رواية بنات المنشاوي الفصل التاسع والاربعون بقلم خلود وائل
رواية بنات المنشاوي الفصل التاسع والاربعون
ابتعد سيف عنها ليسمح لها بتذوق الأكسجين ولكنها غابت عن الوعي تمام لينظر لها بتمعن فهي لم تحتمل قبلته لها هل ذابت خجلا اما اذدادت تعبا تأمل ملامحها الطفوليه لبرهه واتجهه مسرعا ليحضر البرفيوم لينثر القليل منه علي كف يديه ويضعه علي أنفها لتستعيد وعيها وتفتح عينيها ببطئ لتراه أمامها ينظر لها بحنو وابتسامه تزين ثغرة لتبادله بنظرة غاضبه تلومه عما فعل لتحاول الاعتدال في جلستها بهيئتها الغاضبه
آيه:انت اذاي تسمح لنفسك انك تعمل معايا كدة
سيف بهدوء:دة أنسب جواب لل كنتي بتقوليه
آيه بعدم تذكر:قلت ايه؟
سيف وهو يقترب منها مع كل كلمه ينطقها:كنتي بتقولي اني ممكن استغل حبك وشويه كلام اهبل كدة ملهوش لازمه
آيه بتوتر :انت بتقرب مني ليه كدة . ... ابعد..ابببععد لو سمحت
سيف : وانتي مالك خايفه ليه كدة
آيه بأرتباك من قربه المهلك:وانا هخاف من ايه
سيف:امممم ماشي ..... انا هسيبك ترتاحي شويه
اومأت آيه برأسها بمعني انها موافقه ليبتعد عنها ليدثرها بالغطاء ويبتعد عنها ليجلس خلف مكتبه يتصفح اللابتوب الخاص به لأنهاء بعض الاعمال لتختلس آيه النظرات له بهيئته المتعبه ولكنها ساحرة لينتبه لها بعد فترة لينظر لها بمعني انه امسك بها بالجرم المشهود لتغلق عينيها سريعا متصنعه النوم
سيف:لو تحبي انا ممكن اجي عندك
آيه:😴😴
سيف:ماشي
________
في قصر المنشاوي كانت تجلس مرام تشكو معاناتها لأبيها وعدم قدرتها علي التحمل أكثر
مرام:يبوي انا اتحملت كتير چوي وبحط في قلبي واسكت عشان خاطر چوزي وابني ال في بطني بس كل واحد وله طاقه
حسان:لسه منخلقش يابنتي ال يكر عليكي صفو عيشتك طول ماانا موچود
مرام:يبوي اني تعبت كل يوم والتاني تلقيح ونظرات بتحرقني وتقليل مني جامد وتوقيع بيني وبين چوزي
صفيه:يابنتي اتحملي محدش خالي من الهم وبعدين ابوكي هيتحدتت مع هارون بيه ويشوفله صرفه حالك دة ميسرش ابدا الناس دول انتزعت من قلوبهم الرحمه
مرام:يما عمي هارون هيخسر أخوة بسببي عاد
حسان:يكش يولع بجاز وسخ المهم ان بنتي تكون زينه انتي بتفكري كيف يامرام ناسيه انتي بنت مين مرام:مقصدش يبوي بس انا ميمراش عليا عاد اني أكون السبب في قسمه عيله بحالها
حسان:مليكش صالح عاد انا هعرف شغلي معاهم كيف ولحد ماچوزك يرچع من سفرة أديكي قاعدة في بيت ابوكي متشاله علي الراس
صفيه:ياحسان الامور متنحلش اكدة الواحدة ملهاش غير بيت چوزها
حسان:چوزها لازم يعرف قيمتها لأول ويحافظ عليها
مرام:يبوي سعد عمرة مقصر معاي ولا زعلني الهم كله من مرات عمه البومه دي
حسان:هي كلمه ملهاش تاني ياتكوني ست قصر السلانتي ياهبكيهم كيف النسوان علي اليوم ال زعلوكي فيه
جلست مرام حزينه تبكي علي ما يحدث معها فهي لطالما تمنت حياه زوجيه هادئه مليئه بالحب والسعادة ولكن دائما ماتأتي الريح بما لاتشتهي الأنفس.....
___________
صباحا في اليوم التالي استيقظت آيه من النوم لتتفاجئ بأنها نائمه بحضن سيف لتتسع عينيها بصدمه وتشهق بشدة وتتململ سريعا للفرار من بين ذراعيه الملتفان حولها بتملك ليشعر بها سيف ويفتح عينيه ببطئ وتعب لينظر لها سريعا ويمسك بيديها لضمها اليه بلهفه
سيف بلهفه:انتي كويسه اهدي هتروح هتبقي حلوة اطمني
آيه بأستغراب:سيب أيدي انا كويسه
سيف :احم طب الحمد لله ... صباح الخير
آيه :صباح النور
سيف بأهتمام:عامله ايه الوقتي؟
آيه:منا كويسه قدامك اهوة !
تنهد سيف بتعب:طب الحمد لله
آيه: هو في ايه عمال تسألني انتي كويسه انتي كويسه وانا لسه صاحيه من النوم
سيف:انتي مكنتيش حاسه بنفسك ولا ايه
آيه بشك: نعم! حاسه بنفسي اذاي يعني
سيف :انتي طول الليل بتصرخي وجسمك سخن نار وحصلك تشنجات اكتر من مرة واخر مرة تقريبا كنت قاطعه النفس كنت هموت من قلقي عليكي
آيه بحزن:انا عملت كل دة
سيف:كنت فاكر البانك اتاك اخرها ضيق تنفس طلعت حوار كبير اوي بس الحمد لله عدت علي خير
اجتمعت الدموع بعيونها حزنا علي ماأصابها فقد ابتعدت عن هذا اللعين ولكنه ترك بها أثاره التي تنال منها وبمن حولها لتشرد بذهنها قليلا لتتذكر الايام الفائته كيف قضتها تحت رحمته لتفيق من شرودها علي حركه يد سيف امام عينيها
سيف:هاااي آيه انتي روحتي فين
آيه:ها.. ابدا ... معاك اهوة
سيف :انا عارف ان كل دة غصب عنك وتعب ليكي بس أوعدك هنعديه سوا اطمني انا معاكي
آيه :هو انت بتعاملني كدة ليه؟ اققصد يعني بعد كل ال عملته معاك واني رفضتك اكتر من مرة وجرحتك كتير !اذاي قادر تكون معايا كدة ولا بتهاودني لحد ماتاخد ال انت عاوزة وتنتقم مني
سيف :مش هلومك علي ال بتقوليه دة الوقتي علشان عارف انك تعبانه ولسه مش مستوعبه الوضع الجديد
آيه بندم:سيف أنا أس__
سيف مقاطعا:يلا علشان تاخدي شاور قبل الفطار مايطلع
طأطأت آيه بنظرها أرضا لينهض سيف من علي السرير متجها ناحيتها ليحملها ويدلف بها لداخل المرحاض ليعاونها علي الاستحمام ووضع المراهم والغيارات ومن ثم يقوم بحملها مرة أخري ليعاود وضعها علي السرير بينما هي هادئه بين ذراعيه كطفله صغيرة لتدلف ليان حامله
بين يديها بوكيه من الورد الملئ بالشيكولاته بينما يدثرها سيف بالغطاء
ليان:ياصباح الجمال والكريستال يا حجيجه
سيف:صباح الفل يالينو تعالي
ليان وهي تتجه ناحيتهم لتناول سيف مابيديها وهو جالس بجوار آيه علي السرير:اتفضل ياسيفو دة علشانك ⬇️⬇️

سيف:ميرسي يالينو ... مش هتنزلي الجامعه ولا ايه؟
ليان:امممم بتوزعني يعني طيب تمام اطير انا بقي
آيه:خليكي معانا شويه يالينو وحشتيني اوي
ليان:وانتي مفتقداكي جدا والله بس لازم انزل الوقتي يادوب اللحق محاضرة دكتور رشدي والا مش هيرضي يدخلني واوعدك اول ماارجع مش هفارقك غير لما أعرف ايه ال ورا البوكيه دة 😅 سلاااااام
كلاهما:سلام
