رواية صغيرة فؤادي الفصل الرابع بقلم أسماء سلام
رواية صغيرة فؤادي الفصل الرابع
فؤاد بدأ يرقص مع روح وفجأة بقى يمشى أيده على جسمها
روح ؟؟؟؟؟!!!!!
فؤاد مش حاسس بنفسه وهو بيعمل كده مع روح
روح مصدومة من تصرفه ، مش عارفه تعمل ايه ، تبعده لأنها مش مستعدة لكده دلوقتي ولا تكمل لانه زوجها ومش شخص غريب بس خوفها اتمكن منها فزقته وبعدت عنها
فؤاد حس باللى هو عمله بس مكنش فى واعية لانه كان فاكرها سلمى وبعدين قال
فؤاد أنا آسف ، معلش مخدش بالى
روح أنا اللى اسفه مش انت ، أنا عارفه أن ده حقك بس انا مش مستعدة لكده فاصبر عليا فترة اكون اتقبلتك ليا كزوج وبعدين هديك كل حقوقك الشرعية بس ساعتها هكون مرتاحة مش مغصوبة
فؤاد ابتسم لها وعلى تفكيرها وكان نفسه يقولها أنا مش هحتاج المسك أو اقرب منك لكن دى لحظة ضعف ، أنا بجد اسف على اللى بعمله ، أنا اه مش طايقك بس انتى مراتى ومينفعش افكر فى واحدة غيرك سواء سلمى أو غيرها بس انا بحب سلمى وشايف حياتى معاها ولو مكنش فى حد فى حياتى كان ممكن احبك وأقرب منك لكن مينفعش
روح لاحظت سراحانه فحركت أيدها قدام عينيه وقالت
روح هما اه بيقولولى أن حلوة والناس كلها بتفكر فيا لكن أول مرة اشوف بعينى
فؤاد ضحك ههههه 😂 وقال معلش سرحت شوية
روح عادى ولا يهمك
فؤاد تمام ، وبعدين كان ماشى بس رجع وقال نسيتينى أنا كنت جاى ليه ، وطتى الصوت شوية احنا مش فى مولد هنا
روح حاضر ، عايز حاجة تانية اعملهالك
فؤاد لا مفيش
----------------
فؤاد دخل غرفته وبيفتح الموبايل لقى رسالة من سلمى بتقوله صباحية مباركة يا عريس ، سبع ولا ضبع ولا عملت ايه
فؤاد انتى ازاى بالبرود ده ، حبيبك كان فرحه امبارح و مع مراته فى بيت واحد فمش غايرانه عليه أو يكون حصل بينهم حاجة ، لأ وكمان جاية تقوليله صباحية مباركة
سلمى ضحكت هههههه وقالت أنا مش غيرانه لأن مراتك دى متتقارنش بيا ومستحيل تسيبنى وتبص ليها وكمان أنا واثقة فيك انك عمرك ما تعمل كده
فؤاد ثقتك فيا حلوة بس مش كده ، روح زيها زى اى ست والراجل مش بيحب الست الجميلة وبس فلازم تغيرى من اى ست تحاول تقرب منى فما بالك بمراتى
سلمى مراتى ، مراتى ، زهقتنى بالكلمة دى ، هى مراتك بالاسم بس لأن مفيش غيرى فى قلبك
فؤاد طبعا يا حبيبتى ، انتى بس اللى فى قلبى وحياتى بس عايزك تغيرى عليا شويه
سلمى تمام يا بيبى ، طب أنا عايزة اشوفك النهاردة
فؤاد مينفعش لأن النهاردة يوم الصباحية وهتبقى عيبة فى حقى وحقها فخليها بعد اسبوع كده اكون عرفت اطلع لانى لو نزلت ابويا هيزعقلى
سلمى يعنى ايه ، بقولك عايزة اشوفك ، وايه يعنى ما تكون عيبة فى حقها ، هى دى هتعرف تكفيك ولا تعمل حاجة
فؤاد الحكاية مش حكاية تكفينى ولا لأ ، الحكاية أنها مراتى قدام الناس ولو نزلت يوم الصباحية الناس هتفكر ايه اللى نزله وكده ، واقول لابويا ايه
سلمى خلاص اعمل اللى يريحك
فؤاد متزعليش ، هعوضهالك الاسبوع الجاى
سلمى بجد يا روحى
فؤاد بجد يا حبيبتى ❤️
--------------
عند روح
روح كانت قاعدة فى اوضتها عماله تفكر فى حياتها مع فؤاد وأنها لازم تستحمل وتيجى على نفسها وتسلمه نفسها علشان ميملش منها أو يتجوز عليها وكمان ده حقه وأكيد هو عايز كده بس مش راضي يقول والدليل لما كنا بنرقص ، قلبى بيدق جامد ، أنا مش بحبه بس شايفاه شخص كويس وهيقدر يحافظ عليا
وبعد تفكير طويل روح قررت تدى فرصة لفؤاد أنه يقربلها
بعد فترة فؤاد طلع من الاوضة وهو بينفخ من الضيق
روح شافته واستغربت ليه متضايق
روح مالك يا فؤاد ، متضايق ليه
فؤاد حاسس بملل ، يعنى هقعد اسبوع كده ، إذا كان يوم واحد وانا مش متحمل ،لا منى عايش حياة زوجية بجد ولا منى عارف اخرج
روح طب تيجى نتكلم شوية
فؤاد تعالى مش هنخسر حاجة
فؤاد وروح قعدوا وساكتين مش بيتكلموا
فؤاد هنقعد ساكتين كده كتير ولا ايه
روح لأ طبعا هنتكلم بس مش عارفه اقول ايه
فؤاد كلمينى عن نفسك
روح أنا عندى 18 سنة ،خلصت ثانوية بس مدخلتش كلية علشان بابا رفض وكل لما اقوله ليه يقولى البنت ملهاش غير بنت زوجها
فؤاد طبعا غلط ، البنت زى الراجل ليها حق التعليم
روح يا ريت يقتنع بكده بس خلاص مش مهم
فؤاد انتى جايبة كام فى الثانوية وعايزة ادخلى ايه
روح أنا جايبة 95 بس كنت أدبى وعايزة ادخل تربية طفولة لانى بحب الاطفال اوى ومن علمنى حرف صرت له عبدا
فؤاد ماشاء الله ، انتى جايبة مجموع جميل جدا ، الف الف مبروك
روح ربنا يبارك فيك بس خلاص مش مهم
فؤاد مش مهم ليه ، أنا بالنسبة ليا عادى تكملى تعليمك عادى
روح بجد ، ربنا يخليك ليا وبعدين مسكت أيده وقالت وانا اوعدك انى مش هقصر فى حقك ابدا وحتى لما يبقى عندنا عيال ههتم بيهم واجمع بين الاثنين
فؤاد شال أيده لانه أنصدم من كلامها ، هو مش بيفكر كده اصلا ، هو وافق لأنها مجتهدة وكمان لأنهم هيطلقوا بعد فترة فمش عايز يضيع حلمها
فؤاد عادى ولا يهمك ولما يجى وقتها ساعتها نبقى نتكلم وانا واثق انك هتعرفى تجمعى بين كله
روح وانا قد ثقتك ، أنا مش عارفه اعملك ايه على اللى عملته معايا ، بجد أنا بشكرك اوى
فؤاد بضحك على منظرها بجد طفلة فعلا
روح زعلت من تصرفه فقامت من غير لما ترد
فؤاد هو انا بالغت فى تصرفى ولا ايه ، اصل الصراحة طريقة كلامها فعلا طريقة طفلة بس انا زودتها باين ، هى كانت فرحانه وبتشكرنى بس انا رديت غلط وجرحتها فلازم اروح اصالحها
عند روح
روح كانت بتعيط علشان جرحها
روح هو انا طفلة وليه كل شوية يجرحنى ، أنا كنت بشكره مش بعمل حاجة غلط وفجأة لقت حد بيخبط على الباب فقالت مين
فؤاد أنا فؤاد يا روح افتحى
روح ممكن لو سمحت تسبنى لوحدى
فؤاد لا مش ممكن وبعدين فتح الباب ودخل
روح أنا قولتلك سيبنى لوحدى
فؤاد جه وقعد جنبها ومسك ايديها وقال أنا آسف ، أنا مكنش قصدى اضايقك بس انتى فعلا كنتى بتشكرينى كانى جبت لطفلة مصاصة وفرحانه
روح بردو بتقول طفلة ، انت طبعا مش عارف انك تخلينى اكمل تعليم كده عملت ايه معايا ولما قولتلك شكرا قولتلى طفلة ، أنا مش طفلة بقولك اهو وشاورت بصباعها على عينه لأن ساعتها هيكون ليا تصرف تانى
فؤاد نزل ايديها وقال أنا آسف بس اوعدك احاول ابطل الكلمة دى
روح تمام
فؤاد خلاص متزعليش
روح خلاص مش زعلانه مدام مش هتقولها تانى
فى مكان تانى
فى شاب قاعد مكتئب قاعد قدام البحر وباصص على البحر ، وساكت بس نظرة عينيه مليانه حزن ورغم سكوته إلا أنها كفيلة أنها تخبرك بكل حاجة
... عدى ، يا عدى
عدى لف علشان يكلم صحبه
عدى ايوه يا سليم عايز ايه
سليم من ساعت لما جيت وانت قاعد القعدة دى ، ليه مش عايز تنسى
عدى بنبرة حزن انسى ايه ولا ايه ، ازاى انسى حاجة عقلى مش مصدقها لحد دلوقتي
سليم بس مر كتير
عدى مر سنة وخمس شهور وتسعة ايام
سليم انت حافظ الوقت بالضبط
عدى اه لان الوقت ده هو الوقت اللى روحى انسحبت منى يوم لما أنا طلقتها ، دى خانتنى يا سليم ، بعد الحب ده كله تخونى ، هو انا قصرت فى حاجة معاها علشان تعمل معايا كده ، هو انا استاهل كده ولا أنا وحش
سليم لأ انت متستاهلش كده ، بس هى خاينة ، هى مقدرتش النعمة اللى معاها ، فده مش معناه انك وحش أو قصرت فى حقها ، لكن هى امرأة مش محترمة فانساها وكمل حياتك ، فين عدى اللى كان سبب السعادة فى العيلة كلها ، شوف نفسك فى المراية تحس ان عندك خمسين سنة مش شاب عنده 31 سنة
عدى الخيانه صعبة يا سليم ومحدش يقدر ينساها حتى لو بعد مئة سنة
سليم عارف بس ابدأ وعيش حياتك وحب واتجوز ومتنهيش حياتك بالساهل
عدى يا ريت كان ينفع بس قلبى اتقفل وللابد من بعد اللى حصل
سليم بطل هبل يا عدى ، انت شخص كبير و واعى مش مراهق ، تخيل أنها ماتت وكمل حياتك
عدى يا ريتها كانت موته وخلاص ، دى خيا
سليم قاطعه وقال عارف هتقول ايه بس لازم تعيش حياتك من جديد وزى ما هى عاشت حياتها عيش حياتك انت كمان
عدى ده اللى قهرنى اكتر ان بعد العدة اتجوزت علطول وكانت مش عايزة تجيب عيل منى وتقولى لسه بدرى وانا اقولها براحتك يا حبيبتي وفى الاخر طلعت بتاخد حبوب منع الحمل
سليم حاول يغير الموضوع وقال صحيح سمعت أن اختك روح اتجوزت
عدى عارف ان سليم بيحب روح فرد عليه وقال
عدى اه الحمد لله اتجوزت فؤاد ابن العمدة ، ربنا يسعدها
سليم بأسى يا رب
سليم يلا ننزل نعوم أو نتمشى شوية لان المصيف هيخلص وحضرتك قاعد على البحر كده مش بتعمل حاجة
عدى البحر ده شايل كتير اوى ، يا ترى كام واحد و واحدة اشتكوا له عن مشاكلهم ، دا لو بيتكلم كان زمانه اشتكى هو كمان
سليم شد ايد عدى وقال تعالى نروح الكافيه ونشرب قهوة أو اى حاجة
سليم وعدى راحوا كافيه وطلبوا قهوة
عدى لقى أن القهوة بتاعته معمول عليها وش بيضحك 🙂 وطبعا استغرب ده فبينده على المدير فردت واحدة
-- ايوه يا فندم
عدى ايه اللى معمول على القهوة ده
-- ده وش سعيد يا فندم ، ربنا يسعدك دائما
عدى يا رب بس انا مطلبتش ده ولا هو بمزاجك وخلاص ، أنا عايز المدير عشان اشتكيله
-- لو سمعت يا فندم متشتكيش للمدير لانه هيمشينى وانا محتاجة الشغل ده اوى
سليم خلاص يا عدى مفيش مشكلة وبعدين بص للعامله وقال ممكن تتفضلى حضرتك وتجيبى فنجان قهوه تانى
-- حاضر يا فندم
سليم مالك يا عدى اتعصبت كده ليه ، ده مجرد وش
عدى أنا حر اشرب قهوتى زى منا عايز مش بمزاجهم
سليم خلاص المشكلة اتحلت وهى هتجيب قهوة تانية
-- اتفضل يا فندم قهوة حضرتك وبعتذر مرة تانية على اللى حصل بس ممكن اسألك سؤال ليه حضرتك الوحيد اللى اشتكيت مع انى عملت كده مع كل الزبائن
عدى بغضب أنا حر اشرب قهوتى براحتى ويلا غورى من هنا
-- جريت وهى بتعيط من كلامه
--------
خلاص بقى يا ندى فكك منه
ندى ده زعقلى علشان عملت وش بيضحك على القهوة لانه كان زعلان وبردو غيرتله القهوة بس زعقلى
سعاد يا حبيبتى دى حرية شخصية وهو مش عايز حد يفرض عليه حاجة أو مش بيحب كده فاهمانى
ندى اه فهماكى وكده كده انا مش هشوفه تانى فليه اشغل دماغى بيه
سعاد ايوه كده يا روحى يلا نرجع للشغل
سليم وعدى شربوا القهوة وقاموا علشان يمشوا بس عدى شاف ندى فاستأذن من سليم وراح يكلمها
عدى السلام عليكم
ندى وعليكم السلام ورحمه الله وبركاته ، طلبك ايه
عدى أنا مش عايز اشرب حاجة ، أنا بس بعتذر على الموقف اللى حصل وانى اتعصب عليكى وخدى دول هدية ليكى على اسلوبك الراقى
ندى تمام محصلش حاجة وثانيا مقدرش اخد الفلوس دى منك
عدى اعتبيريها بقشيش
ندى حاضر
عدى وسليم راحوا الفندق وكلوا
نتعرف على الابطال
عدى ( اخو روح الكبير ، عنده 31 مطلق مراته من حوالى سنة ونص لأنها خانته بعد قصة حب كبيرة بينهم ، فاقد الشغف فى الحياة لأن الحب الاول لا ينسى فما بالك لو كان متبوع بجرح )
ندى ( فتاة عندها 24 سنة شغالة فى كافيه علشان تصرف على نفسها لأن والدها بخيل وبيحب الفلوس اوى ، طيبة القلب وبتحب كل الناس وكل همها أنها تشتغل وتلاقى شخص يحبها ويتجوزها ويعوضها على كل حاجة وحشة شافتها فى حياتها )
سليم ( صديق عدى عنده 28 سنة ، اعزب وكان بيحب روح وكان هيتقدم ليها لما ظروفه المادية تتحسن بس للاسف روح اتجوزت فؤاد ، يا ترى القدر مخبيله ايه )
----------
تانى يوم
فؤاد كان قاعد وفجأة لقى روح داخله عليه !!!!
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية