رواية بنات المنشاوي الفصل الثاني والخمسون بقلم خلود وائل
رواية بنات المنشاوي الفصل الثاني والخمسون
في أحدي شواطئ شرم الشيخ مساءا أمام أحدي الشاليهات كانت تجلس ورد شاردة الذهن تتذكر أحلي أيام العمر التي قضتها مع عاصم وتحديدا الرحله التي قضوها سويا في نفس البلدة فكلما ذهبت لمكان تتدفق لذاكرتها المواقف التي جمعتهم سويا لتنتهي بتذكرها اللحظه التي أبدت موافقتها بالزواج منه وكيف حملها ودار بها ليقطع شرودها صوت حمحمه رجوليه
زياد:أحم أحم
ورد :زياد!
زياد:ممكن أقعد معاكي دة لو مش هقطع عليكي خلوتك والسلام النفسي ال أنتي فيه
ورد بأبتسامه:لا طبعا أتفضل
جلس زياد علي كرسي مجاور لها لينظر للبحر وأمواجه الهادئه مثلما تنظر أليه هي الاخري
زياد:البحر منظرة حلو أوي بليل
ورد:اه طبعا منظرة بيهدي الاعصاب
زياد:تحسي ان البحر غامض وشايل جواة أسرار كتير اوي عاوز ال يكتشفها ويعرفها
ورد:ايه العمق دة يازياد
زياد:دي حقيقه ياورد انتي والبحر شبه بعض أوي
ورد:اذاي يعني مش فاهمه
زياد:البحر شكله من برا هادي لكن من جواة مليان صراعات والبقاء فيها بيكون للأقوي وكمان فيه خبايا وأسرار لحد دلوقتي العلم لسه مكتشفهاش ولو حصل بيكون غير قادر علي التفسير وانتي ذيه بالظبط من برا تباني هاديه أوي ومن جواكي مليانه أسرار وغموض مبتتكلميش كتير وشكلك بسيطه بس ملامحك بتشد بطريقه غير طبيعيه ومثقفه وفاهمه لكن مش فاهمك أوي حاسك لغز ونفسي أستكشفه
ورد:وليه مهتم أوي كدة
زياد بأندفاع:وش كدة ومن غير كاني وماني انا بحبك
ورد بتوتر:ايه! بلاش الهزار البايخ دة يازياد الله يخليك
زياد:أنا مش بهزر ياورد أنا بجد حبيتك من أول ماشفتك واتكلمت معاكي وحابب أني أتعرف عليكي وأعرف ليه كنتي بتعيطي وبتجري من غير ماتهتمي بروحك وفي لحظه كان ممكن بعد الشر عليكي تكوني ميته دلوقتي
ورد :بص يازياد انت متعرفش عني حاجه وبالنسبه لل أنت حاسه نحيتي فدة مش حب ممكن يكون أعجاب أو فضول أنك تتعرف عليا علشان ذي مابتقول شايفني لغز وانما غير كدة لا
زياد:طب أديني فرصه أثبتلك أنك غلطانه
ورد:بص يازياد انت بالنسبالي أخ ربنا بعتهولي ومش هتكون أكتر من كدة علشان انا متجوزة
صعق زياد من كلمتها الأخيرة ليشعر بتلاشي الآمال والآحلام التي نسجها في مخيلته لينظر لها بحزن ارتسم علي وجهه لتنظر له بجديه
ورد:بكرة تلاقي بنت الحلال ال تسكن قلبك وتخليك متشوفش غيرها أنما أنا لا وكتر ألف خيرك علي حسن الاستضافه وان شاء الله أول مانرجع أنا هبعد عنكو والله انا عارفه أني تقلت عليكو أوي
زياد بحزن:لا طبعا أيه ال أنتي بتقوليه دة أنتي مشكورة أوي أنك مبلغتيش عني بس ممكن أسألك سؤال
ورد:أتفضل
زياد:طب جوزك فين ولحد دلوقتي مسألش عليكي وانتي قولتي قبل كدة أنك ملكيش حد؟
ورد:ها......
