رواية طبيبة نفسية ولكن الفصل الخامس بقلم ملك مختار
رواية طبيبة نفسية ولكن الفصل الخامس
كان خالد مركز مع ركن في الاوضه ومصدوم"
^ر.. راندا!!!
"بصينا عليها كانت واقفه من بعيد وشايفاه بتبصله بنظره غريبه، شوق.. لهفه.. حب، حاجه جميله معتقدش اني جربتها قبل كده! "
قربت منه بابتسامه~حلمك اتحقق يدكتور مبروك
ابتسملها بحزن ^حلمي!؟ ده حلمنا او بالاصح ده حصاد زرعتك اللي سبتيها ومشيتي
"بصت للارض بحزن سكوت عم المكان بين قلوب مجروحه وربنا اللي يعلم هيتلاقو تاني والا لا وشخص غضبه كله اتحول حزن للوضع اللي احنا فيه،وانا ببص عليهم من بعيد وفي دماغي سؤال،ازاي قدر يشوفها؟!"
=ممكن تقعدو عاوزين نتكلم
"بص لخالد وهو بيجز علي سنانه"
=وانت اقعد هناك عند الباب متقعدش جمبنا
"خالد بصله وسكت كنت ماشيه مع خالد علشان اقعد معاه عمر شدني من ايدي"
=بالله اتهدي بقا واقعدي هنا علشان انا علي اخري
"لا اله الا الله، هما بيجو امتي دول!؟!"
"فضلو يتكلمو شويه واللي عرفناه ان خالد كان بيراقبها في كل مكام واتخانق مع ابن خالهم <احمد > لما عرف انه كان داخل تجاره مخدرا'ت وكان عاوز يدخل خالد معاه ولما خالد رفض وهدده انه يبلغ عنه بعت ناس ضربو خالد ودخل العنايه المركزه ولما بقا كويس عرف اللي حصلها، وطبيعي عرفنا ان ده كانت خطه من احمد علشان يبعد خالد عن راندا"
=انا عارف ان الك'لب ده مكانش هيسيبها وحياة امي ما هسيبه
_حاول تهدي احنا دلوقتي محتاجين نكون هاديين لانهم سابقينا بخطوه
^ملك معاها حق بما انهم اللي حابسينك هنا يبق...
قاطعه=ابه حابسينك ده يالا انت بتكلم خرو'ف!؟
اتحمحم^انا اسف
"بصيت انا وراندا لبعض وضحكنا"
=بتضحكوا علي ايه يعني عادي يقول حابسينك!؟
_ممكن تبطل تقف علي كل حاجه هو ايه لعب العيال ده!؟
=انتي بتتعصبي علياا؟!
_ولو يعني هتعملي ايه مش فاهمه!؟
"كان هيتكلم فـ قاطعنا خالد"
^ممكن تركزو معانا وتشوفو مشاكلكو بعدين
"ردينا مع بعض"
_=اخر'س انت!!
^شكرا.
"بعد ما اتخانقنا وفرجنا علينا المستشفي تقريبا اتفقنا علي اللي هنعمله وخرجت انا وخالد علشان اشرقت"
_صباح الجمال يا جميلتي
كحت•صباح القمر يا دكتورتي، مين ده!؟
خالد ابتسم^انا يستي هبقي المساعد بتاعك اللي هيخلي باله منك علشان تبقي كويسه وترجعي تاني قويه
•وهتخليني اخف وابقي كويسه؟!
^جدا جدا وتكبري وتبقي قاااااد كده
"فضلو يلعبو مع بعض شويه وعملو فحوصات وخرجنا علشان تاخد الكيماوي بتاعها فـ قابلنا عمر بيعمل فحوصاته"
=بتعملي ايه هنا!؟
_يبني انا دكتوره هنا فـ طبيعي هتلاقيني في اوضه الفحوصات هو انا معنديش غيرك!؟
=قولي الصراحه متتكسفيش كان بيديهولك في إزازه والا خدتيه بالمعلقه!؟
بصيتله باستغراب_هو ايه!؟
=الدبش ماهو مستحيل اللسان ده تكون طبيعته كده!!
•انت بتدايق دكتورتي ليه!؟
=والله دكتورتك هي اللي مدايقه الكل هي حد قادر عليها ده مفتر'يه!!
كشرت وشها وهي بتمسك ايدي•لا متقولش كده عليها انت و'حش وانا مش هحبك ابدا علشان انت بتقول عليها كلام و'حش
بصلي باستغراب =هو انتي مش راحمه حد حتي الاطفال بيحبوكي؟!
ضحكت وانا بشيلها_قبول يبني ربنا بيحبني فـ محبب فيا خلقه، ده حتي اميرتي بتحبني صح!؟
باستني من خدي•انا بحبك اوي
_وانا كمان بحبك اوي اوي، وبحب ريان كمان
"ردت هي وعمر"
•=نعم!؟
زعلت ونزلت علي الارض •لا متحبيش ريان انا بس اللي بحب ريان حبي اي حد تاني!
كشرت وشي وانا بدايقها_بس انا بحب ريان،احب مين طيب!؟
"بصت حواليها كانها بتدور علي حد وبعدين بصت علي عمر اللي قاعد علي الكرسي مراقبنا وشاورت عليه"
•حبي ده، هو مش حلو اوي بس مش مشكله ممكن ينفع
=والله ما عارف اودي جمايلك اللي زي الز'فت ده فين!؟
حطت ايدها في وسطها•وانت هتلاقي حد احسن منها فين!؟
حط ايده في وسطه زيها=وهي هتلاقي احسن مني فين برده انا مش قليل!!
" بصلي وابتسم"
=بس تصدقي معاكِ حق العيون العسلي بقت قليله اوي اليومين دول
"اتوترت وبصيت للارض، جه خالد علشان ياخد اشرقت فـ عمر نادي عليها"
بصلها بحزن=انتي داخله الاوضه ده!؟
ردت عليه وهي مبتسمه•ايوه
مسك ايديها=مش خايفه!؟
ضحكت •لا انا اتعودت انا بدخل الاوضه ده بقالي سنتين ولازم ابقي كويسه واخف علشان ريان يحبني
=وهو فين سي ريان ده بقا!؟
•فوق في الجنه عند بابا وجدو
"وطت عليه وهمستله في ودنه وسابته ومشيت فـ بصتلهم باستغراب"
_كانت بتقولي ايه!؟
بلع ريقه بحزن=عاوزه تعرفي اوي، هي قالتلي مقولكيش
_لا متهزرش قول بقا يا عمر
ابتسم بحزن =قالتلي ان ريان فوق في الجنه هو باباها وجدها و...و
_و..ايه يا عمر كمل!؟
=وهي كمان،قالتلي انها عارفه انها هتروحلهم قريب بس هي مبترضاش تقول كده علشان انتي ومامتها بتزعلو
"بكيت؟! اه بكيت، انا بتعب لما بشوفها كده،ليه طفله في عمر صغير زي ده مش قادره تستمتع بحياتها لانها عارفه انها هتمو'ت؟! اللهم لا اعتراض"
"دخلت مكتبي وانا بمسك الفون كلمت خالد وقولتله اني هروح واستأذنت وروحت ومدخلتش لـ عمر"
"روحت بيتي ومسكت الورقه اللي كانت كاتبه فيها امنياتها كانو 5 امنيات، احلامها بسيطه وجميله ومبهجه وكانت كاتبه في اخر الورقه"
•دول الاحلام اللي هحققهم قبل ما اجيلك يا ريان ولو معرفتش اعملهم مش هزعل اوي بس مش هبقي فرحانه اوي برده اتمنى اني اعيش لحد ما احققهم،بحبك يا رايوو.
"لبست هدومي ورنيت علي خالد علشان يقابلني عندنا شغل كتير"
^مساء الخير
=ايه ده انت مين سمحلك تدخل هنا!؟
^احم بصراحه دكتور ملك هي اللي سمحتي وقالتلي اخش اديك الحقنه بتاعتك علشان هي روحت
=روحت من غير ما تقولي؟!
^اه هي رنت عليا وقالتلي انها ماشيه وبعدين رنت عليا تاني وقالتلي اديك العلاج واقابلها علشان عاوزاني في موضوع مهم متعرفش عاوزاني ليه!؟
جز علي سنانه=معرفش بس اكيد هعرف!
"اتاخر ليه الم'تخلف ليه!؟ لاقيته بيركن العربيه وبينزل "
_ايه كل التاخير ده ياخالد!؟
^معلش بس حصل ظرف ومعرفتش اهرب بسرعه الا قوليلي فيه حاجه والا ايه!؟
طلعت صور من شنطتي_اه فيه انا مرضيتش نتكلم قدام راندا علشان بتدايق دول التلات شباب، تعرف حد فيهم؟!
خد الصور^ لا...اه اه انا اعرف الشاب انا فاكره
_فاكره؟! طب فاكره ازاي شوفته فين طيب؟!
^اعتقد اني شوفته قريب؛ ده بيتعالج عندنا في المستشفي في قسم السر'طان،الشاب ده عنده سر'طان في الرئه وهو في المرحله الاخيره اصلا ودكتور عامر هو اللي ماسك حالته وانا مسكتها مع اشرقت وحاله كمان
_بتهزر يا خالد!!
^لا والله انا اصلا مستغرب زيك بالظبط، سبحان الله يمهل ولا يهمل
_طيب احنا لازم نروحله دلوقتي اكيد واحد في الحاله ده مستحيل يرفض انه يساعدنا
^احنا هنكلمه فعلا بس مش دلوقتي لانه لسه مخلص جلسه الكيما'وي وبيرجع تعبان وبينام علي طول
_طيب بكره لما نروح المستشفي الصبح ندخله عل طول فاهمني!؟
^تمام يبنتي متقلقيش
"روحت بيتي خدت شاور وصليت وطلعت هدومي لـ بكره خلصت شويه شغل ونمت روحت تاني اليوم المستشفي وكنت معديه بالصدفه علي اوضه الفحوصات، اتصدمت لما شوفت الشخص اللي جوه واتصدمت اكتر لما سمعت اللي الدكتور قاله "
+للأسف يا استاذ ده سر'طان مخ في مرحله متاخره ممكن نبدأ كيماوي وفيه نسبه اننا نتغلب عليه لكن مكدبش هي مش نسبه كبيره
"لفلي واداني وشه فاتأكدت من شكوكي"
°ملك؟!!
_زين!!!!
يتبع الفصل السادس اضغط هنا
- الفهرس يحتوي علي جميع فصول الرواية اضغط علي اسم الرواية :" رواية طبيبة نفسية ولكن "