دلفت ليان لخارج الغرفه متجهه للجامعه بينما وضع سيف البوكيه بين يدي آيه بهدوء لتنظر له بأبتسامه ومن ثم تعاود النظر لسيف
آيه:ايه دة؟
سيف:دة بوكيه ورد سلامه النظر
آيه:منا عارفه لسه متعمتش انا قصدي بمناسبه ايه؟
سيف:امبارح واحنا بنتكلم قولتي انك مش زعلانه اني كنت سايق بسرعه قصاد اني اصالحك بحاجه حلوة صح
آيه بفرحه داخليه :صح
سيف:بوكيه ورد وشيكولاته يمشي معاكي حاجه حلوة
آيه بأمتنان:كتر الف خيرك انك اخدت كلامي جد وكمان بالسرعه دي بس انا مبحبش الشيكولاته🥺🤷🏻♀️
سيف بتعجب:دي شيكولاته فيريرو روشيه ! في بنت مبيحبهاش؟
آيه :انا
سيف بتنهد:طب بتحبي ايه مش عارف
آيه : لما تعرفني هتعرف لوحدك
سيف بغمزة:نفسي أتعرف والله
آيه بتهرب:بس الورد جميل ميرسي ليك
سيف بصدق:الورد جمب جمالك ولا حاجه
آيه بألم:وسعت منك اوي المجامله دي انا خلاص اتشوهت ياسيف
سيف:دي حقيقه مش مجامله انتي في عيني أجمل بنت خلقها ربنا وهتفضلي كدة مهما حصل واياكي تفتكري اني بعاملك كدة عشان صعبتي عليا تبقي عبيطه واحساسي نحيتك لسه موصلكش بس انا هصبر وهستني لحد ماتيجي وتعترفيلي بحبك ليا من نفسك
آيه:احم هو فين الفطار
سيف بغيظ:ماشي.... دقيقه وهيكون عندك
تناول كليهما الافطار سويا و بعدها تناولت آيه الدواء الذي اعطاها أياه سيف لتجلس بعدها شاردة الذهن ليتأملها سيف لدقائق ويحمحم علها تنتبه له
آيه:هو انا ممكن أطلب منك طلب
سيف:انتي تؤمري وانا أنفذ
آيه:أخواتي.... انا عايزة أخواتي
سيف:حاضر هدور عليهم فين وهجبهملك من تحت طقاطيق الارض
آيه:مش محتاج تدور عليهم دعاء في القصر متحاميه في فارس علشان جوزها وورد من ساعه ماأغمي عليها وفارس نقلها مستشفي معرفتش عنها أي حاجه
سيف:انا هعرف هي فين وحالتها ايه بس عاوزك تطمني وترتاحي انتي
آيه :علشان خاطري ياسيف لو عرفت حاجه متخبيهاش عني
سيف:حاضر....... هو فارس ليه محاولش يساعدك ؟!
آيه:حاول يساعدنا كلنا واول مادخل المكان ال كنا فيه كانت ورد مغمي عليها وبتنزف فأخدها وطلع بيها علي المستشفي ولما رجع كان عاوز ياخدني انا ودعاء بس اخواته مرضيوش وكانو هيموتو بعض فهو أخد دعاء ومشي ومتأكدة انه رجعلي تاني بس بعد ماهو مشي هما نقلوني مكان تاني اكيد هو ميعرفهوش بس لولا واحد ابن حلال من ال كانو بيحرسو المكان هو ال هربني علشان عملت فيه معروف زمان
سيف:وكان فين الراجل دة من أول يوم؟
آيه:فراچ يعتبر مكانش بيفارقني خالص ومسابنيش ومشي غير لما مضيت علي التنازل وبعدها عم وهدان دخلي وفكني وهربني
سيف:تنازل أيه بالظبط
آيه:عن ورثي في بابا وماما الله يرحمهم
سيف:هرجعلك كل مليم أخدوة منك وهنتقملك منهم علي كل ثانيه أتألمتي فيها وانتي بعيدة عني
آيه: والله ماعاوزة حاجه يشبعو بيها انا بس عاوزة أخواتي ويبعدو عننا أنا متأكدة انهم بيدورو عليا وعاوزين يقتلوني
سيف:انتي متعرفيش انتي اتجوزتي مين ولا ايه!!
آيه:انت متعرفهمش ياسيف
سيف:ولا انتي لسه تعرفيني ياآيه
____________
في غرفه دعاء***
مرام:ورد راحت في غيبوبه بس الحكيم قال انها ممطولاش عاد وهتفوق في أققرب وقت
دعاء ببكاء :يامري يااني ياحبيبتي ياختي كان مستخبيلك كل ده فين بس ياربي
مرام:هدي حالك يادعاء واطمني انشاء الله خير
دعاء:يارب ملناش غيرك يارب
احتضنت مرام دعاء للتخفيف عنها بينما تمسكت بها دعاء بشدة كأنها كانت بحاجه مأساة لهذا الاحتواء
بالاسفل في صالون القصر****
سليم:هنفضل قاعدين كيف الحريم اكدة يبوي والسنيورة قاعدة فوق وسايبينها ولا ايه
فراچ:وافق بس يبوي وانا اخلص عليها دلوق
حسان:انكتم منك ليه قلتلكم معاوزش أخسر فارس لازم نساييه لحد ماالبت تمضي وبعدها أعملو ال تعملوة أنا خلاص مبقتش طايق واحدة فيهم وعاوز أمسحهم مسح من علي وش الدنيا
فراچ:والعمل يبوي؟
حسان:طول عمرك أهوچ ومستعجل قلتلك اصبر لحد ماناخد أخوك تحت طوعنا
سليم:انت خابر فارس زين يبوي
حسان:وعشان خابرة زين يبقي لازم أخليه يخاف عليها منينا وهو بنفسه ال يخليها تمضي برضاها وبعدها نقتلها مع اخواتها في يوم واحد
__________
مساءا في فيلا الحديدي وبالتحديد في غرفه سيف
ليان:اما انتي فايتك حبه حجات في الجامعه تهلك من الضحك
آيه:احكيلي
ليان:لاااا دي محتاجه قاعدة في الجنينه تحت ومجين نسكافيه هبقي أحكيلك لما تشدي حيلك كدة وتنزلي اما دلوقتي فعوزاكي تحكيلي من طقطق لسلامو عليكو
آيه:احكيلك ايه
ليان:تحكيلي من ساعه ما رجعتي من الرحله لحد بوكيه الورد الاحمر بتاع الصبح
آيه:انا رجعت من الرحله و****************
ليان:ياولاد ال 🤬🤬🤬🤬 ايه قرايبك دول مفيش في قلوبهم راحمه ليه ... هنسيب الدنيا ونمشي مش هناخد حاجه معانا
آيه:نفسي أشوف اخواتي ياليان هتجنن عليهم
ليان:ياحبيبه قلبي والله مقدرة ال انتي فيه بس انشاء الله سيف مش هيسكت انا متأكدة اطمني
آيه: يارب
ليان:مهو لو كنتي سمعتي كلامي واتجوزتيه من بدري مكانش كل دة حصل بس لا لازم دماغك الناشفه دي تترن في خرسانه
آيه:خلاص بقي
دلف سيف لغرفته ليتجهه ناحيه الفتاتان ليستند علي الحائط المقابل لهما عاقدا زراعيه امام صدرة الممشوق:مطوله معانا يالينو ولا ايه؟
ليان:حاسه اني بنطرد سيكا
سيف وهو يمط شفتيه:الاحساس نعمه
ليان:يلهوي شكلي بقي وحش جدا ... طااااب ابت أآيه عاوزة مني حاجه بقي
آيه بأبتسامه:سلامتك ياقلبي وسلميلي علي طروقه لما يكلمك
ليان:حاضر من عيوني
دلفت ليان للخارج بينما اتجهه سيف بضيق ناحيه آيه ليهتف بغضب مكتوم:طروقه مين يا هانم؟
آيه وهي تبتلع ما في حلقها:ططططارق خطيبها
سيف بلهجه صارمه:يبقالك حاجه علشان تدلعيه ولا ملكيش راجل تحترميه
آيه:في ايه ياسيف بتكلم معاها عادي دة ذي اخويا
سيف:ولا اخوكي ولا زفت واتفضلي نامي احسن ما أنكد عليكي واياكي أسمعك بتدلعي راجل غيري سامعه
آيه:حاضر
سيف بصرامه:تصبحي علي خير
آيه بتعب:تلاقي الخير
اغلقت آيه عينيها لتستقبل النعاس وقلبها يتراقص من الفرحه لشدة غيرته عليها لتنعم بنوم هانئ بينما استلقى سيف علي الاريكه المجاورة لها ينهي بعض الاعمال علي الللابتوب الي ان غفي في النوم العميق لأنه لم يذق النوم في الليله الماضيه الا لدقائق..... ............. مرت الليله وليالي أخري كثيرة وصحه آيه تتحسن تدريجيا بمتابعه سيف لها واهتمامه الذائد بها اما علي الجانب الآخر في المستشفي حيث ترقد ورد **""
استفاقت ورد بوهن وعينين تجاهد بشدة لفتحهما لتستكشف ماحولها وتحاول الاعتدال في جلستها بتعب لتدرك انها بالمستشفي وتنزع عن وجهها قناع الأكسجين وتزيل من يديها الاجهزة المتصله بها لتمر فترة أستعادت بها وعيها وتذكرت ماحدث معها لتضع يديها علي بطنها وتبكي بمرارة علي ابنائها اللذين فقدتهم حتي قبل أن تراهم لتمر فترة طويله وتهبط من فوق السرير لتخطو بخطوات متعبه نحو باب الغرفه لتري رجلين يجلسان لحراسه الغرفه لتعود أدراجها مرة أخري للسرير بخيبه أمل
بعد فترة **
حارس١:متروح تچيبلنا كوبايتين شاي خلينا نعمر النفوخ
حارس٢:الكافتريه ال اهنيه في الدور التاني هتعمل شاي تقيل يظبط النفوخ صوح
حارس١:طب متروح تچيبلنا دور وتاچي
حارس٢:تعال معاي وبالمرة نعرف نشربولنا سچارة في أي حته مداريه
حارس١:يلا كيف المرة ال فاتت
اتجهه الحارسات للكافتيريه بينما أستغلت ورد الفرصه وفتحت باب الغرفه ودلفت للخارج مسرعه بالابتعاد عن المبني بأكمله
__________
فارس:مال عيونك مورمه اكدة يادعاء ؟
دعاء:مفيش
فارس وهو يجلس بقربها:عتخبي عليا ايه عاد
دعاء:قلتلك مفيش
فارس:يابنت الناس انا معاكي علي الحلوة والمرة قوليلي بس ايه ال مزعلك وخلاكي تعيطي اكدة
دعاء:حزينه علي حالي قاعدة مرتاحه ومتهنيه وأختي مرميه في المستشفي بين أيدين ربنا والتانيه معارفينش عنها حاجه راحت فين چرالها ايه او اذا كانت عايشه اصلا ولا ميته
فارس:هتروق وتحلا يادعاء النهاردة دكتور ورد طمني وقال انها قربت تفوق وآيه زمانها بخير اطمني انا متأكد انها زينه
دعاء ببكاء:قلبي تاعبني چوي يافارس چوي
احتضنها فارس ليهدئ من روعها قليلا :قلتلك قبل سابق ال معاه ربنا عمرة ميصيبه مكروة .... والله يادعاء ممضيع وقت وقلبت القاهرة بحالها عليها ملاقيهاش ولا حتي عاودت الشقه بتاعتكم ولا راحت لعاصم معارفش ممكن تكون فين
دعاء:مش عارفه هي متعرفش حد تاني ممك تروحله
فارس:هنلاقيها اطمني
دعاء :يارب
فارس:وبعدين منوياش اني كمان أصعب عليكي وتقلقي عليا
دعاء بعدم فهم:مالك انت زين اهه
فارس:لا والله انا ضهري خشب من نومتي علي الكنبه كل ليله اديلي سبوعين منوياش تنيميني چارك علي السرير؟
دعاء:فااااارس
فارس:والله مههوب يمك والله
دعاء:هفكر
فارس بفقدان أمل:طيب
_______
صدعت أصوات طرق الباب بشدة علي شقه أم عاصم ليلاا⚡⚡⚡⚡ليستيقظ جميع من بالشقه فزعا ويتجهو سريعا للصاله
عاصم :ميين مييين
ورد :انا ورد ياعاصم
لم يصدق عاصم أذنيه مما سمع ففتح الباب سريعا واذا بها ورد ترتمي بأحضانه بتعب كمن سافر رحله الالف ميل وفقد الطاقه لأخر خطوة فسقط أرضا من شدة التعب
عاصم وهو يحتضنها:ورد... ورد ... حبيبتي انتي كنتي فين وحشتيني اووي
ورد ببكاء:وانت أكتر ياعاصم بحبك قوي قوي
هناء :ورد ... دي ورد بجد ياماما اوعي كدة ياعاصم
تركها عاصم تفلت من بين يديه بعدما بثها شوقه لها لتحتضنها هناء بفرحه وتليها ام عاصم بسعادة ليجلسو علي الكنب الموضوع بالصاله وعاصم ممسكا بها خوفا من فقدانها
ام عاصم:كنتي فين يابنتي كل دة وايه ال عمل فيكي كدة البيبي كويسين
نظرت ورد لعاصم بألم وانهمرت الدموع من عينيها بشدة واختبئت بين أحضانه وتعالت شهقاتها ليحتضنها عاصم بقوة والدموع تتساقط من عينيه عندما أدرك بأن أطفاله قد أصبحو بأمانه الخالق
ام عاصم بدموع:لا حول ولا قوة الا بالله العلي العظيم
هناء ببكاء:المهم انك بخير يا ورد
عاصم:اهدي ياورد المهم انك رجعتيلي وفي حضني
هناء:هما مين دول ياورد وليه عملو كدة
ورد:دول أهلي😭😭
هناء:طب وأشمعنا سابوكي الوقتي
ورد :مسابونيش انا ال هربت منهم لكن هما عاوزين يقتلوني عاصم ارجوك تحميني منهم انا خايفه اوي
عاصم وهو يضمها لحضنه مرو أخري:متخافيش ياحبيبتي انتي معايا اطمني وعمرك مهتمشي وتسبيني تاني
ام عاصم:عاوزين يقتلوكي!..... لا يابني سيبها تمشي
ورد:😨😨😨😨😨😨😨😨
هناء:ايه ال بتقوليه دة ياماما
ام عاصم:اسكتي انتي ياهناء بصي ياورد يابنتي انا مطلعتش من الدنيا دي غير بعاصم وهناء وربنا وحدة ال يعلم انا ربيتهم اذاي بعد موت ابوهم الله يرحمه وشوفت كتير واستحملت ملطشه الدنيا علشان خاطرهم ومعنديش اي استعداد يابنتي اني أخسرهم واموت بحسرتي عليهم
عاصم: ماما انتي بتقولي ايه دى ورد مراتي
ام عاصم:ال بقوله هو الصح ياعاصم ورد لازم تمشي والا اهلها دول ممكن يأذوك
عاصم:وانتي عوزاني أرميها عشان جبان وهخاف علي عمري داانا أفديها بروحي
ام عاصم:يابني بطل معاندة انا رضيت انك تتجوزها لما فكرتها من اسكندريه ومقطوعه من شجرة ذي محكتلنا قبل كدة انما تطلع اهلها بالشكل دة وعاوزين يقتلوها يبقي يابني ملهاش قعاد هنا وطلقها أحسن
شعرت ورد بكلمات ام عاصم كأنها سكاكين حادة تتراشق بأنحاء جسدها المتهالك لتفتك به بينما احتد النقاش بين عاصم ووالدته كانت هي في دوامه من التفكير لتقف بينهما محاوله تهدئه الوضع
ورد:خلاص ياعاصم انا همشي ومامتك عندها حق
هناء:هتروحي فين ياورد
ورد:ارض الله واسعه
عاصم:انت تسكتي خالص مسمعش صوتك وقدامي علي جوة
ورد بتعب:بس
عاصم:يلاااا
دلفت ورد لغرفه عاصم برفقته ليدلف بعدها ويحتضنها من خلف ظهرها ويدفن رأسه بعنقها ليسكن علي وضعه لدقائق ويلتفت اليها ليقف امامها ينظر إليها بشوق يتفحص خصلات شعرها المدمر وأثار الكدمات علي وجهها وعنقها ولكنها بدأت بالتلاشي فهي لم تنل من العذاب مثلما نالت آيه وأكمل تفحص باقي ملابسها التي كانت ترتديها أخر مرة رأها بها ولحسن حظها أن الممرضات في المستشفي قامو بغسلها واعادة ارتدائها لورد نظيفه مرو أخري بينما تبادلت ورد النظرات لعاصم الذي بدا مختلفا تمام فقد نمت لحيته وانطفاء بريق عيناه وغزت ملامح الحزن وجهه وفقد القليل من وزنه الفترة التي ابتعدتها عنه
عاصم : وحشتيني اووي يا وردتي
ورد :وانت اكتر ياعاصم
عاصم: مين ال عمل في ولادنا كدة
ورد:انسي ال فات ياعاصم
عاصم:مش هقدر ولا هرتاح غير لماأنتقم
ورد:انا مش هستحمل بعدك تاني ياعاصم
أحتضنها عاصم بشغف وطبع بعض القبلات المتفرقه علي وجهها ليأخذها بعدها لعالمهم الخاص لتتوقف شهرزاد عن الكلام المباح
بعد فترة طويله وبعد ان اطمأنت ورد بأن عاصم قد غفا في النوم هو وجميع من بالمنزل اتجهت للمرحاض لتستحم وهي تزرف الدموع بعد ان ايقنت ان بقائها مع عاصم لن يجلب له ولعائلته الصغيرة سوي الدمار خاصه وانه عزم علي الانتقام لتدلف للخارج وترتدي ملابسها وتدلف لخارج المنزل بل لخارج المنطقه بأكملها أصبحت تركض في الطرقات بعيون ملئتها الدموع لتتلاشي رؤيتها من شدة البكاء لتستفيق من حالتها علي صوت كلاكس سيارة مرتفع وكلمات :حااااااسبااااي
يتبع الفصل الخمسون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية