رواية تركت أثر الفصل الثالث 3 بقلم نهى الحفناوي

   رواية تركت أثر الفصل الثالث بقلم نهى الحفناوي

 رواية تركت أثر الفصل الثالث 

بعد ما وليد مشى حسيت بحاجةغريبة، وبدأت أكلم نفسى، مش يمكن أنا ظلماة، أصل مفيش أى حد بيتعامل كدا، أكيد فى سر بيخليه كاره أبوه وعاوز يضره، هو ميعرفنيش كان المفروض وقف جنب أبوه ومسعدنيش وخصوصاً ان هو الوريث الوحيد يعنى لو مشروع أبوه نجح، أكيد دا فى مصلحته، ياااه إيه التوهان دا، وليه لما سيرة امة جات عينه دمعت، ودايما مخنوق ومتعصب، عارفة انى مليش دعوة، بس متعودتش أشوف حد زعلان ومقفش جنبه، بس دا كسفنى وكل اما أكلمه يصدنى، انا مليش دعوه بيه تانى انا أصلا معرفش هيجى بكره، ولا ايه، بس الى أعرفه ان الإنسان دا أكيد فى حاجة فى حياته هى الى بتخليه يصرف بعدوانيه كدا، ربنا يستر

*أخلاق مندمجة فى الكتابة، ومنة وأيات خبطوا ودخلوا*

أيات: هو طه حسين مش هيفكوا بقى من كتاب الأيام، وينتبه لينا

منة: معلش يا أخلاق اتأخرت عليكى كنت بودى زين الحضانة، وقعد يعيط وفضلت معااه لحد ماعرفت اهرب وجتلك على طول وأيات كانت معايا،

أيات: حصل ايه مع الواد وليد الوحيد

اخلاق: هو انت مبتبطليش استظراف

ايات: انا بكلم بجد فعلا دا وحيد، متوحد فى نفسه كدا ، بقى فى حد يكلم أخلاقهانم كدا انا لو منه أظبطك وأخد رقمك

منة: هو انت شايفة الناس كلها صايعة زى يوسف جاركم

ايات: متفكرنيش، الواطى عاوز يجوزنى وبعت لامى، وامى بتقولى بكرة ربنا يهدية، بس ابدا ديل الكلب عمره مايتعدل، اخويا عمار شافة فى الكافية الى على اول الشارع مظبط واحدة مزه وقاعد معاها، المشكلة مش فى كدا انا عارفة انه معفن، بس المشكلة ان اخويا زللنى عمال يقولي البت مزة وانت جثة لحد مهيخلينى اروخ ادور على البت وأقتلها ، بس ابدا انا واثقة فى نفسى، وبردو مش هوافق بيه، وهشوف العريس الى جايلى يوم الخميس

*منة وأيات فى نفس واحد، عريس تاااانى*

أيات: ايه دا فى ايه، اه تانى وتالت ورابع لحد مايجى زوجى قرة عينى

أخلاق: انا اهو وانت اهو وأخرتك هتكون يوسف

أيات: لما يمشى على حواجبة، الصايع دا انا أتجوزة ابدا

منة: وانا بقول كدا وبكره هتجوزيه ومن غير مايمشى على حواجبة

أيات: يلهوى احنا هنقعد نكلم على النيله دا، المهم، عملتى اية

*أخلاق حكتلهم الى حصل وعلى الإتفاق بتاع إبراهيم بيه، وانه هيديهم مهلة أربع شهور مقابل ان وليد يشتغل معاهم *

منة: وتفتكرى ابوه بيعمل فيه كدا ليه

أيات: اكيد عاوز يشيلة مسؤلية

أخلاق: معرفش بقى، بس الى اعرفة ان بيكره ابوه على الأخر وعاوز اى حاجة تضرة، ووافق على كدا مقابل ان اعرف أسدد الفلوس، وارجع المطعم وابوه ميعرفش ياخده ويفتح المشروع بتاعة

أيات: يلااااهوى دا الحوار كبير أوى، الموضوع دا فيه إن واحنا لازم نعرفة

منة: انت ياعم المفتش كرنبو مش وقتك خالص، عندنا مطعم بيضيع لازم نفكر فيه، ملناش دعوة بحياه الناس

أخلاق: هنعمل ايه

منة: بصى يا أخلاق بعد الى حصل انا معرفش الواد دا بيفكر إزاى وخصوصا انت بتقولى انه معقد ومبيطلعش من الأوضة، فيمكن كان بس بيقول كدا أدام أبوه، ومش هيجى، وومكن يجى علشان يضر ابوه زى مابتقولى، كل الإحتمالات واردة، احنا الى علينا نشوف هنعمل ايه فى المطعم علشان نسدد الفلوس والمطعم يرجع ليكى ولمدثر

أيات: ايه يامااان كل دا جمدان، انت عقلتى كدا امتى يامنة ياحبيبة بابا

منة: من زمان بس مبحبش أبين علشان الحسد وانت عارفة،انت هتهزرى يا أيات

أيات: ياااجماعة لازم ناخد الأمور بشكل بسيط ونهزر مش كله يبقى كدا

أخلاق: انا الى معايا مكملش انى اجهز المطعم حتى، يااارب حلها من عندك

منة: هتتحل ان شاء الله

*مدثر وعم محمود داخلين من الباب*

ايات: ايه دا هما كانوا فين، انا بحسبهم كانوا معاكى

أخلاق: معرفش انا صحيت ملقتهومش قولت، هتلاقيهم راحوا مشوار او حاجة

مدثر: معلش يا أخلاق عمى قالى مقولكيش علشان لوعرفتى مش هتخلينا نروح

احنا كنا فى البنك عمى سحب كل الفلوس الى ليه هناك وحولها بإسمك

أخلاق: كدا ياعمى مش دى تحويشة العمر، انت مش قولت الفلوس دى علشان تسافر الحِج، والباقى علشان تشترى حتته الأرض الى نفسك فيها الى فى البلد

*عمى محمود سعتها بَص ليا بغضب ومسكنى من ودنى، وفهمت من نظرة عينه وإيده وهو بيشاور عليا انا وأخويا، انتوا أغلى من كل حاجة انتوا ولادى، وبعدها خدنى فى حضنة وقعد يعيط وأكيد افتكر أبويا، أصل عمى كان بيحب أبويا أوى، وكان أقرب حد لية لأن أبويا اتعلم لغة الإشارة مخصوص علشان عمى وكان أكتر حد بيفهمه وهو الى قدمله فى حاجة شبه معهد كدا للخرس وكان دايما بيجبله كل حاجة هو عاوزها، وكان أقرب حد ليه، عمى ساب البلد وساب كل حاجة لعمى سعيد فى البلد وجه هنا علشان يقعد معايا انا وأخويا، علشان ميسبناش لوحدنا اصل امى من اسكندرية واتعرفت على ابويا فى شغل ومرضيتش تنزل البلد بحكم ان الريف وحش والعيشة فية صعبة، فجدتى مرضيتش تخليها تتجوز ابويا غير بشرط انه يعيش في اسكندريه، وطبعا ابويا من حبه فى امى وافق يجى اسكندرية ويسيب كل حاجة وراه، ابوه الى هو جدى لما عرف كدا قال، انه بنت اسكندرية هتبيَعه كل حاجة، وخاف على أرضة وسلم كل حاجة لعمى سعيد، بس فى الأخر لما عرف ان امى اصيلة ووقفت جنب ابويا وكدا حب يرجع كل حاجة زى ماكانت، بس عمى سعيد قالوا متخافش سيب كل حاجة، ولما اخويا الى هو أبويا يحب يجى البلد هبقى أديلة حقة، وطبعا جدى مات وكل حاجه فضلت زى ماهيا، ولما ابويا راح علشان يطالب بحقة، عمى قالوا تجى تقعد فى البلد وانا اديك حققك، بس طبعا ابويا مكنش يقدر يسيب امى وخصوصا انها فتحت المطعم الى نفسها، فيه، ولما امى ماتت وابويا وراها، عمى جه عزا ومقالش حاجة، ومن سعتها احنا مش عارفين ناخد حقنا لأن مفيش حاجةتثبت ، بس عمى محمود كان طيب معانا ومشوفناش منه حاجة وحشة، لما يا كان عايش دايما كان بيزورنا و بيقضى الأجازات معانا ، فيه من ابويا كتير وخصوصا انه شبهه، مرضاش يسيبنا وجه عاااش معانا فى اسكندريه وساب كل حاجة لعمى سعيد، وبردو شَرطه ان عمى محمود يجى البلد، وهو يديلة حقه، بس عمى طبعا عمره ماهيسيبنا، دا اتنازل عن كل حاجة علشانا، حتى العروسة الى جبهالوا سَبته لما عرفت انه هيدى حقة لأخوه علشان يجى اسكندرية يعيش معانا، وواضح انها كانت هتتجوزة علشان بس أرضة، على فكرة، هى الى خسرانة خسرت حد بطيبة وجمال قلب عمى، ربنا يديلة الصحة غلى كل الخير الى عاملة معانا*

منة:هنعمل إيه يا أخلاق، على فكرة انا فكيت الوديعة والفلوس اهى فى الشنطة الى قدامك

ايات:لسة فاضل على دورى فى الجمعيه الى قولتلك هقبضها اسبوع، اول مقبضها طبعا هتبقى بتاحتك

منة:دلوقت الفلوس الى معاكى تكمل اكيد نعمل حاحة

اخلاق: الفلوس الى معايا يدوبك تكمل 120 ألف جنية

أيات:حلو يدوبك تسددى فلوس الضرايب والباقى للمحل

أخلاق:اوبااا انا نسيت حوار الضرايب دا

منة:صح يا أخلاق كدا ادفعى الضرايب الأول علشان ميبقاش فيه حاجة للحكومة هنا

أخلاق:والشيكات الى بتاعت ابراهيم ،دا احنا لو فضلنا اربع شهور عمرنا منجبهم

أيات:انت مش قولتى ان وليد معاكى

اخلاق:معرفش انا خايفة ميوفيش بكلامة وميجيش

مدثر:دلوقت يا أخلاق أهم حاجة لازم نظبط المطعم

اخلاق:صح يامدثر

*مينا ومنة دخلوا*

مريم:مش عيب ياست أخلاق تفتحى المطعم من غير ما مينا يحط التاتش بتاعة ويفصل اليونى فورم بتاع المكان والستاير ومفارش التاربيزات

أخلاق:بصت وراها وضحكت وقالت، انتوا على طول هنا

مينا:ايه ياست خوخا هو انا هفضل مينا مهبب القطرين على طول قولت اعمل حاجة مفيدة، هو اه انا هتنازل عن كونى ترزى حريمى، وهعمل الحاجات دى بس كلة علشان خاطرك يا أخلاق

أخلاق: هو المفروض أعمل ايه علشان عاوزة اعيط

مينا:متعمليش خاجة،انا هعمل كل حاجة، وبالمناسبة ترضى تشغلنى عندك بما انك عارفه انى عواطلى ومفيش شغل، هعمل أى حاجة ان شالله أشر بصل

مريم: خدية يا أخلاق بدل مهو قاعد جايبلى الغم وكل شوية يتخانق معايا،يمكن يتلهى عنى شوية،

*أخلاق ضحكت وعينها مدمعة ، فرحانة بجيرانها وصحايها وكل الناس الى حواليها، وصعبان عليها نفسها وحلمها الى هيضيع*

أخلاق:لا يامينا متقولش كدا انا لو بإيدى أمسكك مدير بس انت عارف الظروف وخصوصا انا مش معايا فلوس أقبض مرتبات

مينا:انا مش عاوز فلوس يا أخلاق، انا عاوزالمطعم يرجعلك

*فى حد غريب دخل المطعم*

لو سمحتوا انا كنت بسأل على شغل فيه

أخلاق:لا والله مفيش بس انت مين

_أنا عمر مش من هنا ونازل أدور على شغل من الصبح وبقالى خمس ايام بدور على شغل ومش لاقى،وواخد مكان قريب من هنا بنام فيه بس غالى أوى

أخلاق: معلش مفيش شغل،الصراحة احنا لسة فاتحين المطعم جديد، ومش معنا مرتبات

عمر:بصى انا مش عاوز فلوس عاوز بس مكان أنام فية،وانامتأكد ان المكان داهيشتغل وان شاءالله هيبقى معاكى فلوس ، ومش هطالبك بأى فلوس لو معاكى إدفعى ولو مش معاكى خلاص،لحد بس أما ألاقى شغل تانى ،لأن المكان الى أنا واخدة غالى قوى،وانا بصراحة سمعتكوا وانتوا بتتكلموا،فأكيد انت جدعة ومش هتاكلى عليا فلوس والا كل الناس دى مكنتش حبتك كدا،وانت وضميرك،اعتبرينى أخوكى بس شغَلينى هنا،لأنى محتاج الفلوس والنوم ومش عاوز أنزل البلد لأمى وانا قايلهم ان لما ابعد عنكوا هشتغل وهبنى مستقبلى مش عاوز حد يشمت فيا

مدثر: وايه الى يضمنا انك مش حرامى

عمر:بذمتك دا شكل حرامى،وعلى فكرة انا خريج أداب تاريخ ،يعنى متعلم ، وبعدين،حرامى هيسرق ايه والمكان بايظ،ايه يضمنى انه هيشتغل،مروح اسرق حته تانية وعلى ماالمطعم يشتغل ابقى اجى أسرقة مش أجى أعرفكوا على نفسى، وعلى العموم بطاقتى أهى خليها معاكوا

أخلاق: يعنى انت واثق من الى بتقوله دا، انا قولتلك مفيش فلوس

عمر:سبيها على الله،

أخلاق:نقسم الشغل، المفاتيح معاك وانت هتفتح كل يوم، الساعة سبعة،على متظبط المكان وكدا،وانا هجى الساعة تمانية،

أيات: وانا ومنة هننمل ايه

أخلاق:مش كفايه عليكوا كدا،كمان هتيجوا

منة:انا كل يوم هودى زين الحضانة وهجى انا وايات مع بعض

مدثر: وانا هجى امتى

أيات: لا ياخويا فكك تجى ايه احنا مش عجبينك ولا ايه،انتبه انت لثانويتك، عاوزين كليه الطب،

مدثر: ماشى وان شاء الله هجيب أعلى منها كمان

*بعد مرور أسبوع، المطعم اتفتح وكل حاجة بقت تمام، فى راجل جه وبيسأل مين فيكوا أخلاق *

_انا أخلاق مين حضرتك

=انا واحد من طرف إبراهيم بيه بيقولك انت منفذتوش الإتفاق وهو عرف انك فتحى المطعم ووليد مجاش، فمتزعلوش بقى لما يقدم الشيكات للنيابة، دى الرسالة وانا حبيت أوصلهالك سلام

أخلاق من الصدمة قعدت على الكرسى وحطط إيدها على دماغها، وعمر شافها من بعيد، وودى الطالبات الى كانت فى إيده وجه بسرعة علشان يسألها

عمر: مالك يا أخلاق

أخلاق: كل أما أحلها من ناحية تتعقد من ناحية، ابراهيم بعت إنذار، وكل دا علشان الأستاذ وليد مجاش،مشاكل بين راجل وابنه أنا مالى

أيات ومنة:مالك يا أخلاق فى إيه

أخلاق:مش قولتلكوا انا نحس وانتوا مصدقتنونيش *حكتلهم الى حصل *

منة:وهنعمل ايه

أخلاق:معرفش،بس لازم وليد دا يجى،علشان ابراهيم يسكت،واضح فعلا انه عاوز يزلة ويعرفة انه مش هيستحمل كدا وهيحتاج ليه،زى ما وليد قال

أيات:انت مش قولتى ابراهيم دا ساب الكارت بتاعة،اتصلى بيه وقوليلوا الاربع شهور معدوش، وانك ملكيش ذنب فى ان ابنه مجاش

اخلاق:وافرض ابنه حكى له انى شديت قصادة وكدا

منة:متبقيش هبلة،انت بتقولى مش طايقين بعض هيحكيلة ازاى،اتصلى بس

* أخلاق اتصلت باإبراهيم *

منة:متقولى يابنتى قالك ايه، انت قفلتى وسرحتى فى ايه

اخلاق:قالى لازم وليد يجى يشتغل،وقالى انه هيبعتلى عنوان وليد على رقمى

منة:وهتعملى ايه

أخلاق:مش عارفة

ايات:هو إيه الى مش عارفة،لازم تروحى لوليد طبعا وتقنعيه انه يجى،احنا مصدقنا المحل اشتغل

اخلاق:يلاهوى انزل مصر دا انا عمرى مطلعت من اسكندرية هاروح ازاى

منة:انا هاجى معاكى هسيب زين هنا لأمى وهقولها اننا رايحين نجيب أى حاجة للمحل علشان متقلقش وكدا

ايات: ونا كمان جاية هبقى أقول لأمى اننا نازلين نجيب اى حاجة للجهاز،وكدا كدا هنرجع فى نفس اليوم، ولما هجى ابقي أقولها،علشان متقلقش

أخلاق:بس احنا منعرفش مصر ولازم راجل معانا هنروح احنا التلت بنات كدا ازاى،وطبعا عمى مينفعش يروح علشان خاطر مدثر ودروسة ومين هياخد باله من المحل،ولو راح هو،مش هيعرف يتكلم

عمر:انا ممكن أجى معاكى يا أنسه أخلاق

ايات:بتقولك حد يعرف مصر،انت عمرك رحت مصر

عمر:بصراحة لا بس اهو راجل معاكوا والى يسأل ميتوهش

ايات: احنا بميت راجل ياخويا ومش محتاجين حد، والى يسأل ميتوهش دى عندكوا فى البلد مش فى مصر، دى مصر عارف يعنى ايه مصر، انت مشربتش من نيلها ولا ايه

عمر:شكرا لذوقك يا أنسة أيات انا قولت بس أساعد

أيات:يا عم مقصدش، بس انا قصدى يوووه خلاص خلاص

اخلاق:خلاص ياأستاذ عمر ايات متقصدش هى الى على طول بتهزر هى قصدها حد عارف مصر

منة:وجدتها

ايات:هى مين دى ياختى الى وجدتيها

منة:الى عارف مصر وهيجى معانا ومستحيل يرفض،وهذا من أجل عيونك يا خوخا

ايات:اوعى يكون الى فى بالى

منة:هو

*منة وأيات وأخلاق فى نفس واحد سيد فيشا*

يتبع الفصل التالي اضغط هنا

• الفهرس يحتوي على جميع فصول الرواية كاملة :"رواية تركت أثر" اضغط على اسم الرواية