رواية كيف تكون النهاية الفصل الخامس 5 بقلم آية عطية

  رواية كيف تكون النهاية الفصل الخامس  بقلم آية عطية 

 رواية كيف تكون النهاية الفصل الخامس

اخذ ينظر حوله فوجد اطفال تلهو معا و اجد اخرين يجلسون بجانب والديهم و يضحكون وجد اخرون يلعبون مع ابائهم و يمرحون وجد ام تجلس تطعم اولادها و اب يشتري لاولاده الحلوى

اخذ يفكر في حياته و هو لم يعيش مثل هؤلاء الاطفال و لم يجد معه احد لم يتذكر ابيه نهائيا و لم يري اي صوره فتوغرفيه له و لم تتحدث ولدته عنه

اخذ يفكر في ولدته و لماذا تعامله تلك المعامله فهو لم يتذكر يوما تعاملت معه بطيبه فهو لا يشعر باتجاهها بااي شعور فقلبه لم يشعر بحبها له و عقله يقنعه بان هذا هو طبعها

فهو صغير للغايه لكي يستطيع ان يفهم ما يدور حوله

فرت من عينه دمعه وحيده تشبه حياته الوحيد بها فكان يود ان يعيش حياه كريمه

مسح هذه الدمعه من عينه سريعا و نظر الي الام التي كانت تطعم اطفالها و تعطيهم الشطائر وضع يده علي بطنه فانها كانت تطالبه بالطعام فمذ الامس لم يذق الطعام غير قطع الخبز الذي تناولها في الصباح و هو الان يحتاج الي طعام اخر لاسكات الم بطنه

فظل شارد بهم و لم ينتبه ان احد الاطفال الذي يقاربه في العمر قد راه و هو ينظر لما بين يديه

استاذن ذلك الطفل ولدته لكي يعطيه شطيره

نظرت له الام وجدته صغير بالفعل فاعطت ولدها بعض الشطائر المتنوعه و اعطته ايضا احد العصائر المعلبه و ايضا قطعه من الشكولاته الذائده معهم

و اعطتهم له لكي يذهب اليه و يعطيهم له

كل ذلك يحدث و منصور شارد في الم بطنه و لم ينتبه لم يحدث امامه

حتي انتبه لوقوف احد امامه نظر له وجده ذلك الطلف الذي كان ينظر له و الي ما في يده

جحظت عين نور بشده عند سماعها صوت ذلك الوقح

نور/انت

محسن/كويس انك عرفتي صوتي

نور/انت عايزه ايه تاني بعد اللي انت عامله يا حيوان

محسن/احترمي نفسك يا نور متنسيش اني مديرك

نور/و انت فكرك بعد اللي انت عاملته انا هكمل شغل عند واحد حقير ذيك

محسن/قصدك ايه

نور/قصدي انا انا مستقيله من الشغل عندك

محسن/مش بالساهل كدا يا نور انا ممكن اوديكي في داهيه

نور /اعلي ما في خيلك اركبه

و اغلقت نور الهاتف دون سماع اي حديث اخر من هذا الحيوان

ام عزه/مالك يا بنتي و في ايه و ايه اللي حصل

نور/اللي حصل

و بدات نور تقص عليها ما حدث منذ صباح امس الي الان

ام عزه/يا ابن الكلب و انتي هتسكتيله

نور/هعمل ايه يعني انا بس رجلي تخف و هنزل ادور علي شغل تاني

ام عزه/ربنا يعينك يا بنتي انتي بنت حلال و ربنا هينصرك

نور/يارب يا ام عزه

دخلت عليهم عزه بعد طرق الباب الذي كان مفتوح منذ دخول ام عزه

عزه/يلا الفطار جاهز و الولاد صحيو وفي الحمام

ام عزه/طب انا همشي دلوقت و هعدي عليكي تاني

نور/تمشي تروحي فين يا ام عزه انتي هتفطري معانا

ام عزه/ملعشي يا بنتي مره تانيه

نور/لا تانيه و لا تالته و بعدين انتي انهارده اجازه من شغلك يعني ملكيش حجه

عزه/خلاص بقه يا ماما علشان خاطر ابله نور

ام عزه/امري لله هاتي ايدك يلا يا نور

بعد خروجهم من الغرفه و جدت نور اطفالها مقبلين عليها بالاحضان و القبولات

نور/حبايب ماما وحشتوني جدا

مالك/انتي وحشتينا اكتر يا ماما

مليكه/انتي اتاخرتي قوي يا ماما امبارح

نور/معلشي يا حببتي عموما انا معتش هروح الشغل دا تاني علشان بياخرني عليكم و هروح شغل متاخرش فيه

مالك/بجد يا ماما

نور/بجد يا روح ماما

مليكه/انا مبسوطه قوي يا ماما

مالك/و انا كمان

نور/طب يلا علشان نفطر

مليكه/و نروح النادي

نور/لا معلش يا مليكه مفيش نادي انهارده علشان انا رجلي و جعاني شويه

مالك/من ايه يا ماما

نور/وقعت عليها امبارح يا مالك

مليكه/خلاص يا ماما مش مهم نادي انهارده

نور/و انا هعوضكم مره تانيه

و جلس الجميع لتناول الافطار

🌹🌹🌹🌹🌹🌹🌹🌹🌹

و في منزل منصور يستيقظ منصور و هو مزال نائم علي الارض من الامس بعد ضرب فوزيه له قام و هو يتالم بشده من جميع انحاء جسده من ضرب ولدته له و من نومه علي الارض و مازال الدماء التي خرجت من انفه و فمه نتيجه ضرب و لدته له اثارها علي وجهه بعد ما جفت قام ببطء ليذهب الي الحمام لكي يغتسل و يبدل ملابس التي مازالت عليه منذ الامس

في ذلك الوقت خرجت فوزيه من غرفتها و هي تتثاب من النوم الكثير

بحثت عن منصور بعينها في الصاله لم تجده جائت لتفتح فمها لكي تنادي عليه و جدته خرج من الحمام بعد ما اغتسل و غير ملابسه

منصور/صباح الخير يا ماما

فمنصور ذا قلب طيب للغايه فبرغم ما حدث بالامس فانها ولدته

فوزيه/صباح الهم جتك الغم علي الصبح

منصور/طب هو انا عاملت ايه دلوقت

فوزيه/عملك اسود و منيل جتك البلا

منصور/طب انا عايز افطر

فوزيه/روح هات فطار

منصور/طب هاتي فلوس

فوزيه/منين

منصور/هو ايه اللي منين ما انا مديكي قبضي امبارح

فوزيه/طار يا اخويا

منصور/طار فين هو انتي روحتي في حته دا انتي دخلتي نمتي و لسه صاحيه طيرتيهم و انتي بتحلمي بقه

فوزيه/انت بتتنقرز عليا يا ابن الكلب

منصور/اعملك ايه طيب انا جعان

فوزيه/مفيش فلوس و مفيش اكل

منصور/مفيش فلوس و لا اكل

فوزيه/ايوة

منصور/ماشي

ثم ذهب نحو المطبخ يبحث عن اي شيء ياكله و لم يجد فا المطبخ فارغ من كل شيء و جد بعض قطع الخبز الناشف الموجود منذ اكثر من ايام

اخذه و ذهب به باتجاه الحوض و فتح الصنوبر و بلل قطع الخبز بقليل من الماء لكي يتناوله بسهوله و خرج من المنزل

فاليوم هو اجازه من عمله و من مدرسته ظل يتمشي في الطرقات دون هدف او وجهه

مر علي الحدائق العامه جلس بها لكي يستريح قليلا

الولد/اتفضل

منصور/ايه دا

الولد/دا اكل ليك

منصور/ليا انا

الولد/ايوة انا اسمي يوسف و انت اسمك ايه

منصور/انا منصور

يوسف/طب اتفضل يا منصور دا اكل علشان

منصور/لا شكر مش جعان

يوسف/انت عايزني ازعل منك

منصور/لا و الله بس

يوسف/من غير بس اتفضل يلا

مد منصور يده و اخذ الحقيبه التي بها الطعام و العصير

يوسف/معلشي بقه انا هسيبك و امشي علشان احنا مروحين

منصور/ماشي

يوسف/انت هنا كل يوم

منصور /لا انا اول مره اجي هنا

يوسف/احنا بنيجي هنا كل جمعه ياريت اشولك الجمعه اللي جايه

منصور/انا

يوسف/ايوه انت هو في حد غيرك

منصور/لا

يوسف/خلاص يبقي نتقابل هنا الجمعه اللي جايه

منصور/ماشي

يوسف/سلام

و بعد ذهاب يوسف مع اهله اخرج منصور الطعام الذي بالحقيبه و بدا في اكله بنهم شديد لشعوره بالجوع الشديد و بعد انتهائه من اكل الشطائر و جد بالحقيبه ايضا العصير و الحلوي و قطعه الشكولاته و ابتسم له بعد رحيله

و بعد انتهائه من الطعام قام بوضع الحقيبه و علبه العصير الفارغه في صندوق القمامه و عاد مره اخري الي المنزل و كله نشاط بعد تناول الطعام

🌹🌹🌹🌹🌹🌹🌹🌹🌹

اما في منزل مالك قد استيقظ من نومه و ذهب الي غرفه الرياضه الخاصه به في غرفته فاغرفته كبيره للغايه

ظل يقوم ببعض التمارين و استخدام بعض الالات و بعد الانتهاء ذهب لياخذ حمام بارد و هبط للاسفل بعد ارتداء ملابسه و جد اولفت و وعد بانتظاره علي الافطار

تناول الافطار معهم ثم خرج لكي يذهب الي صديقه و ابن عمه لتقضيه اليوم معا بالخارج

🌹🌹🌹🌹🌹🌹🌹🌹🌹

اما في المطعم فكان الجميع يعمل بهمه و نشاط و لم ليتفت احد الي عدم وجود نور فهم يعلمون منذ الامس بما حدث لها في صباح الامس و قد اخبرت مها قبل ذهابها بانها سوف تستاذن من المدير لكي تاخذ هذا اليوم اجازه

و اثناء عملهم بالمطبخ دخل اليهم احد رجال محسن طالب منهم الحضور خلفه لامر هام بامر من محسن

ترك الجميع ما بيدهم و خرجو واحد خلف الاهر و كان في المقدمه خالد و خلفه مها و الباقي العمال بالخلف

خرج الجميع الي خارج المطبخ و جدو محسن يقف في المنتصف امامهم بانتظار هخروج الجميع

محسن/انا جمعتكم علشان حاجه مهمه جدا

خالد/خير يا محسن بيه

تحدث محسن باسف مصطنع

محسن/يؤسفي اقولكم ان انا طردت نور من هنا

صدمه حلت علي البعض و البعض الاخر استغراب و يوجد ايضا من فرح لهذا الخبر

مها/ليه هي عاملت ايه

محسن/عامله عمله لا تغتفر

خالد/عملت ايه

محسن/استغفر الله العظيم يارب انا مش حابب اخوض في اعراض حد يلا اهي راحت لحال سبيلها انا قولت اعرفكم ان من انهارده نور ملهاش مكان تاني هنا و يلا كل واحد علي شغله

مها/ لا احنا مش هنكمل شغل غير لما نعرف

محسن/انتي ليه عايزه تفضحي صاحبتك

خالد/قصدك ايه

محسن/يا ابني بلاش

مها/بلاش ليه حضرتك قولت كلام لازم تكمله

محسن/ افتكرو اني قولتلكم بلاش

خالد/بعد اذنك جيب من الاخر

محسن/لا حوله و لا قوة الا بالله بصو انا هحكلكم اللي حصل بس مش عايز لت و عجن بعد كدا دي سمعت ناس بردو

مها/اتكلم علي طول بعد اذنك

محسن/امبارح بالليل بعد ما خلصتو شغل انا طلبت نور تجيني في المكتب علشان اقولها ان بكرا اجازه لها بعد مجهود اليوم و انها كمان كانت تعبانه

لما جتني لقتها كدا بتتكلم مش طبيعي في الاول انا افتكرت علشان تعبانه و لا حاجه و لما قولتلها ان بكرا اجازه قامت من مكانها و قال ايه عايزه تشكرني و رمت نفسها عليا و كانت عايزه تحضني

خالد/ايه انت بتقول ايه نور عمرها ما تعمل كدا

مها/فعلا نور عمرها ابدا ما تعمل كدا

محسن/هو انا هتبلي عليها يعني و بعدين انا قولتلكم بلاش خالي صوره صاحبتكم حلوة في عنيكم بس انتم صممتو تعرفو ايه اللي حصل

مها/ و انا مش مصدقاك

محسن/مش مهم تصدقيني المهم انها معدش ليها شغل هنا

خالد/ و ايه اللي يخلينا نصدقك

محسن/استغفر الله العظيم هتخلوني اقول كلام مينفعش

مها/هو لسه في كلام اكتر من كدا

محسن/للاسف لما قومتها و بعدتها عني وقفت و قالتي ايه هو انا مش عجباك استغفرت ربنا و قولتلها يا بنت الحلال انا مليش في الحاجات دي راحت قلعت و قالتي طب و كدا انا طبعا استغربت و حلفت انها مش هتقعد هنا دقيقه واحده و لما زعقت فيها خافت و لبست و مشيت

خالد/انا مش قادر اصدق ان نور ممكن تعمل كدا

مها/انت هتصدقه يا خالد دا احنا معاشرنها بقالنا سنين و مش ممكن تعمل كد اكيد هو كداب

محسن/انا مش هحاسبك علي كلامك دا دلوقت علشان عارف انك مصدومه في صحبتك

مها/حسبي الله و نعم الوكيل فيك يا شيخ

محسن/مهاااااااا متنسيش نفسك و هقولك علي حاجه كمان تاكدلك اني مش بتبلي علي صحبتك و انك انتي اللي مخدوعه فيها في فنص ضهرها علامه كبيره

جحظت عين مها بشده لان نور فعلا لديها وحمه كبيره في نصف ظهرها

اذا محسن صادق في حديثه لا انه يكذب نور لم تفعل هذا هو من افتري عليها....... و لكن مهلا من اين له معرفه بتلك العلامه الا اذا....... لا لا لا

ثم نظرت الي محسن

مها/اكيد في حاجه غلط

محسن/اعتقد انك اتاكدتي من كلامي و ان كلامي صح

مها/لو حلفتلي علي المايه تجمد مش هصدقك بردو و انت كداب

محسن/الزمي ادبك يا مها و الا تخدي بعضك و تحصلي صحبتك

مها/ و مين قالك اني هفضل هنا بعد اللي انت قولته انت احقر واحد شوفته في حياتي

و ذهبت من امامهم الي غرفه تبديل الملابس و بدلت ملابسها و اخذت متعلقاتها التي تتركها بالمكان الي حين الحاجه و اخذت ايضا متعلقات نور و ذهب الي خارج المطعم تسب و تلعن في هذا الحقير القذر

اما باقي العاملين بالمطعم عادو الي عملهم و اخذ بعضهم في الحديث فيما حدث

اما خالد اخذ يفكر في حديث محسن و هل هو صحيح ام خطاء هل هي بالفعل هكذا ام لا هو يحبها بشده و لكن هي لم تبادله الشعور هذا و لكن كانت تعامله كما تعامل جميع العاملين بالمطعم

كانت مثلا للاخلاق و الاحترام و الجميع يشهد بذلك

هل من الممكن ان تكون مخادعه و كاذبه و تفعل كل ما يحلو لها تحت ستار الاخلاق و الاحترام

ام محسن هو الكاذب و المخادع و يلفق لها الاتهامات الباطله هذه

يالله ما كل هذا واين تكون الحقيقه من منهم يقول الحق

هل مها محقه و نور مظلومه من كل ما لفق لها ام انها تدافع عنها لانها صديقتها

و ما هو السبب في جعل محسن يقول عليها هكذا

ظل خالد يفكر و يفكر و يفكر و لم يصل الي الصواب

🌹🌹🌹🌹🌹🌹🌹🌹🌹

خرجت مها من المطعم و هي عازمه علي الذهاب الي نور قبل عودتها الي منزلها لكي تعلم منها اين هي الحقيقه

و هي علي يقين تام ان نور لم تفعل هذا و ان كل ما قاله محسن ما هو الا افتراء منه لسبب ما لا تعلمه هي

فلتذهب الان الي نور لكي تشرح لها ما حدث

🌹🌹🌹🌹🌹🌹🌹🌹🌹

في منزل نور بعد تناول الافطار جلس الجميع امام التلفاز يشاهدون احدي المسرحيات و يضحكون عليها

اما نور كانت بعيدا عنهم كل البعد بافكارها فهي شارده فيما حدث و فيما يحدث و لم تكن معهم فهي معهم بجسدها ليس بعقلها

فعقلها بعيدا تماما فهي تفكر حياتها و مستقبلها و تفكر ايضا في الماضي و ما حدث لها به

الي متي ستظل تعاني و تعاني متي سوف تنال الراحه و الاستقرار فيكفي كل هذا

ان كل ما حدث لها منذ الماضي فاق تحملها فهي تحملت كثيرا فوق طاقتها و لم تعد تتحمل بعد الان

فهي كاي فتاه في عمرها تتمني ان تستقر بحياتها و ان تعيش مثل قصص الحب التي تقرا عنها في الروايات او تسمع عنها عبر التلفاز او تسمع احدا ما يتحدث

فهي لم تجد طوال حياتها من تحبه و يحبها هل تظل هكذا بدون حبيب و العمر يمضي و لم يعد لها فرصه في ذالك

ام انها لا تريد الحب هي خائفه من ان تحب و ان تنجرح ممن تحب او يوجد من ينظر لها نظرات ليست في محلها

بداخلها صراع كبير من الحب هي تود ان تخوض تلك التجربه و تحب هي تريد ذلك بقلبها

ام عقلها لا يرد ذالك يكفي ما راته ما حدث للذين قامو بخوض تلك التجربه

هي لا تريد اعاده الماضي مره اخري يكفي ما راته هي و صديقتها التي احبت احدهم و هو احبها و لكن كان للقدر رايا اخر

عادت من شرودها الي واقعها الاليم بالنسبه لها

عادت علي صوت ابنتها و هي تتحدث مع من بالباب

مليكه/اهلا ازيك يا طنط مها

مها/ازيك انتي يا مليكه ماما فين

مليكه/اتفضلي يا طنط ماما جوه

نور/تعالي يا مها

مها/السلام عليكم

الجميع و عليكم السلام

نور/تعالي يا نور اقعدي بس قوليلي الاول انتي خلصتي شغل بدري ليه

مها/هقولك اهو

ثم نظرت الي الجميع فتفهمت الوضع ام عزه

ام عزه/بقولك يا عزه خدي الولاد جوه ذكري لهم و ذكري انتي كمان

و انا هقوم اشوف الغسيل اللي في الغساله

نور/معلشي يا ام عزه انا تعباكي معايا

ام عزه/متقوليش كدا و لا تعب و لا حاجه بعد اذنكم

و ذهبت ام عزه بعد ذهاب عزه و الاولاد

نور/خير يا مها في ايه

مها/انا هسالك في حاجه و تردي عليا علي طول

نور/اكيد طبعا

مها/ايه اللي حصل امبارح بعد ما مشيت و سبتك

نور/هو في حاجه حصلت

مها/جوبيني انتي الاول

نور/الكلب اللي اسمه محسن حاول.......

و بدات نور تحكي لمها كل ما حدث

مها/ابن الكلب انا قولت انه كداب

نور/كداب في ايه

مها/اصل..... يعني...... هو...

نور/في ايه اتكلمي علي طول يا مها

مها/اصل هو انهارده جيه و قال كلام كتير جدا بس انا و الله ما صدقته

نور/كلام ايه اللي قاله

بدات مها هي الاخري تحكي لها ماحدث و ما قاله محسن

نور/ابن الكلب و الله العظيم كل اللي قاله كدب كدب

مها/مش محتاجه انك تحلفيلي ان مصدقاكي

نور/انا كل اللي هيجنني مش كلامه خالص

مها/امال ايه

نور/ازاي شاف الوحمه اللي في ضهري

مها/انا كمان سالت نفسي نفس السؤال

نور/و هو دا اللي محيرني

مها/تفتكري حطط لينا كاميرات في الاوضه اللي بنغير فيها

نور/معتقدش دا لسه جاي امبارح لحق يركبهم امتي

مها/امال شافك ازاي

نور/و الله ما انا عارفه خالص و طول الليل عماله افكر شافني فين

مها/طب و انتي نويه تعملي ايه

نور/رجلي بس تخف و هنزل ادور علي شغل تاني

مها/ندور

نور/هو طردك

مها/لا يا ماما انا اللي سبت الشغل

نور/ليه عاملتي كدا يا مها

مها/رجلي علي رجلك و بعدين دا راجل واطي و انا اخاف علي نفسي دا عينه زايغه

يتبع الفصل السادس  اضغط هنا

الفهرس يحتوي على جميع فصول الرواية كاملة: "رواية كيف تكون النهاية" اضغط على أسم الرواية