رنا وهي تتقدم نحوهم من الداخل:ياسلام ياسلام علي الروقان أجبلكم أتنين ليمون مع الشمسيه والبحر والهوا يبقي فيلم عربي قديم حكاااايه
زياد وهو ينهض من مجلسه:لا ملوش لزوم أنا داخل أنام
رنا:ايه دة أذا حضرت الشياطين ولا ايه؟
زياد:لا أبدا يارينو داأنتي تنوري بس انا تعبان شويه وعاوز أرتاح
رنا:طب هتسيب ورد قاعدة لوحدها
زياد بنظرة ذات معني: وانا أققدر انا وراها لحد ماتزهق مني
نظرت له ورد نظرة هادرة وأشاحت بنظرها للبحر ......
__________________
في حديقه الفيلا كانت تجلس آيه بأحضان سيف تبكي بحرقه بينما يحتضنها بحنو ويربت علي ظهرها ويمسد علي خصلات شعرها
سيف:خلاص بقي ياأيوو
آيه:😭😭الحيوان دة كل مايشوفني بيفكر فيا بطريقه حقيرة ذيه
سيف مداعبا:حقك عليا ياروحي مهو معذور بصراحه أنتي بتخطفي عقلي خطف وبتجنني ال خلفوني
آيه وهي تبتعد عنه:الله يرحمك يارجوله
سيف: لاااا عندك الرجوله حيه ويضربلها تعظيم سلام وسبع طلقات في الجو اققعدي معووجه واتكلمي عدل يابنت المنشاوي بدل ماأثبتلك الوقتي حالا
آيه:خلاص ياعم مهو انت مش عارف انت بتقول ايه
سيف:اققول أيه الموضوع أصلا مش مستاهل أنك تفكري فيه دة عيل فنله تمامه بوكس يخليه يشوفك بعد كدة يغمض عينه وانا شلفتهولك ولا مشوفتيش كانو بيخلصوة من أيدي أذاي بعدين عاوزك في موضوع مهم
آيه:لا عااش ياابو الابطال
سيف:هو ال يزعلك انا ممكن أسيبه!دة أنا ادفنه مكانه
آيه:عضلاتك مقويه قلبك
سيف بغرور:بس أيه رأيك فورمه مش كدة
آيه:امممم يعني مش بطال
سيف :هو أيه دة ال مش بطال امال كنتي هتموتي نفسك ليه واحنا في الجونه لما شفتي البنات عنيهم عليا وانا في الميه
آيه:ام لسانين قالتلك
سيف:انتي مكنتيش شايفه نفسك عامله اذاي داانا كنت خايف أعدي من جمبك ساعتها
آيه بتصنع اللامبالاة: ليه يعني أصلا مش في دماغي
سيف:لا والنبي عليا أنا الكلام دة
آيه بثقه مصتنعه:ايوة طبعا عليك هو انت كنت ساعتها أيه بالنسبالي علشان أشغل نفسي بيك
سيف بغمزة:طب الوقتي بقيت أيه بقي
آيه: عادي يعني بقيت جوزي
سيف بضيق: ومالك بتقوليها كدة كأنك معتبراني ميداليه مفاتيحك
آيه :لا مش قصدي بس احنا جوازنا علي ورق مش بجد لحد ماتجبلي حقي من عمي وأققدر اوصل لأخواتي
كانت كلمات آيه كالخنجر البارد الذي تطعنه به بدون رحمه ليسأل نفسه لم تفعل به هكذا لماذا لا تتنازل عن هذا الكبرياء لم لا تبادله الحب مثلما يفعل معها لم كل كلماتها باردة مثل أفعالها لم لا تقدر مشاعرة التي يغرقها بها إلي هذا الحد أفسدها دلاله الذائد ومشاعرة الجياشه التي لا يخفيها عنه أألا هذا الحد لا تحبه بل أسؤا انها تستغله للوصول لمبتغاها
سيف مقاطعا:عندك حق جوازنا بس علي ورق
آيه:يوووة بقي أنت قفشت ليه الوقتي
سيف بجديه:مفيش حاجه مستاهله أني أققفش عشانها بعد أذنك
آيه:انت رايح فين
سيف بجمود:طالع انام عندي شغل بدري
آيه:طب أستني خدني معاك
لم يبالي بما قالته واتجه ناحيه غرفته وبدل ملابسه سريعا بالمرحاض ودلف للغرفه متجها إلى السرير لينام عليه دون أن ينظر اليها ليسود الصمت الرهيب في الغرفه بينما هي متعجبه من حاله الذي تبدل فمنذ قليل كان يغرقها بالحب والمداعبه لم تبدل هكذا مرت دقائق وهي واقفه تنظر اليه بينما تظاهر هو بالنوم لتدلف للمرحاض بينما هو يدور بباله الكثير
سيف لنفسه:بقي كدة ياآيه بعد كل دة وتقوليلي جوازنا علي ورق وكمان وخداني كوبري علشان ترجعي حقك ليه كسرتي قلبي وجرحتيني كدة دة جزائي الظاهر أني دلعتك أوي ولازم أربيكي من أول وجديد وياأنا ياأنتي
بعد فترة دلفت من المرحاض مرتديه منامه قطنيه ذات بنطال من اللون الازرق وتيشرت من اللون الابيض المدون عليه بعض الأحرف بلون البنطال لتتجه ناحيه السرير وتحاول النوم ولكن يمر الوقت ببطئ والنعاس يجافي عينيها فقد أعتادت علي النوم بين أضلعه حتي ولو رغما عنها لأول مرة تشعر بالوحدة في وجودة لتسترد بذاكرتها ماألقت علي مسامعه لتتروي قليلا وتشعر بالندم لما قالت وتعاهد نفسها علي معاملته بمعامله حانيه تبثه فيها أشواقها وتبادله حبه وعشقه الذي يغدقها به وتغلق باب القوة و العناد الذي تتمسك بهم ولكن متي بعد أن فات الأوان لقد طعنت فؤادة بكلماتها القاسيه وأطلقت شرارة الحرب التي أطفأها هو فيما مضي ليمضي الليل ببطئ شديد وكلاهما يدعيان النوم ليأتي يوم جديد ليستيقظ سيف وينظر بجانبه ليجدها غارقه في النوم ليشعر بالضيق فقد غفي وفاتته صلاة الفجر لينهض سريعا ويتجه للمرحاض وبعد فترة قد أستعد بها وأرتدي حلته الأنيقه ذات اللون الكحلي وبينما يمشط شعرة الحريري أستفاقت هي من النوم وأعتدلت في جلستها لتلقي عليه تحيه الصباح
آيه:صباح الخير
سيف بجمود:صباح النور
آيه:نازل الوقتي
سيف وهو ينظر في المرآة:شايفه ايه!
آيه:هتتأخر النهاردة؟
سيف :هبعتلك النهاردة ملخصات المحضرات ال فاتتك الفترة ال فاتت علشان الامتحنات خلاص علي الابواب وهجبلك دكتورة لميس تشرحلك أي حاجه واقفه عليكي
انتفضت من مكانها لتهرع اليه معترضه: تجيب مين .... مستحيل خميس مين دي ال تجبها هنا في بيتي وانت روحت فين ماأنت تشرحلي
سيف وهو ينثر البرفيوم:اولا أسمها دكتورة لميس ثانيا دة بيتي أنا أحنا يادوب متجوزين بالأسم لحد ماأنفذلك ال طلبتيه ثالثا بقي ودة الأهم أنا ورايا شغل ومش فاضيلك علشان أذاكرلك وجو العيال دة
أنه صوت قلب يسقط أرضا ويتهشم قلب لطالما تظاهر بالجمود وهو هش وضعيف قلب ملك لفتاه لاقت أشكال العذاب وعندما وجدت الأمان وقفت أمامه بعناد وعندما أستكانت أبتعد هو عنها ...
آيه :وهو أنا وانت مش واحد ولا ايه ياسيف
سيف بأهمال:لا مش واحد ياآنسه بعد أذنك
حمل سيف حقيبه اللابتوب الخاصه به وخطي نحو الباب ودلف للخارج تاركا أياها تهوي علي أقرب مقعد وصلت اليه غير مستوعبه لما حدث بينما انطلق هو ناحيه الجامعه كعادته
___________
سعد:يعني أيه مرچعاش يامرام
مرام:ذي ماقلتلك ياسعد أنا خلاص تعبت وفاض بيا وكفايه لحد أهنيه
سعد:انتي واعيه لل عتچوليه يابنت الناس
مرام بألم:واعيه ياسعد واعيه
سعد:وليه هو ايه ال حوصل لكل دة عاد أنا زعلتك ولا قصرت معاكي في أيه
مرام:العالم ربنا أنك بعمرك مزعلتني ولا جرحتني بس وجودي معاك هيخسرك أهلك
سعد:وجودك چمبي بيقويني يامرام أنتي حبي ال بيكبر چوة قلبي كل يوم من غيرك كيف أعيش
مرام:بس ياسعد أبوك هيخسر أخواته بسببي
سعد:انا هاخدك ونباعد عنيهم خالص
مرام:لاة العيله متفترچش بسببي عاد
سعد بحدة:انتي هتچننيني ولا ايه متولع العيله ولا عوزانا أحنا نفترچ وابني ال في بطنك ينولد بعيد عني ويتحرچ قلبه بين بيتين
مرام باكيه:انا أعصابي تعبانه ياسعد افهمني بقي كل يوم والتاني مشاكل من مرات عمك وكلام يسم البدن
سعد:استني عليا والله هنبعد عنيهم
مرام:لاة ياسعد اني مصممه علي رأيي
سعد:وانا مش هطلقك لو أخر يوم في عمرك يامرام وهسيبك أهنيه في بيت ابوكي لحد ماأعصابك تهدي وأجهز لنا بيت چديد تكوني فيه علي راحتك
____________
عاصم:الرسومات دي عاوز أشوفها بعد التعديل تمام
رانيا: تمام
عاصم:الا قوليلي هنفرح فيكي أمتي
رانيا بأبتسامه:لا لسه باااادري دة يايدوب خطوبه والفرح لما الشقه تجهز
عاصم:اربع شهور حلوين أوي متتطولوش العمر قصير افرحو ببعض يارانيا ومتفارقوش بعض لحظه
رانيا:يااااه ياعاصم ايه كل دة دة ساعه مايجيلي ويبص في وشي شويه يقولي مش متخيل الفرحه ال أبوكي هيفرحها لما تفارقيه
عاصم:😂😂
رانيا:اه والله بيموت فيا عبد الله خطيبي دة
عاصم:أكيد من ورا قلبه
رانيا:معلش يعني في السؤال بس انت مجرب قبلي ومنك نستفيد بس هو الجواز حلو ؟
عاصم بعيون تلمع لتذكرة معشوقته: حلو !!! دة جنه لما بتعيشيها مع ال أختارة قلبك وحبه كل ذكرة فيه بتسيب جواكي علامه تعيشي بيها العمر حاجه كدة صعب أوصفها مش هتفهميني غير لما تتجوزي وتلاقي عبد الله راجع كل يوم ملهوف عليكي وعاوز يشوفك ويعرف قضيتي يومك أذاي ولا لما تخرجو سوا ويبقي عاوز يخبيكي عن عيون الناس ولا لما تطبخي أكله حلوة ويفضل يشكر فيها ويطلبها منك علي طول .... كفايه نظرة الرضا لما تصحي من النوم الصبح وتلاقيه في وشك
رانيا بأستغراب:دة صبح غير ال بنسمع عنه ال هو أصتبحي علي الصبح بدل ماأصبحك
عاصم:😂😂😂😂😂يخربيت جنانك يارانيا
رانيا:اه والله دة أنت ناقص تقولي ان فيه معركه مخدات من ال بتطلع ريش ياعاصم
عاصم:لا صراحه مجربتهاش دي
رانيا:اكيد معندكوش ريش
عاصم:😂😂😂
رانيا:يابختها ورد بيك والله دة أنت بس بتوصفلي الجواز وعنيك بقت قلوب أمال لما بتشوفها بتبقي عامل أذاي عقبالك ياعوبد
تذكر عاصم أنها لم تعد بين يديه ليضيق صدرة علي نهايه قصتهما ليغير مجري الحديث ....
_______________
آيه:وبعدين مي عملت ايه
ليان:مي ياستي..... الله هنقضيها حكيات عن مي والجامعة متقولي يابنتي هتعملي ايه في فرحك معتش وقت
آيه بعدم أستيعاب:فرحي؟!!
ليان:هو سيف مقالكيش ولا ايه
آيه:لا
ليان:هتلاقيه بس نسي أو مجاش فرصه
آيه بحزن:لا عادي أديني عرفت منك ... تفاصيل بقي
ليان:امبارح بابي صمم انكو لازم تعملو فرح بأسرع وقت حتي قبل الامتحنات وكمان سامر يعتبر جهز كل حاجه حتي قبل الامتحنات
آيه:ليه الاستعجال دة
ليان:الفكرة كانت موجودة من الاول بس كنا مستنيين أنك تخفي وتبقي كويسه بس ال حصل أمبارح مع المتخلف حسين خلي بابي يصمم أكتر
آيه:متفكرنيش بالحيوان دة
ليان:بليز متزعليش علشان خاطري يايويو
آيه:انتي ال متزعليش مني واتمني الموقف الزباله دة ميكنش أثر علي علاقتك بطارق
ليان:لا متخافيش أنا وطارق مفيش حاجه تهزنا المهم الفرح كمان يومين هنعمل ايه
آيه بعدم تصديق:ايه نعم هو ايه دة ال بعد يومين انتي بتهزري صح
ليان:لا والله مبهزر القاعه اتحجزت انهاردة والجوابات بتتطبع وهتوصل بكرة وكمان الميكب أرتيست أتحجزت وكل حاجه شبه منتهيه مبقاش غير الفستان تقريبا
آيه:أنا مش مصدقه بجد أيه الكروته دي وبعدين فرح أيه وزفت في التوقيت دة وأخواتي وال أنا فيه
ليان:انتي مش قلتي أن سيف عرف طريقم وقريب أوي هيوصلهم
آيه:ايوة بس
ليان:بس أيه بطلي نكد بقي وافرحيلك يومين داانتي محجوزلك أسبوع في المالديڤ داانا هموت وأتجوز ناااو
آيه بحزن :عقبالك
ليان بفرحه:يااااارب
مضي اليوم سريعا وتأخر سيف علي غير عادته بينما كانت آيه تنتظرة لتركض الي النافذة لتنظر من خلفها بعدما سمعت صوت سيارته تتوقف بالاسفل لتهندم من هيئتها وتقف علي مقربه من الباب في أنتظارة مرتديه⬇️⬇️⬇️
(الصورة ال في خلفيه الفصل علشان النت عندي ضعيف ومش راضي يحمل)
دلف سيف لغرفته ليتفاجئ بها واقفه في أنتظارة مرتديه بيجاما من المجموعه التي ابتاعها من أجلها وكانت ترفض أرتدائها لتبدي ملامحها الرقيقه واطلالتها الانثويه ورائحه البرفيوم الخاص بها ذو رائحه الفانيلا المسكرة التي تداعب أنفه لينظر لها بأعجاب للبرهه الأولي ليتذكر كلماتها الجارحه ويتجاهل النظر اليها ويدلف للداخل ملقيا حقيبته بأهمال علي مكتبه ليبداء بخلع جاكيت البدله بينما وقفت بجوارة تحمل الجاكيت بين يديها لينظر لها سيف بأستغراب قائلا
سيف:في حاجه!
آيه:بساعدك
سيف:لا كتر خيرك بس أنا مش محتاج مساعدة من حد
آيه:بس أنا مش حد
سيف:______
آيه:أنا عارفه أنك زعلت مني بس والله مكانش قصدي غصب عني ياسيف مببقاش عارفه أنا بقول أيه واذاي
سيف بسخرية: ليه عيله صغيرة
آيه:الله يسامحك
دلف سيف للمرحاض وبدل ملابسه سريعا وعاد للغرفه متجهها للسرير لتستوقفه آيه بتوقفها أمامه
سيف:ابعدي خليني أتخمد
آيه:طب مش هتتعشي الأول
سيف:الحمد لله أكلت قبل اما أجي
آيه:طب أنا متعشتش وكنت مستنياك
سيف:المطبخ تحت قدامك أنزلي أتعشي
شعرت آيه بالأحراج من أفعاله معها لتبتعد من أمامه وتجلس علي طرف السرير بينما أستلقي هو علي النصف الخاص به ليحاول النوم ولكن بدون فائدة لينهض مرة أخرى بعد دقائق ويهبط للأسفل ويعود بعد دقائق حاملا صينيه بها بعض السندويتشات وكوب من العصير لها ليضعه علي المكتب ويخرج من حقيبته بعض الملخصات ويتجهه نحوها
سيف:قومي أتعشي وذاكري الملخصات ال جبتهالك علشان لما نرجع من السفر هتكون الامتحنات بدأت
آيه وهي تنظر اليه:أنا أسفه
سيف:تصبحي علي خير
التفت سيف ليغادر من أمامها لتمسك بكف يديه هاتفه: والله العظيم بموت فيك مش بس بحبك بس بخاف وقلتلك أني متعقدة من قبل ماأشوفك حاول تفهمني
ألتفت لها سيف لتنهض من مكانها وتقف أمامه مكمله : بحبك والله بحبك ولو مش مصدق أكيد حاسس
سيف:وليه ال قولتيه وليه المعامله دي معايا
آيه بدموع حاولت أخفائها:والله غصب عني مش بأيديا انا بقيت بخاف من كل حاجه وصعب عليا أني أنسي بالسهوله دي
أحتضنها سيف بقوة كأنه يخبأها بين ضلوعه لتحتضنه هي الأخري لأول مرة وتدفن رأسها في صدرة كمن يبحث عن الاطمأنان ولقي ملاذة
بعد دقائق ...
سيف:لا بس حلوة البيجاما دي ملهاش حل
آيه:احترم نفسك
سيف:هتتحولي تاني
آيه:والله دي حاجه ترجعلك
سيف بتذمر:ماشي ربنا يصبرني اليومين ال لسه دول
آيه:تعالي هنا ياأستاذ أنت.... أنت اذاي متقوليش أن فرحنا كمان يومين ها!!
سيف:انا كنت هقولك أمبارح بس لسانك الطويل دة غير كل المخططات أعملك ايه وبعدين أنا عارف أن علي أخبار هتحكيلك كل حاجه بالتفصيل الممل
أبتسمت آيه :بس لتسمعك
سيف بمرح:عدم لمؤاخذة أحنا جامدين أوي ونفوت في الحديد
آيه وهي تمسك بياقه منامته برقه:طب بالنسبه لفستاني ايه النظام
سيف بتوهان:هااا
آيه:الفستاااان
سيف: ااااه ايوة طبعا هاخدك بكرة ونروح نختارة
آيه بفرحه طفوليه وقفزت عاليا:هييييييه
سيف:بس يابنوتي متخليكي ذي ماكنتي
آيه:أخيرا هخرج
سيف:انتي بس تؤمري بس أياكي تتحولي والا قسما بالله هتشوفي مني وش تحلفي بيه العمر فاهمه
آيه بطاعه:فاهمه
سيف:يلا روحي أتعشي وذاكري الملخص دة كله النهاردة علشان كل يوم هجيبلك واحد ذييه
آيه بأستعطاف:طب مش هتساعدني
سيف:مقولتلك هجبلك لميس
آيه:خلاص مش عاوزة مساعدة ربنا هو المساعد
سيف :نفسي أعرف عديتي من مادتي أذاي الترم ال فات وانتي لوحدك بتغرقي في شبر ميه ومكنتيش بتحضريلي طول السنه
آيه:دة سر الصنعه يابوعمو
سيف:لا بجد
آيه:عاصم جوز ورد أختي مهندس معماري وكان بيشرحلي ديما اي حاجه مش فهماها خصوصا مادتك
سيف :مبتضيعيش وقت أظن
آيه بثقه:طبعا أنت فاكرني بهزر
سيف:طب يلا ياحبيبتي خلصي علشان تلحقي تنامي ومن بكرة لميس هتجيلك
آيه:يووووووة يارب وهي جايه تدوخ وتقع علي النفوخ ويتفتح بصاروخ وباب المستشفي ميكونش مفتوح
سيف:ياستار يارب انا رايح أنام
آيه:تصبح علي خير
في اليوم التالي في أحدي الاتيلهات الشهيرة ***
ليان:مالك متنشنه ليه كدة
آيه:أرحميني انا هلاقيها منك ولا من أخوكي ال ممشينا في موكب عربيات وحراسه محسسني أنه بقي رئيس الوزراء
ليان بقهقهه:ياني منك ومن طوله لسانك يابنتي دة كله عشان خاطرك وحمايه ليكي بدل ماقرايبك دول يكونو مراقبينك
آيه:امممم ماشي يلا نشوف الفستان ال هناك دة
ليان:بصراحه يهبل يايويو
أنضم لهم سيف بعدما أخبر الموظفه بالمواصفات التي يريدها بالفستان واستأذنت لتحضرة له
ليان:كنت واقف بتتودود في ايه مع البت دي
سيف:كنت بسألها عن فستان بمواصفات معينه
آيه:انا عاجبني ال هناك دة
سيف:استني لما تجربي ال أخترته
آيه بعناد:انا هاخد دة
سيف بثبات:خدي المحل كله بس هتلبسي ال أنا أخترته
همسا آيه بضيق :اووووف متملك أوي
ليان:😂😂😂قلتلك أسمعي كلامه
سيف:بتقولي حاجه ياأيوو
آيه وهي تكز علي أسنانها:لا ياحبي
غابت الموظفة لفترة وعادت حامله الفستان بالمواصفات التي يريدها سيف لتدلف آيه للبروفه لتجربته وبعدها تدلف الخارج ليراها سيف...
سيف: مشاء الله أيه القمر دة
ليان: قمري طلع واتشهر مفيش كلام
آيه:حلو!
سيف:احلو بيكي علشان انتي ال لبساه
آيه:ميرسي
ليان:يهبل حلو مووووت
______________
بعد يومين وتحديدا يوم الزفاف صباحا في فيلا الهواري كانت دعاء تتحدث في الهاتف
دعاء:لا يافارس انا مراحش مكان غير لما أعرف انا راحه فين
فارس:وة خايفه مني ولا ايه
دعاء:مش القصد يافارس بس
فارس:مبسش البسي واتشيكي اكدة وانا هفوت عليكي بالعربيه كمان شويه
دعاء:دلوق!
فارس:ايوة رايحين عند ناس مهمين جوي
دعاء:انا مرتاحه اكدة ومعوزاش أروح لحد
فارس:دعاء بلاش تختبري صبري أكتر من أكدة وال قلته يتنفذ فاهمه عاد ولا ايه
دعاء بحزن:حاضر
_____________
سيد:بعيوني دول ياحسان بيه شفت فارس بيه واخد الست دعاء وانا براقبها من بيت الهوارييه وطالع بيها
حسان:علي فين؟
سيد:مخابرش عاد بس أني خليت الرچاله طارو وراهم بالعربيه يچيبو قطرهم ولما يوصلني چديد هبلغ بيه حضرتك علي طول
حسان:زين چوي ياسيد
سيد:خدامك ياحسان بيه...
يتبع الفصل الثالث والخمسون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية