رواية حب خلف الكواليس الفصل السادس بقلم نجوى إبراهيم
رواية حب خلف الكواليس الفصل السادس
ليان:شافت ادهم واقع علي الارض جريت عليه وشالت راسه علي رجليها وقالت مستر أدهم فوق ارجوك
ادهم:بصوت ضعيف مستبنيش ي لارا وغمض عينه
ليان:بحزن علي حاله ي تري مين لارا اللي مخلياك حزين دي وقامت جري تنده الدكتور بتاع الشركه
جه الدكتور وكشف علي ادهم وقال دي بدايه حمي لأمه سخن كمان ضغطه نزل بسبب الإرهاق ياريت يروح ويرتاح في السرير فتره انتي مفروض دكتوره وتراعيه بالأدوية
ليان:بس انا ي دكتور مش موجوده معاه عطول بس تمام انا هروحه بيته واقول لحد من اهله علي ميعاد الدوا
ليان سندت ادهم لحد العربيه بصعوبه بسبب تقل جسمه وركبت جمبه ادهم بتلقائيه نام علي كتفها وليان سندته لحد ما السواق وصلهم الفيلا وكانت مبهوره من جمالها نزلت ادهم من العربيه وسندته لجوا واول ما دخلت لقيت داده سعاد في وشها وصوت
داده سعاد:يالهوووي ادهم يابني مالك في اي وجريت تسند ادهم مع ليان وطلعوه اوضته ونيموه علي السرير
داده سعاد:ماله ي بنتي ادهم وانتي مين
ليان:دكتور أدهم وقع مره وحده والدكتور قال انه عنده إرهاق وحمي وضغطه نزل فجأه وانا ليان المساعده بتاعته وادي الادويه بتعته كتبتلك عليها المواعيد وهاجي بكرا اطمن عليه بعد اذنك دلوقت بصت عليه ومشيت
ليان وهي نازله قابلت مريم
مريم : حضرتك مين
ليان:انا ليان مساعده دكتور أدهم هو تعب شويه وانا جبته هنا
مريم سابتها وطلعت تجري علي اوضه ادهم ليان استغربت وخرجت عشان تروح بيتها بس السواق ةصر يوصلها لبيتها وهي وافقت روحت بيتها وفضلت تفكر في ادهم ومين لارا دي لحظ ما نامت
جت تاني يوم صحبت ولبست وراحت الكليه وبعدين طلعت علي الشركه
ليان:عاصم هو مستر أدهم مجاش
عاصم:لا والله دكتور أدهم مش هيجي انهارده وهو بيقولك انتي اجازه
ليان:قررت تروح بيت ادهم تطمن عليه وتحاول تعرف مين لارا واي قصتها ركبت وراحت لحد البيت والامن سالها هي مين ولما قالت مساعده دكتور أدهم دخلوها بعد ما اخدوا الأذن من ادهم
ليان:دخلت لقيت داده سعاد سلمت عليها
داده سعاد:بترحيب ي مرحب ي بنتي الف شكر انك انقذتي ادهم في الوقت المناسب هو مستنيكي فوق عشان يشكرك
ليان:انا معملتش حاجه دا واجبي بعد اذنك هطلعله
ليان طلعت وخبطت علي الاوضه وادهم اذنلها تدخل
مريم اول ما شافتها قامت وراحت عليها ومدتلها ايديها وقالت انا مريم اخت ادهم انا اسفه اني امبارح متعرفتش عليكي وسبتك وجريت بس كنت قلقانه علي ادهم
ليان:ولا يهم حضرتك مقدره موقفك انا ليان مساعده دكتور أدهم
مريم:لا حضرتك اي كدا هنزعل من بعض قوليلي ي مريومه
ليان:بابتسامه جميله دا شرف ليا ي مريومه مريم استأذنت وقفلت الباب وطلعت
ادهم:ادخلي ي ليان تعالي اقعدي هنا وشاورلها علي الكرسي جمب السرير
ليان قربت وقعدت جمب ادهم وقالتله حمد الله على سلامتك ي دكتور أدهم
ادهم :الله يسلمك ي ليان متشكر اوووي انك جبتيني لحد هنا وكمان جايه تطمني عليا
ليان:دا واجبي ي مستر ادهم بس هو انا ممكن اسالك سوال امبارح قولت متسبنيش ي لارا اوة ما قربت منك وبدات افوقك
ادهم:اتعصب انتي مين عشان تسالي وتدخلي في حياتي
ليان:بدموع انا اسفه مكنتش اقصد والله وقامت استأذنت وطلعت جري
داده سعاد ومريم شافوها وحاولوا يوقفوها بس معرفوش وطلعوا لادهم
مريم:لي كدا ي ادهم البنت طلعت من هنا منهاره
ادهم:كدا افضل انا مبحبش حد من موظفيني يدخلوا في حياتي
مريم:مش كلهم لارا ي ادهم ليان باين عليها محترمه وبتحبك
ادهم:مريم متدخليش انا مبحبش حد ولا هسمح لحد يحبني
مريم:براحتك ي أدهم بس انت اللي هتخسر في الاخر
ليان هديت ورجعت البيت وكان الوقت انهم يروحوا لسيلا عشان يطلبوا ايديها لبست ليان فستان اسود بكم شفاف وهيلز اسود وفردت شعرها وحطت ملمع شفايف وطلعت
مالك:بصفير الله الله غلي القمر عقبال ما عريسك يجي واقعد احط رجل علي رجة واتشرط عليه لأنه هياخد قمر
ليان:بكسوف بس بقا ي سي مالك متكسفنيش الله بقا 🤣🤣 كلهم خرجوا مشيوا ووصلوا عند بيت سيلا ونزلوا وقابلهم والد سيلا
ماهر:ي مرحب ي مرحب ي احمد عاش من شافك ي صاحبي وحضنوا بعض
يارا :مامته سيلا سلمت علي هبه وليان وحضنتهم وسيلا اخدت ليان معاها الاوضه
بعد ما قعدوا احمد طبعا ماهر انت عارف انا جاي لايه
ماهر:طبعا طبعا ي احمد
احمد:حيث كدا احنا مش هنلاقي احسن من سيلا بنتي لمالك
ماهر:وانا مش هلاقي احسن من مالك ابني ونعم الناس
احمد:خلاص ننده علي العروسه وناخد رأيها
ماهر:سيلا ي سيلا تعالي ي بابا
سيلا وليان طلعوا وماهر اخد رأيها وسيلا وافقت وقريوا الفاتحه وانطلقت الزغاريط واتفقوا ان الخطوبه بعد امتحانات نص السنه والفرح بعد ما يخلصوا
خلص اليوم وكل واحد راح بيته وجه تاني يوم سيلا وليان راحوا الشركه واتفقوا هيقولوا استقاله
ليان :استأذنت ودخلت لادهم اللي كان بيبصلها بندم علي زعله ليها امبارح بعد اذنك ي افندم كنت عاوزه اقدم استقالتي من الشغل وياريت حضرتك توافق عليها
ادهم :بصدمه اي .......
ياتري ادهم هيقبل استقالتها ولا لا
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية حب خلف الكواليس" اضغط على اسم الرواية