتلني اوي ياريت مت ولا شلتك بايدى دفنتك

اسعد بيبكى وبفتكر لما مريم كانت تتطلب منه اجازه يقضيها مع يامن اللي بيسال عليه دائما

اسعد ندم ولو رجع الزمن بيه كان قسم وقته بين شغله وبيته بس ازاي والبلد كانت في ثوره وازمه بجد وهو كان بيأدي واجبه بس برضوه بيلوم نفسه لأن الارهابين قتلوهم انتقام منه هو

اسعد مش مسامح نفسه ولا هيسمحها ابدا ابنه الغالي ضاع بسبب شغله ومريم مراته اه محبهاش بس مكرهاش ابدا

اه كان جواز تقليدي مش فاكر حتى تفاصيله لانه كان مجرد استقرار مش اكتر ويمكن من زن أمه بس وافق

بس مريم شخص مميز وقدر يتعود على وجودها على حبها الواضح له واهتمامها بكل تفصيل حياته

فضل باقي اليوم بين قبر مريم ويامن يبكي لحد ما نام من كتر. التعب

وفجاه ظهرت نور خرجت من طاقه نور ومدت أيدها وشدته من على حافة جبل كان هيقع نور كانت نجاته من الموت صحي على أيدها ماسكه جامد وبتشده وبتقول لا مش هتقع ..

صحي وكان بعد نص الليل استغفر وودع مريم ويامن ومشي مهموم وزعل من أنه بيفكر فى نور

دي اكيد خيانه ايوه خيانه ل ذكرى مريم ال عاهدها ابدا محد يكون مكانها وكمان خيانه لمبداؤه دي واحده متجوزه

يتبع الفصل الرابع  اضغط هنا

الفهرس يحتوي على جميع فصول الرواية كاملة: "رواية نور" اضغط على أسم الرواية