رواية وعد الحر البارت الرابع 4 بقلم همس حسن
رواية وعد الحر الفصل الرابع 4
فارس باصصله ومبرق ..
Flash back 📸🔙
كارمن : هرجع واقولك تااااني للمرة المليون ، انا بحب واحد غيرك .. وعشان اثبتلك كلامي الواحد دا مش بعيد ولا حتى غريب ، حد انت تعرفه وبتشوفه كتير جدااا كمان ، ولو عندك ذرة كرامة او دم او حتى رجولة طلقني وسيبني اروحله ونفذ كلامك اللي كان في أول الإتفاق
رفع فارس راسه بص لسليم .. وفجأة ضربه بالبونيه في وشه
فارس : لو كلامه دا طلع صح وحسيت إن ليك دخل في اللي حصل اختفي من كوكب الأرض احسنلك
سليم حاطط ايده على بوقه اللي جاب دم من البونيه .. فارس سابه وراح ركب عربيته ومشي
سليم بيعدل نفسه : وانا هفكرك اما ادفعك تمن الضربة دي غالي اووووي ياابن فاطمة
🔥في * ڤيلا الحر * بيت فارس 🔥🏯
*تحديداً في اوضة كارمن وفارس*
جميلة قاعدة على السرير بتعيط وفي ايديها "وعد" حفيدتها .. أمنية قاعدة جنبها بتطبطب عليها
فاطمة جاية في طرقة الدور من بعيد شايفاهم .. وقفت بصت عليهم للحظات من غير اي رد فعل ، وفجأة تعبيرات وشها اتغيرت واتحركت ناحية الأوضة
فاطمة : بعد اذنك ياجميلة اسمحيلي اخد البنت انيمها في سريرها عشان تتعود من دلوقتي
جميلة : افندم !!!
انتي عايزة تاخدي حفيدتي من ايدي ؟؟
فاطمة : بقولك ايه ياجميلة دا مش وقت حفيدتك احنا مش عيال صغيرة ، انا بتكلم في الصح
جميلة : وانا بقولك طول ما بنتي مش هنا وعد مش هتتشال من حضني يافاطمة .. واللي عندك اعمليه بقي
فاطمة : هنبتديها عِند يعني ؟؟
جميلة : اه هنبتديها عِند
أمنية : اهدوا ياجماعة والله ما وقت اللي بتعملوه دا خالص
وليد ابن خال فارس داخل عليهم وفاطمة بتلف عشان تخرج من الأوضة
وليد : ايه ياجماعة اللي انا سمعته دا ؟؟!!!
جميلة بصت في الأرض وبدأت تعيط تاني
وليد : كارمن اختفت بجد ؟؟
أمنية : بإذن الله هنلاقيها ياوليد ونفهم ايه اللي حصل
وليد بيبص لجميلة : متقلقيش ياامي بإذن الله خير والله هي يعني هتروح فين
جميلة : ربنا يجيب العواقب سليمة يابني
وليد : اومال فين داليا ؟؟
جميلة : مسافرة سفرية شغل من امبارح الصبح .. مكانتش تعرف إن كارمن هتولد عشان كارمن جالها الطلق بدري وفي وقت مش متوقع خالص
وليد : امممم .. ان شاء الله على ماتيجي من السفر نكون لقينا كارمن
جميلة : يارب يابني .. يارب
وليد : انا هروح اشوف بابا في اوضة المكتب عشان بيتصل بيا وارجعلكم تاني
فارس راكب العربية ووشه احمر من الغضب وعروقه مزرقا ... تليفونه رن "سيف"
فارس بيرد : أيوة ياسيف
سيف : اااايه يافارس منفض للي خلفوني ليه اتصلت بيك مليون الف مرة
فارس : مش فاضي ياسيف مش فاااااضي اكيد
سيف : ماشي .. وصلت لحاجة
فارس بعد لحظات صمت : لا لسة ملقتهاش ، وانت الدنيا ماشية عندك ازاي
سيف : مفيش رجعنا على البيت وامها رجعت معانا .. عمها روح على بيته يدور بطريقته ، وسليم ا....
فارس : سليم ماله ؟؟
سيف : مش عارف سليم مهتم اوي بالموضوع بطريقة غريبة ومحموقلها كدا
فارس : امممم .. تمام
لو وصلت لحاجة قولي
سيف : طب انت فين اجيلك وندور سوا طيب
فارس : لا لا انا هخلص وارجع
سيف : ماشي وانا هدور عند اي حد كان قريب منها
فارس : يلا سلام
سيف : سلام
قفل فارس الفون وزود السرعة جداااا ...
لحد ماوصل المكان اللي حابسها فيه ، نزل من العربية ، طلع المفاتيح من جيبه وقرب من الباب .. حط المفتاح في الباب ودخل الأوضة
كارمن قاعدة على السرير وايديها جنبها رفعت عينيها وبصتله ... دخل بخطوات بطيئة ناحيتها ووقف سند على الدولاب
فارس : هسألك للمرة الأخيرة سؤال واضح وصريح وانتي عينك في عيني ...
بتحبي غيري فعلاً ؟؟
نزلت عينيها في الأرض : اه يافارس
اتحرك ناحيتها ومسك وشها جامد بأيد واحدة : بصي في عييييني وانتي بتقوليها
كارمن عينيها دمعت وسكتت للحظات وعينيها في عينه
كارمن : اه يافارس بحب غيرك وكنت ناوية أهرب معاك
بيبصلها بصدمة وبينزل ايده : والحد دا قريب مني ؟
كارمن : اقرب مما تتخيل
فارس ساند على الدولاب تاني باصصلها وساكت تماماً .. وبعد لحظات
كارمن باصة في الأرض وبتعيط : كنت بجاريك وخايفة اقولك الحقيقة لا تعمل فيا حاجة وانا حامل ، او تحاول تحبسني بعد مااولد
نزل فارس عينه في الأرض ، بدأ يتحرك ناحية الكومودينو .. وفي لحظة مش محسوبة سحب السكينة من جنب الفاكهة وشد كارمن بالايد التانية وقفها وحط السكينة على رقابتها .. صوتت بعلو صوتها وغمضت عينيها
فارس بيقرب من ودنها اللي جنب بوقه بالظبط : ومجاش في بالك إني ممكن لما أعرف متاخديش في ايدي ٣ ثواني وتكوني مع ابوكي في الجنة ؟
زي دلوقتي كدا مثلا .. بسحبة سكينة واحدة انا هخلص كل حاجة
كارمن بتبلع ريقها بخوف : فارس اهد... اهدى يافارس اللي بتعمله دا مش صح
فارس : اومال ايه اللي صح ؟؟
اللي صح إني أعيش معاكي ٩ شهور فاكر قصة حبنا مفيش منها اتنين وقبلها ٣ شهور بحاول امهدلك بحبي وهوب بعد خلاصة ال١٢ شهر اكتشف واكلين شاربين نايمين صاحيين في حضن بعض اكتشف إن دا كله كان لعب عيال وبتحبي واحد غيري ؟؟؟
بيهز ايده بالسكينة : انططططططقي دا الصح
كارمن بتعيط : اهدددددي يافارس هتموت اكتر بني آدمة حبتها في الدنيا
فارس : لما تكون نفس البني آدمة هي اكتر بني ادمة اذتني في الدنيا وهانت رجولتي اموتها عادي
وفجأة ...
كارمن دبت دماغها في مناخيره اللي وراها بالظبط بعزم ما فيها لدرجة إنه اتنطر ومناخيره جابت دم
كارمن واقفة بعيد بصاله وبتعيط
فارس بيمسح الدم : انتي صح
انتي فعلاً متساهليش تموتي بالساهل كدا قبل ماتدفعي تمن كل حاجة عملتيها
حاطة ايديها على بوقها ومش عارفة هي ازاي عملت كدا
فارس : عارفة ياكارمن ..
بنتي نازلة الدنيا بقالها دلوقتي داخل في يومين ، وبدل مااكون انا أول ايدي تشيلها وتستقبلها للحياة موافقتش إني حتى ابص في وشها ولا أشوف ملامحها طول مانتي مش معايا
بيضحك بسخرية : كنت مغفل اوي تقريباً هههه
بس ملحوقة ... وحياة بنتي ياكارمن اللي من لحمك ودمك لاخليكي تدمعي عليها دم لحد ما تعرفي قيمتها وقيمة كلمة أم
خرج من الأوضة وقفل عليها تاني بالمفتاح من برا .. راح ركب عربيته ، طلع سجارة ولعها وشرب منها نفس
دور العربية وداس بنزين واتحرك
*في بيت فارس*
جميلة وأمنية قاعدين زي ماهما في °أوضة كارمن وفارس° .. أمنية ماسكة البيبرونة وبتحاول ترضع "وعد" لبن صناعي لحد ما أمها ترجع
ناهد مرات عم كارمن داخلة عليهم .. حضنت جميلة وقعدت جنبها
ناهد : ايه ياحبيبتي طمنيني .. فيه جديد ؟؟
جميلة : ولا جديد ولا قديم ، البت كأنها فص ملح وداب
ناهد : انا مش فاهمة ايه اللي يخليها تعمل عملة زي دي طيب ماحنا لازم نفهم الموضوع اكيد فيه إنَ
جميلة عينيها بتدمع : ياريت ابوها كان موجود كان ساعدنا في موقف زي دا.. ولا حتى ليها اخ يسند مع جوزها
بس احنا محيلتناش في الدنيا غير بعض انا وهي واختها اللي ياعالم هتعمل ايه لما ترجع من السفر متلاقيش اختها
ناهد بتطبطب عليها : متقلقيش ياحبيبتي سيبيها على ربنا وان شاء الله هترجع بألف خير وسلامة والله
أمنية بتغير لوعد وعمالة تبوس فيها وهي في قمة سعادتها وكأنها في عالم تاني غير عالمهم
جميلة بتبصلها وتبتسم
ناهد : كتر خيرها جدعة اوي وتستاهل كل خير
جميلة : ربنا يراضيها يارب ويفك كربها ويكرمها بحتة عيل
وهما بيتكلموا سمعوا جامد اوي من تحت في مدخل الڤيلا نزلوا كلهم جري على تحت يشوفوا فيه ايه .. فاطمة ، سيف ،امنية ، جميلة ، ناهد ، وليد ابن خال فارس
فارس داخل الڤيلا عفاريت الدنيا بتتنطط في وشه وعمال يكسر في كل حاجة حواليه زي المجنون "سليم فييييييييييين"
فاطمة : الله الله فيه اااااايه يافارس ما براحة ايه اللي بتعمله دا
فارس بيبص لناهد : إبنك فييييييين بقول
ناهد : اهدى يافارس متصحش تتكلم معايا بالاسلوب دا ، قولي في ايه يابني بس وانا هوصلك لحد عنده
فارس : في اللي فييييه قوليلي هو متزفت في أنهي حتتتتة عشان انا هجيبه من تحت طقاطيق الأرض
سيف بيمسك دراعه : فارس فوق لنفسك وكلمني زي مابكلمك .. فيه ايه ؟؟؟؟؟؟
عمل ايه سليم
فارس : انا مش هتكلم الا ما الاقيه قدامي ياسيف .. هاتلي سليم من تحت الأرض
سيف : طب خلاص اهدي وتعالي نروحله وتشوف عايزه في ايه يلا
خرج فارس وسيف من الفيلا وكلهم يضربوا كف على كف ايه اللي بيحصل ؟!!!!!
💛💛💛💛💛💛💛💛💛💛💛💛💛💛
°° في أوضة كارمن °°
كارمن قاعدة في الأرض وساندة على الباب وشها كله مليان دموع وهي باصة قدامها .. شريط حياتها كله بيتكر قدام زي الشريط
من وهي صغيرة ولسة بنت بتبدي تطلع للحياة واول موقف تقابله موت أبوها اللي كان بيمثلها كل حاجة ، وبعدا مباشرةً تتواجه بتحكم عمها فيها واحساسها طول الوقت إنه بيعاملها هي واختها على إنهم صفقات مش اكتر ... لحد ما ييجي اليوم اللي يخيرها فيه
يااما تقبل تتجوز شاب إبن عيلة غنية عشان تجيبلهم الحفيد مقابل صفقة شغل هتتم بين مصنعه ومصانع الحر .. يااما ترفض واللي تلبس الحوار أختها ، واللي وقتها مكانتش لسة حتى كملت تعليمها
واحساسها وقتها بالوجع الشنيع في الاختيار بين تدمير حياتها او تدمير حياة اختها .. والوقت اللي قررت فيه إنها تقبل بتدمير حياتها هي أحسن
بدأت تفتكر كل حاجة حصلت بينها وبين فارس وقصتهم بدأت ازاي ووصلت لفين *ودا كله هنعرفه بالتدريح في الوقت المناسب*
لحد ما فجأة افتكرت نقطة محددة (وهي الحاجة اللي اتسببت في دا كله) تعبيرات وشها كلها اتغيرت وقامت فجأة وقفت ، بصت حواليها كتير
ياترى هتعمل ايه ؟
فارس وسيف مازالوا بيدوروا على سليم في كل مكان *فص ملح وداب* !!!!!
فارس : انا مش فاهم الو***خ دا راح فييييين
سيف : لو تفهمني بس ايه اللي حصل هيبقى اوفرلنا من كل اللي عمالين نهري فيه دا
سكت فارس للحظات ......
فارس : بنتي .. انا عاوز اشوف بنتي حالا وبعدها نعمل اي حاجة
سيف : ياااااه أخيراً هتحن عليها وتوريها وشك يااخي
فارس دور العربية ورجع بسرعة على البيت
** بعد ساعة **
وصل فارس البيت .. طلع على اوضتهم
دخل الأوضة وهو أنفاسه بتسبق خطواته ... كانت أمنية واقفة ماسكة وعد ومستنياه
قرب عليها وسمى الله وهو بياخد منها وعد ببطئ ... عينيه بدأت تلمع وتدمع وهو بيبص لكل ملامحها اللي بتجمع بين ملامحه وملامح كارمن
قرب وشه منها وبدأ يشم ريحتها اللي مليانة براءة البيبيهات اللي بتسحر اي حد يشمها .. وسط غرقانه في كل تفاصيلها
جت بنت من ورا حطت السكينة في ضهره
= لو مقولتش اختي فين في خلال دقيقة واحدة البنت اللي في ايدك دي هتتيتم 🔥
- تابع الفصل التالي عبر الرابط: "رواية وعد الحر" اضغط على أسم الرواية