رواية حب خلف الكواليس الفصل الثالث بقلم نجوى إبراهيم
رواية حب خلف الكواليس الفصل الثالث
ليان :خبطت واستنت اذن ادهم ودخلت اول ما رفعت راسها بصت بصدمه وقالت دكتور أدهم اترفدت من قبل ما اشتغل
ادهم:بصدمه انتي اللي مقدمه علي الوظيفه
ليان:ايوا ي دكتور بس مكنتش اعرف ان حضرتك صاحب الشركه
ادهم:اتفضلي اقعدي وريني السي في بتاعك
ليان:قعدت وطلعت السي في من شنطتها وادته لادهم
ادهم مسك السي في وفضل يبص فيه ومبهور ازاي طالبه في السن دا ومعاها كميه الكورسات دي طب ي ليان انتي واضح انك متفوقه من كميه الكورسات الىي واخدها سوا في المجال الطبي او كمبيوتر او لغات فمبروك انتي اتقبلتي معانا بس مش كمراجعه للأدوية لا كسكرتيره ومساعده خاصه بيا هتراجعي العقود والصفقات ولو طلب سفر هتسافري معايا برا
ليان:بس انا لسه طالبه ي دكتور
ادهم:ولما حضرتك طالبه مقدمه في الشركه لي
ليان:عشان اخد خبره اكتر وفي نفس الوقت اعتمد علي نفسي
ادهم:أعجب بتفكيرها تمام هناجل سفرياتك معايا لحد ما تخلصي السنه الاخيره واظن انك في خامسه هتشتغلي دوام بعد الجامعه تقدري تتفضلي وتبداي من بكرا
ليان:متشكره يافندم وخرجت مبسوطه انها اتقبلت
ودخلت سيلا واتقبلت في قسم مراجعه الادويه
روحت ليان وسيلا كل وحده لبيتها
ليان:ي اهل الخير ي جماعه ياللي عايشين معايا في البيت اين انتم ي قوم
هبه:جرا اي ي بنتي انتي داخله بهليله لي كدا
ليان:باركيلي ي هوبا انا اتقبلت في اكبر شركه ادويه في الشرق الاوسط لا وكمان صاحبها يطلع الدكتور بتاعي في الجامعه
هبه:بفرحه الف مبروك ي قلب امك والله بدعيلك ليل نهار وبالمناسبه السعيده دي انا عملالك اكله بتعشقيها
ليان:بفتحه فم لا متقوليش مكرونه بشاميل صح صح والنبي
هبه:بضحكه وقررت تلعب باعصابها وتقولها سبانخ لان ليان بترجع لو شافتها لا ي لولي سبانخ
ليان:لا ماما متهزريش معايا والله هزعل منك انتي عارفه ان السبانخ مبتحبنيش
هبه:بضحك عملالك مكرونه بشاميل ي هبله يلا ادخلي غيري لحد ما بابا ومالك يجوا
ليان:فضلت تنطط وباست امها وقالتلها متحرمش منك ي نبع الحنان انتي وجريت علي اوضتها تغير
في فيلا ادهم الجيار ادهم دخل وسلم علي داده سعاد وطلع اخد شاور وغير هدومه ونزل
داده سعاد :ادهم حبيبي اقعد يلا عشان تاكل عملتلك المكرونه بشاميل اللي بتحبها
ادهم :تسلم ايدك ي امي اهي دي الاكله الوحيده اللي بتكسر النظام الغذائي بتاعي وقعد ياكل باستمتاع وخلص اكل واخد مفاتيحه ونزل يقابل اسر
في نفس الوقت ليان وسيلا نزلوا المول يشتروا لبس وكان اسر وادهم موجودين في كافيه بيشربوا قهوه ويتكلموا
ادهم لمح ليان معديه وكانت لابسه بنطلون ابيض وتيشرت اسود وعامله شعرها ديل حصان وكانت شبه الاطفال ادهم فضل باصص عليها ومشلش عينه من عيلها خلصوا هي وسيلا واخدوا ايسكريم ومشيوا
خلص اليوم وجه تاني يوم مليان احداث
صحيت ليان بنشاط لان انهارده اول يوم شغل ليها وكمان مفيش محاضرات رنت علي سيلا
ليان:يلا ي بنت ورانا شغل
سيلا:بستغراب ليان انتي صاحيه بدري ومبتتخانقيش
ليان:بضحك لا ياختي مبتخانقش دا اول يوم شغل وانا متحمسه اوووي يلا بقا البسي وقابليني علي اول الشارع مالك هيوصلنا
سيلا:اول ما سمعت اسم مالك قلبها دق بعنف وقالت لليان ماشي وقامت لبست بنطلون وايد لج وتيشرت نص كم والاتنين اسود وكوتش ابيض وعملت شعرها ليس ولبست شنطه بيضا وكانت قمر
اما ليان لبست بنطلون بوي فريند ازرق وعليه بلوزه هاي وست سمرا وكوتش ابيض وعملت شعرها ديل حصان ولبست شنطه كروس بيضا وخرجت
مالك:كان لابس بنطلون اسمر وتيشرت اسمر وكوتش ابيض وساعه سمرا وطلع لليان برا
ليان:بتصفر الله الله اي الشياكه دي يعم
مالك :ما انا طول عمري شيك ي بنتي هي اول مره هي احم سيلا جايه معانا ناخدها في طريقنا
ليان:بخبث لا سيلا ابن عمتها هيوصلها لايقين علي بعض بصراحه
مالك:بحزن ربنا يسعدهم يلا عشان اوصلك
ليان:ولما انتوا الاتنين واقعين كدا مبتتنيلوش تعترفوا لبعض لي
مالك:اي قولتي اي هي سيلا بتحبني او معجبه بيا
ليان:وانا مالي ي لمبي ابقا اسالها وطلعتله لسانها وجريت
مالك:كان مبسوط وخرج وراها ودور العربيه ولقيوا سيلا علي اول الشارع وكانت لابسه نفس طقم مالك
ليان:كانت قاعده ورا وغمزتله في المرايا وبتقولي مش بتحبك دا انتوا دايبين سبتها تقعد جمبك اهو اي خدمه
سيلا:اي دا ي ليان انتي قاعده ورا لي
ليان:بكذب رجلي وجعاني وعاوزه افردها
سيلا:قعدت جمب مالك وبتقوله ازيك ي بشمهندس مالك اخبارك اي
مالك :الحمد لله ي انسه سيلا انتي اخبارك اي
سيلا:بكسوف الحمد لله وسكتت
وصلهم وقالهم وانا راجع هعدي اخدكم والاتنين قالوا ماشي
الاتنين دخلوا الشركه وكان ادهم لسه موصلش سيلا راحت قسم مراجعه الادويه وليان راحت علي مكتب ادهم
ليان اي دا كل دا مكتب وراحت قعدت علي كرسي ادهم ولفت بضهره وقالت
ليان:انا قولت مفيش نقاش اطلعوا برا انتوا مرفودين
كل دا وادهم واقف بيتفرج ومربع ايدهم
ليان:لفت فجأه ولقيته وقفت بصدمه دكتور أدهم انت ........
ياتري ادهم يكون اي رده فعله
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية حب خلف الكواليس" اضغط على اسم الرواية