رواية طبيبة نفسية ولكن الفصل الرابع بقلم ملك مختار
رواية طبيبة نفسية ولكن الفصل الرابع
ابتسمتلهم تاني_متقلقوش انا مش هأذي غير المؤذي.
"كانت هتتكلم لكنه قاطعها قام وقف واتكلم بشك"
=وهتساعدينا ازاي!؟هتخرجيني من هنا!؟
_ده بقا بالذات مينفعش اصلا!
=ليه!؟
_علشان انت هنا بمزاجهم اصلا، لو خرجت هيبقي فيه خطر علي حياتك لانهم عارفين انك مش هتسكت عن حق اختك
=وانتي عرفتي منين!؟
"ابتسمت وانا بفتكر اللي عملته لما خرجت من عند أشرقت"
_صباح الخير يا حضره المدير، انا عاوزه رقم الظابط اللي كان مشرف علي قضيه راندا محمود كارم!؟
بصلي بهدوء٠٠ليه يا دكتوره!؟
قعدت علي الكرسي _مريضي وعاوزه اجمع عنه معلومات، فيها حاجه ده!؟
"سكت شويه وبصلي"
٠٠لا خالص مفيهاش، اتفضلي الملف الخاص بالورق بتاع القضيه
"خدته ومشيت وقفتني كلمته قبل ما اخرج"
٠٠خدي بالك انتي بتفتشي في حاجات هتجبلك الخر'اب واظن انك مش محتاجه مشا'كل في حياتك
"ابتسمتله وخرجت، فتحت الملف وزي ما توقعت هما اللي دخلوه وقدمو فيه قضيه بمساعده حد من اهله ودخلوه المستشفي، لكن الصدمه كانت لما عرفت مين من اهله اللي ساعدهم خاله!؟ يعني الشخص الوحيد اللي باقيله من اهله هو اللي اتنازل عن قضيه اخته ومجابش حقها ودخلوه مستشفي الامراض العقليه!؟ ازاي في حد فيه كل الخبث ده!!"
"رجعت بذاكرتي تاني"
_وبس يا سيدي!
بص بحقد=كنت واثق والله، انا قولتلك قولتي دول اهلي،واراهنك ان ابن خالك وصاحبه الزبا'له ده هو اللي رمي العيال ده علينا اصلا!
~لا يا عمر خالد مستحيل يعمل كده
اتعصب=بس بقا انتي هتفضلي غبي'ه لحد امتي، ضحكو عليكِ واديكِ عامله كده لا طايله سما ولا طايله ارض،عايشه ومش عايشه !
"بصت للارض بحزن وبعدين رفعت راسها بقوه ومسحت دموعها"
~انا هثبتلك هثبتلك ان خالد مستحيل يعمل كده
"سابتنا ومشيت وانا واقفه مش فاهمه حاجه، مين خالد؟! وليه عمر متاكد ان هو اللي عمل كده!؟ طب انا من حقي افهم!"
_مين خالد يا عمر!؟
بصلي وكانه استوعب اني موجوده_هاه؟!
_بقولك مين خالد؟!
"اتنهد وهو بيقعد علي الكرسي اللي في وش الشباك وبيبص لبره، فقعدت في الكرسي اللي في وشه"
=خالد يبقي صاحب أحمد ابن خالي، في مره راندا كانت عند بيت خالي وهو كمان كان هناك شافها واعجب بيها وحاول يكلمها وهي صدته وجت قالتلي، قبل ما اكلمه لاقيته بيستأذن انه يجي يشرب معايا قهوه وجه وقعد وطلب ايدها بس لانه كان ملموم علي ابن خالي فقولت انه اكيد زيهم وابن خالي كان من أسوء الشباب من ناحيه كل حاجه،ماهو الوحيد دلوع امه بقا؛ رفضت خالد من علي الباب وقولتله لو ليك نصيب ربنا يجمعكو لكن مش دلوقتي واتاسفتله
"سكت فاتكلمت"
_طيب، اتقدم واترفض ليه شاكك فيه!؟
كمل من غير ما يبصلي=علشان هو مسكتش، كانت بتقولي انها بتشوفه كل يوم عند الجامعه وانه حاول يتكلم معاها اكتر من مره وهي رفضت وفي مره هي عملت حادثه وهو اللي كان موجود فوصلها المستشفي ورنو عليا،لما وصلت اعتذرلي انه مقدرش يحميها وينقذها من العربيه وسابني ومشي قبل ما اتكلم من ساعتها وانا عارف انه بيراقبها لكن مقدرتش اثبت عليه حاجه غير اني عملت محضر لما لاقيته مستمر في حركاته ده، علشان كده هو الوحيد اللي سلط عليها العيال، اكيد علشان ينتقم
"سرحت شويه وانا بفكر في كلامه، بعد كل الاهتمام والحب ده فيه حد ممكن يكون وحش ويحط الانتقام في طريق حبه ولما ينتقم من الشخص الوحيد اللي حبه ينتقم منه الانتقام البش'ع ده!!؟"
"بصيتله فلاقيته بيبصلي وسرحان فطرقعت صوابعي قدامه"
_مالك؟! سرحت في ايه!؟
=فيكي.
بصتله باستغراب_نعم؟! ليه فيه حاجه في وشي!؟
=براءه...فيه براءه في وشك وهدوء وقبول و...وحزن
ابتسمت بسخريه_حزن؟! قديمه اوي طريقه الشقط ده!
ضحك ويا ويلي من ضحكته=تصدقي اه قديمه جدا
"قمت وقفت علشان عندي مريض تاني"
_طيب انا همشي بقا بس هاجي تاني
=هستناكِ، اقصد هنستناكِ يعني
"ابتسمتله ومشيت، انسان غريب عنده كاريزما قادره توترني، وعيونه.. عيونه لطيفه! "
_صباح الخير يا دكتور
ابتسم ^صباح النور يا ستي،ايه حالك في المستشفي
_انتي هتعمل ريس عليا انا اقدم منك
^ايوه عليكِ ماتسبيني اعيش الدور، ع العموم يستي انا كنت جايلك اصلا
بصيتله باستغراب_ليه؟!
^علشان انا هبقي الدكتور اللي هيتابع حاله اشرقت معاك بما ان الدكتور هبه داخله علي جواز وكده
_اه طب يلا نروحلها ونعدي علي اوضه المريض اللي كنت عنده علشان نسيت تليفوني هناك
^طب يلا
"مشينا مع بعض ودخلنا الاوضه كان مدينا ضهره كالعاده"
=رجعتِ تاني يا دكتور، وحشناكِ والا ايه؟!
"لف وشه قبل ما اتكلم وملامحك اتغيرت وبقا عصبي؛ قرب مني وهو بيزعق"
زعق=انا افتكرتك بتساعدينا مش بتساعديهم ضدنا
_انا..انا مش فاهمه حاجه!!
"بص لـ خالد وهو بيزعق"
=انتي جايبه الزبا'له ده هنا ليه؟!
"بصيت علي خالد اللي مكنش مركز معانا اصلا وكان بيبص في مكان تاني وهو مصدوم"
_خالد..خالد انت كويس!؟
"بص علي ركن في الاوضه بصدمه وهو بيتكلم"
^ر...راندا!!!
يتبع الفصل الخامس اضغط هنا
- الفهرس يحتوي علي جميع فصول الرواية اضغط علي اسم الرواية :" رواية طبيبة نفسية ولكن "