رواية بنات المنشاوي الفصل السادس والاربعون بقلم خلود وائل
رواية بنات المنشاوي الفصل السادس والاربعون
ليان:😱😱😱اتخطفو .... يعني ايه اتخطفو
هناء بألم:كنت بايته عندهم والصبح بعد مافطرنا وقاعدين نهزر سوا لقينا الباب بيرزع جامد طلعنا جري نشوف ال بيخبط بالطريقه دي ولما فتحت الباب لقيت رجاله كتير كلهم لابسين جلابيب وعمم وشايلين سلاح وزقوني لجوة ودخلو اخدو دعاء وآيه بالقوة حاولت امنعهم واخلص آيه من ايد ال مينسمي فراج دة قام عامل في وشي ال انتي شيفاه دة واخرتها ضربنا بالمسدس في دماغي ووقعت من طولي ومفقتش غير بعدها بفترة لما ماما والجيران جم وفوقوني وبعدها اكتشفنا ان ورد كمان مش موجودة
ارتعبت ليان وتملك الخوف منها لتتفوة بكلمات تهرب من فمها:ف..ف..فراچ!؟
هناء:اه واحد بأف كدة طويل وعريض عامل ذي الحيطه كان ماسك آيه غصب عنها وهي كانت بتصرخ وتقوله سيبني يا فراچ
ليان:طب وبعدين عملتو ايه
هناء:اخدوهم ومشيو ومن ساعتها منعرفش عنهم اي حاجه
ليان بقلق:ومعرفتوش مين الناس دول وعاوزين منهم ايه
هناء بقله حيله:لا ودة ال هيخلينا نتجنن اننا بندور في العدم مش عارفين نوصلهم نهائي
ليان:والناس كانو فين اذاي محدش دافع عنهم ولا وقفلهم
هناء:دول كانو كتير اوي ومعاهم اسلحه كتير وشكلهم اصلا يخوف والجيران كانو واقفين خايفين ومحدش فكر يقربلهم ولا يقولهم انتو بتعملو ايه دي سلمي بتستعجب في العربيات بتاعتهم ال كانت واقفه سادة الشارع من اوله
ليان بتوتر:طب بعد اذنك أنا مضطرة امشي الوقتي
هناء:مستعجله ليه طب اشربي حاجه اول
ليان:مرة تانيه انشاء الله
دلفت ليان لخارج الشقه سريعا لتهبط للاسفل وتعود للفيلا لتدلف للداخل لتبحث عن سيف في الارجاء
نورة:بتدوري علي ايه كدة يالينو
ليان: سيف لسه مجاش يامامي
نورة:بباكي قال انه هيتأخر النهاردة ياحبيبتي تعالي اتعشي يلا
ليان:مليش نفس اتعشو انتو
نورة:ليه كدة ياحبيبتي مالك انتي كويسه
ليان:انا تمام .... بعد اذنك يا مامي انا طالعه اوضتي اليوم كان طويل وعاوزة ارتاح شويه
نورة:طب كولي اي حاجه يابنتي
ليان:لما أنزل هبقي اكل سلام
دلفت ليان لغرفتها وهي تلعن غبائها لتركها لصديقتها يومين دون التوجهه لمنزلها والاطمئنان عليها تري ماذا يحدث لها وماذا تواجه الآن هل لازالت علي قيد الحياه وماذا تعاني مع ذلك المدعو فراچ لتتذكر الاحاديث التي روتها لها آيه عنه وعن غلظته وتملكه الشديد ل آيه وكرهها له لتمضي فترة طويله انتظرت بها ليان عودة سيف لتهرع سريعا للاسفل فور استماعها لصوت سيارة سيف ليدلف هو الاخر ويتفاجئ بليان واقفه بأنتظارة
سيف بتعجب: بسم الله الرحمن الرحيم واقفه عندك كدة ليه
اتجهت ليان بخطوات سريعه ناحيه سيف ويبدو عليها علامات الحزن :آيه ... آيه ياسيف
سيف وقد استشاط غضبا:مالها زفته ياليان واقفه مستنياني لنص الليل وتقوليلي آيه ياسيف ... اوعي من قدامي
