رواية نورالفصل الرابع 4 بقلم شوشو احمد

 رواية نور الفصل الرابع بقلم شوشو احمد

رواية نور الفصل الرابع 

اسعد ركب عربيته وماشي بيها بيلف ومش عارف رايح فين ولا جاى منين

لحد من شاف يافطه مكتوب عليها صدقه جاريه لفتت نظره ووقفه قادم الكلمه ياترى لو عمل صدقه جاريه ل مريم ويامن روحهم هترتاح

طب هل هو شعور الذنب ال حاسه دائما هيقل

روح و منمش من التفكير يعمل ايه ليهم

اخد قرار يبع الأرض ال ورثها عن أبوه وبتمنها ممكن يعمل صدقه جاريه ليهم

الصبح راح الشغل وقال ل حمدي مدير مكتبه كلم الراجل اللي كان عاوز يشتري الأرض وخد معاد منه واسأل الاسعار اللي ماشي كام دلوقتي وعرفني

فضل كل تفكيره بين هيعمل ايه بالفلوس وهو ميعرفش فعلا هيعمل ايه لكن فجاه نور ظهرت في تفكيره هي هتعرف تعمل ايه او ممكن تساعده في فكرة كويسه اقنع نفسه هيتصل ب احمد يستأذن يروح ليها وياريت نور تكون موجوده

اخد معاد فعلا وراح وهو بيقول ايوه مش رايح علشان أشوفها لاء بس هطلب تساعدني اعرف ايه هى الصدقه الجاريه ال تفيد مريم

راح عندهم بعد الشغل وأحمد استقبله بحراره يمكن لان احمد فعلا حبه وحسه ممكن يكون صديق له..

اما نور لسه مخرجتش وعيونه بتدور عليها ياترى ايه منعها معقول مش عاوزه تشوفني طب امشي محتار فعلا وقام فجأة وقال ل احمد معلش همشي واجي وقت تاني

احمد نعم تمشي ااي دي نور تقتلني فيها انت محجوز هنا على ما نور تخلص

اسعد تخلص ايه بس هي مشغوله في حاجه مهمه اجي وقت تاني

احمد لا قربت تخلص عشر دقائق بس

اسعد قعد وفكره عندها

فعلا عشر دقايق ونادت نور على احمد وأسعد اتفضلوا السفره جاهزه يلا بينا

اسعد انبهر بالاكل الجميل وشكله المنظم وبيقول لها ليه كده تبعتي نفسك كل ده

نور محبش اكون مديونه وعدتك بمحشي وبط ولازم أوفي

لما أحمد قال بتسال تيجي امتى انا اللي حددت المعاد علشان نتغدى سوى يلا مش عاوزه كلام الاكل يخلص كله

فعلا اتغدو وتقريبا اسعد كان نفسه مفتوحه بطريقة هو نفسه مستغربها بعد الأكل اسعد قال لها كنت طالب مساعدتك ممكن

نور مساعدتي انا خير اتفضل قول

اسعد بصي ياستي انا مريم مراتي ويامن ابني ماتوا من كام سنه ماتوا بدالي انا

كان بيتكلم وحابس الدموع فى عنيه بالعافيه

بس نور شيفاها دي كمان قلبها بيتقطع علشانه

خصوصا لما أحمد سأله ازاي ماتوا

ماتوا ازاي كرر الكلمه كام مره

لدرجه احمد اعتزر عن سؤاله

اسعد عادى يااحمد بتتاسف ليه بص

مريم مراتي كانت بتحب عربيتي اوي

وبتقول أنها عجباها وبتحب تركب فيها

حتى كنت بسيبها لها واركب عربية الشغل وبعدين خطر فى بالي اجيب لها واحده فكرت الاول أدي دي لها واشتري لنفسي

خفت تزعل وتقول اخد الجديده فرحت اشتريت عربيه جديده زي بتاعتي بالظبط وادتها ل مريم تخرج بيها وتروح النادي وكده

وفي اليوم الاسود ده كنت أنا من مده شغال فى مكافحة الإرهاب وكنت عدو كبير الجماعات المتطرفة كنت بنزل المهمه اجيب الخليه دي يعني اجيبها اشتغلت

كتير وكنت بفرح لما اقبض على اعداء البلد وبحلم باليوم اللي مصر هتطهر من أمثالهم لكن للاسف كانوا قرروا اغتيالي وحطوا عبوه ناسفة في العربيه بس بدل ما تكون عربيتي كانت للاسف عربية مريم وكان معها يامن رايح التدريب

هنا وغصب عنه دموعه نزلت لانه اتذكر الموقف لما جه وشاف الانفجار ولم اشلائهم

دموع احمد نزلت وهو بيهدي اسعد أما نور فشلال دموع نزل منها كنت مفكره حزنه كبير اتاري فى اللي حزنه أشد

احمد حاول يلطف الجو وقال اسعد تعالى أقف معايا وانا بغسل المواعين اصل عليا الدور المره دي وانت كمان تعالى نختبرك فى الشاي

اسعد مسح دموعه وقال الحمد لله أنه شاي بس اصل لو أكل هتروحوا المستشفى الكل حاول يضحك لكن للاسف مقدروش

اسعد عمل الشاي وأحمد حاول يغسل المواعين هو مكانش عاوز بس اهو يغير موضوع هو فتحه وكان غلط فتحه اصلا

نور مدخلتش المطبخ لا دخلت ركن الصلاه و صلت ركعتين وطلبت من ربنا يصبر اسعد ويلهمه الصواب وكمان يصبرها ويقدرها تساعد اسعد اللي فعلا صعبان عليها

بعد ما صلت دخل احمد لها وبصوت واطي والله ماكان قصدي ابدا ازاي اسال سؤال غبي زي ده تفتكري أنه زعل

نور معتقدش اسعد اعقل من كده ويمكن كان محتاج حد يسمعه بس المهم احنا هنساعده فعلا

احمد ومن امتى واحنا بنرفض حد طلب مساعده

نور خلاص على البركه

خرجت نور ل اسعد وسألته حدودك كام وايه اللي في دماغك

اسعد انا عموما معنديش فلوس كتير فى البنك العادي يعني

كنت بيسيب كل الفلوس ل مريم الله يرحمها كنت مفكر اني كده بعوضها غيابي في الشغل هشوف فيه كام

والعربيه بتاعتي كرهتها هبيعها اصلا مركونه من يومها واللي معايا جبتها بعد فتره وفيها الأرض ورثي من ابوي هقابل المشترى النهارده

هى مكانها كويس جدا ومساحه كبيره اوي كان حلم مريم اني ابيع نصها وابني برج كبير على النص التاني وبكده يكون عندي دخل كويس جدا واخد اجازه أو اسيب الشرطه

بس انا مكنتش بقبل ابدا الإقتراح ده ويكمن المرات الوحيده ال زعلنا فيها كان لما تفتح الموضوع ده كانت خايفه عليا أستشهد وأسيبها هي وابني

لكن الواقع استشهدت هى يايرت حققت حلمها ياريت

نور سكتت شويه وقالت أنا بقااا عرفت هنعمل ايه وكمان هتحقق حلمها صح متاخر بس مستفدتش بيه في الدنيا تستفاد بيه في الاخره

اسعد وهنا اول مره تنطق اسمه

انت هتبيع نص الأرض بس وتبني على النص التاني ملجأ للأيتام ايه رأيك في الفكره دي

كنت عاوز تعمل صدقه جاريه ليهم اهو طول ما الملجأ موجود هما بيستفادوا منه وده إستثمار مع ربنا يسعدك ويتحسب لهم قلت ايه

كمان عاوزه فيه جزء للطفل اليتيم المعاق أو لو طفل زي ده أمه ماتت استحاله مرات أبوه تكون ام له احنا هتكون له ام وأب وسند وشوف انت هنسعد كام طفل

كانت بتتكلم بحماس واضح

وأسعد وأحمد اتحمسوا للفكره

اسعد كان عندي حق لما جيت ليكي عمري ما كان يخطر ببالي فكره بالعظمه دي خلاص هروح ل حمدي وشوف خلص مع المشتري بكام

نور نعم وهو حضرتك معتمد على حمدى يبيع لك ارضك

اسعد اه مفيش فيا دماغ لكده ولا حيل للمناهده وهو هيجيب اعلى سعر المتر

نور طب عندك علم بكام تقريبا المتر هناك

اسعد لا ولا سالت ولا رحت الأرض من زمان

نور اه طب مبدئيا كده تطلع من هنا تكلم معارفك

وانت بحكم شغلك فى الشرطه سنين وكمان منصبك دلوقتي هتعرف السعر الحقيقي كام وقبل ما تقابل المشتري ده تكون عرفت كام السعر

مستبعدش على حمدي يبيعك للمشتري اصلا ويقسم معاه أصل حضرتك اللي زي حمدي ده ملوش امان

اسعد معقول طب ازاي لاء لاء معتقدش

وبعدين انتى شفتيه مره واحده ازاي حكمتي عليه بكده

نور مره اه بس كان بيظلم ويتباهه على الغلابه بمنصبه واللي يظلم يعمل اي حاجة واهو السؤال مش هيخسرك حاجه اسال بس وبكره هتقول نور قالت

مشي اسعد وفعلا سأل طول الطريق اكتر من حد

وأصحابه قامو بالواجب وكلموا سماسره ومشترين وقبل الليل ما ييجي كان عنده اسعار تقريبا قريبه لبعض بس فوق توقعه جدا

السعر كان أكبر من تخليه ليه مباعش الأرض دي ومريم عايشه صح كان فلوسه كلها تحت امرها وكانت طلباتها مجابه بس ياريت لما تقابله يوم القيامه هتكون مسامحاه ومش زعلانه منه فاق من شروده على جرس الباب كان حمدي

دخل وعرفه بالحاج سعيد الشيخ اللي هيشترى منه الأرض

وبعد رغي كتير من حمدي والحج سعيد قال الحج سعر. اقل من نص السعر اللي سمعه من المشترى اللي قال عليه صاحبه مجدي

وأسعد ساكت وحمدي كل ما اسعد يسكت يقول للحج لا كده بعيد ارفع حبه فيرفع فعلا كام الف

لف وحوارات وأسعد فاهم وساكت واخيرا اتكلم اسف ياحج السعر مش مقبول لأنه النص بالظبط انا سألت وسعر المتر كذه وانت جاي تستخف بيا فتفضل انزل مع السلامه

رد الحج سعيد طب نرفع شويه ونقسم البلد نصين وكده

اسعد يارجال بتظلم بتسرق من اسعد العمرى ملايين انزل على السلام بدل ماتنزل من البلكونه

نزل السعيد وحمدي ورا بعض والسعيد ده اللي بتقول عليه ميعرفش تمن الأرض منك لله ضيعت البيعه مني بطمعك

يتبع الفصل الخامس اضغط هنا

الفهرس يحتوي على جميع فصول الرواية كاملة: "رواية نور" اضغط على أسم الرواية