رواية تركت أثر الفصل الخامس 5 بقلم نهى الحفناوي

   رواية تركت أثر الفصل الخامس بقلم نهى الحفناوي

 رواية تركت أثر الفصل الخامس 

كدا كل جاهز مفضلش غير عمى حسن، عم حسن هو الطباخ بتاع المطعم وأحسن حد يعمل سمك بعد أمى طبعا، دايما يقولى اتعلمت من أمك كتير لما قفلت المطعم، كان زعلان، بس انا متأكدة انه أول مايستلم الرسالة هيجى، لانة هو الى عمل المكان دا وصعب جدا بسيبة وهو صعيدى ومفيش صعيدى مش

*الكل موجود أخلاق، أيات، منة، وعمر ووليد *

أيات: ها يا أخلاق هنعمل ايه

أخلاق: ثوانى بس

منة: ايه يا أخلاق فى ايه

*فى راجل كبير دخل المحل *

_اوعوا تكونوا بدأتوا من غيرى

أخلاق: عاش من شافك ياعم حسن

عم حسن: كبرتى ياخوخا وبقيتى نسخة من أمك حاسس انى شايف هالة قدامى

أخلاق: الله يرحمها ياعم حسن، كنت متأكدة انك هتجى

عم حسن: معلش يابتى لما المرسال بتاعك وصل، كان فى ظروف بس أول ما الظروف اتعدلت جت أوام، وانا من مَتى، رفضت دعوة ل هالة او لا أمين،

انا منساش أمين وخفة دمة، ولا هالة وكرمها، ربنا يرحمهم يابتى ويعوضكوا خير، ومقولتليش كيف عمك محمود

أخلاق: كلنا بخير ياراجل ياطيب

عم حسن: هنبتدى الشغل من ميتا يا أخلاق

أخلاق: النهاردا

*ايات بتبتسم وبتعرف الكل على بعضة*

أيات: انا ايات ودى منة، ودا وليد شريك أخلاق، اكيد انت عارف قصة المطعم ودا عمر، واحنا اتشرفنا بمعرفتك ياراجل ياطيب

أخلاق: كدا انت ياعم حسن، عاوز حد يساعدك معايا فى المطبخ

عمر: انا هساعدة وكون معاكوا فى المطبخ

أيات: وانا ومنة ووليد ، هنقدم الطالبات،ولا ليك رأى يا أستاذ وليد

وليد: عادى تمام،انا كنت عاوز أبقى فى المطبخ علشان مقابلش ناس وكدا،بس تمام هجرب،ولو مرتحتش ابقى ابدل مع استاذ عمر

*عمر اضايق بس مبينش وابتسم وقال تمام عادى*

أخلاق: كدا مينا يبقى هيوصل الطالبيات

أيات: حلو كدا

أخلاق: دلوقت هنبتدى الشغل،بس قبل كل حاجة هنستنى مينا

*مريم دخلت هى ومينا*

مينا: اتفضلى يا أخلاق معلش اتأخرت، انا خدت بالى ان المفارش بتاعت المطعم عاوزة تتغير، وانت عارفة ان ترزى فغيرتلك كل حاجة وخدت المقاسات وكل حاجة تمام،مفضلش غير التعليق

مريم:همشى انا بقى علشان العيال لوحدهم و انا جيت اجيب الحاجة مع مينا،ولو احتجتوا حاجة ا ابعتولى وانا هاجى على طول

أخلاق: منحرمش منكوا ابدا

*الكل بيشارك فى تغير المفارش وكل حاجة، ووليد واقف بيبص قى موبايلة*

أخلاق: هو حضرتك هتفضل واقف كدا ولا ايه

وليد: انا مش عارف مفروض اعمل ايه،الكل مشى وانا واقف

اخلاق: هو انت مبتعرفش تتصرف خالص كدا، ولا بتعرف تتعامل مع حد

وليد:*بيتكلم بعصبية*: لو سمحتى يا أنسة أخلاق انا لما وفقت اشتغل هنا كان بسبب ضغط ريم عليا وانا متعودتش أرفضلها طلب، فاعرفى حدودك فى الكلام،وماتدخليش فى الى ملكيش فية،اتعامل مع الناس متعملش حاجة ماتخصكيش

ولو فى حاجة هتتعمل ممكن تقوليلى عليها وانا أعملها غير كدا مش عاوز رغى كتير

*وقفت مصدومة من الكلام، وعاوزة أديلة بالقلم على وشة، وعاوز أقوله انت مين علشان تكلمنى كدا،وعلى الرغم ان عمرى ماسبت حقى ولا سبت حد يكلمنى كدا كنت بسكت،معرفش ليه، يمكن هحس بالذنب لو رديت عليه،مهو مفيش إنسان طبيعى يعمل الى هو بيعمله دا ،أكيد فى سر مهو لو بس يدينى فرصة ونكلم هعرف أحله،بس كل اما أكلمة،بيصدنى بجد إنسان معقد*

أيات:ايه ياست خوخا واقفة مكانك كدا ليه، خلصنا تعليق وتوضيب،انت سرحانة فى ايه

أخلاق: معرفش،معرفش، بس الى أعرفة انى هتشل

أيات: كبرى دماغك من أم الواد المعقد دا،ماهى مش ناقصة أمة عل الصبح،علشان انا اصلا مش طيقاة،انت مش شيفاة واقف بتناكة ازاى،ولو بس تسبنى علية انا ومنة والمرسى ابو العباس نبيتوه فى المستشفى وليد الوحيد دا

*منة جات وحطط إيدها على أخلاق وأيات حضناهم من ورا من على اكتافهم *

منة: الكلام على ايه

أيات: ايه رأيك لو نسيَح دم الواد وليد الوحيد ونقدم جثتة هدية لأخلاق

منة: إذا فلنستعد

*أخلاق ضحكت * خلاص ياملوك الشبحنة مخلينكوا للتقيلة

أيات: إيه دا الناس بدأت تجى، امسكى يلا المريلة البسيها يامنة وانت ياست خوخا على المطبخ عاوزين أحلى سمك فى اسكندرية، علشان لو عجبنى مطعمكوا، هاجى انا هنا انا وعريسى المستقبلى امتى مش عارفة بس هنجى

منة: طب الحقى شوفى مين الى داخل يايويا

*أيات باسط بإستغراب ورفعت حواجبها واتكت على أسنانها والله لوريك يايوسف*

أخلاق: ايه ياست يويا مشدا يوسف جاركوا،الى مش بتستلطفية، اومال ليه حاسةانك عاوزة تقومى تموتيه، الراجل جايب موزتة وجاى ينفعنا،ولا انت عاوزة تقفليلنا المحل

أيات:ياست مايولع انا مش مضايقة انا بس عامله على البت دى اكيد غلبانة وهو بيضحك عليها زى الى قبلها

منة: وانت بقى الى هتروحى تعرفيها مصلحتها

أيات: يولعوا الإتنين انا ماليش دعوة أصلا، وبعدين الواطى كان تاب،ومبقاش بيكلم بنات،بس ديل الكلب عمرة ماينعدل

منة: انا هروح اشوفهم يطلبوا ايه،بدل مايمشوا

أيات: لا خليكى انت سبيلى الطلعة دى * بتقول فى سرها طلعت روحك يايوسف الكلب، والله لوريك*

_تشربوا ايه لحد اما الأكل يخلص

يوسف: ايه دا إزيك يا أية لا أيات صح

أيات: اه ايات وانت أحمد لامحمد لا لا يبقى أكيد على او حسين بصراحة مش فاكرة ممكن تفكرنى بيك

يوسف: اه يكون فى عونك من ساعة ماكبرنا مبقناش نشوف بعض كتير ،اسمى يوسف،جاركوا

أيات: لا أنا واخدة بالى انك جارنا

_مش تعرفنا يايوسف

يوسف: سورى يا مى، مى،أيات،جيران وكنا صحاب فى الحضانة وجيران

مى:تشرفنا

أيات: تشرفنا

*أيات باين عليها انها غيرانة ومضايقة*

يوسف: انت بتشتغلى هنا

أيات: لا جاية ألعب باليه *بتكلم بتريقة*

يوسف: ايه

أيات: اه جاية اشتغل طبعا اكيد مش بنفذ حكم فى لعبة الشايب

يوسف: ربنا يوفقك

أيات: معلش الكلام خدنا،تتطلبوا ايه

يوسف: اه امسكى المنيو كدا يامى واختارلى معاكى

مى: هنطلب دا ودا،ولا ايه رأيك فى دا،بص كدا يايوسف

يوسف: تمام ماشى هناخد دا

أيات:تشربوا حاجة لحد ما الأكل يجهز،

يوسف: ممكن اتنين عصير منجة،صح يا مى،انا عارف انك بتحبى المنجا

مى: اه يايوسف انت لسة فاكر

أيات: تمام وبالسم الهارى

يوسف: ايه حضرتك قولتى حاجة

أيات: بالهنا والشفا يافندم

*أيات مشيت متعصبة*

مى: على فكرة يايوسف شكلك زودتها أوى البت كانت واقفة بتغلى وكان هاين عليها تجيب سكينة تموتك بيها

يوسف:اسكتى يامى انت مش فاهمة حاجة،دى مطلعة عينى،كل اسبوع تقعد مع عريس وتخلى دمى يفور،ولما اتقدمتلها قال ايه مش موافقة علشان انا بتاع بنات

امى قالتها انى تُبت خلاص وهى مش مصداقة،فحبيت اوريها بقى

مى:ياعم مش كدا،لو عرفت انى بت خالتك وانت جايبنى هنا علشان تأكلنى سمك،هتطفحهولى انا وانت،انت مش شايف كانت بتكلم إزاى

يوسف: بس انت حاسة انها بتحبنى زى مبحبها

مى:مقدرش أقولك حاجة،بس الى أعرفة ان محدش بيغير على حد الى لما يكون بيحبة،ودى كانت هتموت

*فى المطبخ*

أخلاق:مالك يا أيات جايه بتنفخى ليه،

أيات:هاتى دا ودا ودا علشان الست بتحبة،اه ومتنسيش،تعملى عصير مانحة صح يامى

أخلاق:مى ايه يابت انت شاربة حاجة

ايات:اسكتى يا خوخا دا انا هطق، مش طالعة مقدمة حاجة،هشوف تربيزة تانية،انا غلط لما قولت لمنة،سبيهالى،بس مكنتش اعرف ان هينحرق دمى كدا،شوف منة فين تشوف الزفت دا

اخلاق:منة مشيت علشان تجيب زين هتروحة البيت وتجى هنا

أيات:ينخنى انا الى هاتنيل اشوف قصة المحن الممنوع دا بين انثى الكلب وذكر الجاموس دا

*أخلاق بتضحك وعم حسن سمعها وضحك هو وعمر*

أخلاق:العصير اهو ياختى روحى ودية واهدى على حالك شويه علشان النار الى انت فيها قربت تولع فى المكان

ايات:نار ايه انا مش مضايقة خالص

اخلاق:خالص هو حد قال انك مضايقة،صح ياعم حسن

عم حسن: شكل غيرة الحب لمستك يابتى،وجابتك عل بوزك

ايات: خليك فى السمك ياعم حسن احسن، وانت عاوز تقول حاجة

*عمر بيضحك وباصلها بتعجب *

_انا لا مش عاوز أول حاجة خالص، انت عاوزة حاجة

ايات: انا ماشية اشوفهم بيهببوا ايه،هاتى العصير،حاططى سم

اخلاق:سم ايه

ايات: سكر قصدى سكر

يوسف شاف أيات جاية*

يوسف: بس الفستان بتاع المرة الى فاتت كان أحلى عليكى جدا يا ميوش، ودا بردوا عجبنى،بس انت عارفة ان بحب النبيتى فكان لايق

مى:تَغير يايوسف يعنى هفضل لابساه

أيات:اسفة لو قطعت كلام جوز الغربان دول، قصدى الكناريا الكناريا

يوسف: بس ماشاء الله المكان حلو،وانت كمان حلو وقميصك حلو فسكوز دا ياببلاوى

أيات: العسل ده والنبي ياجماعه اللى معاه رقم وزير التموين يكلمه يقوله في كيس سكر هنا مبهدل اللي جابونا

يوسف:بهزر انت مبتهزرش يارمضان

أيات:لا يا خويا بهزر

يوسف: لسة دمك خفيف زى زمان، معلش يا ايات هروح بس الحمام ممكن تخليكى هنا مع ميوش، علشان مسبهاش لوحدها وكدا وبما اننا جيران والجار لجاره بقى

*أيات باصة بعصبية وبتقول فى فى سرها نيننننى*

يوسف:مش هتأخر ياميوش

*يوسف مشى وايات قعدت على الكرسى الى قصاد مى*

ايات: على فكرة الواد دا كداب وبيضحك عليكى،اسأليني انا انا جارتة وعارفه كل بلاويه، وبقولك كدا علشان خايفة عليكى

مى:مستحيل دا قالى انه هيتجوزنى

أيات: والله قالك كداو هو لما قالك هاتجوزك استخدم Will ولا going to ؟!

مى: بتقولى ايه انت مش فاهمة حاجة

أيات: انت حرة بقى،بصى اعتبرى انى مقولتلكيش حاجة ماشى

*يوسف جاى من بعيد*

ايات: اهو جة،مقولتلكيش حاجة ها

يوسف: معلش اتأخرت جاتلى مكالمة فرديت عليها

مى: ولا يهمك ياجو، انا دردشت شويه انا وايات وهى لطيفة اوى

يوسف: اه *وهو بيتسم*

ايات: هروح اجبلكوا الأكل زمانه جهز،

يوسف: تمام ماشى ولا ناخده تيك اوى يا ميوش

مى :الى تشوفه ياجو

ايات: مفيش تيك اوى هتطفحوا هنا

يوسف: ايه مش فاهم وضحى صوتك،هى فى حاجه مضايقاكى

ايات: انا لا طبعا مفيش حد يقدر يضايقنى اصلا، وخصوصا انى داخلة على خطوبة وكدا

يوسف: نعم ياختى انت مش رفضتى العريس * بيقولها وهى متنرفز*

ايات: ايه دا انت متابع بقى

يوسف*حافظ على هدوئة*: لا خالص دا ماما كانت بتقولى انى هتتخطبى بس محصلش نصيب

ايات: مهو دا واحد تانى انت فاكر انى هقتد ولا ايه

يوسف: اه ان شاءالله هيترفض زى الى قبلة

ايات:بتقول حاجة يا استاذ يوسف

يوسف: لا بقولك ليه مش هينفع ليه ناخدة تيك اوى*بيكلم وهو متوتر *

ايات* اتلغبطت كدا *: وقالتله علشان احنا لسه فاتحين جديد ولسه مينا مجاش وشويه حجات كدا

يوسف: اه طب خلاص هاتى الأكل

*ايات بصت بقرف وهى مضايقة وراحت علشان تجيب الأكل*

يوسف: بتقولى حرام يا مى اهى هتقعد مع عريس تانى

مى: متروح تقولها يايوسف

يوسف: لا طبعا هتقولى انت زى اخويا انا عارفها، عارفها ايه دا انا حافظها صم

مى: يعنى انت مستنيها هى الى تجى تقولك

يوسف: عمرها دى تموت، ولا تعمل كدا،

مى: ماانت حارق دمها ومفهمها انك مقطع السمكة وديلها وانت اصلا نيلة متعرفش حد فى حياتك غير نورا اختك وانا وامك، وعفاف مرات اخوك

يوسف: وانت شايفاها ساكتة ماهى بتتنيل تحرق دمى با ام العرسان الى كل يوم تقعد معاهم دول

مى: وهتعمل ايه ياخويا لو العريس طلع مناسب وهى وافقت

يوسف: دا انا اروح فيها فى داهيه واقطع ايديها ورجلها ولسانها الى متبرى منها ده واموت وراها طبعا علشان مقدرش اعيش من غيرها

مى: متتنيل تقولها كدا مش يمكن بتحبك

يوسف: بصراحة انا خايف،مش عارف بقى اعمل ايه، اسكتى بقى علشان جابت الأكل وجاية

أيات: اتفضل يافندم يارب الأكل يعجب حضرتك

*بتقول فى سرها،عاوز تاخد الأكل تيك اوى ياصايع،بس على مين لازم تقعد هنا قصاد عينى أشوفك بتههب ايه*

يوسف:ان شاء الله هيكون حلو وهنكون زباين هنا صح ياميوش

مى: اكيد يا جو

أيات: اجيب اتنين ليمون*بتقولها بتريقة*

يوسف: لا احنا شربنا منجا، هناكل بقى

يوسف بيقول فى سرة* والله لأحرق دمك واخلصة منك، بقى يابت النصابة مفيش دليفرى والماكنة واقفة برة وانا شايف مينا بنفسى،اما نشوف اخرة عرسان الندامة بتوعك ايه*

ايات:انا هنمشى بقى ولو احتجت حاجة ابقى نادى

يوسف: تمام

*فى المطبخ *

أيات بتكلم نفسها،عجباك فى ايه دى شبة خلة السنان يامعفن انت

أخلاق: هو انت خلاص اجننتى رسمى

منة:معلش اتأخرت زين قعد يعيط ومرضيش يخليه مع ماما فى البيت،فجبته معايا

ايات:شوقى الواد دا بيعيط ليه علشان مديلوش على بوقة هو وامة

منة:مالها دى

أخلاق: بصى كدا فى الصالة

*منة شافت يوسف قاعد مع بنت*

_ايه دا هما لسن ممشيوش

أيات:لا لازم يأكلها سمك، يبقى يطفحوة

منة:وانت مضايقة اوى كدا ليه،هو فى حاجة احنا مش عارفنها ولا ايه ياست يويا

أيات: لا طبعا مش مضايقة اضايق من ايه

منة:تصدقى شكلهم حلو والبت مزة شكله كدا هيعمر معاها

أيات: مزة ايه،فين الى شكلهم حلو، دا چو بتقوله ياچو،مفضلش غير انها تقوله جود لاااااااك ياچوووو وهو يقولها يا دودااااااااااا، يادودااااو

أخلاق:انت قلبتى على دينا مراجيح

أيات: وربنا لوريك ياچو

أخلاق:زين ييعيط كدا ليه،طب اطلعى بيه برا كدا ولا أقولك هاتيه،واقفى هنا مع عم حسن مكانى هو بيسكت معايا

*أخلاق خدتة وطلعت بيه برا المحل وهو عمال بيعيط ومش راضى يسكت،وليد جه على صوتة

_ممكن تجبية

أخلاق: مش هيسكت،دا هو متعب

وليد: هاتيه بس كدا هجرب،انا مش هخطفة يعنى

أخلاق: مقصدش والله هو كل حاجة تفسرها غلط كدا

*وليد خد زين وبمجرد ماخدة، زين حط دماغة على كتف وليد وحط إيده حوالين رقبته وهدى خالص ومبقاش يعيط *

أخلاق: عجيبة جدا، امه بقالها ساعة بتسَكت فية،حتى انا كنت بعرف اسكتة مرضاش

وليد: ممكن يكون محتاج حنان الأب

أخلاق: انت عرفت منين،فعلا منة وحازم منفصلين،وهو مبيشفوش خالص

وليد:عادى مفيش حد بيحس بالوجع غير الى شافة، اتفضلى هو شكلة بدأ ينام،امسكية بقى دخلية،وانا هدخل جوة أشوف الزباين

*اخلاق بصاله وهى مصدومة وبتقول فى سرها*

_مهو انت أكيد فى حاجة إحنا مش شايفنها وزين بس هو الى شايفها،لأن الأطفال بتحس، ياترى حكايتك ايه ياوليد.، وايه السر الى انت مخبية ان لازم أعرف.

يتبع الفصل التالي اضغط هنا

• الفهرس يحتوي على جميع فصول الرواية كاملة :"رواية تركت أثر" اضغط على اسم الرواية