رواية قطة بين مخالب الصقور الفصل الخامس بقلم ملك محمد
رواية قطة بين مخالب الصقور الفصل الخامس
حضرتك بتعمل اي
بص وراه بصدمه : هو انتي أخيراً
تالا : واضح انك كنت بتدور عليا
عمار بغضب : دانا قلبت الدنيا كلها عليكي
تالا ببرود : وليه دا كله
عمار بذهول : ليه اي انتي ناسيه الفيلم ال عملتيه عليا ف المول ولا اي
تالا ببرود : ياعم ميبقاش قلبك اسود
عمار بعصبيه : اي البرود ال بتتكلمي بيه داه
تالا : ازغرط وانا بتكلم ولا اي بالظبط
عمار بغضب قام بلوي زراعها قائلا : بت انتي اتعدلي كدا علشان يومك يعدي
تالا أفلتت من تحت يده وامسكت بذراعه وأوقعته ع الأرض قائله بثقه
: لو مش عندك حاجه تقولها اتكل ع الله
عمار بتعجب وهو ع الأرض : دا واضح انك مش سهله خالص زي ماتوقعت
تالا ببرود : قول ال عندك خلص بدل مااعملك فضيحه هنا كمان
وقف من ع الأرض قائلاً : احنا نتكلم جوه احسن
اجابت وهي تمسك بمفاتيح شقتها : مفيش كلام جوه ال عندك قوله هنا
أخرج من جيبه مسدساً واقترب منها قائلاً بتهديد : قولت نتكلم جوه أحسن
تالا نظرت لعينه بثقه ثم فتحت الباب قائله
: افتكر انك انت ال قولت نتكلم جوه أحسن
"ثقتها في نفسها جعلت عمار متذبذب وغير واثق من نفسه"
مضت للدخال وألقت المفاتيح جانباً قائله
: ادخلي جوه يالولي علشان هنتكلم انا وعمو عمار شويه أكلك جوه ف المطبخ كلي ومتبهدليش المكان
عمار بتعجب : هو انت بتكلمي قطه بجد
اومأت القطه برأسها ودخلت للمطبخ
تالا جلست ع الأريكه تضع قدماً فوق الآخرى قائله: ع الأقل بتفهم اكتر من البشر
عمار جلس أيضاً قائلاً : انتي جايبه الثقه دي كلها منين انتي متعرفيش انك قدام واحد من أكبر رجال الأعمال ف البلد
تالا بسخريه : من أكبر رجال النصب تقصد
عمار : مش بقول مش سهله خالص ممكن افهم اي الفيلم ال عملتيه عليا ف المول من كام يوم داه
تالا : بلقط رزقي اي بلاش
عمار بحده : بتلقطي رزقك ع قفايا ولا اي بالظبط
تالا : مانتو بتلقطوا رزقكوا ع قفا الشعب كله ومحدش اتكلم
عمار : واضح انك عارفه كل حاجه
تالا وقفت قائله : انا معرفش حاجه خالص قولي تشرب اي
ثم مضت نحو المطبخ
فجأه تجد مسدساً مصوب تجاه رأسها من الخلف
عمار :من غير لف ودوران قولي من زاقك عليا تعملي الفيلم اياه وتسوئي سمعة الشركه بالمنظر داه
تالا بثقه تنهدت قائله : تصدق اني كان نفسي اموت اوي وواضح اني لقيت ال يعمل كدا اقتلني يلا مستني اي
عمار بتعجب : يعني انتي مش خايفه
التفتت تالا له ونظرت لعينه قائله : لا اقتلني يلا
عمار انزل مسدسه قائلاً : هه واضح انك هتتعبيني معاكي
تالا ببرود : ها قولت تشرب اي
عمار : قهوه ساده
تالا بثقه: عارفه انك بتشربها ساده
عمار بتعجب : وعرفتي منين
تالا : تقدر تقول مهتمه بيك شويتين
ثم أمسكت بالسكينه
صوب عمار مسدسه نحوها بسرعه
تالا بإبتسامه : متخفش دانا بحطها ع جمب إجمد كدا
عمار بذهول : قولي انتي مين وعايزه اي
تالا : بص انا مش هطول عليك انت شاغل بالك طبعاً الفديو ال انتشر وانا بضربك بالقلم وبتهمك بالسرقه
عمار : بالظبط
تالا : انا مستعده اطلع اتأسف واقول ان حصل سوء تفاهم
عمار : والمقابل
تالا : تشغلني عندك
عمار : نعم يااختي اشغلك عندي فين
تالا : ف الشركه
عمار : يعني الفيلم داه كله علشان تشتغلي عندي ف الشركه
تالا وهي تصب القهوه : بالظبط كدا انا واحده ملهاش حد وتعبت من اللف ف الشوارع وعايزه اشتغل شغلانه نضيفه فشغلني عندك وانت الكسبان
عمار وهو ينظر لها : هو من ناحية كسبان ف انا هكون كسبان فعلاً
تالا : افهم انك موافق
عمار : لا انا مقولتش كدا بس ع العموم تكوني عندي بكره ف الشركه ونشوف الموضوع داه
تالا : اتفقنا
ثم مدت له القهوه
أمسك عمار بالقهوه وسكبها ف الحوض قائلاً
: نسيتي تعرفي إني مبشربش القهوه من ايد اي حد يا ..
تالا : ميرا اسمي ميرا
عمار : وانا ..
قاطعته : معتقدش ان مفيش حد يعرف اسمك ياعمار بيه
ابتسم بغرور وتركها وخرج
أغلقت باب الشقه وجلست ع الأرض تلتقط أنفاسها قائله لقطتها
: اوووف كان كابوس واقف ع قلبي انا علشان أمثل دور ميرا دا احتمال يحصلي حاجه
فجأه هاتفها يرن
تذهب ناحيته وتجيب
نادر : قالك اي
تالا : هو مين
نادر : بت احنا هنستعبط ولا اي
تالا بضيق: هو لحق يمشي
نادر: هو انا مش قايلك ان كل حاجه تحت عيني انجزي انطقي قالك اي
تالا :مقلش حاجه بس تقدر تقول كدا ان شخصية ميرا دخلت دماغه
نادر : كويس انا كنت عارف انك هتقدري توقعيه وتجري رجله
تالا : بكرا لما يحصل جديد هعرفك
نادر : طب بقولك
تالا : ها
نادر : وحشتيني
تالا بضيق : أغلقت الهاتف في وجهه
قائله بغضب : وحشك عقربه
ثم خلعت معطفها وجلست
فجأه يرن الهاتف مرة آخرى
أجابت قائله : نعم
نادر بمكر : في حد هيجي يجبلك حاجه متفتحيش وانتي باللبس داه البسي الجاكيت تاني
تالا بصدمه : وانت عرفت منين اني خلعت الجاكيت
نادر بخبث: قولتلك ان تحركاتك كلها تحت عيني
أغلقت الهاتف في وجه بغضب قائله : واحد حيوان
نظرت لجانب السقف بذهول فوجدت إحدى كاميرات المراقبه
اقتربت منها وضربتها بيدها حتى كسرت
فجأه يدق جرس الباب ترتدي الجاكيت الخاص بها وتذهب لتفتح فإذا ب موظف توصيل الطلبات
الموظف : انسه ميرا
تالا : بذهول ميرا مين
ثم تذكرت انها غيرت اسمها اجابت
: اه اه انا ميرا أومر
الموظف بإبتسامه : نادر بيه باعتلك الأوردر داه وموصي عليه
اخذت تالا الحقيبه ودخلت قائله
: تمام متشكره
ثم قالت بضيق : باعتلي أكل كمان لا حنين اوي
___بقلم ملك محمد________
في شركة عمار
فارس : ها هي ولا مش هي
عمار : هي ويارتها ماطلعت هي
فارس : اي مالك
عمار بهيام : البنت من ساعة ماشوفتها وانا مش ع بعضي بصراحه حاجه كدا مشوفتهاش طول عمري
فارس : اي مالها مش فاهم
عمار : ثقتها بنفسها وطريقة كلامها وردودها عليا عجبتني جدا دا غير ان شكلها وملامحها تخطف القلب كدا
فارس : اي يابني في اي انت وقعت ومحدش سمى عليك ولا اي
عمار بغرور: انت عارف انا صعب اقع بس الصراحه تتقال انها دخلت دماغي
فارس : طب مش فاهم بردو احنا كدا لقيناها استفدنا اي بقى
عمار : حطها تحت المراقبه اسبوع علشان اعرف هي بتكدب وفي حد زاققها عليا ولا فعلاً البنت دي شغاله لوحدها
فارس : اوكى بس متخليش موضوع البنت دي يشغلك عن الصفقه ال جايه من من كندا بعد كام يوم الحكومه مركزه معاك بقالها بفتره من وقت الفديو ال انتشر فحاول تبقى حويط شويه
عمار بثقه: اطمن كل حاجه تحت السيطره
___________
"نهار يوم جديد ف الشركه"
تالا : عمار بيه موجود
السكرتيره : اه موجود اقوله مين
تالا : قوليله ميرا ميرا حسن شاهين هو عارف ومديني معاد بالمقابله
السكرتيره : تمام يافندم تقدري تتتفضلي لحد ماادخل اقوله
دخلت السكرتيره قائله
: عمار بيه في بنت اسمها ميرا بره عايزه تقابل حضرتك
عمار اعتدل في جلسته وعدل لياقة بدلته قائلاً
: دخليها دخليها
ذهبت السكرتيره لها واخبرتها بالدخول
دخلت تالا وهي تحمل قطتها بين ذراعيها
عمار : أهلاً اهلا اتفضلي ياميرا ..
تالا جلست قائله : ها صرفت نظر عن ال قولته امبارح ولا زي مااتفقنا
عمار : انا متفقتش ع حاجه
تالا : خلاص يبقى نتقف دلوقتي
عمار بذهول : يعني بردو لسه عايزه تقنعيني انك عملتي الفيلم داه علشان تشتغلي هنا ف الشركه وملكيش اي اهداف تانيه
تالا بثقه : والله رجالتك من وقت مانت خرجت من عندي وهي بتراقبني فلو ليهم رأي تاني تمام
عمار بضحكة مكر : فيكي حاجات كدا بتعجبني
تالا بغرور : انا كلي هعجبك شغلني عندك وجرب
عمار : طب وليه مجتيش تقوليها ف وشي انك عايزه تشتغلي بدل الدوشه ال عملتيها دي كلها
تالا بثقه : لو جتلك وش مكنتش هتوافق انا حبيت ألفت انتباهك الأول
عمار وقف من على كرسيه واقترب منها قائلاً : بصراحه برافوا عليكي ومكانك ف الشركه موجود
بس بشرط
تالا بتعجب : اي هو الشرط
عمار وضع يده حول عنقها قائلاً : تقولي مين ال باعتك
تالا وهي تلتقط أنفاسها : قولتلك محدش باعتني
عمار وهو يقبض حول عنقها بقوه : ولو قولتلك ان اعرف كل حاجه واعرف انتي تبع مين هتعملي اي
تالا وهي تتنفس بصعوبه وتحاول فك يده من حول عنقها : وريني ال انت تعرفه وانا مستعده للمواجه
عمار : يعني مش هتعترفي
تالا : انت مجنون اعترف ع اي قولتلك انا لوحدي
عمار بحده وهو ينظر لعينها
: انتي بتكدبي
تالا نظرة لعينه بثقه قائله
: مبكدبش
ثم دفعته بعيداً قائله
: هتخنقني انت مجنون
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية قطة بين مخالب الصقور" اضغط على اسم الرواية