مضي سيف بخطوات غاضبه سريعه ليصعد الدرج ويتجه ناحيه غرفته وخلفه ليان تهتف بالكلمات لعلها تجد مدخلا لاستكمال الحديث معه
ليان: اسمعني بس علشان خاطري
_____آيه اتخطفت ياسيف والله مش بهزر
_______طب اديني فرصه بس احكيلك ال حصل
سيف وهو يقوم بخلع جاكيت البدله وتحرير الكرافته:مش عاوز اسمع حاجه ولو سمحتي اتفضلي علي اوضتك انا تعبان وعندي شغل بكرة الصبح بدري
ليان:دي آيه ياسيف حرام عليك
سيف بنبرة محذرة:قلتلك عاوز انام وسبق وفهمتك تقفلي علي الموضوع دة بس كلامي مبيتسمعش
ليان بثبات:انا مبقاش مستنياك من بدري علشان تعرف ال حصلها وتروح تلحقها قبل مايعملو فيها حاجه دة لو هي لسه عايشه ومستحمله اسلوبك دة وفي الاخر تقولي عاوز انام لا ياسيف انت هتسمعني وغصب عنك دي بني أدمه وذنبها في رقبتنا ومحدش هيقدر ينقذها غيرك
سيف بلا مبالاه:وايه بقي ال حصل للست آيه هانم مخليكي نصبالي المحكمه في نص الليل ..... متنطقي!
ليان:آيه اتخطفت
سيف بجمود:والمطلوب مني اعمل ايه يعني؟
ليان:المطلوب انك تروح تنقذها !
سيف بضيق:حاضر اوعدك بكرة انشاء الله هروح اجيبها تقضي معاكي اليوم وافضل اتحايل عليها انها تسامحني علي غلطه معملتهاش وهي تبيع وتشتري فيا ... حاجه تانيه ياليان
ليان بحزن:والله مابلعب عليك ياسيف ولا دة مقلب علشان تبقو مع بعض آيه واخواتها فعلا اتخطفو و ولاد عمها ال خطفوها
سيف وقد رقت جوارحه:لما واحدة هربانه من اهلها وهما يرجعوها ميبقاش اسمها أتخطفت ياليان
ليان بضيق:انت مش فاهم اي حاجه
سيف :انتي هتحيريني ليه مالو تعرفي حاجه قوليها وخلصيني
تنهدت بضيق واضافت: عم آيه صعب اوي وطمعان في ورثهم من ابوهم وامهم وكل حاجه كانت تحت ايدة علشان هو الوصي عليهم ولم وصلو السن ال القانوني وخرجو من تحت وصايته كان عاوز يجوزهم لولادة غصب عنهم وياخد فلوسهم ولما مقدروش يرفضو هربو منه وجم القاهرة بعيد عنه بس هو عرف مكانهم وبعت ولادة خطفوهم ورجعوهم غصب عنهم عرفت
سيف بأهتمام:طب ليه هربو وكل حاجه مكتوبه بأسمهم والتعاملات كلها بأسميهم ومحدش ليه عندهم حاجه
ليان:انت متعرفش عيشتهم كانت عامله اذاي مع عمهم واولادة ودول بنات وضعاف ملهمش سند ولا حمايه كنت عاوزهم يعملو ايه ولا يروحو فين آيه دي ياما شافت من الزفت فراچ ابن عمها ال كان عاوز يتجوزها
صدع اسم فراچ بتفكير سيف ليتذكر تلك الليله وخوف آيه ورهبتها حينما اسرع بقياده السيارة وظلت تعتذر منه ظنا منها بأنه فراچ ليخوض بتفكيرة عما يمكن ان يفعل ذاك المدعو بمعشوقته لينظر لليان بغضب عارم تملك منه:الحيوان دة لو لمس منها شعرة هقتله
ليان:الحقها ياسيف الله يخليك انا خايفه يكونو عملو فيها حاجه
سيف:اهدي ياليان محدش هيقدر يعملها حاجه صاحبتك لسانها كرباج متقلقيش
ليان :بيتهيقلك دة من برة بس لكن من جواها عيله صغيرة غلبانه اتحرمت من حنان الاب والام
سيف :هجيبها ياليان ولو آخر يوم في عمري مش هخلي حد يمس منها شعرة ...
صباحا في اليوم التالي استقل سيف سيارته متوجها لسوهاج وخلفه سيارة jeepمليئه بالحرس الخاص به ليقود بسرعه البرق متجهها لقصر المنشاوي لتمضي الساعات لتهاتفه ليان
ليان:وصلت ياسيف
سيف:لسه بدري الطريق طويل
ليان:كل دة ياسيف دة انا بفكرك جبتهم وجيت
سيف بضيق:وحيات ابوكي متنرفزيني انا علي أخري الطريق من القاهرة لسوهاج ٧ ساعات ارحميني بقي ومتتصليش تاني
ليان بحذر:خلاص خلاص توصل بالسلامه بس ابقي طمني بالله عليك
سيف بأقتضاب:حاضر
في قصر المنشاوي****
صفيه:ال عتعمله دة غلط ياحسان
حسان:هو انا لسه عملت حاچه
صفيه:احب علي يدك سيبهم يمشو الشر اوله يندرك وأخرة ميندركش عاد
حسان:بلاة الحديت الماسخ دة ياولية
صفيه : ياحسان اني خايفه عليك وعلي عيالك ... اعتبرهم بناتك كيف مرام واتقي الله فيهم دول ياحبايبي اتيتمو بدري بدري تقوم انت بدل ماتبقي ابوهم والصدر الحنين ليهم تعمل فيهم اكدة
حسان بضيق:قلتلك اققفلي خشمك ياوليه
صفيه:ربنا معيرضاش بالظلم واصل وافتكر اني حذرتك دول امانه في رقبتنا وهنتسأل عنيهم يوم القيامه
حسان بحدة:صفييييه.... الورث دة كلياته حقي اني وبتاعتي لوحدي دول متعبوش في حاچه اتولدو وكوشو علي كل حاچه لا وكمان المعدول ابوهم كتب كل حاجه ليهم قبل مايموت وكمان اخوالهم هيقووهم عليا وياخدو كل حاچه واني اطلع من المولد بلا حمص
صفيه:حقهم وشرع ربنا وبعدين انت ممحتاجش حاچه منيهم عندك قد ال عندهم واكتر
حسان:لاة بنات طايع معيبقوش احسن مني وراسهم براسي لازمن انتقم منهم
بالخارج توقفت سياره سيف ليهبط منها مشمرا عن ساعديه وتعلو وجهه علامات الغضب وخلفه الباديجارد ليدلف لداخل القصر بدون سابق انذار تاركا الحراس للتعامل مع رجال القصر وحرس البوابه ليدلف لبهو القصر الفاره ليصيح بصوت تهتز له جدران القصر :حساااان ..... حسااااان
انتفض حسان من مجلسه علي أثر الصوت ليتجه للبهو ليجد شابا في اوائل الثلاثينات ذو قامه رجوليه عاليه وجسد رياضي ممشوق وشعر أسود حريري تناثرت خصلاته وعيون زرقاء كموج البحر ممزوجه بمعالم الحدة والغضب مرتديا حله سوداء وقميص أسود محررا اولي أزرارة ليكشف عن عضلات صدرة الرائعه متخليا عن الكرافته وجاكيت البدله مشمرا ساعديه
حسان بحدة:انت مين ياجدع انت وكيف تفوت اهنيه وتنادي بأسمي حاف اكدة
سيف بحدة هو الاخ:هي فين ياحسان
حسان:هي مين دي يامخبل انت وانت تطلع مين اصلا
سيف بشموخ : انا سيف صالح الحديدي صاحب مجموعه الحديدي للاستيراد والتصدير
حسان بأستدراك:ايوة ايوة بقي انت ابن صالح الحديدي
سيف:ايوة انا ابنه ....انا عاوز آيه واخواتها
حسان :وانت ليك بيهم صالح ايه عاد؟
سيف :آيه تبقي خطيبتي وانت ملكش حكم علي باقي اخواتها
قهقه حسان بأستهزاء ليكمل كلامه:انا بقول تاخد حالك وترچع من مطرح ماچيت وتوفر تعبك ودخلت الحاميه دي علشان في الفاضي وعترچع بيدك فاضيه
سيف بأصرار:انا مش راجع من غيرها واخلص وناديهالي بالحسني احسنلك والا مش هيعجبك تصرفي معاك
حسان بمكر:بس اكدة حاااضر من عيوني.... يافرااااچ يافراااااچ
فراچ:ايوة يبوي چاي اهه
اتجهه سيف بناظريه ناحيه مصدر الصوت فهو متلهف لرؤيه ذلك المدعو فراچ ليذيقه الويلات جزاء فعلاته مع التي سلبته روحه وكيانه وقطع من اجلها المسافات ليدلف فراچ بخطوات سريعه متجهها ناحيه أبيه
فراچ:ايوة يبوي
حسان :سيف بيه الحديدي چاي وتاعب حاله وقال ايه عاوز يشوف آيه وياخدها معاه
نظر فراچ بغل ناحيه سيف قائلا:وماله دقيقه واحدة وعچيبهالك لحد عندك
______
استيقظت دعاء بالاعلي بتعب لتفتح عينيها بوهن شديد لتنظر حولها باحثه عن فارس لتجده جالسا بالقرب منها علي الجانب الآخر من السرير يتأمل ملامحها بألم وحزن شديد لتهتف بخفوت:قاعد اهنيه ليه
فارس:متقلقيش انا طول الليل نايم علي الكنبه بس كنت لسه چاي من برة واتوحشتك وچيت اطمن عليكي
دعاء:احنا ميتي؟
فارس:الساعه بقت ١٠
دعاء:انا نايمه من امبارح العصر عاد
فارس:نوم الهنا والراحه ياقلبي
دعاء بدموع اوشكت علي السقوط:انا نايمه واخواتي بيتعذبو كيف چالي النوم كيف!!
اقترب منها فارس بحنو ليمسك بكفي يديها محاولا تهدئتها :هشششش باااس طولي بالك عاد قلتلك اطمني عليهم والله مهيصيبهم اذي طول ماانا عايش
دعاء باكيه:آيه يافارس جيبتها ولا لساك مهملها هناك
اغمض عينيه بألم فهو لا يعلم كيف يخبرها بأنه توجهه اليها في المساء ولم يجدها بالمكان وكأنها تبخرت ولم يتبقي لها أثر:آيه زينه اطمني انا بنفسي روحتلها واطمنت عليها بطلي عياط امال
دعاء :چد عتحكي چد يافارس
فارس بكذب:چد الچد ياعيون فارس.... قومي يلا استحمي وفوقي اكدة علشان چبتلك دوا الحكيمه وصفتهولك يسكن الوچع ويعالج الجروح دي عشان تتحسني بسرعه عما ربنا يشفي ورد وتقوم بالسلامه ونچيب آيه اهنيه
دعاء:متسبنيش يافارس الله يوفقك
احتضنها فارس بقوة كأنه يخبأها بين اضلعه هاتفا: عمري مهقدر اسيبك ياروحي وعقلي انتي السبب ال بعيش عشانه يادعاء وبدون افني واموت
دعاء:😭😭😭
فارس:كل دمعه من عيونك بتكويني حرام عليكي تعملي فيا اكدة
دعاء:انا بحبك يافارس بحبك قوي
فارس:وانا عاشق تراب ارضك ال بتخطيها يا دعاء
_________
في مكان قريب من القصر كانت تجلس أرضا تبكي بصمت وتدعو ربها أن يزيل عنها الهم دلف ذاك المختل الذي تفنن في تعذيبها حاملا بعض الاوراق ليجلس امامها علي كرسي واضعا قدما فوق الاخري قائلا
فراج:قدامك حل واحد ملهوش تاني وهو انك تختاري راحتك بيدك وتمضي الورق دة وترتاحي يابنت الناس وتريحينا معاكي عاد والااااا
آيه بتحدي:والا ايه ياجبان
فراچ بصوت كفحيح الافاعي:والا هقتل اخواتك هما مش بعاد عني واحدة مرميه في المستشفي والتانيه في القصر
آيه بتحدي:ولا تقدر تعملهم حاچه طالما ممضوش التنازل
فراچ بشر:يبقي مقداميش غير حبيب القلب سي سيف باشا
ابتلعت مافي جوفها بغصه :اياك تفكر تقربله يافراج والا وديني هقتلك وارمي چثتك المنتنه لكلاب السكك تنهش فيها
قهقه فراچ عاليا بصوت اثار الرعب في نفس آيه ليكمل قائلا:دة نمله افعصه برجلي كيف ماهعمل معاكي دلوق قدامي امسك فراچ بآيه من خصلات شعرها بعنف ساحبا أياها خلفه متجاهلا صرخاتها المتألمه وشتائمها المتتاليه ليدلف لداخل القصر ليلتفت سيف علي أثر صرخاتها المتتاليه ليتقذفها فراچ أسفل قدمي سيف قائلا:اهااة چبتها بذاتها لحد عنديك يكش تفهم بچي وتحل عننا
امسك سيف بآيه الملقاه أرضا تحت قدميه من ذراعيها وساعدها علي الوقف لينصدم للوهله الاولي مما رأته عيناه فقد تبدلت ملامحها كليا فلم يخلو وجهها من الكدمات المتفرقه بجميع ملامحه وعينيها المتورمتين بشدة وملابسها الممزقه الملطخه بالدماء وشعرها المبعثر بشدة .... نظر لها سيف نظرة مطوله حملت الاوجاع والآلام التي اجتاحته وتمكنت منه والنغزات التي توالت في صعق قلبه بشدة لتنظر اليه بأستنجاد وعيون باكيه لبرهه امتلئت بمشاعر مختلطه يغلبها الحزن والانكسار لعاشق انهارت حصونه وموانعه عندما رأي معشوقته بمنظرها الدامي امامه ليخرج عن شعورة ويتجهه ناحيه فراچ لااراديا لينقض عليه بشراسه ليكيل له اللكمات المتتاليه فكما نعلم جميعا انه متمرس في لعب الكيك بوكسينج(الملاكمه) ليسقط فراچ ارضا لتركض آيه مدافعه عنه محاوله أبعاد سيف عنه
آيه :خلاص ياسيف سيبه متعملش فيه كدة
سيف بدهشه:انتي بتقولي ايه ابعدي
آيه بصياح بعكس مابداخلها:قلتلك ابعد عنه
سيف:انتي مجنونه عوزاني اسيبه بعد ال عمله فيكي
دة
آيه محاوله ارتداء قناع الثبات والجمود:هو حر يعمل ال هو عايزة المهم انك تمشي وتسيبني الوقتي
سيف بعدم فهم :امشي! انتي واعيه لل بتقوليه ياآيه امشي واسيبك اذاي انتي مجنونه
آيه محاوله عدم الانهيار والتماسك لآخر لحظه:قلتلك امشي وسيبني فراچ جوزي ومن حقه يعمل ال هو عاوزة
يتبع الفصل السابع والاربعون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية